رواية قصة زهراء الفصل السابع بقلم زينب نور
زهراء:ماحس بس ايد على متني جفلت درت واشوفه واگف
رجعت اگلي ماحاجيته
ياسر:عوفي من ايدج اذا تعبانه البيت متروس نسوان
زهراء: بداخلي على اساس خايف عليه الله ياااالله
غلست
ياسر: احاجيج لاااا
زهراء:قاطعته عمتي وهيه تتدخل
ام ياسر: هاا يمه انته هنا
ياسر: هسه نزلت رايده شي
ام ياسر: وصلني لبيت عمك حاتم
خل اشوف ابن اختك زينب مريض
ياسر: هسه لو وره العشه
ام ياسر: هسه يمه مااتئخر
التفتت على زهراء
ترحين وياي عمه
زهراء:لا عمه مابيه حيل
ام ياسر:بكيفج يمه
زهراء: طلعت عمتي التفت عليه باوعلي وتنهد وطلع
اباوع لطوله وهوه يمشي يرد روحي بمشيته بس مااكدر انزله كرامتي خلي هوه يحس بقيمتي
ياسر:خذت امي لبيت عمي شويه ورجعنه شفتها واگفه تغسل اماعين
زهراء:دخل فتح الثلاجه وسدها
راح على سلت الفواكه على الميز اخذله تفاحه واجه للسنك
ياسر: بهمس بس شويه اغسلها
زهراء: وخرت عنه هوه لزك بيه ويكلي شويه بس اااخ يعطره
يريدني احاجيه ماكو غلست خله وطلع خلصت الماعين وطلعت شفت الساعه ٩ گعدت يمهم بالصاله
كال عمي
صالح: ياسر يمته تروح لدوامك
ياسر:الاحد انشاءالله
واسبوعين ياله ارجع
احمد:ليش مو اسبوع اهنا واسبوع هناك
ياسر: شغل وجاينه وفد من اليابان
ماينطونه اجازه
الجد: اذا اسبوعين يبني اخذ مرتك وياك
زهراء:اسمعهم بس سويت روحي ادرس رحاب
ياسر:لا جدي عليمن
الجد:شلون عليمن اكلك شربك
ياسر:الله كريم ....
اباوعلها ملتهيا ويه رحاب
زهراء: شويه كمت
تصبحون على الخير
الكل: اجمعين
زهراء:صعدت غيرت ملابسي وگعدت على الجربايه ايي اكيد مايريدني اروح وياه
حتى بكيفه يضل
شويه ودخل
ياسر: سمعتي جدي
زهراء:لااااردددد...
ياسر:من احجي وياج ردي لا تجاهلين فاهمه
زهراء:يعني شكالولك عليه
طرشه مااسمع
ياسر:ردي بحترام لا اعلمج الحترام شلون يصير
زهراء: كمت اريد افرش بالگاع صاااح
ياسر:من اليوم ورايح مكانج على الجربايه
زهراء: ليش هم بهاي تدخل
ياسر:لا تخليني اعيد كلامي
زهراء:ماااريد
مو بكيفك وتجبرني وين انام ووين اكعد
ياسر:انه كلت هسه والمره وبنت ابوها تفرش بالگاع...
زهراء: ذبيت الفراش حيييل بالگاع
واخذت الغطه
ورحت للجربايه حتى بهاي مالي اي كلمه اجه هوه تمدد و عيونه بالتلفون
كالساع وطگله ضحكه والله فور دمي اكيد هاي وحده يحجي وياها
سويت روحي اعدل المخده
بس اريد اشوف منو هاي
ياسر:احاجي بالولد واضحك على سوالفهم
كامت احسها تباوع بالتلفون
هههههه عبالها اكلم وحده
كمت اضحك حيل
زهراء: خبيث رجعت للمخده ودرت وجهي وفكر منو هاي اليكلمها
ياسر:طفيت التلفون وهيه دايره وجها حضنتها من وره
زهراء:وخررر
ياسر: مو بكيفج
زهراء:لا والله بكيفي وخررر
عوفني مااريدك....
ياسر:غصبن عليج حلالي ومرتي
واخذ حقوقي منج
زهراء:لوووو تموت والله ماخليك
حاضني حيل صدك حضنه دافي
بس مااريد اطيعه بسرعه كتله
انه موو رغبه الك شوكت ماتحب تجي تحلم والله
ياسر:هسه انتي ليش عصبيه
زهراء:كتلك وخررر لاوالله اصرخ
والمهم عليك
ياسر:درتها حيل صار وجها بوجهي
موووانتي الذليني تره والله اكدر اخذ حقوقي منج ابئي طريقه وغصبن عليج رضيتي مارضيتي
بس موو انه الي اخذ شي غصب خليها ابالج
مرتي غصبن عليج ومن اليوم ورايح حالج حال اي زوجه فاهمه وهذا مااريد اشوفه
زهراء:وشمر الغطه المتغطيه بيه وغطاني وياه بس الدمعه بطرف عيني بس ارمش اطيح
ياسر:كلمه وحده منج مااسمع
عفتها ودرت وجهي انطيتها ضهري
زهراء:كمت ابجي بلا صوت بس احس اختنكت وحراره ابلعومي
كمت للحمام رجليه بالگوه امشي احس الصخونه رجعتلي
دخلت للحمام بجيت لما ماحسيت عيوني صارن نار غسلت وطلعت بس الگاع تفتر بيه تمددت والبروده احسها بعضمي ضميت رجليه لصدري وتغطيت وياه بس ارجف
ياسر: حسيت عليها كامت شويه ورجعت بس اتون
زهراء:احس اسناني واحد يطگ بالثاني واون
ياسر:درتلها لمه روحها لم حاجيتها ماكو بس تون جست كصتها
مشتعله نار
كمت جبت وصله وماي بارد
وگعدت يم راسها كاله من وراي
استغفرالله
خليت الوصله على راسها فزت
زهراء:حسيت بروده على گصتي فتحت عيوني مغوشات بالگوه اشوف شفته كاعد يم راسي مابيه احجي واگله وخرر رجعت غمضت
ياسر:شويه وغفت شلت الماي ورجعت سحبتها على ايدي وحضنتها ضمت راسها لصدري صايره نااار
زهراء: گعدت فتحت عيوني احس شي كاضني شلت راسي نايمه على ايده هوه غافي
رجعت راسي على ايده ماردت اكوم احس محتاجه لحضنه والحنانه محتاجه اشكيله واكله احبك بس مااكدر جرحني هواي....
رجعت غمضت
ياسر:حسيت عليها تحركت شفتها بعدها على ايدي وخرت شعرها عن وجها
بستها بخدهاا
زهراء:تفاجئت من باسني عباله نايمه احس صخنت من بوسته وهوه قريب عليه حيييل گطعت نفسي....
شويه وحسيته يريد يگعد وخرت عنه ودرت وجهي للجها الثانيه
ياسر:زهراء گاعده
زهراء: ايي
ياسر: كومي بادلي خل انروح للطبيب
زهراء:مااريد مااروح..
ياسر:شنو ماتردين البارحه الليل كله تونين ماخليتني انام
زهراء:العفووو ضايقتك
ياسر:كومي عوفي سوالفج ادخل للحمام واطلع الگاج جاهزه
زهراء:كام اوووف كمت اخذت ملابسي وطلعت للحمام البره
غسلت وبدلت لبست فستان اسود طويل مذهب بيه شذر كملت وطلعت بعده ماطالع من الحمام
كعدت امشط بشعري لفيته
توني اخذ الكحل اريد احط مااشوفه بس واكف فوگ راسي
ياسر:لا تخلين
زهراء:التفتتله كتله هم ممنوع....
ياسر:ايي
زهراء:يالله يحجي بهدوء وانه دمي فاير عليه كالت اله اخلي على عناده
ياسر:سحبتها من ايدها وكسرتها
زهراء:اووو هاااي موو حاله ابكلشي تتدخل مصارت هاي
ياسر:صوتج
زهراء:مااسكت ومااروح ياله شمرت الشال من ايدي بنتر وكام يتقدم عليه والثلاجه وراي رجعت ليوره لزكت بيها وكف كدامي
ياسر:بهمس عيونج حلوات ميحتاجن كحل
زهراء:كمت ابلع ابريگي اول مره يحاجيني هيج لزم خدي وتقرب يبوسني خليته لمن يتقرب كلش وتفعته ضل صافن بوجهي وخرت عنه شالت الشال لفيته شلون ماكان وطلعت
والله اله اخليك تحلم توصلي اعذبك مثل ماعذبتني نسيت الجنطه رجعت اخذتها هيه والعبايه
وطلعت كلهم كاعدين ومتريكين لئن الساعه٩:٣٠
شافتني عمتي كالتلها رايحين للطبيب
نزل كال ريوك خليتله وشلت الصينيه انطيته ورجعت لفيتلي جبنه وكلاص حليب على السريع خلصت وكعدت اتانيها لمن خلص وطلعنه
نص ساعه ياله وصلنه للعياده صف السيارة ونزلنه يمشي بكل ثقه وغرور عبالك الله خلقه وماخلق غيره دخلنه كص باص وكعدنه رقمنه
١٠ وداخل رقم٦ خلصو وصاحو اسمي
دخلت هوه ضل بره دكتوره
حاجيتها ومدري شنو كالت مزوجه كالتلها اي كالت سوي تحليل اخاف حامل كلتلها لا عليه الشهريه
الدكتوره:اوك سوي تحليل فقر دم اخاف دمج نازل وتعاي
زهراء:طلعت شافني وكام اجه عليه
ياسر:هااا شگالت
زهراء:اسوي تحليل دم
كال ماشي رحنه للمختبر سحب مني دم ونص ساعه ياله يطلع التحليل
نص ساعه وصاح بأسمي اخذت التحليل ودخلت
الدكتور:اممم ماما دمج نازل ٧ صاير ليش هج مايصير انتبهي على نفسج
لزم تتغذين وراح اكتبلج علاج
تغذيه ومقويات يساعدج لمن اصخنين
زهراء:طلعت كتله راح جاب العلاج
وخلصنه وطلعنه
ياسر: دمج ٧ ليش شعندج ماتهتمين بروحج كاضيتها عليه بجي
زهراء:باوعتله 😒 ودرت وجهي كتله بداخلي بسببك
ياسر:مشتهيه شي
زهراء:لااا
رجعنه اشو مو طريق البيت اخر شي نزل يم المطعم كال انزلي
مااريد مااشتهي
ياسر:انزلي ياله
زهراء:اووو احجايته لزم هيه الي تمشي دخلنه للمطعم طلب معلاگ وكباب
خلوو الكل
ياسر:اكليه كله هذا ماريد شي بالصحن
زهراء:هههه تريدني امووت غير
ياسر:ضحكت احس ردت روحي
لا ماتموتين بس دافع بيه فلوس حرام يضل
زهراء:كمت اكل وهوه هم بس كلساع اجت عينه عليه
وهاااي اول مره من يوم عرسنه لليوم اول مره نطلع
خلصنه حاسب وطلعنه كال محتاجه بعد شي كتله لااا
رجعنه للبيت ساعه ١ الظهر
لكيناهم يتغدون كنالهم اتغدينه غمزتلي فاطمه هههه عرفت قصدها
سئلون شكلج الطبيب سولفتلهم
صعدت بدلت ونزلت كال انطيني جاي صبيتله واخذته اله للستقبال وحده گاعد
انطيته
ياسر:اشربي علاجج مو تنسينه
زهراء:هزيت راسي وطلعت
احس شعور حلوو وهوه يهتم بيه بس ماادري يكفر عن غلطه لو بده يحبني اه ه يالله خليها على الله
وين مااصير
شربت العلاج
خلصو غده صاحت فاطمه رحتلها
فاطمه:😉 ايي شنو هاي التطورات
مطاعم وغده
زهراء:ههههه لا يروح بالج بعيد
من الطبيب ورحنه للمطعم
فاطمه:الله يديم المحبه
زهراء:مرر اليوم عادي بالليل كلمن بغرفته
صعدت لكيته متمدد ع الجربايه واللابتوب مخليه على بطنه
والمخده وره راسه
اخذت تراك وبدلت رحت للجها الثانيه تمددت
ياسر:اخذتي العلاج
زهراء:ااي
ياسر: عگب باجر اروح لبغداد اذا ماتردين ترحين كولي
زهراء: صفنت كلت خل اكله ايي اروح على اقل ارتاح اشوف شيسوي مايسوي كتله ايي اروح
التفت عليه مبتسم ورافع حاجبه
وگال
ياسر:تنووورر بغداد بهاي العيون السود
زهراء:هههه غلست بس ضحكت على كلامه شويه وغفيت
فاطمه:طلعتي ملابس لبست وسعد متمدد على الجربايه بس احس شي مو طبيعي الم بظهري
كالت عادي يجوز لئن حامل
رحت تمددت غفيت
فزيت احس شي يدگطع ابطني الم عمري ماشايفه مثله اريد احاجي سعد ماكو
كمت ابجي حسيت شي طاح عليه
مديت ايد انده بيه فززز
سعد:هااا شبيج
فاطمه:طفر شغل الضوه وانه الساني انعگد بس ادموعي اصب الم ذبحني
اجه حاجاني بالكوه كتله بطني راح اموت سحب الغطه
شفت دم طايح اتخبلت
هوه طالع يركض وخلاني
سعد:دكيت الباب على امي
صالح: هااا بويه شبيك
سعد: وين امي فاطمه اجهضت يمكن
ورجعتلها
لا تبجين حبيبتي انشاءالله ماكو شي
فاطمه: اشويه ودخلت عمتي سعاد وعمتي وعمي واكف بالباب كومني للحمام غسلت ولبستني عمتي
زهراء:سمعت صوت جوه عبالي جدي بيه شي شغلت الضوه وكمت
فزز ياسر
ياسر:ويين رايحه شكوو شنو هذا الصوت الجوه
زهراء:ماانتظرني ارد نزل بسرعه لبست ثوب طويل ونزلت شفت عمتي اتمشي بفاطمه
وفاطمه تبجي كالتلها شكوو
كالت يمكن اجهضت
اخذوها وكلبي انمرد عليها
راح وياهم احمد وسعد وعمتي سعاد كعد جدي هم شفت
الساعه٣ بالليل رحت الياسر كتله خل اروح وراهم
فدوه
ياسر:وين ترحين الدنيا نص الليل
شبيج
زهراء:ميخالف عليك الله والله فاطمه اتخاف جبانه لا انه ولا امي وياه فدوه
ياسر:شبيج بابا وين رايح انشاءالله ماكو شي وبعدين امي وعمتي وياها لا تخافين
زهراء:طلعت منه وضليت افتر ودعاء ترضع ببنها گاعده بالمطبخ
سعد: وصلنه للمستشفى دخلوها للطوارئ
فاطمه:ماقبلن احد يدخل وياي دخلت وحدي وادموعي اصب
فحصتني بس راحت روحي
وسوت سونار
الدكتور:عندج اطفال
فاطمه:هزيت راسي لااا
الدكتور: لازم نسويلج تنظيف صار عندج اسقاط
فاطمه: طلعت الدكتوره حتى فرحتنه ماكملت بالطفل شويه ودخلت
بدت اسوي تنظيف وانه ادموعي اصب اتخبلت الم ماحاسه بيه عمري كله كملت بس انه انتهيت ماحسيت بشي بعد
لمن على صوت سعد
فتحت عيوني مخليلي مغذي وعمتي سعاد وعمتي وسعد يمي باوعتله وكمت ابجي
سعد:لا تبجين ياعمري كلشي بيد الله والله ماقاسمه
سعاد: انشاءالله يصير غير المهم انتي سالمه
سعد:خل اشوف الدكتوره
فاطمه:شويه ورجع سعد كال ياله نطلع كمت بس حيل مابيه كعدني على الكرسي ووصلني للسيارة
وصلنه للبيت
زهراء:ساعه٧ غفيت وانه كاعده على الكرسي شويه وسمعت هورن السيارة ركضت فتحت باب الكراج ودخلو
ياسر ماادري وينه يمكن صاعد نايم
ماادري
دخلها سعد وعمتي يمشون بيها بس وجها اصفر
رحت وراها للغرفه طالعت عمتي ضل بس سعد
الحمدالله على السلامه حبيبتي
فاطمه:الله يسلمج وبجيت
زهراء:ليش البجي انشاءالله يصير بمكانه عشره
ضليت يمها شويه وطلعت عصرتلها
عصير برتقال فرش ووديتها الها
شبرت منه شويه ونامت خليتها وطلعت ساعه تقريبا واجت امي
وشلون ماادكولون وشلون
دخلت عليها كعدت فاطمه ...
سويت ريوك للكاعدين تريكو وخلصو جدي كال ل احمد يذبح فده صدك والله ذبح ذبيحتين وعزمو بيت عمي حاتم وهذولي المنه ومنه واخواني ونسوانهم وابوي
تغدو وخلصو وجاي وماي ادگطعن رجليه بس انه افتر سهى كاعده ودعاء اذا وگفت على الغده وغسلت الماعين بعد ماعليها بشي
للعصر كالها راحت بس اهلي ضلو
دخلت لغرفت فاطمه امي ونسوان خواني وعمتي سعاد وعمتي ام ياسر ودعاء وسهى كالهن بالغرفه
ماكو مكان سحبت الكرسي مال ميز التواليت وكعدت عليه يسولفن وجابنها على روحت ياسر لبغداد
كالت عمتي حتى زهراء تروح وياه
كالتلها لا بطلت مااروح
ام ياسر: ليش مساعه كال ياسر تروح
زهراء:لا عمه فاطمه تعبانه مااروح
امي:وشعليج بفاطمه روحي ويه زلمتج
زهراء:وكلهن كبن عليه وشلون وشلون ماترحين رجال اسبوعين ملابس يريد واكل اخر شي سكتن انه هم مارديت عليهن
شويه ورجعن سميه واسماء للبيت
ضلت بس امي
كامت عمتي اسوي العشه
انه كمت صعدت للغرفه توضيت وصليت كاعده اصلي ودخل ياسر يمكن جان طالع
خلصت وكمت
ياسر:خليلي ملابس بالحمام
وحضري غراضنه نطلع من غبشه
زهراء:اجيت اكله مااروح بس سكتت اخذتله منشفه وداخليات خليتهن وطلعت واگف يحدد بالحيته على المرايه وشعر طايح على الميز كتله ليش هج
موو هاذا حمام وادخل سوي جوه
ياسر: هسه المه خاف اتعبين
زهراء:باوعتله وهزيت ايدي
درت وجهي
ياسر:جنه ماعجبج الكلام
زهراء:لااا استغفرالله شلون مايعجبني كلام اااالمهندس ياااسر
ياسر:تستهزئين حضرتج
زهراء:لا ليش استهزء
تقرب عليه فعني للكنتور ظهري لزگ بيه وكف گدامي
ياسر:السانج طويل
زهراء:باوعتله فتحت عيوني حييل
كتله گصه
ياسر:يجي يوووم واگصه واذكرج بيه
زهراء: وانته السانك منو يكصه ومنو يحاسبك
ياسر:بعده ماطلع من ظهر زلمه ليحاسبني
زهراء:اجيت احجي دگ تلفونه رد خليت وطلعت
يگص الساني هوه تايهتله عباله نزلت وكفت ويه عمتي بالمطبخ
تعشينه وخلصنه سهى غسلت الماعين مدري شعجب ياسر طلع ويه امي يوديها للبيت
صعدت احضر الملابس طلعت الجنطه وكمت اخلي
كملت دخل طالع جنطه صغيره خله غراضه بيها والتلفون الجابه الي
كالت ابكلبي راح ياخذه من بيه
خلصت كلشي طفيت الضوه وتمددت......
شكرا لزيارتكم عالم روايات سكيرهوم
