رواية أسرار الهاربة الفصل السابع بقلم موفا
بتعدى الايام على بدر وسما والحب ربط بينهم
نجاة فرحانة بإبنها والسعادة إللى بدر فيها
لحد في يوم حصلت حاجة غير متوقعة
نجاة حمد الله على السلامة طولت السفر المرادى داخل في ١٥ يوم اهو
بدر خلى بالك يا نوجة احسن يكون لقى مزة واتجوزها عليكى
فى مصر
الحاج هلال ضحك بس يا بدر أحسن أمك تصدق
نجاة تصدق انك واد قليل الأدب
بدر ماشى أنا غلطان خايف عليكى أحسن الجو حد يخطفه منك وضحك بصوت عالى
الحاج هلال بص لبدر باستغراب
نجاة بصت لهلال
هلال بس إيه المزاج العالى دا أنتى وابنك
نجاة ما تصلى على النبى يا حاج هتحسدنا
هلال بصلها باستغراب
نجاة اطلع غير هدومك عقبال ما نحضر الغدا
خرجت سما بابتسامة جميلة من المطبخ حمد الله على السلامة يا عمى
الحاج هلال الله يسلمك يا بنتى عاملة ايه
سما الحمد لله
نجاة خلصتى الأكل
سما أيوة يا خالتى خلصت هحطه على طول
بدر بس الروايح الجميلة دى
سما دا عشان عمى الحاج وبس
بدر طيب وأنا
سما بضحك تؤؤؤؤ أنت لا
نجاة بهزار خلاص نأكله وخلاص أهو زى ابننا
سما خلاص عشان خاطرك أنتى يا خالتى وأنت اتفضل استنى الأكل هنا وزقته لحد الترابيزة
نجاة حطى الأكل عقبال ما ننزل
ودخلت هى والحاج هلال اوضتهم
بدر مسك ايد سما بحبك
سما هووش حد يسمعك
بدر أنا عايز الدنيا كلها تسمعنى
سما ابتسمت بكسوف هحط الأكل قبل ما ينزلوا ودخلت المطبخ
في أوضة الحاج هلال
الحاج هلال هو فى إيه
نجاة فى إيه
الحاج هلال في حاجة غريبة فيكم وفى البيت كله بس الغريب بدر بيهزر ويضحك كأنه مش هو
نجاة ابتسمت فعلا بدر اتغير خالص بقى واحد تانى زى ما أنت شايف كدا
الحاج هلال هو إيه إللى حصله خلاه كدا
نجاة مش بيقولوا الحب يعمل المعجزات
الحاج هلال باستغراب حب حب إيه يا نجاة
نجاة ابتسمت وهى فرحانة
بدر بيحب والحب هو إللى غيره كدا زى ما أنت شايف هو بدر كان كدا من ساعة الحادثة
الحاج هلال الصراحة لا بس المهم هو بيحب مين
نجاة مش هتصدق
الحاج هلال ليه مين
نجاة بدر بيحب سما
الحاج هلال بصدمة إيه بيحب مين
نجاة بقولك سما دا بيحبها اوى وعايز يتجوزها كمان
الحاج هلال واقف مصدوم
نجاة مالك يا هلال فى إيه
الحاج هلال مافيش حاجة
فجأة سمعوا صوت بدر من تحت يلا يا نوجة هناكل أنا وسما ونسبكم
الحاج هلال لسة مصدوم
نجاة يلا عشان تتغدا
الحاج هلال معلش انزلى وأنا جاى وراكى
نجاة طيب متتاخرش
نزلت نجاة وبعدها نزل الحاج هلال
الكل قاعد ياكل
بدر بقى يهزر معاهم ونظرات من تحت لتحت لسما
نجاة تسلم ايدك يا سما الأكل طعمه حلو أوى النهاردة
بدر عليكى بالشاى المظبوط بقى
سما حاضر من عينى
نجاة تسلم عينك
الحاج هلال كان طالع
سما إيه يا عمى الشاى
الحاج هلال بصلها بحدة مش عايز شاى وبصلها بغضب وطلع على فوق
سما واقفة مصدومة من أسلوب هلال
بدر إيه دا بابا ماله يا ماما
نجاة ماعرفش يا ابنى هطلع اشوف ماله
طلعت نجاة
وواقفة سما زعلانة
بدر مالك يا سما
سما بحزن هو أنا عملت حاجة لعمى
بدر لا
سما اومال كلمنى كدا ليه
بدر يمكن تعبان ولا هينام شوية
سما اتنهدت بصوت عالى
بدر قرب منها ومسك ايديها متقلقيش يا حبيبتي وبعدين ماما هتقوله انى عايز اتجوزك ولا غيرتى رائيك
سما بخوف بلاش تقوله الوقت لما أحل مشكلتى الأول
بدر ما انتى مش عايزة تقوليلى مشكلتك ونحلها سوا
سما معلش يا بدر سبنى براحتى وأنا هقولك لوحدى
في أوضة الحاج هلال
نجاة مالك يا حاج أنت مدايق كدا ليه
الحاج هلال بحدة مافيش حاجة
نجاة لا في أنت مدايق من ساعة ما قولتلك بدر بيحب سما وعايز يتجوزها
الحاج هلال نفخ فى الهوا
نجاة أنت مش موافق على جواز بدر من سما ولا إيه
الحاج هلال بعصبية وغضب أيوة مش موافق تطلع مين دى عشان ابنى يتجوزها
نجاة بصدمة إيه أنت إللى بتقول كدا
الحاج هلال ايوة دى واحدة عرفتها في القطر ورضيت تيجى تقعد عند ناس متعرفهمش يبقى اكيد واحدة من الشارع لا ليها أصل ولا فصل
نجاة بصدمة بس يا هلال
الحاج هلال بصدمة مبسش خلاص احنا قعدناها عندنا بما فيه الكفاية خدت واجب الضيافة وزيادة
نجاة بصتله بقلق يعنى قصدك إيه
الحاج هلال سبينى لوحدى وقفلى على الكلام دا الوقت وقومى انزلى متسبيهمش لوحدهم تانى
نجاة بتبصله
الحاج هلال قومى يلا
نزلت نجاة وهى قلقانة من كلامه
أول ما نزلت
قرب عليها بدر ماما بابا ماله
نجاة هاا مافيش بس هينام شوية المشوار كان طويل عليه
سما قاعدة ساكتة
نجاة أنا هلم المطبخ وارجعلكم
سما لا خليكى يا خالتى أنا هلم المطبخ
ودخلت المطبخ وهى حيرانة
كل يوم الحاج هلال يتعصب أول ما يشوف سما وميرضاش ياكل معاهم وبقى معاملته ليها بقت وحشة وقاسية
هيتم شرح السبب فى flash back
وتأتى الرياح بما لا تشتهى السفن
فى يوم نزل الحاج هلال من اوضته لقى سما قاعدة لوحدها
سما أول ما شافته بصتله بحزن
الحاج هلال تعالى يا سما عايزك في كلمتين خدها ودخلوا اوضة
كانت أوضة مكتب
فضل الحاج هلال يتكلم مع سما
سما دموعها نازلة وهى ساكتة خلاص يا سما
سما هزت راسها خلاص بكرا هتصحوا مش هتلاقونى في البيت
الحاج هلال كويس لحد كدا
وخدى خلى دول معاكى
سما بحزن ودموع كترر خيرك كفاية إللى عملته معايا
الحاج هلال لأ خدى أنتى متعرفيش طريقك هيودكى لفين
اداها الفلوس وخرج وهى طلعت تجرى على اوضتها تعيط بهستريا
كان يوم مش عادى على بدر لأنه مشفش سما خالص
بدر ماما سما فين هى مخرجتش من اوضتها خالص النهاردة لو سمحتى شوفيها أحسن تكون تعبانة ولا حاجة
الحاج هلال بص لبدر ورجع بص لنجاة بحدة
نجاة بصت للحاج هلال ورجعت بصت لبدر حاضر يا ابنى
طلعت وبعد شوية نزلت
بدر بلهفة سما مالها يا ماما
نجاة ابتسمت ابدا مافيش كانت نايمة واول ما تصحى هتنزل على طول
بدر اتنهد بصوت عالى ودخل اوضته
نجاة بتبص للحاج هلال بحزن
خرج الحاج هلال ونجاة دخلت اوضتها وكانت سما متابعة حركاتهم
نزلت بالراحة وخبطت على أوضة بدر
بدر أدخل
سما فتحت الباب ودخلت وقفلت الباب بسرعة
بدر كان نايم على السرير
بدر بلهفة سما أنتى فين طول النهار مالك منزلتيش ليه
كل دا وسما واقفة تعيط
بدر مالك يا سما حاسس في حاجة بس ماعرفش إيه هى
سما قربت من بدر وبالدموع وصوت مخنوق أنا بحبك وعيطت بهستريا
بدر بفرح واستغراب طيب بتعيطى ليه
سما لسة بتعيط
بدر قربى يا سما
سما قربت وقعدت على طرف السرير
بدر انعدل وقعد على السرير ومسك ايديها بحبك يا سما بحبك
سما بالدموع وأنا كمان بحبك
بدر طيب مالك فى ايه
سما مافيش حاجة أنا بس جيت اقولك انى بحبك وأول مرة احب حد وأول مرة اقولها
بدر ابتسم عشان كدا بتعيطى
ومسح دموعها بطرف ايديه
سما متزعلش منى يا بدر
بدر باستغراب وازعل منك ليه بالعكس أنا بحبك وعمرى ما هزعل منك
سما وسامحنى لو عملت حاجة زعلتك منى واعذرنى هيكون غصب عنى
بدر أنا مش فاهم حاجة خالص
سما مش مهم المهم خليك فاكر انى عمرى ما حبيت ولا هحب حد غيرك لحد ما أموت
بدر بسرعة خدها في حضنه بعد الشر عنك ليه بتقولى كدا
سما ابدا عشان تتأكد انى بحبك
بدر ابتسم أنا متأكد يا حبيبتي
وانتى كمان خليكى متأكدة أنى بحبك وبحبك اوى كمان
سما اتنهدت بصوت عالى
وفضلوا يبصوا لبعض
سما أنا هخرج احسن حد يجى
بدر خليكى شوية كمان انتى كنتى وحشانى اوى
سما دموعها نزلت معلش كفايه كدا
بدر طيب هشوفك الصبح
سما خرجت وقفلت الباب هتوحشنى أوى يا بدر وطلعت تجرى على اوضتها
تانى يوم الصبح
صحيت نجاة وكان الحاج هلال قاعد بيصلى
بعد ما خلص صلاة
الحاج هلال صباح الخير يا حجة
نجاة صباح النور
الحاج هلال ياريت تعملنا فطار كدا حلو أصل جعان أوى النهاردة
نجاة باستغراب اشمعنا
الحاج هلال إيه يا نجاة بقولك جعان
نجاة حاضر وقبل ما تخرج
الحاج هلال وشوفى بدر يفطر معانا بالمرة
نجاة حاضر ونزلت على المطبخ
وحضرت الفطار ونزل الحاج هلال مش قولتلك شوفى بدر
نجاة حاضر ودخلت لبدر
نجاة صباح الخير يا حبيبى
بدر صباح النور يا ماما
نجاة يلا عشان تفطر مع ابوك
بدر هى سما نزلت
نجاة لا لسة
بدر طب ممكن تشوفيها
نجاة حاضر يا حبيبى وخرجوا هما الاتنين
الحاج هلال يلا يا جماعة أنا جعان اوى
نجاة كانت طالعة لاوضة سما
الحاج هلال رايحة فين
بدر هتشوف سما
الحاج هلال يمكن لسة نايمة بلاش تقلقيها البنت تعبانة في البيت ليل ونهار
نجاة وبدر بصوا لبعض باستغراب
الحاج هلال يلا يلا نفطر عقبال ما تصحى براحتها
وفعلا قعدوا يفطروا ويشربوا الشاى
بدر معلش يا ماما اطلعى شوفى سما
نجاة اتنهدت بصوت عالى وطلعت وكانت الكارثة
نجاة نزلت مصدومة
بدر سما فين يا ماما
نجاة بلغبطة سما مش فوق
الحاج هلال مش فوق ازاى يمكن في الحمام
نجاة لا مش هنا وكمان كل هدومها مش فى الدولاب
بدر بصدمة يعنى إيه
الحاج هلال قصدك أنها مشيت من البيت
نجاة لسة ساكتة
بدر اتكلمى يا ماما سما مشيت من البيت زى ما بابا بيقول
نجاة بصوت مخنوق الظاهر كدا
بدر ضحك بسخرية مش ممكن
ازاى تمشى كدا من غير ما تقول لحد
الحاج هلال أخص عليها طلعت قليلة الأصل يا نهار ابيص اطلعى شوفى احسن تكون سرقت حاجة
بدر بعصبية إيه الكلام دا يا بابا هى اكيد ممشيتش اكيد هنا ولا هنا ااه يمكن قاعدة برا مستنيانى لما اصحى أيوة صح هى قاعدة تحت تكعيبة العنب برا
وبقى يتحرك بسرعة دخل اوضته وفتح الشباك على أمل تكون قاعدة
دخلت نجاة وراه هى والحاج هلال
بدر بحزن سما مش هنا يا ماما
هى مشيت بجد
نجاة بصتله بحزن
بدر طيب ليه أنا عملتلها إيه أنا قولتلها هفضل معاها على طول وقولتلها انى بحبها أوى تقوم تمشى كدا من غير ما تقول لا افتكرت أيوة امبارح بالليل كانت بتودعنى ايوة وأنا مفهمتش ايوة لا لا هى اكيد مستخبية هنا ولا هنا صح يا ماما
نجاة دموعها نزلت اهدا يا حبيبى
الحاج هلال بنت قليلة التربية لا ليها أصل ولا فصل قعدناها عندنا في الحفظ والصون وتتسحب كدا وتمشى أكيد البت دى عاملة عاملة ولما حست انها هتتكشف هربت زى الحرامية
بدر بصوت عالى كفاية مش عايز حد معايا اخرجوا لو سمحتم وسبونى لوحدى
نجاة قربت من بدر وطبطت عليه وخرجت هى وهلال
سمعوا صوت بدر بيصرخ بصوت عالى سمااااااااا💔
ااه يانى معلش بقى قافلة صعبة
بس ياترى هلال مشى سما ليه
والأهم هى راحت فين توقعاتكم ؟
