رواية قضية شرف الفصل السادس بقلم زينب نور
بعد مافقدت اجووو العائله كوولهم فوووك راسي
سجاد// خل ناذها للمستشفئ
الجده// هسه تكعد لاتخاف
جميله// تضرب بيه
خيريه// ترش عليه ماي وماكوو
ام سعاد// تضرب بيه كل قوووتها
حسيت اني بعالم محد بيه وضلمه
كعدت واشووف الوجووه كلها تباوعلي وشخص رافع رجلي لفوووك
انتبهت ع نفسي هاي شنووو
جميله// لاتخافين ضغطج نزل ونريد انصعده الج
كعدت ع حيلي طلبت ماااي وجابوولي الجهال صرت احسن
الجده// لاتتعايرين احنه انطياج مجال هووواي ترئ
وبعد ماكووو مياعه وتلزمين البيت حالج حال باقي النسووان مفهووم لولا????
اني// انشاءالله
خلوو عليه تنظيف البيت
بقيت 24ساعه بس انضف واحتار منين ابدي من زبل الجهاز اوو من بيت دجاج اووو لحووش او الغرف
افتر البيت كله علئ طول اليوم وماالحك
نظفت وكعدت يم خيريه وكتلها
اني// خيريه ليش هجي بيتكم هووسه
خيريه// والله ريحانه شما ننظف ام شهاب مايعجبها شئ وتقلد حته ماتنطينه واهس ولا تخلينه نسوي شئ علئ راحتنه ملينه منها قررنه ماندخل ونسوي الي امرت بيه فقط
هنا انا ضليت افكرر وبكلام خيريه
صار الضهر كلها نامت بغرفها قررت ادخل للاستقبال لكيت طويل كلش وجبير بس هووسه وبيه تحفيات هواي وورد هوواي داير مااداير وبيه السجاد من هذا القديم وهووسه بيه الوان هووواي يعني موو لوون واحد.
فكرت كلت خل ابدي بيها
دخلت لفيت شعري ولفيت شالي شلت كل المدات وخليتهن بالحووش وسحبت الصوندا وشغلت الماطورر ودخلته بالاستقبال وغسلتها غسل وطبعااا هاي التحفيات وقديمه كلهن شلتهن وشمرتهن بالسطله حته الورد يلعب النفس وموديله قديم وبيه تراب والتحفيات قديمات كلش
يمكن مالت عرس ام شهاب وبالزوايه مالت الحايط هم ورد سحبته بالعصاا ونزلتهن
غسلت لاستقبال كله وشغلت المراوح حته تنشف الارضيه
مسحت المعرض ونزلت البرادي مالت الشبابيك وشمرتهن بالحوووش
غيرت موقع المعرض خليته بنهايه الاستقبال كلش ورتبت بس تلفزيوون والستلايت والكتب الي مخليهن
رحت بالحمام مالتهم غسلت البرادي كلهم
وغسلت المدات الي هم مدات قديمه كلش مثل الصووف اوو مدري شيسموهن وخليتهن فوك الطشت حته ينشفن من الماي بعدين اعلكهن ع الحايط
واكيد مراح اكدر اشيلهن وحدي
نزلت الصور الي مخليهن بالاستقبال ومسحتهم ورجعتهم المكانهم
شريت البرادي ع الاحبال فعلاا طلع لونهم الاصلي
سمعت صووت سجاد
طبعااا سجاد ابد ماتواجهت وياه ابد ابد حته ماانتبهت لشكله اوو المواصفاته
لمن سمعت صووته راسأ نزلت ثووبي ولفيت شالي وضليت واكفه
اجااني لكاني وحدي بلاستقبال
سجاد// شجاي تسوين وحدج
اني// منزله راسي... كنت ارتب لاستقبال
سجاد***** طلعت حته اروح للحمام سمعت صوت بلاستقبال دخلت الها لكيت لبنيه ريحانه وحدها بلاستقبال وجاي تنضف وحده وعاشت ايدها فعلاا مرتبتها غيرر الي كان قبل كانت هووسه حته التحفيه المكسوره ماتقبل امي نشمرها
خل احجيلكم عني لان ماتعرفتوو عليه
اني سجاد عمري26سنه طبعا متاخر كم سنه هسه اني مرحله اخيره كليه قانون ببغداد الزغير عند امي ومدلل طبعااا
كنت مرتبط وي زميله وياي بس طلبت زواج واني ضروفي ماتساعد وبالكووه ادبر كروتي لزواج فعافتني وتزوجت
الله يوفقها
بس تركت جرح بكلبي كلش قوووي
اهلي ناس فقرااا كلش وبركبتهم 100 نفرر وشفتوو عائلتي انتم بعد....
من رجعت من الاقسام فجأة سمعت قصه هاي لبنيه من اخووس ابو جاسم وحجالي قصتها
ابد ماتصادفنه اني وياها... من تشوفني ماتلاكيني ابد ولا تلاكي اي شاب عدنه تخجل من ضلها
ياترئ صحيح الي صاير وياها معقووله هي شردت وي واحد حسب ماسمعنه بسالفه بنت الشيخ ابوو علي
وطبعاا الناس تزود بالحجي حته لوو اي بنت مضلوومه
لمن رحت يمها للاستقبال اوول مره انتبه عليها وشفتها
ماشاءالله اول مره اشوف بجمالها بنزاكتها صدك بنت خير وبنت شيوووخ
علئ الرغم كانت تنضف وحدها ومبين عليها التعب بس ملاك معقوووله هجي يصير وياها
بقيت صافن عليها مامعقوووله بنت بهجي هدووء وجمال وثكل تغلط هجي غلطه.....
من رحت يمها لكيتها تنظف ويمكن محتاجه مساعده
سجاد// محتاجه شئ
ريحانه// مدنكه لا شكرااا
سجاد// شتسوين
ريحانه// لا ضايجه واجيت ارتب الاستقبال
سجاد// عاشت ايدج خووش مرتبه
وبووحدج هم
طبعا اني خفت يدخل عليه احد ويلكانه وحدنه وهم تصيرلي مشكله فوووك هاي مشكلتي
ضليت قلقه كلش....
سجاد**** شفت ريحانه متوتره كلش وعرفت بيها مني خايفه وتريد اطلع
سجاد// اوووك راح اطلع وراح اشر السجادات علئ الحبل
ريحانه// انتبهت عليه وكتله اوووك مشكور
طبعاا اول مره انتبه عليه واشووف شكله
طوووويل وجهه حنطي عنده عضلات يختلف عن اهله نهائيا نهائيااااا شكله كلش حلوووو
بس دنكت راسااا ماكدرت انتبه عليه اكثر وهوو بقه يشرر السجادات واني رحت للمطبخ******
شكرا لزيارتكم عالم روايات سكيرهوم
