رواية النصيب الفصل السابع
_في احدى بيوت الصعيد
*بيت عائلة المحمدية
العم احمد: احنا هنروح كُلِيَتنا نقعد هناك
.......: انت متاكد يابوي
العم احمد: ايوة يابني مفيش غير كديه.... شوف يا عليّ ولاد اخوي امانه في رقبتي ليوم الدين وانا ماتخلاش عنهم الا على جثتي
عليّ: الله يديمك فوق روسنا يابوي، بعيد الشر عنك
العم احمد: جهز الشنط وخبر امك واختك بالقولتهولك
عليّ: حاضر يابوي
.................
في اليوم التالي
شمس: الناس السرحانه دى سرحانه في ايه؟
امل: ولا سرحانه ولا حاجه يا حبيبي
شمس: ااااه لو سي وليد هنا..... انتي بتقوليله يا حبيبي 😤..... ياختاااي كان عملنا فضيحة ههههههه
امل: حرام عليك ياشمس وليد عملك ايه علشان تقول عليه كدا
شمس: اشطااا والله وبدأنا ندافع عنه يا امووووله ههههههههه
امل: تصدق انك رخم امشي من هنا يالاااا
شمس: طب استني بس وليد قالك على الجديد ولا لسه
امل بعدم فهم: جديد ايه؟!
شمس: ايه دا معقوله لسه مقالكيش دا كان داخل يقولك كدا بنفسه لما كنتي قاعده انتي ونور في اوضة الضيوف بس لاقاكم بتتكلموا مع بعض فقال هسبهم دلوقتى واكلمها بعدين
امل في نفسها: ياااربي معقوله يكون سمعني وانا بتكلم مع نور عن الموضوع دا.... ياااربي عليكى يا امل
شمس: ايه يابنتي سرحانه في ايه دا كله
امل: لا ولا حاجه.... ايه الجديد دا بقا؟!
شمس: لا ياستي هو يقولك ليمسكني يضربني
امل: طب اطلع برة ياعم الخفيف
شمس: مااشي ياست امل، مش هقولك حصل معايا ايه انا وجنا بس كدا
امل: لااا خُد ياض هنا احكيلي عملت ايه
شمس: دا في احلامك مش هقولك 😝سلااام
امل: خُد يا شمس بلاااش رخاامه يا شمس..... ياااارخم
............................
_في بيت وليد كان يجلس على مكتبة ويمسك بتلفونه ويقلب في صوره هو وامل يوم خطوبتهم
وليد: اااه لو تعرفي بحبك قد ايه يا امل💔... اديني بس فرصه واحدة اسبتلك فيها مدى حبي ليكي وصدقيني هنسيكي الشخص دا وللابد، بس انتي اوعديني انك ماتجبيش سيرته تاني، والله بحبك اوى وقلبي بيوجعني اوى لما تتكلمي عن حد غيري يا امل
_مالبث وليد ان اكمل كلامه حتى وجد امل قد بعثة له رسالة فقام بفتحها وبدا يقرا
لا أراك ولكني اشعر بك وبقلبك، لا تظن اني لا احاول، فوالله اني اجاهد نفسي على نسيان الماضي باكمله، لأجعلك انت وحدك من تسكن قلبي وروحى، من الممكن ان اكون قد اخطأت قبلا لكني اعدك بأنني لن اخطأ مجددا
#مخلصتك_امل
_ظل وليد يقرا الرسالة عدة مرات. هل حقا ما تراه عينه؟! هل هي امل من بعثة له بهذه الرسالة؟!😳ولكن كيف فهي تخجل ان تقول اسمه كيف فعلتها وبعثة تلك الرسالة.... قطع شروده دخول والدته
والدة وليد: ايه يا حبيبي بقالى فترة بخبط على الباب مالك يابابا
وليد بفرح وعدم تصديق: مالي!!!... مالي اييه دا انا حاسس اني فعلا..... تصدقي بالله يا ماما اني بموووت فيكي، بحبك احجه والله
والدة وليد: في ايه يا ولاه الواد ايه الحصلوا، مالك يابني
وليد: ولا حاجه ياقمر، هعمل بس اتصال وراجعلك يا قمر اوعي تروحى في مكان
والدة وليد: الواد حصله ايه يا ولاه، كان دلوقتى قاعد ومسهم، يا مسهل يارب، ربنا يسعدك يارب يابن بطني ياوليد يارب
..................
امل وهى ترد على مكالمة وليد بخجل: وعليكم السلام ورحمة الله وبركاته
وليد: بالله عليكي انا هسألك سؤال واحد بس وعاوزك تردى عليا
امل بخجل: حاضر اتفضل
وليد بفرح: الكلام ال اتبعت دا ليا انا وانتي ال بعتاه؟!!
امل بخجل شديد قد ظهر على صوتها: اه
وليد: ايه ايه ماسمعتش بالله عليكي علي صوتك حاسس اني في حلم وعاوز اتاكد
امل بخجل: ايوة يا وليد انا البعت الرسالة
وليد: لا لالا خلاص انا روحي بتطلع
امل: بعد الشر عليك ليه بس كدا
وليد: ليييه ايييه، يا وليد وانا البعته الرسالة، دا انا حاسس اني بحلم
امل بخجل: اححم هو انا ينفع اقفل اصل الاكل على الولعه
وليد بسرعة البرق: متأكد ان مفيش اي اكل على الولعه بس ماشي يا قمر اقفل علشان بس خاطر الكلام دا
امل: ههههه طايب ماشي شكرا سلام
وليد: سلام... اتأكدى يا امل اني مش هسيبك ابدا
..........................
مي: بقولك يا احمد إتكلم، انا من امبارح بسالك ومش راضي تجاوبني
احمد: مفيش حاجه يامي بطلي بقا
مي: لاا مش هبطل... ومفيش حاجه دى تضحك بيها على حد تاني مش عليا فاااهم، قولي في ايه وايه ال انتي مخبياه عليا طول العمر دا كله
احمد بهدوء: يامي يا حبيبيتي مفيش حاجه انتي بس اهدى كدا، ولو الحاجة دى ضرورية هقولك عليها
مي بصراخ: انت كدااب يا احمد انت بتكدب عليا، علشان الحاجة دى مهمه وانت مش راضي تقولهالى، وانا مش هتحرك من هنا غير لما اعرف كل حاجه إتكلم يا احمد
احمد بهدوء: مي بلاش الله يكرمك، روحى على اوضتك لو سمحتي
مي بعصبيه ممزوجة بتهديد منها: قولي والا والله هسيب البيت وامشي وانت عارف اني اعملها... اتكلم بقولك..........احمد بالله عليك انا الكبيرة ولازم تسمع كلامي مش دا كان كلام بابا دايما، قولي بقا يا احمد الله يخليك ايه المخليك خايف عليا كدا لو سمحت يا احمد
.........: علشان انتي مابتكونيش بنت الغالي يامي
_عندما سمعت مي هذه الكلمات نزلت على قلبها مثل الصاعقة واستدارت لتجد ان عمها احمد هو من اخرج هذه الكلمات
مي بصدمه وبكاء: مش بنته!!!! طب اذاااي؟!!!، احمد اتكلم اذاااي
احمد ببالغ عصبيته وقد امسك عمه من ملابسه: انت مفكر نفسك مييين علشان تقولها كدا، انت عاوز مننا ايييه، واذاي تتجرأ تقول كدا، اطلع بررررة والا والله العظيم هرتكب فيك جنايه دلوقتى حالا
عليّ: سيب ابوي يا احمد واستهدي بالله ماتخليش الشيطان يدخل مابينا بسبب واحدة ماتستهلش....
_مالبث عليّ بأن يكمل كلامه حتى وجد صفعة قوية تنزل على وجهه..... "يا ترى من اين اتت له هذه الصفعه 😧😱"
............ ....
شمس: يا حااااجه امل يااابت
امل: ايه يابني في ايه فزعتني
شمس: بابا اتكلم مع والد جنا وجنا وافقت وقرايت الفاتحة يوم الجمعة الجاييه
امل بفرحه عارمه: الف مبروك يا قلب اختك، الله يسعدكم انتوا الاتنين ياارب، تعرف يا شمس جنا دى امورة حتة عسليه كدا. ا سواء اخلاق او شكل مكنتش اعرف انك شاطر كدا ياواد ههههه
شمس: اييه يا حجة انتي قلبتي على الست الوالدة كدا ليه ههههه امل بحزن: اه لو ماما كانت هنا دلوقتى يا شمس كانت فرحت اوى
شمس وقد احتضن اخته: ادعيلها يا حبيبتي ربنا يرحمها ويجعلها من اهل الجنه، ربنا يخليلنا بابا يارب
امل: يارب يا شمس يارب... اقرا الفاتحة على روح ماما ياشمس
شمس: حاضر
..................
_لم يصدق عليّ ان والده يضربه لاجل هذه الفتاة التي بالكاد يحمل في قلبه كره كبير اتجاهها فهو ابن الصعيد والشرف عنده اهم من حياته
العم احمد: ايياااك تقول علي بنية عمك كِدِيه مرة تانية
مي ببكاء حاد وهي لا تهتم لاي شيء سوا ان تعرف الحقيقة من اخيها: سيييبه يا احمد... بصلي هنا الكلام دا صح، قول يا احمد صح الكلام دا
احمد بعصبيه حادة: متصدقيهوش يامي انسي اي حاجه هو قالها
مي: ايووة مش هصدقوا بس ثقتي كلها فيك انت فقولى يا احمد الله يخليك ماتكذبش عليا انا بنت مييين الله يخليك قوولي بالله عليك
احمد: انتي اختي ودا كفاايه عندي فاهمه ولا لا
مي ببكاء: انا بنت ميين الله يخليك قولي
احمد بعدما اخذ نفس عميق والدموع تنزل من عينيه بدا في بث كل شيء لها بعد تفكير عميق: ماما كانت متجوزة واحد قبل بابا، بس كان....
مي ببكاء: بس كان ايه يا احمد
احمد ببكاء: بس كانوا متجوزين عرفي
_ما ان اكمل احمد كلمته حتى سقطت مي منهارة على الارض من صدمتها وشدة بكائها
مي ببكاء حاد: عرفي عرفي.. طب طب هو هو راح فين؟!
احمد ببكاء: سابها ومشي ادالها ضهرها ومشي، ووقتها بابا كان بيحب ماما جدا، علشان كدا عارض كل اهله واتجوزها رغم معارضة الكل بس بعد كدا وافقوا بس لما عرفوا انها حامل كانوا مصرين ل اما بابا يطلقها ل اما تجهض الجنين، بابا كان مخبي موضوع الحمل دا عن الكل بس لما عمي انور عرف قال للكل ووقتها هما قالوا ل اما الطلاق ل اما الاجهاض علشان شرفهم، ووقتها بابا رفض رفضا تاما كلتا الحالتين وقتها خدها وهرب وجابها هنا وعاشوا وجابوكى يا حبيبتي.... مي اسمعيني الله يخليكي اوعي تحطي الكلام دا في دماغك ابدا، بابا طول عمره اعتبرك بنته الحقيقة بالعكس دا كان بيحبك اكتر مني انا شخصيا....
مي ببكاء: عرفت دا كله امتي يا احمد عرفت دا كله امتي؟ ومييين مين الشخص ال المفروض يكون ابويا وساب امي وادالها ضهره بعد ما لطخ شرفها، وليييه هي عملت كدااا ليييه يا احمد ليييه، ليه دلوقتى يتقال عليا كلام مقدرش استحمله ليييه يا احمد ليييه
احمد ببكاء: معرفش مين دا، بس انا عرفت كل الموضوع دا وبابا بيموت، قالي على كل حاجه ووصاني انك ماتعرفيش حاجة، بس بسبب الشخص دا ال هو المفروض عمناانتي دلوقتى بقيتي تعرفي كل حاجه هو عمل نفس العمله اخوه الكبير انابكرهك وبكرهكم كلكم سيبونا في حالنا بقا
*ثم وجهاحمد كلامه لمي قائلا*.... مي سواء عرفتي او لا دا كله مش هيفيد باي حاجه اهم حاجه انك جمبي غير كدا مايهمنيش مافهوم يا حبيبتي
مي ببكاء حاد وانهيار: يعني انا معقوله اكون بنت حرام يا احمد معقوله
احمد بعصبيه يختلطها البكاء: مي اياااك اسمع منك الكلمه دى تاااني.... انتي اختي بنت ابويا وامي دا ال انا اعرفه وكل الناس تعرفه فاااهمه
_عندها ارتمت مي بأحضان احمد وظلت تبكي على ما اصابها.... فهل سيظل الحال كما كان عليه سابقا ام سيتغير شيء بمعرفتها كل هذه الخبايا؟!! 💔
