رواية انتقامي الفصل السادس بقلم جمانه السعيدي
شاهين...كلما اشوف شغله بيتنا فوك واسئل منى عنها تكول اهلي جابوها اليه
طبعا هيا مطمنه محد يشوف الشغلات الي تاخذهن
لان امي واختى مايصعدن فوك نهائيا
اجت ام منى تشوفها صعدن فوك
من نزلت ام منى تريد تطلع اختي جانت موجوده بلصحياة برا دار حديث بين منى وامها
منى...هاي الحقيره كشفتني جاي اسجل كلامهن
( تقصد على اختي الزغيره لان كلما تنزل منى تاخذ تليفونها اختي تكون لاغيه التسجيل لان كشفتها )
واكثر من مره اختي حذرتها تسجل كلامهن
ام منى...شلون كشفتج
منى...شيطانه تعرف كلشي بس بسيطه تدبيرها عندي
طلعت ام منى ومنى رجعت صعدت فوك
اختي سمعت هذا الحديث طلعت على امي
اختي...موكتلج جاي اسجل كلامنا
امي...شلون عرفتي
اختي..طلعت متفقه هي وامها امها تكلها شلون كشفوج
سمعتهن وهنا يحجن
امي...الله لا يوفقها عود صدك تسجل حجينا هاي شبيها مريضه
بس هي مبينه تصرفاته مال وحده مو بعقلها
اهم شي كشفتيها
صدك مريضه متوقعه نحجي عليها شنو احساس النقص هذا
شاهين.....وصلت منى للولاده اخذناها للمستشفى
اني وامي وامها ابوها وخالتها اجو ورانا للمستشفى جابت بنيه الحمد لله
اخذتها البيت اهلها وكل يوم اخذلها هلقاسمه الله واروح اشوفها وارجع
بعد اسبوع رجعت للبيت
اختى المزوجه مااجت باركتلها
واختي الثانيه ما تحجي وياها علمود تسجيلات التليفون
بقت منى تحجي
منى...شكد حاقدات اني شمسويتلهن
الله يعثرهن حاقدات يغار لان اني زينه يغار مني
شاهين...مالج شغل بيهن اذا اجن هله بيهن واذا مااجن
مراح يكطعن الهوى علينا
الله لا يعوزنا الهن اهم شي ديري بالج على نفسج
شاهين...جنت متوقعه موض عادي بس منى
هلمره قررت تنتقم بس اي انتقام
انتقام ماله مثيل
بعمري ماشفت وحده هلكد خبيثه وهلكد حاقده مااعرف من شنو مخلوقه مستحيل تكون مخلوقه من طين حالها حالنا
هاي شيطانه
بعد ولادتها كنت ارجع الكاها نايمه اكثر وقتها نايمه
من اسئلها تكول البنيه متعبتني ومجاي اشبع نوم
حتى اكل ما تطبخ لو اجيب جاهز لو امي تدزلنا اكل
كمت مااددق وياها شكد صار مزوجين بعمري ما فتحت تليفونها لو اعرف شبي
اثق بيها ثقه مالها حدود جمانه السعيدي
كلشي فات كوم والراح يجي كوم ثاني
شخصية منى الحقيقيه راح تبين منا وهيج
منى عدها حبيب من ايام الجامعه كان ساكن نفس المنطقه الي عايشين بيها اهل منى قبل لا ينتقلون
ويرجعون هنا
علاقتهم هو وياها مستمره اربع سنوات
جان ناوي يتقدملها بس اهله ما قابلو بيها
هلكد ما عايشين بنفس المنطقه يعرفون كلشي عنها وعن اهلها
بلاضافه بتهم تصير صديقه بت عم منى
طلعت منى من هي زغيره وحده خبيثه
اي طفل يصير كدامها تكتله بدون سبب
اجيب ابره وتبقى تبز بلجهال
لو اجيب مي حار وتشمر عليهم لو توكلهم فلفل حار
وتخليهم يصرخون
بلمدرسه تتعارك ويا البنات وتبوك كتبهن ودفاترهن وتاخذ مصرفهن
اضم نفسها وتخلي اهلها يدورون عليها
بحيث يبقون نهار كامل يدورون عليها
من ازوج اخوها عذبت زوجته عذاب ماصار تغلط وتضرب
وتبوك فلوسه وطلع على زوجة اخوها حجي ماصاير
بحيث ترتب المصيبه وتلبسها الها
البنيه خلال سنة زواج فقط سنه وحده زعلت بيت اهلها عشر مرات بسبب منى
بت عم منى حجت كلشي عنها الأخت الولد الي يحبها
وأهل هذا الولد قفلو ابد ما يخطبونها
ولا تدخل بيتهم
لان اكيد اذا دخلت بيتهم راح تهجمه عليهم
هاي انسانه مو طبيعيه هاي شيطانه
جمانه السعيدي
حبيب منى....اهلي ميقبلون اتقدملج
منى...ليش عيوني خاف مو من مقامكم
....بت عمج حجت عنج وعن اهلج كدام اختي وأهلي من سمعو تخبلو يكولون لو اخر وحده ما تزوجها
حجت كلشي من جنتي زغيره والحد ماكبرتي
منى...ختولي هاي وحده حاقده غياره تخاف ازوج قبلها
اني اعلمها
ثاني يوم راحت منى وامها وابوها راحو تعاركو ويا بيت عمهم وهذا كان سبب القطيعه بينهم وبين بيت عمهم
بعدها حبيب منى ازوج وعافها بس هي بقت تتواصل ويااا
ماعافته دوم اتحرضه على زوجته وتخلي يتعارك وياها
لمن ابو منى عرف ابو شاهين يريد عروس وشافهم ناس زينيين قرر يزوج منى الشاهين
استعجل بهذا الزواج
خاف شاهين وأهله يعرفون حقيقة منى ويبطلون منها
لذالك استعجل بهاي الزواجه
وخله حجته بيت عمها خاف ينهون عليها
وهم اصلا بيت عمها مايردوها ولا يردون اي علاقه بينهم
مسكين شاهين تورط وياا هاي الحيه
جمانه السعيدي
منى ماكطعت علاقتها بحبيبها ولا عافته رغم هو ازوج
بت عمه وصار عندا اطفال ثنيين منها
منى من ازوجت شاهين بقت على تواصل ويااا
ماكطعت هاي العلاقه
والمسكين شاهين مايعرف عدها علاقه وجاي تتواصل وياا
حبيبها السابق
المهم منى بعد مقاطعة حمواتها الها قررت تنتقم
نزلت جوه بحجة اريد خالتي تشوف بنتي بس تبجي ما تقبل تنام
وبهاي الاثناء اخذت كم صوره الأخت شاهين وهي بملابس البيت وشعرها طالع
يعني صور مختلفه بين يوم ويوم تنزل جوه تصور هاي المسكينه من غير ما تعرف
خلت خطه تتخلص بيها من حماتها وتنزل راسها بلكاع
وتكسر عينها
راحت دزت رساله الصاحبها
منى...شنو رائيك تحصل خمسه مليون
..... اني احصل خمسه مليون شلون لازم لكيتي المصباح السحري
منى...لا احجي صدك
... اي شلون خل افهم اكو واحد ما يحب الفلوس
منى...راح ادزلك صورة حماتي واسمها ووين تدرس
وشكم معلومه عن حياتها
وانطيك رقم عمي تتواصل ويااا تكوله اني على علاقه بنتك اذا ما تنطيني خمسه مليون
انشر صورها والمحادثات بينا
...بس ماكو بينا محادثات
منى. بسيطه اذا طلب محادثات اني افبرك محادثه وادزها الك
... يدفع عمج هيج مبلغ
منى...عايز يلعب بلفلوس لعب
اذا اخذت الفلوس هنا الك واذا هاي البنيه ذبحوها اهلها
لان ابوها حيل شديد اني انطيك مبلغ إضافي من عندي
...هله هله هله بحبيبتي هله بكلبي
خمسه مليون خوش مبلغ ترا اني مستفلس
وهنا بدا هذا الحيوان عديم الشرف خطته
دز رساله الابو شاهين
...السلام عليكم
ابو شاهين.. عليكم السلام
.. عندي موضوع اريد احجي وياك بي
.ابو شاهين...... اي تفضل بس اني ماعرفتك
.....اي عادي راح تعرفني
...تفضل
.....اني اعرف بنتك وعندي علاقه بيها صار سنه
بس اني كنت العب عليها وعندي صور ومحادثات الها
هسه ادزلك صوره حتى تتأكد من كلامي
راسا دز الصوره الابو شاهين
ابو شاهين. ... انت منو ومنين جبت هاي الصوره
.. مو كتلك عندي علاقه بيها وجاي نتواصل اني وياها
ابو شاهين.. بس بنتي حتى تليفون ماعدها
....هههه ههه ضحكتني كدامك ماعدها تليفون
بس هي بلحقيقه عدها والا شلون اني حصلت صورتها
.ابو شاهين...ماكو هيج حجي
.. ادزلك بعد صوره هاك هاي الثانيه
ابو شاهين. انت شرايد بلضبط
.. خمسه مليون ولا انشر صورها مع اسمها الثلاثي
ابو شاهين...تحجي صدك انت منو
.. معليك اني منو بنتك اسمها فلانه تدرس بفلان مكان
تطلع للدوام الساعه الفلانيه
عدها اخت مزوجه اسمها فلانه زوجها اسمه رياض ضابط
عدكم محل بلسوك بفلان مكان
عدكم هيج املاك امها اسمها فلانه اخوانها ثنيبن مزوجين
هاك اسمهم واسم زوجاتهم واسم اطفالهم ووين ساكنين
عندك ولد اسمه شاهين زوجته اسمها منى عدهم طفله عمرها اشهر اسمه هيج
المهم بقه يعدد الابو شاهين وابو شاهين كطع الكلام لان
ضغطه صعد ومايكدر يحجي
وكع التليفون من ايده
وبعد مايكدر يسوي اي شي من كد الصدمه
ام شاهين...يااا حجي شبيك يااا يمه شاهين الحك عليه
نزل شاهين لكا ابو متخربط وحتى حجي مايكدر يحجي
نقله للمستشفى
طلع ضغطه صاعد خلوله ابر براستول بلمغذي
ولولد اجو ورا وأم شاهين حالته حاله
ومحد يعرف شنو السبب
اله الحيه الي بيتهم وكانت تمثل دور الزعلان على عمها
وبنفس الوقت دزت اوكي الصاحبها جمانه السعيدي
الخطه نجحت من ادزلك اوكي ارجع اتواصل ويا عمي
هاي اذا ما مات
وساعته راح تبقى الاملاك وبحصتنا نشتري بيت
ونطلع بدال ما معلكين فوك
....اني بلخدمه بس شلوني شفتي المحادثه بينا
دزيتها اللج
منى...اي عاشت ايدك اعرفك كدها
بعد اكثر من ساعه رجع ابو شاهين بس تعبان حيل
وكلهم واكفين يمه
منى...سلامتك عمو الف سلامه خطاك الشر
ابو شاهين...الله يسلمج
بقت منى تترقب الاحداث تريد تعرف شراح يصير حتى تنطي اشاره الصاحبها يكملون الخطه
ابو شاهين..... اخذ علاج ونام شويه من كعد
صاح على زوجته
خلي بنتج تجي
اختي.. هااا بابا
ابو شاهين.... اطبكي الباب وتعاي انتي ام شاهين اطلعي برا
طلعت ام شاهين والبنيه اجت كعدت كبال ابوها
ابو شاهين...باب انتي عندج تليفون
اختي...لا ماعندي بس مرات اتصل بصديقتي من تليفون امي
ابو شاهين....روحي جيبي تليفون امج اريد ارقام صديقاتج
اختي...ليش بابا شصاير
ابو شاهين روحي بسرعه
شاهين...اختي جابت التليفون وابوي كعد يقارن أرقام البنات بلرقم الي تواصل ويااا
ماكو اي رقم يشبه هذا الرقم
ابو شاهين... بابا اذا عندج تليفون كولي لان راح تصير مشكله جبيره واني اريد احله
اختي...اقسم بكلشي ماعندي تليفون خاص بيه
ابو شاهين...زين هم اكو رقم يتصل على امج وانتي تتواصلين وياا
اختي...رقم لا منو قصدك
ابو شاهين...احد مهددج كايلج نتعارف
اختي...ابد ماكو هيج شي
ابو شاهين....هاج شوفي هذا عنده صورج ويكول بينا علاقه
اختي..تحجي صدك
ابو شاهين.. اي هاج شوفي
اختي...اي هاي صورتي بملابس البيت بس شلون وصلتله
انت تصدك اني اسوي هيج شي مستحيل هاي اكيد لعبه
وجاي تلعب علينا
ابو شاهين...اني راح اتحقق من هذا الموضوع
بس قسما بلله اذا طلع عندج علاقه بي
راح اذبحج واشمرج ومحد راح يعرف عنج شي
اني تالي عمري يصير بيه هيج
اوكفي لا تحجين اي شي صار بينا حتى امج لا تحجين كدامها منا لمن الكه حل فهمتي لو لا
اختي...اذا لكيت عندي شي ويااا
اني اقتل نفسي اني بنتك شلون افكر انزل راسك
اتحقق من الموضوع
اني هم اريد اعرف منو هذا النذل وشلون
شكرا لزيارتكم عالم روايات سكيرهوم
