رواية الصياد الفصل السابع بقلم شيماء رضوان
الرجل ..اذا انت من اخترت وامسك المسدس وصوبه فى اتجاه سليم
لم يفعل سليم شيء ولم يخف كل ما فعله انه نطق الشهادتين
انطلقت الرصاصه ولكن استقرت فى سقف الغرفه
الرجل ..كيف تجرؤ وتمسك يدى وتمنعنى من قتل ذلك الحقير
جون ..احد رجاله
جون..لا يا سيدى نحن لم نعثر على الميكروفيلم بعد ولا يمكننا قتله الا عندما نعثر على الميكروفيلم
الرجل..انا سوف اعثر على صديقه اما هذا فهو لايهمنى بشي البته
جون..اعرف انك تستطيع العثور على الميكروفيلم ومن يحمله ولكننا ان عذبناه وانهكنا قوته ممكن ان يرضخ لنا ويقبل العمل معنا وصدقنى سينفعنا كثيرا
الرجل..معك حق ولكن يجب ان نحذر منه فهدوءه هذا يقلقنى وتركه وذهب واتجهت الحراسه وراءه اما جون تلكا قليلا حتى يخرج فى الاخر وقبل ان يغلق الباب وراءه غمز لسليم بعينيه واماء له براسه وقال كلمه يعرفها سليم جيدا لانها كلمه السر بينه وبين فهد والكلمه هى ((اراك فى الجنه))باللغه العربيه وخرج واغلق الباب وراءه
فلاش باك
فهد..فى واحد من رجاله القناص ضابط معانا فى المخابرات بعتناه من اكتر من شهرين علشان يحاول يوصل للقناص ويشتغل معاه ويساعدنا فى الاوقات الصعبه ولو حصل اى مشكله واحنا هناك هنتعرف عليه من خلال كلمه سر ((اراك فى الجنه ))بالعربي علشان لو نطقها قدام حد ميتعرفش لان احنا عملنا تحريات واتاكدنا ان محدش من اللى بيشتغل عند القناص بيتكلم عربى
سليم..طب ليه لجات للى اسمها ايميلى دى انها تسهلك عمليه الدخول للفيلا والراجل بتاعنا ملجاتش ليه
فهد..لان اللوا هو اللى قال كده اننا نسيب الضابط لحاله الطوارىء علشان منكونش سبب انه يتكشف لان لو اتكشف قبل المهمه احنا هنخسر كتير
سليم..تمام بس يا رب نلحق نجيب الميكروفيلم قبل ما الكوارث اللى فيه تحصل
فهد..ااه قلى بقى الميكروفيلم ده فى ايه انت قعدت مع اللوا فى الوقت اللى انا كنت فيه بره المكتب
سليم..احنا كنا عارفين ان الميكروفيلم فيه كوارث هتحصل فى البلد بس مكناش انا وانت نعرف ايه الكوارث ولما رحت للوا قلتله ايه الموجود بالظبط اضطر يقولى لانه عارف انى مبطلعش المهمه من غير ما اعرف كل التفاصيل والكوارث دى يا فهد ان الميكرفيلم ده يا فهد موجود فيه اسامى اماكن حيويه فى البلد مزروع فيها متفجرات هتتفجر يوم احتفال سته اكتوبر بس ايه الاماكن بالضبط محدش عارف وكمان القناص ده مسجل فى الميكروفيم كل لقاءاته بالناس اللى متورطه فى الموضوع ده
فهد..يا نهار اسود احنا لازم نتحرك الاحتفال بعد اسبوع
سليم ..متقلقش كل حاجه هتم ان شاء الله
انتهى الفلاش باك
سليم ..يبقى ده هو الضابط اللى فهد قالى عليه كده كويس اوى وحاول كثيرا فك قيده ونجح فى ذلك ولكن ترك يده معلقه كما هى ولو احد راى يده سيظن انه مازال مقيد
فى الخارج كان جون يتحدث مع القناص
جون..لابد ان نعطيه شيء ياكله حتى يظل حيا لكى نجعله يعمل لدينا
القناص..لا اتركه يموت جوعا انه حقير اود قتله وانت تود اطعامه
جون..سيدى اود قتله اكثر منك ولكن يجب ان ياكل نحن نحتاجه
القناص..حسنا جون افعل ما تريد لدى بعض الاعمال الهامه بالمكتب وانت خذ اليه الاكل بنفسك انا لااثق باحد الصياد ماكر جدا اكثر مما تتخيل واطعمه انت ولا تفك قيده لانه لو فك قيده سيهرب لا محاله انه يمثل جيش باكمله انا اتعجب من هدوءه ولكن لاباس طالما انى احتجزه هنا لن يقدر على فعل شيء
جون..حسنا سيدى كما تريد
حمل جون الطعام ودخل به الى سليم
جون..اذيك يا صياد
سليم..تمام
جون..انت اكيد عرفتنى من كلمه السر المهم انا لازم افكك دلوقتى انا لسه مكلم فهد وهو فى طريقه لهنا ومعاه الدعم بس احنا لازم نمشي علشان الحراسه
سليم بابتسامه خبيثه ..لا عايز اقابل القناص دلوقتى ضرورى وهطلب انى اكلمه لوحده وانت عليك تخلص على الحراسه اللى معاه هم اربعه انا شفتهم معاه خلص عليهم بعيد عن بعض انا مش هطلب اقابله الا لما تدينى التمام
جون ..ناوى على ايه يا صياد
سليم..كل خير ان شاء الله
خرج جون ليفعل ما طلبه سليم واشار لاحد الرجال الاربعه ان يتبعه الى غرفته
صعد الرجل كما طلب منه جون وعندما دخل اطلق عليه جون النار وكان يضع كاتم صوت لمسدسه وتركه ملقى على الارض وخرج واشار للثانى وعندما صعد كان جون وراء الباب عندما دخل الثانى وجد صديقه على الارض انحنى حتى يعرف ما به فاطلق عليه جون النار هو الاخر وفعل نفس الشيء مع الاثنين الاخرين حتى لم يتبقى حراسه خاصه للقناص غيره هو
ثم ذهب الى سليم مرة اخرى
جون..كل حاجه تمام يا صياد بس الموضوع لازم يخلص بسرعه لانهم هيكتشفوا اختفاء الحراس الاربعه على طول
سليم..تمام اوى روح للقناص وقله انى عايزه اعمل معاه صفقه حريتى مقابل انه اقوله على مكان الميكروفيلم ولو سالك على الحراسه قله انى عايزك لواحدك ولو هتجيب حد معاك يكون ثقه فعلشان كده انت بعت الحراسه عند البوابه للتامين
ذهب جون الى القناص
جون..سيدى انه يريد مقابلتك وعقد صفقه معك حريته مقابل اخبارك بمكان الميكروفيلم
القناص..حسنا اخبر الحراسه ان تاتى معنا
جون..لا هو يريدك انت ويقول لو تريد ان ياتى معك احد لابد ان يكون ثقه فجعلت الحراسه تذهب لزياده التامين عند البوابه وانا من سياتى معك
القناص..حسنا جون
دخل القناص عند سليم
القناص.اذا يا صياد قال لى جون انك ستخبرنى بمكان الميكروفيلم
سليم..تعاهدنى انك لن تقتلنى وتتركنى اذهب
القناص..حسنا اعاهدك هيا تحدث واخبرنى بمكانه
سليم..اذا اقترب اخاف ان يسمعنا احد من خدم البيت او الحراسه
اقترب القناص منه وبلمح البصر كسر سليم عنقه ووقع القناص جثه هامده
فى ذلك الوقت حضر فهد مع الدعم وقاموا بتصفيه باقى الحراسه بالكامل ووصلوا الى الحجرة التى يوجد بها سليم
احتضن فهد سليم بشده
فهد..حمد الله على السلامه يا صاحبى
سليم..الله يسلمك يا فهد كويس انك جيت بالوقت المناسب
جون..وقت مناسب ايه هو انت كنت محتاج حاجه ده انت خططت لكل حاجه وانا نفذت وقص جون خطه سليم لفهد
فهد..طول عمره صياد دماغه دى متكلفه اوى بس انت قتلت القناص ليه كنت سيبه واحنا نسلمه
سليم..اصله تخطى معايا الخط الاحمر ودى اخره اللى يتخطى الخط الاحمر بس انت عملت ايه فى الميكروفيلم
فهد بابتسامه هقولك
فلاش باك
فهد..الو ايوه يا سياده اللوا انا بعتلك الميكروفيلم مع الطيار زى ما حضرتك طلبت
اللوا..اتواصل مع جون وحرروا سليم مترجعوش من غيره
فهد..من غير ما تقول يا فندم انا مش هرجع من غير سليم
تواصل جون مع فهد واتفقوا سويا على كيفيه تخليص سليم من قبضه القناص
انتهى الفلاش باك
سليم..متشكر اوى يا جون انت عملت حاجات كتير اوى معايا
جون..بلاش تقولى جون وقولى سامي ده اسمى الحقيقى
سليم..ماشي يا سامى يالا بينا نرجع مصر بقى مينفعش تقعد هنا بعد اللى حصل وانت يا فهد جهزت الطياره اللى بيها
نظر فهد فى ساعته ..ايوه وهتوصل كمان ساعه ولازم نتحرك دلوقتى علشان نوصل على الميعاد
بعد ساعه
حضرت الطياره لنقلهم الى مصر
الطيار..يا بشوات اللوا عايزكم عنده فى الادارة قبل ما حد فيكم يروح بيته
سليم..لا انا لازم اشوف امى ومراتى الاول
الطيار..مينفعش
فهد..لا ينفع احنا هنروح للوا وخليه هو يروح يستريح
الطيار..يا فهد باشا مينفش لا
قاطعه فهد ..بقولك ايه اسكت احسنلك دماغى مصدعه عايزه انام
سكت الطيار على مضض
سليم..فهد
فهد..امم عايز انام انا هلكان يا صياد سبنى
سليم..هات تليفون اتصل على نوران وامى ونام براحتك
اعطى له فهد الهاتف
اتصل سليم على امه
سليم..الو اذيك يا ماما
منى.........
سليم..انا كويس يا حبيبتى هوصل كمان ساعتين عندكم ادينى نوران اكلمها
نوران.....
سليم..وانتى كمان وحشتينى يا قلبى كلها ساعتين واوصل يا روحى
نوران......
سليم..محمد رسول الله سلام يا قلبى
فهد..الحب ولت فى الدرة
سليم..لم نفسك بدل ما احدفك من الطياره
فهد..لا خلاص انا نمت واصدر صوتا يدل على نومه
سليم وهو يهزه..بطل الاصوات دى ونام يا فهد احسنلك
فى منزل سليم
نوران..ياااه انا فرحانه اوى يا ماما ان سليم جى كمان ساعتين وهقوله انى حامل نفسي اشوفةرده فعله اوى
منى..ربنا يفرحكم يا بنتى ويرزقكم بالذريه الصالحه
نوران..يا رب يا ماما اجهز العشا ولا تستنى سليم
منى..لا خلى الاكل لما يجى
دق جرس الباب
نوران باستغراب ..مين اللى جى دلوقتى
منى..روحى افتحى الباب وانتى تعرفى بدل ما انتى قاعده تخمنى كده
ذهبت نوران وفتحت الباب وجدت فتاه
ريتال القاضى ..ابنه عمه سليم فتاه مغروره حاولت التقرب من سليم كثيرا ولكنه كان يصدها فى كل مرة فتملكها الغيظ منه لانه لم يرفضها احد من قبل فتاه تضع الكثير من مستحضرات التجميل على وجهها ترتدى بلوزه بدون اكمام وبنطال من الجينز المقطع
نوران..انتى مين
ريتال باستغراب ..انتى اللى مين وبتعملى ايه فى بيت سولى
رفعت نوران حاجب واحد لها ..سولى مين تعالى يا ماما شوفى
جاءت منى ورات ريتال
منى باستغراب..بنت روحيه ايه اللى جابك
نوران..مين عروسه المولد دى يا ماما
ريتال..عروسه مولد ايه يا بتاعه انتى اوعى كده ودخلت ريتال الشقه
منى..اقفلى الباب يا نوران وتعالى نشوف ايه اللى جاب المصيبه السوده دى هنا
نوران..مين دى يا ماما ودخلت البيت ليه
منى..دى بنت عمه سليم امها اسمها روحيه مكنتش بطيقها لانها زى الحيه اما البت دى كان نفسها تتجوز سليم بس هو رفض ومن ساعتها وهى عايزه تتجوزه باي طريقه لانه اول واحد يرفض ريتال القاضي ويا ريت تخلى بالك منها لانها مش سهله ومعاها شنطن هدومها يعنى ناويه تقعد هنا والله اعلم هتمشي امته على العموم تعالى نشوف اخرها ايه وجايه ليه
دخلت نوران ومنى حجرة الجلوس وجدوا ريتال تجلس على احد الكراسي وتضع قدم فوق الاخرى
نوران وهى تزيح قدمها ..اوعى كده هى وكاله من غير بواب
ريتال بغضب..انتى ازاى تتجراى وتعملى كده وبعدين انتى مين وبتعملى ايه هنا
وضعت نوران قدم فوق الاخرى ..انا مرات سليم يا عروسه المولد
ريتال بذهول..نعم سولى اتجوز امته يا طنط منى
منى..من شهر يا بنت روحيه وبعد تسع شهور هيبقى عنده ولد
ريتال..يعنى اتجوز واحنا اخر من يعلم
منى..احنا قلنا انتى اكيد مشغوله معندكيش وقت قاعده فى الكوافير اربعه وعشرين ساعه معندكيش وقت الباديكير والمانيكير واخد كل وقتك يا بنت روحيه
ريتال..بتتريقى عليا يا طنط
منى..جايه ليه
ريتال بدلع ..سولى وحشنى قلت اجى اشوفه
نوران بغضب ..متلمى نفسك ايه وحشك وسولى ده كمان ده جوزى اللى بتتكلمى عليه يا بت انتى اهدى كدن يختى واقعدى على جنب احسنلك
ريتال..فين اوضتى عايزه اغير هدومى
منى ..هتقعدى قد ايه
ريتال..اسبوع كده
منى..الاوضه اللى على الشمال دى حطى حاجتك فيها
ريتال..اوكيه وتركتهم وذهبت الى غرفتها
نوران..انا هقدر استحمل اللزجه دى اسبوع لا كده كتير
منى..اهدى يا نوران وعايزاكى فى اكبر فريزر تحطى اعصابك فيه هيا هتحاول تستفزك باى طريقه وانا مش عايزاكى تديلها الفرصه دى
نوران..حاضر يا ماما هحاول
فى غرفه ريتال
كانت تدور فى الغرفه من شده الغضب
ريتال..بقى يتجوز البتاعه اللى بره دى وحامل منه كمان وانا يقولى لا ماشى يا سليم اوعدك انك هتبقى بتاعى انا فى اقرب وقت والبت دى لازم تخرج من حياتك للابد ونتجوز انا وانت
بعد ساعتين
كانت ريتال تجلس معهم بالصاله
ريتال..امال سولى فين يا طنط من ساعه لما جيت مشفتوش
امسكت نوران نفسها حتى لاتقوم وتضربها
منى..شويه وجاى عنده شغل
نوران فى نفسها..هو انا لو جبت عروسه المولد دى من شعرها ومسحت بيها الشقه حد هيقول حاجه اكيد لا محدش هيقول حاجه دى بلاء ولازم اخلص منه
قطع شرود نوران جرس الباب
ريتال..ده اكيد سولى هروح افتحله
امسكتها منى من يدها عندما رات وجه نوران وهى غاضبه
منى..لا اقعدى انتى جايه تعبانه من السفر مراته تفتحله
ابتسمت نوران لمنى وذهبت لكى تفتح الباب وعندما فتحته صدمت من الجروح التى بوجه سليم
نوران..ايه اللى عمل فيك كده
احتضنها سليم..يا بت بدل ما تاخدينى بالحضن وتقوليلى حمد الله على السلامه يا حبيبي هو انا موحشتكيش ولا ايه يا نوران
نوران وقد ابتعدت عنه..لا ازاى وحشتنى طبعا يا سليم
سليم بابتسامه وهو يقبل جبينها..وانتى اكتر يا قلب سليم
دخل سليم الشقه واحتضن امه وقبل يدها وجبينها
ريتال بغيظ..ايه يا سولى هو انا هوا مش شايفنى
سليم فى نفسه..ايه اللى جاب البت دى هنا ربنا يستر
سليم بابتسامه مزيفه ..لا ازاى يا بنت عمتى بس انا لما بشوف ماما ونوران بنسي اي حاجه تانيه
منى..تعالى كل يا حبيبي اكيد جعان
سليم..اوى اوى يا ام سليم
تناول سليم العشاء معهم
سليم..تصبحوا على خير انا هموت وانام
منى..بعد الشر عليك يا حبيبي ادخل نام
ذهب سليم الى غرفته وتبعته نوران
نوران..سليم انا عندى ليك مفاجاه
سليم..مفاجاه ايه يا قلب سليم
مالت نوران عليه وهمست باذنه..انا حامل يا قلبي
سليم بفرحه شديده ..بجد يا نوران انتى حامل ولم تستطع نوران الرد لانه حملها ودار بها عده مرات
نوران ..نزلنى يا مجنون انا دخت
انزلها سليم ووضعها على السرير..سلامتك من الدوخه يا ام عتريس
نوران باستغراب..عتريس مين
سليم ببراءه مصطنعه..عتريس ابننا يا روحى اللى جاى فى السكه
نوران بغضب ..انت ناوى تسمى ابننا عتريس
سليم..ايوه
جذبت نوران الغطاء عليها
نوران ..نام يا سليم خلى ليلتك تعدى ووضعت الغطاء عليها واستلقت لتنام
استلقى سليم بجانبها ونام وهو يحتضنها
فى الصباح
كان سليم بغرفته ونوران مع منى بالمطبخ وريتال بالصاله
منى..عرفتى هتجيبى ايه
نوران..اه عرفت يا ماما هروح اغير هدومى
سمعتها ريتال وعندما دخلت نوران غرفتها خرجت ريتال من الشقه وقامت بوضع الزيت على السلم حتى تقع نوران عندما تمشي عليه
ابدلت نوران ملابسها وخرجت من الشقه وجاءت لتنزل على السلم مشت على الزيت دون ان تراه فسقطت نوران على السلم وصرخت باعلى صوتها
نوران...اااااااااااااه
