رواية يوميات هجران الفصل السابع بقلم شروق الشمس
من بعد كل هاي فترة قرر وعد يزوج تعالو وياية للتفاصيل شلون حدد يوم زفافة
بسبب الاوضاع لصارت ابو حنين الي هي خطيبة وعد كال لو اتزف لو تكنسل كلشي لوضع ماينحزر وانت مخلي بنتي لامعلكة ولا مطلكة اجة وعد وفتح لموضوع يم اهلة
ام محمد.... حقهم يمة لناس صارلك سنة من خاطب
يمة بعد وكت والله
لا مو وكت هم ايدك وفضنة
انتي متعرفين شنو صاير
شكو احجي
بس لا تزعلين مني يمة هاي مرتي تريد تركب ودندل واني مايطب مزاجي هيج شي
ليش شكو
دكت علية تكول اني مااعيش وية لعيال نطلع بيت وحد لو بيت اخوك يطلعون
حقهة يمة بس اني مااستغنة عن بيت محمد جهالة مالين علية لدنية كلهة تكدر انت تتحمل مسؤولية بيت وخطار اطلع وية مرتك
والله يمة لو اخر يوم بعمري مااكدر اطلع مو شغلة مسؤولية لا والله بس مااكدر استغني عنكم
شوف يمة خلي نعلم اخيك لجبير وهوه يحلهة وابوك هم واجمع خوانك وانشالله خير
زهرة... محمد دك علية محمد كال امي هيج تكول شكو شنو صاير
مرة وعد متقبل تتزوج وية اهلك
ليش
اسمعني حبيبي هي مو بسبب اهلك بسببي متقبل تتزوج لان اني دوام وهي عبالهة راح تبقة بس وية لجهال وهيج شي فياروحي كف من لمشاكل احنة نطلع وخليهم براحتهم احسن نجهز لطابق لفوك لان وعد ماعندة يجهز وخلي هوه وية اهلك اقلهة عدهم راتب لحد ميتخرج ويتعين واحنة وره لعرس نروح للشقة مالتنة لحد منجهز لطابق لفوك
لا خوب نكعد بالمشتمل ولا بناء وتعب
بعد احسن انت حلهة وياهم بدون مشاكل خليهم يفرحون بزواجهم
يلة يابة يصير خير انشالله اي شي يصير كوليلي
انشالله حبيبي
امان الله يابة
الله وياك حبيبي
وعد.... دكيت على محمد واخوتي كلهم كاعدين وية اهلي وحجيتلة لصار
محمد.... خوية كفن للمشاكل انت اخذ لجوة واني اخذ لفوك وفضوهة كلمن يعزل لوحدة
أم محمد.... لأ والله يمة خلي وعد ياخذ لفوك وانتم نزلو جوة لان حرمتك دوام عدهة وهل جهال وين تخليهم من تروح للدوام وثاني شي انه متعودة عليهم مااكدر ارجع وحدنة
رعد.... انتم اطلعو بالمشتمل اسكنو
محمد..... تحجي صدك انت خوية لا تزعل وعد مايكدر يتحمل مسؤولية بيت هسة بعدة يدرس الحمدلله اني الله مكني ممحتاج اقلهة هوه يبقة وية اهلي عدهم تقاعد لحد ميتخرج وآلله كريم
وعد.... لا والله اني مااريد هيج حل وثاني شي هي تريد لزفة قبل محرم وين تلحك تعزل لطابق لفوق عن اجوة
محمد.... مو مشكلة هسة مااعزل خلص لزفة مالتك وبعدهة نروح لبغداد نكعد فترة لحد ميخلص لفوك لو احنة نطلع بالمشتمل وتخلص لسالفة
وعد.... والله والله مااحقق غايتهة بعد لو طلعتو ياخوية حتى زفة الغيهة مااسوي وتريد اتسوي خليهة اتسوي
ابو محمد.... مو حل هذا يعني شنو قابل حرمتك تاكل حرمة وعد شني بوية شبيكم وانت وعد ضب حرمتك شوية مو من هسة تريد اتسويك طلي
وعد... من هاي كلمة ابوية انعل ابو لحب الي هيج يطلعلي سمعة
رجعت دكيت عليهة
ها حبيبي
انعل ابو حبيبج بت لجحش الي صار وخليتي ابوج يشعلهة اشعل اهلج عليهة لا عبالج احبج امدلج ركبتي
هاي شبيك اعصابك
شوفي اكلج هي كلمة وحده ماكو غيرهة ترضين وية اهلي اهلا وسهلا ماترضين الله وياج ماباقي عليج
.....
اشو سكتي ماتلغين
مااحجي وياك هسة هدي بعدين نحجي
ليشششش شنوووو شايفتني مخبل كدامج والله والله اله ازفج بغرفتي لقديمة واكسر خشمج هذا ليابس انعل ابو هيج قسمة
سديتة بوجهة
زهرة.... هاي شبيك هيج نار صاير
لج ماتفتهم بت لنعال اكلهة هيج تكلي هيج
كلشي بالتفاهم ينحل لا تتعصب شبيك
ديمة.... مامة
ها يروحي
موبايلج يدك
زهرة... بس رقم
وعد... ردي واذا زلمة انطينيا
فتحت خط اجاني صوت بنية
الوووو
هلوووو زهرة شلونج
تمام الحمدلله منو
اني حنين
هلو بيج حبيبتي شلونج
والله موزينة
وعد... بهمس منو
رديت بنفس لنبرة خطيبتك
فتحي سبيكر
احم وياج حبيبتي تفضلي
عفية زهرة فهمي وعد انتي اني مو قصدي اخذة من اهلة بس اني من حقي اعيش بجو هدوئ بعدني عروس واجي بنص لهوسة اني هم باجر وراية دوام وتعيين شلون راح تدبر واحنة اثنيناتنة موضفات عفية احجي وياه
شنو صاير
وعد خابرني يغلط ويصيح علية يكول هاي من اولهة انتي تتشرطين هيج بالتالي شلون راح يفصخ لخطبة عفية احجي وياه
حبيبتي لا تزعلين مني بس هوه هم حقة لان من الاول كلج اني مااكدر اعوف اهلي واطلع
وثاني شي انتم ثنينكم طلاب هوه ممتعين منين اتصرفون على نفسكم اقلهة هسة عمي تقاعدة ومحمد شايل نواقص لبيت
يعني شنو قصدج وعد ميصرف على لبيت هاي انتي من الاول بديتي تحجين اني ليش اريد اعزل
بااااع حبيبتي لاتحورين لكلام اني موهيج قصدي وثاني شي اني مو اعير وعد بس هاي حقيقة وعد بعدة ياخذ مصروفة من محمد وابوه شلون تردينة يفتحلج بيت واخاف عبالج لان اني اداوم واعوف لبيت عليج وجهالي لا يروحي اني جهالي متعودين على بيبيتهم يبقون يمهة واذا يزعجونج ادزهم لبيت عمهم لحد ماارجع من لدوام وشغل بيت ميموت احد وحدة تاخذ لمطبخ وحدة تاخذ لبيت وخلص محد تدخل بالثانية واحنة لانخبز بالبيت ولا شي يعني كلمن وشغلهة كلمن تنضف مكانهة من يجي خطار نتعاون لا تصعبين الامور انتي تنضرين
اها يلة اللة كريم اخذي راحتج
الله وياج
وعد..... هاي كل عقلهة تحجي
الحمدلله انت سمعت بااذنك
يعني تريد اتورطني بيت بس علمود لجهال وروحتج للدوام
بعد مرتك وانت اعرف بيهة
والله والله هاي متعرف شلون جنت على نفسهة ثقي بجلالة الله حتى تعيين متتعين بعد تتخرج وتنجب بالبيت تكعد
اني ماادخل بيناتكم خوية بس خليهة تعيش وياك بسلام خلص مرايدين شي
وعد..... لليل دكت علية مارديت رجع دزت مسج رد ضروري
شكو شبيج
شنوووو شبية انت نايم ومتعرف شنو ايصير
شكوووو شبيج وثاني مرة اذا تعلين صوتج اعرف شلون اسكتج
انت مو رجلي ولازم تاخذ حقي شوف اني راح اقبل ازوج وية اهلك ماعندي مشكلة بس مرة اخوك من بعد لسمعتة منهة مااريد اكعد وياهة
ليش يابة شبيهة مرة اخوية
تقبلهة تعيرك كدامي وتكول موزين احنة جاي نصرف علية هوه وين يكدر يتحمل مسؤولية بيت ومرة هوه ياخذ مصرفة من زوجي وابوه
كلش قهرتني بهذا حجيهة
اها هي هيج حجت
اي والل
لاااااا تحلفين زهررررررررة
ها شكو ليش اتصيح
تعاي اسمعي مرتي لبربوك الي دومج ادافعين عليهة شلون تتبلة عليج
وعد اني مااتبلة عليهة ليش تحجيلهة الي يصير بيناتنة لازم اكو مصلحة بينكم وهيج تمشي بحجيهة
زهرة..... عزززززة هاي علية لك شنو مصلحة الي يسمع شيكول
وعد.... شوفي ياشريفة يابت لشرف حجيج لصار وية مرتة اخوية كلة سمعتة وجنت واكف يمهة من دكيتي عليهة وهاي احجايتج اني اعرف شلون احاسبج عليهة شوفي اتقبلين اهلا وسهلا ماتقبلين الف نعال غيرج اكو وية اهلي وبغرفتي لجوه حتى مو فوك زين وحنة ماكو هي زفة هي حنة يوم واحد فكري وقرري بعدين نتحاسب
سدة منهة صدك كلبي يفور بس سكتت هاي شتريد مني والله ممسويتلهة شي خرة بلشتهة خربت واهسي حتى من لزفة
وعد... زهرة احسبيهة علية خوية
لا عادي مصار شي مدام اني ثاقة بالي اسوي وثاقة بيك ميهمني حجي لباقين
كفو منج والله
رحت لغرفتي واحس لهضمة بصدري دكيت على محمد حجيتلة لصار
ميخالف بوية ماتعرف شتحجي اني ثاق بيج وبااخوية ميهمني غير ناس لا تقهرين نفسج وهي هم من ضغط وعد عليهة هيج حجت عبالهة تكسب كلبة يلة خليج قوية لا تنهزين تمام
تمام حبيبي
لا تسهرين اهواي نفس لبارحة ترة امسح لگروب مالتجن والله
هسة انت تهدد اطيب خاطري
لا بغير طريقة اطيب خاطرج يلة ادعبلي باقي على شعراية ترة
هههههههاي يلة باي
هاي ضحكة رقاصة شوكت اتبطليهة بوية
من تبطل سرسرة انت
يلة لج ادعبلي
سديتة واني خاطري طايب نسيت لصار نمت مرتاحة للفجر دك علية محمد
ها يروحي نايمة
اممممم
نزلي فتحي لباب بسرعة
عزززززة انت وين
Um Dima ....
حساب. الدكتورة زهرة 👆
نزلي وانتي تعرفين بس البسي شي مستور اعرفج تنامين بفضيحة
عفت كلشي من ايدي لبست روبي وطفرت جوه اركض جان بالباب واكف مال مطبخ رحتلة بكل لهفة طفرت بحضنة
صباح الخير ياحلو
صباح النور شنو هاي لمفاجئة لتخبل
مو كتلج اطيب خاطرج
شالني وصعد فوك
احلى شي كلهة نايمة
اممممم بس اني كاعدة
اي علمود اتريك بيج
هههههاي
فدوه لهاي لضحكة لا يبين خاطرج مطيبان زين لضحكة ناصية
ههههههه بشوفتك طاب كلشي
تعاي اشوف يول
اكعد عاقل
اكلج هاي شنو اشو بناتج محتلات مكاني
اممم مو انت من تروح كلنة نام سوه
لعد تعاي اهناك اكلج شي
ههههه مااريد اسمع
تعاي يول
عيب اطلعو يلة ليش تنتضرون اكمل 😂
اوووف يابة شهل ريوك هذا انام ساعة وكعديني بوية
راح تمدد على لجرباية اخذ روح بطرف وديمة بالطرف لثاني جعفر على صدرة مخلي
واااني وين
اخذتي حصتج كافي هسة بس لجهالي
والله ضلم ميصير هيج
رجعت جعفر بمكانة وروح خليتهة يم ديمة واني نمت بحضنة
شنو هاي
هسة عدلة صارت
انتي شوكت تكبرين وتعقلين بوية
مااكبر حبيبي علمود لاتعيرني وتكلي كبرتي ارد اصغيرة ادللني
لج منو تسوة تاخذ مكانج تعاي فدوه لهاي لريحة
نمنة ماحسينة اله ساعة 10 صارت من كعدو لجهال تفاجئو بوجود ابوهم روح وهوه نايم كمزت علية ديمة حاضنتة من بطنة وجعفر كاعد على صدرة من اشوف عائلتي بهاي لسعادة احمد الله الف مرة عفتهم ونزلت اسوي ريوك انطيت خبر لخالة بجيتة خطية فرحت شوية ونزلو كلهم كعدنة تريكنة ونجمعو الاخوان والاب والام وفتحو هذا لموضوع لحلو بيهم يسمعون كلام لجبير بعد محمد كال لوعد اذا تريدني ماازعل منك اتصالح مرتك وتنسون لصار تاخذ غرفة رعد لقديمة ولبصفهة شلون يعجبكم سووهن تردون سويت تردون تفتحوهن على بعض بكيفكم بعد وخلينة نفرح ونخلص من لمشاكل ولباقي على امي هي تعرف شلون تمشي لبيت بدون مشاكل بين لجناين احنة مندخل بسوالف لنسوان
بنفس ليوم محمد طلع عمال وبدو يشتغلون وعد طاير من لفرح شكد ميقسي وية مرتة بس يحبهة اهواي الحمدلله بدت تمشي الامور طيبه وجان رعد وسعد الي يشرفون على كلشي بنفس ليوم محمد رجع للدوام جان نازل طفرة بيومهة للفجر جعفر منام يبجي على ابوه اله اتصلت وياه كام وضل يحجي وياه يالله سكت هنوب جلب بوعد اله اطلعني بالسيارة للساعة 3 لفجر يالله جابة الية وعد جان نايم
كلش تحمست اجهز لعرس وعد بس صار شي خلاني تبطل هذا لحماس كلة اكثر من بيج ومن فستان عجبني ادزهن لمحمد ميقبل بيهن الف عيب يطلع بيهن
خليهة علية اني اختارلج ليعجبج واذا ماعجبج لخميس انزل اخذج واختاري التردينة انتي وبناتج
تمام براحتك حبيبي
بعد يومين خلص وعد غرفتة جنت بالدوام اني جان يتصل بية محمد كال
حبيبي انتي هم مصورة غرفة وعد ومنزلتهة ستوري
لا يروحي اصلا من طلعت جانو لعمال بعدهم ليش
يروحي ماكوشي بس هاي مرة وعد مااعرف شبيهة وياج اتصلت علية تكلي ميصير هيج مرتك بعدني مشايفة غرفتي هي نشرتهة
ههههه تحجي صدك
خلي تولي حبيبي لاتضوجين
لأ والله بس انت شنو رديت عليهة
مارديت شي والله سديتة بوجهة ودكيت على وعد كتلة
اي وبعدين
اي هوه مخابرهة ومطيح حضهة كايللهة شلون هي تنزل استوري واني ماجايب لغرفة ولا لعمال طالعة من لغرفة فهميني كايلتة ها لعد توهمت اني يجوز مو هي كاللهة انضبي لا اعرف شلون اضبج مو بتالي وكت من وراج انصير بالمشاكل اني وبيت اخوية
ههههه الحمدلله على نعمة لعقل
حبيت اني اكلج يروحي كلت اخاف من ترجعين يكلولج علمود لا تتفاجئن وتتعصبين
لا حبيبي خلي تولي مااهتملهة بس تعرف شنو حبيبي
شنو يروحي
احس خرب واهسي من لزفة كلت يجوز هي مرايدتني احضر لزفة وكايلة لوعد وهوه يستحي يكلي وكال الك لذالك متريدني اجهز لعرس وعد
خلي تولي شنو متريدج ليش بزفة اهلهة انتي والله العظيم اله اخليهة تكمز منج بالعرس واله ازفج قبلهة بعد شتردين
اي عايزني علمود يكولون صدك تغار منهة
ليش قابل انتي لراح ازفيني الج اني اجي اخذج من نصهم وازفج والله
ههههه اصدك لبارحة جنت احجي بهذا لموضوع وية صديقتي
اي شكالت
شكالت قابل بس كالت اي كفووووو منج خليج قوية لا تنهزين
عفية هيج ابقي وليدي لج والله مجهزج انتي وبناتج تجهيز يخبل
اممممم واذا ماعجبني
خسارج بكلشي والي يعجبج اخذج اله تختارين منة
تمام حبيبي
رجعت من لدوام لعمال مخلصين واجني لبنات وياية نضفنة لبيت كلة من خلصنة وعد اعتذر مني كتلة مصار شي عادي حقهة بهذا ليوم والله حيلي نهد حتى جهال دزيتهم لبيت عمهم للساعة 12 يالله جابهم رعد جانو نايمين خليتهم بفراشهم ورجعت نومتهم
ثاني يوم جان عندي دوام كعدت متاخرة شوية بدلت وطلعت للدوام واحد من لولد وصلني من رجعت للبيت تفاجأة خطيبة وعد يمنة هههه احلى شي جانت هي مسوية لغدة ومرتبة كلشي لشهادة لله اكلهة طيب جانت مجهزة كلشي وفارشة الاكل من دخلت بعد خالة كالت تعاي اتغدي مازال الاكل حار بملابسي غسلت وكعدت اتغدة خلصنة غدة ولمينة لسفرة جان هي تكول عفيهن حبيبتي روحي بدلي اني اكملهن انتي تعبانة شكد بطرانة عبالهة اكول لا واني ميتة من لتعب ولنعاس كلت لا عادي اني اغسلهن
لا والله روحي ارتاحي
تمام لعد لبيت بيتج حبيبتي من رخصتكم
عفتهن هي وخالتهة مدري عمتهة اخذت جهالي جانت ديمة يم بيت ندى وصعدت نمت ماكعدت اله لعصر جانت مرتبة غراضهة بعد لمغرب وعد رجعهن لبيتهم
اجة محمد لخميس وجنت طايرة من فرحتي بنزولة اجة لصبح تريكنة كلنة وبعدهة ماقبل ينام بعد لبارحة جانت غرفة وعد جايبيهة حلفت حتى تصوير بعد مااصورهم مااريد اختلط بيهة بس اخذت جوكليت طشيتة بغرفتة وباركتلة
محمد.... زهرة
ها حبيبي
تعاي بوية
رحت وراه جان منزل بوكسات من لسيارة
تعاي شوفي غراضكم والي ميعجبكم ارجعة
جهاز لجهال يجنن لبنات اثنينهن ماروني بس روح بدلة قصيرة وديمة لا فستان طويل مخصر وبي تول من لصفاح يجنن عليهن وجان قياسهن فيت وجعفر حبيبي جان جايبلة شورت كابوي وقميص ابيض نص ردن
اما اني شكد مااكول حلولات قليل جان مختارلي فستان طويل لو حشيشي غامق وية اسود هوه مابي فيكات بس تصميمة يجنن كال هذا بالزفة تلبسينة لان مستور ومن اتسون لحنة تلبسين هذاك لماروني كلش عجبني شفتهن على لموديل وصرتي كبالي عبالك انتي ولابستهن حتى نفس لطول ولجسم جانت
اهااااا ابو لنسوان عينك حتى على لموديل
ههههه لأ والله بس غير اكلج لعجبني
فديتك يجنن والله
لماروني جان كيلوت ولستراب مالتة طبك وبي من لجوانب كيبور يبين لرجل منة لحد نص لرجلين ومن فوق بالردن فيكة كلش حلو ونازك
كلش عجبني لملابس بعد مااغير شي قستهن جانن قياسي بس لفستان كلش طويل
ها شلونهن
يجنن والله
اذا ماعجبنج نروح نغيرهن شتكولين
لا والله خلص كلش حلوات
بالف عافية حبيبي
الله يعافيك يروحي
وانت شنو حتلبس
اخذت هاي لبدلة... جانت قاط كامل بنطرون اوفوايت وسترة هم مراهم وية احزام ملابسي لماروني وتشيرت اوفوايت اغمق من لسترة بس كلش حلوات علية
نزلت سويت غدة للعصر بدو لولد يعزمون جماعتهم للزفة الي هي يوم لجمعة صارت بالليل جابو لكوشات مال لعروس باجر بس ينصبونهن اهلي كالو من لصبح نجي اني كلشي ماعندي مجهزة نفسي خلصنة كلشي طبخ وغيره لولد سعد ورعد مجهزيهن برة احنة مالنة دخل بيهن حتى الاكل بمواعين سفري لغدة ولعشة
اليوم زفة وعد كعدنة من لصبح تريكنة لبنات كلهن انجمعن واهلي اجوي كالو ساعة 11 يجون كادر لتزيين يزينون مكان لعروس ماادخلت بااي شي صعدت فوك حضرت ملابسنة نزلت جانو يصبون غدة للخطار لعدنة لولد برة ولنسوان بالبيت اخذت غدة الي ولجهالي وصعدنة نتغدة فوك خلصت نزلت باب لمطبخ واكفة اباوع للحديقة جانت لكوشة كلش حلوة مسوية كعدة للحنة مال توديع عزوبية امل يمي جانت كلت
يااااعزة هذولي مخربطين بالكوشة
امل... ليش بشنو
لج شوفي بدل ميكتبون وعد كاتبين علاوي
هههههههاي ضحكتيني لفطيرة لج لا ممخربطين
شلون يعني
مو عروستنة متحب اسم وعد تكول اني ادلعة علاوي وعلوش اريد اسمة بس الية لذالك غيرتة
ضربت كصتي كلت على كولة جيان انطني لنعال وينة 👢 ناوشنيا ولجن
بسمة.... ههههه اعصابج
ولجن هاي راح اطير حتى لبرستيج مالتي خرب شرفج حنين حتى بهاي مخلية نفسج
عزة ولجن هاي منو طبت بدلة بيضة
خالدة... متدرين وين جنتي غير كالت اجي اسوي جلسة تصوير قبل لا اصير ازدحام وكلشي مااكدر
امل..... جلسة نعال دشوفنهة عبالك ممصدكة بيت لخلفهة طابة
عيب والله اقلهة هلهلن روحن استقبلنهة
ملتهين خية ومانعرف بيهة جاية
من شفتهة اجتي عفتهة وصعدت فوك بعد مانزلت خلصت شعري سرحتة ومكياجي بدلت لجهالي وعدلت شعر بناتي بدلت وبقيت بالغرفة انتضر محمد يجي يبدل
محمد.... بوووووية شهل خلقة هاي ولج وين اضمج متكليلي
ههههه بكيفك وين تريد ضمني
انتضري هسة اسبح وابدل وننزل سوة
ناخذ صور يم لكوشة الله عليك
كفي لشر مالي خلك لنسوان
حبيبي الله عليك بس صورة وحدة والله
زهررررة
عيوني الك حبااااب
امري لله شسوي
بالزفة لا تصعدين وية لبنات
مو لبنات ينتضرني كالن سوه بالسيارة نطلع
هاي لكشخة كلهة وتكعدين وية لبنات
لعد
لا بوية هاي لكشخة يريدلهة سيارة خاصة وتكعدين بالصدر وتتشيخين بيهة انتي وبناتج لجو حار وازدحام بنيتي اخاف عليكم خليكم وياية احسن احنة منطول بس نطلعهة ونجي تكملون حفلتكم اهنا بيتنة براحتكم
اممممم تخاف علينة لو
لو شنووو
تمام حبيبي
خلص محمد اخذ جعفر بيدة يتمشون واني وبناتي وراه نزلنة جان لهلاهل تركع علينة ولجوكليت هم جان ديجي مفتوح ههههه نقطت ضعفي نزلت وية لبنات نسيت محمد بعدة واكف ورانة هههههه
امل... يووول رجلج بقة صافن اضنة مايعديهة لو مايخليج اطلعين
بقيت جامدة بمكاني لان جنة نركص على اغنية دكني دكني 🥴
لتفتة اله اشرلي اروحلة
احم ها يروحي
تعاي
رحنة لغرفتي خالة
اول ماطبينة سحبني بحضنة
يول لا تركصين هيج بعد مو سحلتي حتى لكرامة بنيتي وين برستيج مالتج وين اسم لدكتورة طلعتي اخت ام لول واني مااعرف
ههههه
لا فوكهة تضحكين شوفي والله لو ماعدتي هاي لركصة الية بعد لزفة الج عقاب ماتخلصين منة
ههههه ليش مااعيدهة تدلل
هاي حمرتج تطبع
اااااأاااااي كلش ودمر هم وانت لابس فاتح هسة شتسوي بيك
ادري بيج تردين اشردين هذا شعرج لمي من اطلعين زين ومن تبدلين لماروني خابريني اشوفج
وين تعال ناخذ صور بالكوشة الله عليك
يلة تعاي
اخذنة صور بس النة جعفر امي اخذتة بعد ماهتميت وينة روح وية ابوهة راحت وديمة وية زينب بنت هجران وبنت نرجس يركصن
صار وقت لزفة سيارة الي صعدن بيهة لبنات اجتي بنص لحوش امي وهجران ونرجس راحو وية علي واني وية محمد صعدنة بهذا اليوم محمد ابد ماقيدني جنت طايرة من لفرح لوعد سعد جان مصعد عمي وخالتي لان هوه لشيخ كاعدين وياه بالسيارة وعد سيارتة فارغة بس هوه وخالدة وجان يسوقهة ابن عمهم من وصلنة مانزلت من لسيارة بقيت اباوع لشباب شلون يركصون برة أجواء اجنن
ماطولو وطلعت لعروس بسيارتهم رجعنة للبيت استقبلوهم بالرمي ولذبيحة كعدو لعرسان شوية وعد طلع برة وية لشباب وبقينة بس احنة بقيت وية هجران ونرجس نركص ابد ماتقربت من لعروس للعصر كلش طلعنة برة بعد مالعروس غيرت ملابسهة جانت مسوية سيت مال تراكات ستن لبنات وردي وهي ابيض طبعاً اني مااعرف لذالك جنت ممجهزة وياهن
امل.... زهرة اشو ملابسة ويانة
مااعرف بيهة هيج مسوية لذلك ممجهزة وياجن
مو لبارحة كتلج
حتى لو هي مو جانت اهنا لو تريدني جان كالت هيج مسوية وثاني شي شوفيهن بس لصبايا كلهن جيل 2000 شبيج بس صديقاتهة وبنات عمهة ليش نحشر نفسنة وياهن خليهة اتسوي ليعجبهة هوه مرة بالعمر
موعندج سيتج الابيض روحي لبسي وخليهة تتفشل
وعليمن حبيبتي ليجي بدون عزيمة يكعد بدون افراش يروحي ماانزل لمستواهة خليني هسة ابدل ملابس لحنة ونصير اني وبناتي مميزات لان بس احنة لابسين ماروني وخليهة هي تتونس بحفلتهة لا تصير مشكلة
لصراحة مضجت لان متهمني رحت نزعت لفستان ولبست لماروني قبل لا انزل دزيت لمحمد كتلة تعال بدلت لكوشة مال لجوة كلش حلوة جانت احلى بعد من لبرة جانت مسوية 3 كوشات
وين اجي بنص هاي لنسوان انتي صاحية
والله معلية تجي وناخذ صور. هم آلله عليك
زهرة بوية والله مخبوص لراسي وناس رايحة جاية فتحي كام خليني اشوفج
ما والله تجي انت وناخذ صور
منو يم لكوشة
محد اكو كلهن برة تعال من باب الاستقبال ماكو احد يمة
يلة هسة شوي. واجي
مو تتاخر ترة انتظرك فوك
صارررر بوية تدللين
هي من اجة علامة لرضة ولفرحة بوجهة عرفت شي واو علية طالع
اللة يهلكج يامهلوكة كلهة ملتمة لنسوان عبالك كدامهن مسرحية ويتفرجن وانتي تكليلي ماكو احد
حماده احضني وناخذ صور
زهرة تسكتين لا افلش راسج وحق الله انتي صاحية كبر بعرض وانتي جارتني وراج مثل الاثول
اووووي قابل شمسوي وليدي
انعل ابو وليدج بنياتي فضينة
اخذنة صور وبناتي وياية هم بس جعفر مااخذ ويانة لان جان نايم يم امي عافنة وطلع محمد واني وبناتي طلعنة برة اول ماطلعت امل صوفرت
لك شهل جمال هذا
شكرا حبيبتي عيونج لحلوة
كلهم انطو اعجابهم بية جان هي تندار علية
يأااا عمري نسيت اكلج هيج نسوي علمود تجين ويانة بس زاد تراك اذا تردينة اخذي
لشي اذا مو الية ماالبسة حبيبتي ومااحب البس ملابس نوم بحفلة خليتج متونسة انتي بيهن كافي اني بس لرجلي البس هيج تراك مبروك حبيبتي
جنت مبتسمة بشمئزاز منهة
بهذا اليوم لا صورت ولاوصلت كدام تصوير بقيت بس صوري الية ابتعاد عن لمشاكل وجان وعد منبهنة ممنوع تصوير لذالك بقيت تليفوني فوك منزلتة
صار دنية ليل هي لبست فستان احمر وبعدهة رجعت لبست ابيض جابو لعشة تعشينة وخلصنة بدت لناس تخف وصار لازم يزفون لعرسان
روح..... مامة حارة بدليلي
ديمة.... اني هم
يلة روحو فوك هسة اجي
هجران.... اني هم ابدل لزينب
سبحت بناتي وبدلتن الهن جانت لساعة قريب ل 12 واني هم سبحت وبدلت تراك
يلة مامة لغرفتكم كبل
ديمة... لا مامة انام يم زينب وفطومة يم بيبي
يلة لعد بس مو تشلعون كلبهة
لا مامة
بعدني منازلة دك تليفوني
ها حبيبي
وين انتي
فوك ليش
بدلتي لو بعدج
اي بدلت
شلابسة
هسة ادزلك
تمام
دزيتلة صورة الية بس صدري طالع
وتعمدت اسوي هيج اكو شي بالي اريد انفذة ههههه
رجعت قربت لكامرة من لياخة اكثر ودزيتهن الهة
لبنات
نزلنة راحن لبنات يم امي واني بقيت فوك اتراسل وية حمادة
لج عيني هاي شنو خليتيني اتيه حتى اسمي
ههههه صحيح ولفيديو لدزو الية كالو رجلج مكيف على هاي لسالفة من يهوسولة زوجنا وخلصنة منه بعد محمد اكبر من
حبيبتي همة ميفتهمون انتي شبيك
فهمني قبل لا اتعارك وياك
لا دخيل الله كلشي ولا اليوم تتعاركين بشرفج
لعد احجي
بوية اعرس عليج انتي الاول والاخيرة
ها ها لعد ولثانية ولثالثة منو
خرة بعمي اذا ادك عليج بعد انتي مال رومانسية خرب بشرفي
ضحكت وسديتة منة نزلت جوه
وية لبقية ركصنة لحد ماملينة شفت حنين راجعة لابسة لبدلة مالتهة وكاعدة بالكوشة جان نسمع لولد يزفون لعريس
حنين كالت ياااا شلون ايصير اني مرايحة للغرفة وهوه يجي تعالن عدلني عفية
خطية انخبصت خبص من باوعنة ليورة ههههههاي جانو يزفون محمد مو وعد اجة صاح
محمد..... وين مرتي وينهة
ها يروح مرتك
تعاي بوية رحت يمة شالني وصاح زفووووني ماريد لعشة زفوني ولسايق مشة .... على فكرة اهنا مجان احد غريب ولا اقارب جانو بس خواتة واهل لعروس وكم نفر يعني مو هواي ناس
هههههه والله انفضحنة
سدي حلكج وباعي شصار بضرتج
اباوع لحنين تريد تحرك لموجودين من لغضب ليش مااعرف قابل رجلج غير رجلي واجة علية خالتي تهلهل ولبنات وكلنة نضحك جان يصيح محمد
خالة بناتي وابني امانة يمج خليهم
روح يمة لا يضل بالك يمي
امج انطتني لضوه الاحمر
ههههههاي.... صدك جنت طايرة من لسعادة بهاي لحضة مااعرف ليش جلبت بركبتة بعدنة ماصاعدين ورعد صاح يلة مرتي اني هم يزفوني وياج كلنة ضحكنة صعدنة فوك
ليش هيج سويت
اعرفج تعبانة وليدي ومشتاقلج بكد رحمة الله كلت هسة اذا مااخذهة راح تبقة للصبح تشتغل ومتجي يمي واطلع مولد بلا حمص من هاي ليلة ولدكني مالتج هم اني اتونس بيج صارلي 10 ايام مصموط جدي صمط وهم اخلصج من لشغل شلوني
هههههه اجنن
اعرف جفصيهة وكولي ابليس ممفكر مثلك
ههههههههاي
وجع بكلب ليكرهونج انشالله يلة يول شوفيني شلون لصبح ركصتي وشعلتي عشيرتي وياج
ماكلت باطل شغلت اغنية وتمايلتة وياهة لحد ماخلص بينة لمطاف ليلتنة لگمرية كام مني ورجعني لذاك ليوم فتح لشباك وجان يرمي طلقتين بالهوه بعدهة بدقايق وجماعتة رمو وراه طلقات يعني خلصت شغلتة اثاري مسوين تحدي منو اول يروح لمرتة هوه لو سليمان خطية سليمان ماكدر يحصل مرتة لان جانت ملتهية وهوسة وساس لبلة هوه فيصل بعدهة عافني فوك كال ممنوع تنزلين ازف وعد واجيج
نص ساعة واسمع زفو وعد
بعد ماخلص هم رمة بالجو خرب انة شكد مفضوحين
واشتغلت لمنطقة بالطلق بهاي لساعة
خلص كلشي وكعدنة لصبح جانن لبنات مخلصات ومنضفات كل لبيت ماخلصت من كلام لبنات وتحشيشاتهن علية نزلو لعرسان باركنة الهم وسوينة ريوك كعدنة كلنة تريكنة للساعة 10 اهلي رجعو للبيت وبدت لناس تجي تبارك النه بهذا اليوم مارحت للدوام لان كلش تعبانة خالتي كالت للبنات كل يوم وحدة تجي منجن من لصبح لليل لان زهرة بعد دوام عدهة وحنين عروس وناس تجي وتروح علينة. مايصير لبيت يفرغ مرت اخوجن ماتلحك بينجن وبين لجناين لبقية يومية تجي وحدة من لبنات وياهن ندى لو ميعاد
شكرا لزيارتكم عالم روايات سكيرهوم
