رواية عدالة الله الفصل السابع بقلم جمانه السعيدي
سوسن....اجا فاضل ياخذ الجهال
سوسن....الله عليك جيبهم باجر
فاضل....شوف شلونهم صايرين مو مثل الصبح لمن جبتهم
سوسن...هااا اجيبهم
فاضل...اكيد اجيبهم لان احلام ماتكدر اداريهم
شغل البيت وجهالها وهم بعدها بصدمه على اختها
سوسن....جيبهم اليه ولله اخليهم بعيوني
فاضل...احسن شي يبقون يمج
اخذهم فاضل وراح فعلا ثاني يوم جابهم اليه
وجابلي مبلغ زين كال هذا المبلغ اللج اتصرفي براحتج
سوسن...الف رحمه على والديك
فاضل....كلهم البارحه كالو باجر اخذهم السوسن
احسن وحظه أدير بالها عليهم
سوسن...اني اصلا مااعرف اعيش بدونهم ابد
اخذت الفلوس انطيت نصهن الأخوي وبقا عندي مبلغ زين
خاف اشتري شي للجهال
بقا تقريبا اسبوع ياخذهم بليل ويرجعهم الصبح
طبعا ياخذهم نايمين لان ما يقبلون يرحون وياا اذا كاعدين
بعد الاربعين
بسبب الحادث السياره تكسرت بس فاضل اخذ تعويض من الجماعه الي ضربو السياره
باع سيارة صادق القديمه واشترا وحده جديده
جمانه السعيدي
دزلي رساله
فاضل...شلونج ام حمودي
سوسن...هاي كانت اول مره واحد يكولي ام حمودي
يمكن قريتها عشر مرات شكد فرحت بيها
سوسن....هااا ابو علي هله بيك
فاضل...اني بعت سيارة صادق واشتريت جديده اريد
اوراقج اسجلها باسمج
انتي تعبتي هواي ويا صادق وكلشي ما حصلتي
هاي السياره اللج
سوسن...صدك تحجي
فاضل...ليش انتي تستاهلين اكثر كافي متحمله جهاله
وشايله مسؤليتهم من يوم صارو لليوم
سوسن...عمي يعرف
فاضل...اي يعرف هو الي كال سجلها باسم سوسن
سوسن... تعرف اني مجرد تخلون الجهال عندي هاي اعتبرها
احلى جائزه حصلت عليها
فاضل...تستاهلين أكثر راح اكمل البيت لان مابقى علي
اله شي قليل حتى تنتقلين تعيشين بي انتي وجهالج
وراتب صادق احوله باسمج
بعد مراح تحتاجون شي
حتى ما تحتاجين احد
سوسن....كمت ابجي احس رب العالمين جبر خاطري
فاضل...ليش تبجين
سوسن...هلكد ما الدنيا شدة عداوه وياي يأست الدنيا حاربتني من كل الجهات
جنت لا اطفال ولا رجال ينشد الضهر بي ولا مكان اعيش بي
الدنيا كفخت بيه لمن ملت
فاضل...انتي صبرتي وتحملتي ورب العالمين يكول
ان الله مع الصابرين
سوسن...الف رحمه على والديك لان جبرت خاطري
فاضل.. تستاهلين ام حمودي
سوسن...شوف هاي الكلمه وحدها اكبر جبر اليه
فاضل.. انتي ام حمودي لان انتي الي تعبتي علي
سوسن....ولله خجلتني
جمانه السعيدي
طبعا الجهال جانو يبقون عندي يومين واكثر يله ياخذهم فاضل ياخذهم بليل ويرجعهم الصبح
مرات حتى يبقون عندي اسبوع كامل
يكول محد يتحملهم غيرج وهما مايردونا
كمل البيت قبل دورة سنه صادق بشهرين كنت منتضره
بيت عمي يجون وياخذوني حتى اسكن بي اني وجهالي
بس فاضل كال لمن ادور سنة صادق يله تنتقلين للبيت
بالأعياد ثنيينهن اجا فاضل اخذني اني والجهال اشترينا ملابس ورجعنا
وكل كم يوم يتصل يطمن عليه اني والجهال الحد مادارت السنه ورحنا كلنا للمقابر زرنا صادق
ونهله ورجعنا طبعا جهالي وياي
صايرين حلوين هلكد ما معتنيه بيهم
حتى اني شكلي كله تغير قبل هلكد مااطحن قهر ضعفت وصرت شحالني بس هسه خير من الله عندي فلوس وجهالي بحظني شكلي كله تغير صايره كلش حلوه
مرت اخوي تكول اول مره اشوف وحده من يموت زوجها تصير حلوه هيج
طبعا اصير حلوه جنت جثه وامشي على الكاع شلون تحملت كل هذا الضيم مااعرف
بعد مادارت سنة صادق تقريبا بشهر او اقل
تفاجئت اجو علينا عمي وخالتي وفاضل
كعدنا اني واخوي يمهم وجهالي بحظتي واذا بلمفاجئه
فاضل جاي يطلب ايدي
ابد ماجنت اعرف ولا خاله ابالي فاضل راح يتقدملي بيوم من الايام
عمي.. احنا جايين نطلب سوسن الفاضل جهال صادق متعودين عليها واحنا زحمه كدام العالم جهالنا عايشين
عدكم تربوهم بيت صادق كمل يعيشون بي هي وجهاله
راتب ابوهم موجود وعمهم عينه عليهم محد راح يحرص
عليهم غير عمهم هااا شكلت
اخوي...بكيف سوسن اذا توافق ماعندي مانع هي صاحبت الرائي الأول والاخير واني اشوف عمهم أولى واحد
يربيهم
سوسن...حقيقتا تفاجئت لمن سمعت فاضل يريد يزوجني
فاضل حباب ومحترم واني مراح الكه فرصه احسن من هاي
حتى جهالي يبقون عندي وأسكن بيتي واني مرتاحه
طلب اخوي وقت للتفكير لان اني بين عليه التعجب
مامصدكه فاضل طلب ايدي
من طلعو من بيتنا كعدت بغرفتي فرحانه مامصدكه الشي الي سمعته راسا فاضل دزلي رساله
فاضل.. سوسن وافقي الخاطر الجهال
سكت شويه رجع دزلي
مو بس علمود الجهال اني هم معجب بيج واتمنى نكمل حياتنا سوه
سوسن...واحلام
فاضل .. شبيها احلام مراح ينقص عليها شي اني اريد احافظ على جهال اخوي
سوسن...خاف تصير مشاكل
فاضل. انتي بيتج وحدج مالج شغل المشاكل عليه اني احلها
سوسن...اني موافقه بس حتى جهالي يبقون عندي
حددنا يوم العقد هذا الحجي احلام ماتعرف
نفس الشي الي صار وياي وهمه يحظرون العقد صادق واني ماادري
العقد كان شي بسيط عقدنا بيومها وأخذت جهالي ورحنا البيتنا بليلتها عرفت احلام
جمانه السعيدي
كلبت البيت كلاب مكسره الغراض كلهن شلون يزوج علبه
سبحان الله شربت من نفس الكاس شلون زوجت زوجي عليه اني أخذت زوجها منها
عمي اتصل على فاضل حتى يجي بحل المشكله
فاضل من وصل لكاها متخبله فد نوب
تريد تاكله اكل
شلون تزوج عليه
حاول فاضل يهديها
ما قبلت اخذت جهالها وراحت زعلانه بيت اهلها
عافها فاضل لمدت شهر كامل بيت اهلها
هذا الشهر كان احلى شهر مر عليه فاضل يختلف تعامله وياي كلش راقي حنيين عليه وعلى جهال اخو
ولا عبالك زواجنا زواج تقليدي عبالك مزوجين عن حب
من يجينا يجي وهو كله لهفه
واذا بلشغل كل شويه يتصل عليه
اذا اتأخر علي شويه يضوج يسئلني وين جنتي ليش متردين عليه بسرعه
سوسن...ماسمعت التليفون
اما احلام محد وكف وياها الناس كلها جانت تلوم بيها
جهال اخو ويريد يشيل مسؤليتهم
بيت اخو وحلاله لازم واحد يدير باله عليهن
جهال اخو قابل يعوفهم انتي بيتج وهي بيتها
اضطرت ترجع للبيت وهي مكسوره ياسبحان الله
نفس كسرتي من رجعت للبيت بعد زواج صادق
رب العالمين كاللها بنفس المكيال ابد ما نقص منه شي
واني عدالة رب العالمين خلتني احسن منها الف مره
بيت جديد وجبير جهالي عندي سياره باسمي
راتب اليه اني وجهالي
حتى محل صادق فاضل أجره وينطيني الاجار مالته
زوجي طيب ويحبني ويريد خاطري كلما يروح يم احلام يرجع شارد
يكول لا تطاق اطلع المشاكل من جوه الكاع متحمله الخاطر جهالي
من اخذ الجهال واروح البيت عمي
كل شويه تضرب جهالي حتى تحرك كلبي رغم همه جهال اختها المفروض يحن كلبها عليهم
يمكن لو وحده غيري ماكدرت تتحمل الشي الي تحملته
وهذا كان اختبار من رب العالمين الصبري وتحملي الاذيه
شفتو عوض رب العالمين شلون حلووو رجعلي كلشي اخذو مني واكثر
رب العالمين دائما يعوض البشر
بس العوض قسمين
اكو يعوضهم بلدنيا جزاء صبرهم وتحملهم مثل سوسن
اما النوع الثاني همه النوع الاحسن البشر الي يعوضهم بلاخره جزاء لما صبرو
تشوفه يعيش ويموت وهو صابر وكلشي ما يحصل من الدنيا
هذا يستحق الجزاء الأجمل بلاخره
وهو الجنه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
