رواية غموض الحب عائلة الرفاعى الفصل الخامس و الثمانون بقلم لولا
وسيف لما شافها فتح ايديه جامد وتابع قلب ونور عيون بابي وجري شالها وخدها بالحضن وباس خدها وتابع واحشتيني اوي يبطتي
بريتي بفرح وانت كمان واحشتني اوي اوي وحضنت رقبته جامد وباست خده فسيف ضحك وضمها ليه اكتر وباس خدها وتابع بضحك فين مامي وفارس ؟
بريتي بابتسامه مامي فوق ووشها اتغير وتابعت بخوف : بس فارس مش عارفه
سيف بستغراب مش عارفه ازاي يعني راح فين ما الحضانه خدت الاجازه خلاص
بريتي بخوف لالا ماهو مش برا البيت هقولك بس مش تزعقله ماشي ؟؟
سيف برفعه حاجب مش ازعقله اااه قولتيلي … عمل ايه الحيوان ده يا بريتي ؟؟؟
بريتي بخوف لالا خلاص مش عارفه معملش حاجه
وسمع سيف صوت امنيه بتنادي على فارس من بلكونه اوضتهم لانها مطله على الشارع اكتر من بلكونه الصالون
امنيه بحده : يحيوان اطلع ابوك جيه
فارس وهو بيلعب كوره مع زين تابع لا انتي بتقولي كده علشان اطلع
امنيه بعصبيه يا بني والله جيه و …..
وفاجاه لقيت سيف جيه وهو شايل بريتي وباصصلها بحده فدخلت بسرعه من البلكونه وبص لفارس اللي شافه اتصدم فتابع سيف بحده وهو بيشاورله بايديه : خد يا ابن الكلب انت تعالى هنا ده انت هيطلع عين اللي خلفوك انهارده .. علشان كده اختك بتقولي مش عاارفه مش عايزه تفتن عليك
فارس بخوف انا اسف والله خلاص
سيف اتعصب وتابع قووولت تعالى ففارس طلع يجري على فوق فتابع سيف بحده ماشي يا ابن الكلب يحيوان انت مااشي لما اطلعلك هتروح مني فين يعني ؟!!! وبص لزين وتابع بحده وانت صبرك علياا اما خليت ابوك يربيك مبقاش انا يا زين
زين بخوف والله يا عمو لما العربيات بتيجي بنقف على جنب
سيف بعصبيه هو احنا مش قولنا 100 مره عايزين تتنيلوا تلعبوا تلعبوا جوه الجنينه ولا مقولناش ؟؟
زين بص للارض وتابع بحزن قولتوا بس هنا احلى و اوسع
سيف بعصبيه احلى و اوسع ااه .. ده انا هوريك انت وابن الحيوان اللي طلع ده وشاور على البيت وتابع بنفس البعصبيه يلا اطلع على فوق
زين دموعه نزلت وتابع بحزن حاضر يا عمو وطلع بالفعل فتابعت بريتي بحزن بابي ممكن بليز مش تزعق لفارس
سيف بتنهيده وانتي يرضيكي اللي هو بيعمله ده وبابي قايل محدش ينزل يا بريتي؟
بريتي هزت راسها بـ لا بحزن فتابع سيف بس يبقى يتهزق علشان يبطل ينزل امك غلبانه ومش بتقدر عليه وياما حوادث حصلت في البلد بسبب اللعب ده فمينفعش كده وطلع بيها ودخل من باب شقته كانت امنيه في الوش وفارس مستخبي وراها فنزل سيف بريتي على الارض فتابعت امنيه بابتسامه وهي بتحاول تهديه علشان ابنها: يحبيبييي واحشتني اوي ينورعيني الف حمدلله على السلامه وحضنته فسيف حضنها باشتياق وطبطب على ضهرها وتابع وانتي اكتر بس حسابك معايا بعدين هاا وبص لفارس اللي وراها بحده وفارس كان ثانيه وهيعيط
فتابعت امنيه بتوتر خلاص يا سيف حقك علياا انا المره دي
سيف بعصبيه تسمحي تسكتي ومتدخليش بيني وبين عيالي ؟؟ انا حسابي معاكي انتي هيبقي بينا انما دلوقتي اوعي من قدامي وسيبيه
امنيه بتوتر انا اللي غلطانه من البدايه والله حقك عليا بس بيفضل يزن انه ينزل فبنزله وببص عليه كل شويه والله ومش بيطول وبطلعه متقلقش
سيف بعصبيه اه اصله بيسمع كلامك اوي ده انتي بتتحايلي عليه قدامي وصوتك جايب اخر الدنيا والواد ولا هنا وبعدين انا قولت لا يبقى لا مفيهاش نقاش تبصي عليه ايه وزفت ايه ده لو عربيه جات سريعه مش هتلحقي تعملي حاجه اصلاا بطلي اهماال ودلعك المرء ده للعيل ومينفعش اصلاا ابوه يرفض حااجه وانتي تعمليهااا بقى بتكسري كلمتي في غيابي وتمشي عليااا انا كمااان يا امنيه !! انتي اتجننتي ولا ايه ؟؟!!!! ده انتي كده هتعوديهم يغور هوو وانا هعملكم اللي انتوا عايزينه عاادي
امنيه بحزن لالا طبعا مقدرش والله حقك عليا انا غلطت وبعتذرلك ووالله مش هتقرر تاني بس مش وقته الكلام ده قدام العياال ابوس ايديك من امتي بنختلف قداهم كدده
وفارس مسك في رجليها جامد وخايف
فسيف غمض عينيه بغضب وتابع بهدوء مخيف: اوعي يا امنيه علشان مزعلكيش قدامهم وايااكي اياا كان حصل ايه او هيحصل ايه تقفي وتفضلي تعلي في صوتك من البلكونه كده تاني
امنيه بحزن حاضر يا سيف
فسيف مسك دراعها وبيبعدها عن فارس ففارس سابها وطلع يجري وهو بيعيط على شقه نرمين اللي في وشهم لان الباب كان مفتوح وتابع ياتييته .. ياتييته فامنيه عيطت وتابعت والنبي خلاص سيبه متزعقلوش الواد خايف منك يا سيف
سيف بصلها بذهول وضرب كف في كف وتابع يابنتي هو انا لسه عملتلوا حاجه !! انتوا هتجننوني انهارده قسما بالله وراح وراه وامنيه وبريتي راحو بسرعه ورا سيف
عند نرمين في الصالون شافت فارس جاي يجري عليها وبيعيط فتابعت بخوف بس بس ايه يقلب تيته مالك في ايه
فارس راح وراها وتابع بعياط بابا عايز يضربني
نرمين بذهول يضربك !! هو ابوك جيه يا فارس ؟؟!
فارس رايح يتكلم فدخل سيف وتابع بعصبيه هو انت فاكر ان الهبل اللي انت بتعملوا ده هيخليني معرفش اطولك يعني ؟؟
نرمين بفرح يحبيبي الف حمدلله على السلامه وبصت لفارس اللي حاضن في رجليها وبيعيط وتابعت بقلق: مالك بيه يا سيف سيبه ياابني
سيف بحده اوعي انتي بس ياما علشان منزعلش من بعض ده انا هطلع عين اهله انهارده علشان الكلام اللي مبيتمسعش ده
نرمين بخوف طب حقك علياا انا يابني علشان خاطري سيبه الواد بيعيط ومرعوب منك
سيف غمض بغضب وتابع يعني ينفع ياما اقوله متنزلش ام الشارع والعب في الجنينه ميعملش اعتبار للكلام والهانم تطاوعه في كسر كلمتي ؟؟
نرمين بخوف لالا غلطان طبعا بس انا هكلمه خلاص ملكش دعوه بيه ورحمه اخوك علشان خاطري
سيف بحده تمام انا هكبرلك بس يبقى يقررها فارس وانا اكسره خالص ومشي وهو متعصب فبريتي راحت وراه
فتابعت نرمين بعتاب : يابنتي حرام عليكي مكنتيش تنزليه مينفعش تعوديه يكسر كلمه ابوه وانتي عارفه سيف واسلوبه
امنيه بتوتر والله يا ماما بيفضل يعيط فبيصعب عليا ومش بيطول وبيطلع ولما مرضيش انهارده يطلع قولت سيف اكيد هيشوفه ويطلعه وننهي الموضوع ده لان فارس زودها اوي .. بس بجد مكنتش اعرف ان سيف هيزعل ويتعصب اوي كده
نرمين تنهدت بعمق وتابعت محسساني جديد عليكي يا امنيه مينفعش يابنتي ابوه يقول لا على حاجه وانتي توافقي مينفعش نهائي هيحس انه مالوش كلمه علي اهل بيته ومش محترمين غيابه
امنيه بحزن غلطه ومش هتقرر والله انتي عارفه انا بحترمه في غيابه قبل وجوده
نرمين بتنهيده عارفه يابنتي ربنا يهدي سركم يااارب وشالت فارس وباسته وتابعت نروح دلوقتي حالا نصالح بابا ها
فارس بخوف لا يا تيته هيضربني
نرمين بابتسامه ومن امتى بابا بيضربك يقلب تيته؟ هو بس زعلان منك شويه علشان خايف عليك وبيحبك ومينفعش نكسر كلمه بابا يافارس بس مجرد ماتروح تحضنه هيصالحك علطول روح يلا
فارس بحزن ماشي ونزلته فراح شقتهم فتابعت امنيه بحب عن اذنك ياماما هروح انا
نرمين بابتسامه روحي يابنتي ومشيت امنيه ودخلت شقتها وقفلت الباب وقلعت الاسدال وفضلت بالكاش زي ماهي وسيف كان قاعد في الصالون وبيوري بريتي الالعاب اللي جبهالها وفارس واقف بعيد شويه شايفهم وزعلان
فوطت امنيه لمستواه وباست خده وتابعت بحب روح خد لعبتك من بابي وصالحه يلا
فارس بحزن لا شكله بريتي بس
امنيه بحب ومن امتى وبابي بيفرق بينكم لا طبعا جابلك اكيد يلا روح بس
وقربوا منهم فتابعت بريتي بفرح وااو جميله اوي اوي بجد ياباابي وحضنته وباست خده فسيف فضل يضحك وباس خدها وتابع والله انتي حبيبت وعيون بابي
فارس راحله وبص للارض بحزن فسيف تنهد بعمق لما شافه وتابع تعالى خد الالعاب بتاعتك اهي
فارس بفرح انت جبتلي ؟
سيف بستغراب ومش هجيبلك ليه ما زيك زي اختك
امنيه بحب يحبيبي والله بابي بيحبكم زي بعض وميعرفش انك هتزعله اصلا ولو زعلان منك بردو هيجيلك
ففتح فارس الشنطه لقي فيها مسدس وعربيه بريموت ففضل يضحك وتابع بفرح الله كنت قايلك عليهم
سيف بضحك وانا مبنساش يخش يطمر
ففارس حضنه جامد فسيف ابتسم وضمه ليه اكتر وغمض عينيه وباس راسه بعمق فتابع فارس بحزن بابي انا اسف
سيف ابتسم وتابع انت عارف انا بحبك قد ايه ولالا؟
فارس هز راسه بـ آه فتابع سيف بتنهيده وانا مش قصدي ارخم بس انا خايف عليك يا فارس 100 مره اقولك الطريق سريع وعربيات قد كده بتروح وتيجي منه فانا لو اب رخم كنت قولتلك متنزلش خالص انما انا بقولك الجنينه موجوده بس بلاش الشارع وده علشان بحبك وخايف عليك يحبيبي .. انا معنديش غيرك انت واختك ومبحبش حد قدكم في الدنيا كلها فطبيعي اخاف عليكم ده انتوا لو جرالكم حاجه والله اموت فيها
فارس حضنه وباس خده وتابع بحزن بعد الشر مش هعمل كده تاني والله بس متزعلش مني وحياه ماما
فسيف فضل يضحك هو وامنيه بشده وتابع طب يسيدي وانا مش زعلان خلاص روح العب بالالعاب زي اختك يلا
فابتسم فارس وباس خده وخد الالعاب وجري دخل البلكونه فقعدت امنيه جنب سيف وتابعت برفعه حاجب الا مسمعتش اسمي معاهم وانت بتقول مبتحبش حد قدهم
سيف بضحك بذمتك ده وقت نكد ده ابنك بيقولي وحياه ماما وغمز وتابع يعني العيال عارفين اللي فيها انتي الاساس كده كده يا ام فارس
امنيه بضحك اتعودوا بسبي ياخويا لما بفضل اقولك وحياتي ياسيف وتوافق
سيف بضحك طب ما انتي عارفه اهو بس ايه ياخويا دي !! اخوكي في عينك وعين اهلك ده احنا معانا اتنين اهو وهنجيب التالت الاجازه دي باذن الله
امنيه بضحك مع نفسك ياروحي لو تعرف تتكاثر ذاتيا زي النبات كده اعملهاا انما انا خلاص مفيش منه الكلام ده ماصدقت كبرتهم
سيف فضل يضحك وتابع هوريكي انا مع نفسي ازاي بس الصبر وبيشد وسطها عليه فتابعت امنيه بضحك وهمس سيف اتلم بنتك قاعده بتلعب في وشناا
سيف بضحك لا متقلقيش هي مش واخده بالها وبعدين انا قاصد اجبلهم الالعاب علشان يحلوا عننا شويه
امنيه فضلت تضحك وتابعت بالله عليك بالليل الكلام ده سبني دلوقتي اقوم اكمل الاكل
سيف باس خدها وتابع بهمس وحب واحشاني واالله سيبك من الاكل ومن العيال واتسحبي جوه وجايلك ومش هياخدوا بالهم فرحانين بالحاجه
امنيه فضلت تضحك وتابعت والله وانت واحشتني اكتر بس انسى الكلام ده قولت بالليل عيالك بيستوعبوا دلوقتي مش ناقصين يسمعوا ولا يشوفوا حاجه فابوس ايديك اتلم
سيف بضحك وهمس قسما بالله انتي فصيله طب هاتي بوسه طيب ده انا نسيت اني عايز ارنك علقه على صوتك اللي كان جايب اخر البلد ده وبقولك هاتي بوسه فهاتيها واتلمي
امنيه بضحك ماشي بس بسرعه مترخمش البت قاعده
سيف بضحك يا امنيه والله ما باصه علينا ومديانا ضهرها اصلا
امنيه بضحك ولو بردو وسيف رايح يبوسها فبعدت وتابعت بضحك لالا انا هبوسك وهبعد بسرعه هترخم هضربك
سيف بضحك طب وريني هتعملي ايه يلا
امنيه ضحكت وقربت باسته ورايحه تبعد فحط سيف ايد على وسطها والتانيه على ضهرها وقربها ليه اكتر وباسها بعمق واشتياق وشاف بريتي رايحه تقوم فساب امنيه كانت هتقع من علي الكنبه وشهقت بخضه فمسكها وفضل يضحك بشده فامنيه ضربته في كتفه كذا ضربه وهو بيضحك وتابعت بضحك قولتلك تتربى حلو كده يعني
سيف فضل يضحك وتابع معلش خليها عليكي بس مش قادر بصراحه
وفعلا كانت بريتي قامت وراحتله وتابعت بحماس بابي تلعب معايا حجره ورقه مقص ؟
سيف بضحك انا العب معاكي اللي انتي تطلبيه كله بس كده ؟؟!! ده انا عيوني للاميره بيري وطلباتها وقعدها على رجليه وباس خدها بحب
فتابعت بريتي بفرح طب يلا نبدا فتابعت امنيه بحب سيبي بابي يغير لبس الجيش وياخد شاور ويرتاح من السفر شويه ويلعب معاكي براحتك
بريتي بفرح ماشي بس بسرعه
سيف بضحك ده طياره مش بسرعه بس المهم طمنيني عملتي ايه في الحضانه الفتره دي
بريتي بحماس اه جبت تن من تن ثواني اوريك ونزلت من على رجله فتابعت امنيه بضحك من ساعه ماجابتها سيباها في النيش للعرض كده علشان توريهالك
سيف بضحك دي حته من قلبي دي والله
امنيه بضحك الصبح المس بتااعتها قابلتني في السوق فعرفتني بسبب الصور على الاكونت وكده وقالتلي انتي بسم الله ما شاء الله قمر بس عيالك طالعين لباباهم اوي مش واخدين منك ولا حتى غمازاتك
سيف فضل يضحك وتابع طب اقسم بالله انا ماكنت عايزهم غير شبهك خصوصا غمازاتك القمر دي وباس خدها وتابع بس نعمل ايه بقى
امنيه بضحك اولا انا مبسوطه جدا ان هما الاتنين نسخه منك اصلا ثانيا اتلم وابعد عني علشان بيعتني في اقرب محطه لما بنتك كانت هتبص وكنت هقع اتكسر
سيف فضل يضحك وتابع حقك عليا اعمل ايه كانت هتشوفنا والله
امنيه بضحك منا قولت نتربى بس لا ازاي فسيف فضل يضحك وجات بريتي وتابعت بفرح بص فسيف مسك الورقه وتابع بفرح ايه يخواتي الشطاره دي ورفع كف ايديه وتابع بضحك وحماس جيڤ مي فايڤ (يعني كفك)
فضحكت بريتي وضربت كفها في كفه فضحك سيف وحضنها وفضل يبوس خدها بوسات متتاليه وهي بتضحك وتابع ايه يانااس الشطاره دي بنوتي اشطر شطره في الشاطرين والله
امنيه بضحك شايف فهمتك ازاي فلوسك مبتروحش على الفاضي في اللغات
سيف فضل يضحك وتابع طبعا بيرو شطوره كده كده برافو يعمري عايزك كده علطول
بريتي بفرح حاضر
سيف بضحك يخواتي ياناس على حاضر اللي طالعه منها عسل وباس خدها
فتابعت امنيه بضحك اقعد ساكت بس الله يرضى عنك دي عامله قدامك رقيقه انما دي لسانها طويل بتفكرني بـ روز بنت حسن وندى
سيف فضل يضحك وتابع دي بنت حسن وندى دي حكايه بلسانين فعلا
فتابعت بريتي بحماس بابي انا عايزه البس طقم العيد واوريك ممكن ؟
سيف بحب ياروح قلب بابي انتي ممكن طبعا روحي يلا
امنيه بحب طب تعالي البسك وبصت للبلكونه وتابعت بصوت مسموع وانت يافاارس تعالى البس وري بابي هدوم العيد يلا
فارس بحماس حاضر جاي
سيف بضحك يلا مستنيكم اجروا ففعلا فارس وبريتي جريوا على الاوضه وهما بيضحكوا وامنيه ضحكت ودخلت وراهم وسيف ابتسم ورجع ضهره لورا وعينيه جات على صورته هو وحسام المتعلقه في الصالون فاالدموع اتحجرت في عينيه وتنهد بقهر وهو بيفتكر ايامهم سوا وابتسم والدموع في عينيه وتابع غيب براحتك بس هتفضل جوه قلبي … عارف يحسام خوفي على فارس بيفكرني بخوفي عليك .. انت مكنتش اخويا انت كنت فعلا ابني .. واحشتني اوي بجد وهموت واخدك في حضني ودموعه نزلت بحزن وحط ايديه عند مدمع عينيه وسمع صوت بريتي جايه تجري وبتنادي عليه فمسح دموعه كويس وجات وتابعت بحماس وفرح : هاا ايه رايك
سيف بصلها باعجاب وتابع بضحك ايه يخواتي القمر والحلاوه دي كلها بسم الله ما شاء الله جميله اوي يا نورعيون بابي انتي .. واخده حلاوه الدنيا كلها لوحدك وشالها قعدها على رجله وباس خدها فتابعت بفرح يعني حلوه عجبك بجد ؟
سيف باعجاب: خطيره مشوفتش اجمل من كده فين فارس بقى
بريتي بابتسامه ماما دخلت الحمام لبستني انا بعدين طلعتني وندهت فارس فبيلبس لسه
سيف بحب بس حقيقي زي القمر
فبريتي ضحكت بكسوف ودخلت في حضنه ففضل يضحك على كسوفها فبصت على كتفه وتابعت حمامه ونجمه ونجمه … عمو عمر حمامه ونجمه واحده بس ليه؟
سيف فضل يضحك بشده وتابع حمامه !! بالله عيب في حق الجيش المصري الكلمه دي هستنى ايه من الخصم اما بنتي بتقول عليا حاطط حمامه !!
بريتي بضحك امال هي ايه
سيف بضحك هي نسر مش حمامه وانا اكتر من عمو عمر علشان انا اكبر
بريتي بضحك يعني ايه نسر
سيف فضل يضحك وتابع حاجه زي الحمامه كده بس على اقوى يعني الحمامه ممكن نمسكها عادي انما النسر خطير شويه
بريتي بضحك ااه فهمت
سيف بضحك طب الحمدلله وخرج فارس وتابع بحماس بابي بص
فسيف بص عليه وتابع بضحك يخرابي ياناس ايه العياال الحلوه اللي انا جايبها ديي تعالى تعالى وفتح ايديه التانيه ففارس راح قعد في حضنه فسيف باس خده وتابع بحب جميل اوي ينورعين بابي كل سنه وانتوا طيبين عقبال كل عيد وابتسم وتابع لابسين بيبي بلو وابيض زي بعض عاملين ماتشي؟
امنيه بضحك وانا وانت بردو جبتلنا كلنا زي بعض نفس الالوان ده طبعا بعد ماتدبحوا اللبس الشيك اللي انا جبته ده
سيف بضحك طب ده حلو جدا بس ايه كويتي الجلابيه ولا لسه ؟؟
امنيه قعدت جنبه وتابعت بحب كويتها وشيلتها متقلقش
سيف بحب تسلملي ايديكي ينورعيني
امنيه بحب يحبيبي ده انا عيوني ليك
بريتي بحب بابي انا عايزه البس حجاب زي بتاع زينه في العيد ممكن توافق علشان خاطري؟
سيف استغرب وتابع بضحك حجاب زي بتاع زينه !!! هي زينه اتحجبت امتى احنا غبنا كتير اوي كده ؟!!!
امنيه بضحك ياسيف ده خمار صغير كده بتلبسه فرحانه بيه وبنتك من ساعه ما شافته عايزه واحد فجبتلها وجبتلها اسدال صغنن بس مصممه تلبسه في العيد
سيف فضل يضحك وتابع يخرابي ياناس على بنتي المحترمه طالعه لمين البت دي چين الادب ده مش موجود في عيلتنا
امنيه فضلت تضحك وتابعت حلاوه البدايات مستعجله على الحجاب اوي ياختي
سيف فضل يضحك وباس خدها وتابع بابتسامه علشان شطوره بس انتي لسه صغيره وحتى الهدوم بتاعتك كتفك باين ينفع نلبس حجاب وكتفنا باين ؟
بريتي هزت راسها ب لا فابتسم سيف وتابع شوفتي فلما تكبري شويه وتدخلي اولى اعدادي وعد مني هخليكي تلبسيه علطول اتفقنا؟
بريتي ربعت ايديها بضيق وتابعت دول لسه كتير انا مدخلتش واحد اصلا
فسيف فضل يضحك بشده وتابع لالا ولا كتير ولا حاجه هيعدوا هوا مانتي كبرتي بسرعه اهو انما دلوقتي خليكي مبسوطه شويه وزينه هتلبس وهتسيب شعرها وهتعمل تسريحه حلوه فاعملي زيها ولما تيجي تصلي مع ماما البسيه واقعدي بيه شويه وبص لامنيه وتابع هنعلمها تصلي يا ماما هي خلاص قربت تدخل المدرسه
امنيه بحب حاضر ده من عيوني
فسقفت بريتي بفرح وباست خده فسيف ضحك وحضنها اكتر وتابع ربنا يحفظك ويباركلي فيكي يارب ينورعيني
امنيه بحب اللهم امين يارب وضحكت وتابعت بس خليها تتلم وتبطل تقول عليك حبيبي وجوزي علشان بتعصبني
سيف فضل يضحك فبريتي حضنته وتابعت بضحك ماهو حبيبي وجوزي صح يا بابي
سيف فضل يضحك بشده وحضنها وتابع صح يقلب بابي متدخليش انتي بينا لو سمحتي يا امنيه
امنيه ضربته في كتفه وتابعت بضحك ماشي غور انت وهي يلا تعالي يا واد يا فارس على رجلي شويه انت ابني حبيبي
فارس بحب هاجي بس اقعد مع بابا شويه
فسيف فضل يضحك بشده على رياكشن امنيه المصدوم فتابعت بضحك تصدق ان واد ابن كلبــــ ولقيت سيف بصلها فكملتها بتوتر ـــهههه ابن كلبــــههه وخساره فيك اسم حبيبي اللي سمتهولك
سيف برفعه حاجب حبيبك مين يا امنيه؟
امنيه بضحك انت يعمري مش انا سميتك فارس لما شوفتك اول مره
سيف برفعه حاجب: ااه بحسب
امنيه بضحك لا متحسبش وبنتك ام لسان طويل دي شوفلك حل معاها علشان لما بتغلط بخوفها بشرطه الاطفال اللي كانت بترعبنا كلنا واحنا صغيرين لقيتها بتقولي عادي بابي ظابط هيجي ياخدني ويحبسهم
فسيف فضل يضحك بشده فتابعت بريتي بضحك اه قولت كده بصي نجمه ونجمه وايه دي يا بابي ؟؟ وضيقت عينيها بتحاول تفتكر
فتابع سيف من بين ضحكه : نسر يقلب بابي نسر
بريتي بضحك اه نسر فميقدروش
امنيه بضحك والله بلساانين فضحك سيف وتابع انتي عايزه تخوفي بريتي ؟!!! يعني دي تخوف بلد ومتخافش هي
امنيه بضحك طالعينلك قلبهم تقيل مفيش حد فيهم ناصفني
سيف بضحك ماواضح من قعدتهم في حضني اهو بايعينك بالجامد وفتح ايديه وتابع بضحك تعالي معانا طيب بدل ما انتي لوحدك كده
فامنيه ضحكت وتابعت اه والله هاجي وخلاص اهو اي حاجه بدل الوحده دي ودخلت في حضن سيف فضحك وباس جبين التلاته وتنهد بارتياح
—
في شقه زينب
زينب كانت بتسرح شعرها في اوضتها ولابسه كاش مايو حمالات قصير لحد قبل الركبه وسمعت صوت تكسير فاتخضت وطلعت بسرعه وتابعت ايه اللي اتكسر دده
حسام شافها خاف وطلع يجري وقف ورا الكنبه وتابع بخوف والنبي انا اسف والنبي
زينب بصت لقيت المزهريه اتكسرت فتابعت بعصبيه هو انا يا ابن الحيوانه مش قولت 100 مره الكوره دي ميتلعبش بيهاا في الشقه
حسام بخوف اه اسف والله مش هتقرر
زينب بعصبيه لم اللي كسرته يلاا وابوك جاي اما خليته يربيك يحسام مبقاش انا
وزينه كانت قاعده على الارض نايمه على بطنها وبتلون فتابعت زينب وانتي كمان قومي البسك بيجامه حلوه بدل اللي بهدلتيها بالالوان دي بابي جااي في الطريق خلاص
زينه قامت وقفت وتابعت حاضر فابتسمت زينب وتابعت بحب يوغتي على حاضر اللي طالعه من بوقك السكر وبصت لحسام بضيق وتابعت انما انت ليلتك سودا معايا
حسام بحزن انا اسف والله مش هلعب بيها تاني بس متقوليش لبابي
زينب بتنهيده طب هات بوسه وشاورت على خدهاا ووطت فحسام راح باس خدها وحضن رقبتها فباسته وتابعت بضحك والله انت حيوان مبعرفش اخد منك موقف يا عمر يا صغير انت وشالت زينه وتابعت هغير لاختك وجايه معلش يحسام لم البهدله دي يحبيبي بابي جاي مينفعش البيت يبقى مش نضيف
حسام حاضر وبدا يشيل الكتاب بتاع اخته والالوان والمزهريه اللي اتكسرت وزينب دخلت لبست زينه دريس بيتي شكله كيوت جدا وسمعوا صوت حسام بيتكلم بصوت عالي مع عمر فتابعت فزينه بفرح بابي جيه
زينب بضحك اه يلا يلا بسرعه وخرجوا كان حسام حاضن عمر وعمر موطي لمستواه وبيبوس خده وتابع بضحك واحشتني يا ابن الجزمه
حسام بفرح وانت اكتر ها جبتلي المسدس؟
عمر فضل يضحك وتابع جبتهولك يا ابو لسان طويل
زينب بصتله بفرح زي اول مره بتشوفه نازل اجازه وتابعت طب سيب بابي يرتاح شويه يا حسام مش من على الباب كده
عمر بصلها وابتسم بعشق وفضل يبصلها باعجاب واشتياق واضح وتابع بضحك لا عادي ينورعيني سيبيه وطلع المسدس واداهوله فحسام فرح جدا وخده وحضنه وباسه وجري بسرعه بيه فتابعت زينه وهي بتربع ايديها بضيق اه طب وانا ؟
عمر فضل بضحك تابع يخرابي يانااس ده انتي اول واحده هو انا اقدر انساكي وبص لزينب وتابع بضحك نسخه مني بس واخده نكدك وقلبه بوزك ياسبحانه على دي چينات
فزينب فضلت تضحك وعمر فتح ايديه وهو موطى على ركبته لزينه وتابع بضحك تعالي بسرعه واحشه بابي فراحت في حضنه وحضنته جامد فقفل ايديه عليها وباسها في خدها بحب وتابع واحشتيني اوي يا زوزا
زينه بفرح وانت كمان ها جبتلي العروسه
فزينب وعمر فضلوا يضحكوا فتابع عمر بضحك عيالك ولاد الكلب معتبرني بابا نويل ولا ايه هو انا مبوحش حد لشخصي خالص ؟!!
زينب بضحك ازاي بقي ياعمري منا موجوده
عمر بصلها بحب وتابع هقوم اخدك حضن مطار دلوقتي وانتي بطل كده بس بوزعهم بعيد عننا … وطلع العروسه من الشنطه وتابع بضحك اهي ياست زينه فزينه فرحت اوي وحضنته جامد وتابعت شكرا بجد يابابي وباست خده
فعمر باس خدها وايديها وتابع ده انا عيوني ليكي يقلب بابي
زينه بفرح هروح العب بيها في اوضتي ماشي؟
عمر بضحك ماشي جدا روحي يلا
فزينه جريت وعمر قام وقف وابتسم وفتح ايديه وتابع بالحضن بقى ياست البنات
زينب راحت لفت ايديها حوالين رقبته ووقفت على اطراف صوابعها وحضنته باشتياق فحط ايديه على ضهرها وضمها ليه اكتر وباس رقبتها بحب وتابع واحشتني اكتر من اي حاجه في الدنيا
زينب بضحك اممم ما واضح باماره الحضن اللي بيبقى لعيالك كل مره قبلي
عمر بضحك علشان اخليكي للاخر ياهبله واحلي بيكي واخد راحتي كده وباسها برقه وتابع عارفه لولا اسماء وجوزها جايين كنت عملت حاجه انا هموت و
فقاطعته زينب وتابعت بضحك اتلم واحترم نفسك مش وقته انا هروح احضر الاكل واغير وانت ادخل خد شاور وغير اختك زمانها جاايه ها
عمر بضحك هنتلم وماله بس مؤقتا
زينب بضحك اه بالظبط كده ودخلت المطبخ بالفعل تكمل الاكل وعمر دخل ياخد شاور وزينب خلصت الاكل وراحت لبست دريس بيتي شيك جدا ابيض ولفت طرحه حمرا وحطت ميكاب رقيق وعمر كان بيلبس في الدريسنج روم وخرج وتابع بحب ده ايه الحلاوه والجمال ده يا مزتي وحضنها من ضهرها وباس خدها فابتسمت زينب وتابعت بحب نورعيون مزتك والله كلم اختك شوفها ياعمر اتاخرت اوي كده
عمر بحب حاضر هشوفها ومسك الفون يكلم اسماء فسمع الباب بيخبط فتابع بضحك اهي بتيجي على سيرتها اهي وخرجوا وفتح كانت اسماء في الوش وزياد وراها وشايل يزن فحضنته بفرح وتابعت يعمري واحشتني اوي اوي بجد
عمر ضحك وحضنها اكتر وتابع وانتي اكتر والله ينورعيني وحضن زياد وتابع بابتسامه ايه الاخبار يا ابو يزن عامله معاك ايه البت دي
زياد بضحك الحمد لله بخير يا غالي لا متقلقش خالص اسماء دي ست البنات والله
عمر بحب ربنا يديمكم لبعض يغالي
زياد بحب تسلم يحبيبي
فتابع عمر بضحك ايه يا واد الحلاوه دي يحبيب وقلب خالك انت وشاله وباس خده وتابع بضحك واخد شكل زياد ولون عينيكي ميكس محصلش
اسماء وهي بتقعد تابعت بضحك اه كده حققنا حلم ابوه وحلمي مع بعض
عمر بضحك ده زي القمر بسم الله ما شاء الله عليه بجد وباس خده وقعد بيه جنب زينب وتابع بحب عقبال ماتخاويه يقلب اخوكي
اسماء بضحك خاوي انت يلا وشد حيلك عياالك كبروا اهو
زينب بصدمه انتي بتقولي ايه يا اسماء !! يا اسماء اخرسيي يا اسمااء هو عمر بيضيع وقت اصلااا
كلهم فضلوا يضحكوا فتابع زياد بضحك طب دي حاجه حلوه ولا وحشه
زينب بضحك حاجه منيله بستين نيله
عمر بضحك ماشي ماشي مش قدام الناس لينا اوضه تلمنا وغمزلها
فكلهم فضلوا يضحكوا فزينب ضربته في كتفه وتابعت بضحك طب اتلم الناس قاعده
زياد بضحك لالا عادي مش مراته براحته خالص
اسماء بضحك الا فين عيالك ولاد الجزمه مش يجوا يسلموا عليا واحشوني
زينب بضحك ولاد الجزمه اه مانتي متقدريش تشتمي علشان اخوكي
اسماء فضلت بتضحك وتابعت يا زوزا انتي مننا وعلينا خليها عليكي متدخليناش في مشاكل كبيره
فضحك عمر وتابع لا دول اختفوا من ساعه ماجيت بيلعبوا بالالعاب اللي جبتهالهم ثواني هندهملك اهو ورفع صوته نسبيا وتابع يا حسام هات زينه وتعالوا سلموا على عمتو
اسماء بضحك بالله يازينب فكري في موضوع الحمل ده ونشجع بعض
زينب غمضت عينيها وتابعت اخرسي ومسمعش حسك اتشجعي مع نفسك ياماا انا طلع عين اهلي وفقدت الشغف خلاص وقال انا اللي كنت عايزه اشتغل وعامله فيها سترونج اندبندنت ززفت لالالا بجد عيال اخوكي خلوني ادركت ان الست ملهاش الا بيت جوزها لان مش هتعرف تعمل حاجه مع الجواز ولو في طريقه انها تطفش فياريت نعرفها
كلهم فضلوا يضحكوا فعمر بصلها بتفاجئ وتابع بضحك تصدقي يابت انك بنت كلب
زينب بضحك تعبت حقيقي والله يا عمر تعبت
واسماء رايحه تتكلم لقيت زينه وحسام بيجروا عليها ففرحت وفتحت ايديها وتابعت بضحك حبايب قلب وعيون عمتو يا ناس تعالوا
فحسام وزينه حضنوها فباست خدهم بحب وتابعت بضحك واحشتوني اخباركم ايه يا حبايب قلبي انتوا
حسام بابتسامه الحمدلله يا عمتو
زينه بابتسامه الحمدلله
اسماء بضحك يخلاثي يناس يستاهل الحمد تعالوا اقعدوا جنبي واحشيني اوي
حسام قعد جنب اسماء وتابع ماما هو احنا هنروح لبريتي امتى ؟
زينب بحب يوم العيد هانت كلها 3 ايام
حسام بضيق لسه 3 ايام !!
زياد فضل يضحك وتابع عارف انت اخرك متعلق مع الجاموسه بعد ماتتشفى في العيد على لزقتك في بنت سيف دي
فكلهم فضلوا يضحكوا فتابع عمر بضحك ده هو بيروح علشانها فعلا ابن كلب مترباش
حسام بضحك انا بحب العب معاهاا فعايز اروح علشان خاطري يا بابي وطبطب على صدره وتابع علشان خاطري
عمر فضل يضحك وتابع يا ابن الجزمه ما امك قالتلك يوم العيد خلاص في ايه
اسماء بضحك لالا يامر ملكش حق الواد مستعجل يشوفها
فتابعت زينه بحب ممكن العب مع يزن؟
اسماء بضحك ممكن طبعا يعمري نزلوا يعمر يمشي يروح معاها يلعبوا
فعمر باسه بحب ونزلوا وزينه مسكت ايديه ومشيوا بحماس رايحين اوضتها يلعبوا فتابعت زينب فطمتيه صح ؟
اسماء بضحك من زمان ياختي ده عنده سنتين دلوقتي وطلع عيني والله يا زينب حاسه اقسم بالله كأنه هم ونزاح
زينب بضحك سنتين وكأنه هم وانزاح وانا عيالي بقيوا عريس وعروسه عايزاني احمل تاني واعيد المرار الطافح ده من الاول ده انتي ليلتك سودا معايا
اسماء فضلت تضحك وتابعت يلا يا اوفر تلات سنين وست سنين بقيوا عريس وعروسه اه وماله .. بعدين انا بتكلم جد اخلصي يا زينب وهاتي التالت ونشجع بعض
عمر بضحك سيبك منها انا ناوي الاجازه دي باذن الله هجيبه
زينب برفعه حاجب اه يعني ايه مش فاهمه ؟
عمر بضحك وغمز هتفهمي بعدين مش مهم دلوقتي انا كده كده كل مره بتفاجئ معاكي انها صابت
اسماء بضحك بس كلمه حق هي تابت بسببك مش من فراغ
زياد بضحك على ما اعتقد هي سقطت مرتين وخلفت مرتين صح ؟
زينب بضحك اه ياخويا صح هو انا بقالي سبع سنين متجوزه حملت فيهم اربع مرات الاول كنت عروسه جديده وحملت في حسام علطول اول اسبوعين بعدين لما ولدت حسام يا دوبك مكنش كمل الاربع شهور حملت تاني والحمل قعد شهرين ونزل وضحكت وتابعت وابن عمي قالي والله انتي كبيرك سنه وهتحملي تاني وانا شوحت بايدي كده وقولت ابدا فعلا بعد سنه بالظبط حملت في زينه وخلفتها حسام كان عنده تلات سنين ساعتها .. نسكت على كده لا طبعا لما زينه بقى عندها سنه ونص حملت للمره الرابعه ومكملش شهر ونص ونزل لوحده باراده ربنا فجايه تقوليلي احمل تاني لما البت بقيت تلات سنين !!! يعني عدى على اخر مره حملت سنه ونص بس !! لييه هو انا يا بنتي مش هرتاح ابدا يا حمل يا خلفه !!!
كلهم فضلوا يضحكوا فتابعت اسماء بضحك بصراحه ربنا معاكي جداا يعني كل مره بقولك نشجع بعض بس لما بتحكي الشريط ده بتصعبي عليا
زياد بضحك لا واللي لفت نظري ان اصلا عمر بيسافر بالتلات شهور يعني في خلال سبع سنين جواز بينزل اجازات بسيطه وحملتي اربع مرات امال لو قاعد معاكي زي بقيه الرجاله ؟؟!
زينب بضحك كنا فتحنا مشروع حضانه
فكلهم فضلوا يضحكوا فتابع زياد بضحك لا بجد فعلا مش بيضيع وقت لما كان عريس حملتي في حسام ولما كان بينزل اجازات كنتي طبعا حامل بمجرد ما ولدتي مكملتيش وحملتي تاني ولما نزل قعد سنه بالظبط ومنها قولي اغلبيه السنه شغال بس بردو حملتي تالت وجبتي بنتك وبعد كده لما ولدتيها حملتي رابع هو بيمشيها حمل يكمل حمل لا انما انتي لازم بتحملي ايه يسطا الرقم القياسي ده يخربيت اهلك
فكلهم فضلوا يضحكوا بشده فتابع عمر بضحك ماشي يا ابن الجزمه انت ماشي ليك روقه بتسخنها عليا
زياد بضحك بسخنها عليك ايه ده انت لو الرئيس عرف بيك هيقطع خبرك ده انت هتبقى السبب في الزياده السكانيه الفتره الجايه
فكلهم فضلوا يضحكوا بشده فتباعت زينب بضحك والله يابني عندك حق انا المره الوحيده اللي مش ببقى قلقانه فيها لما بكون حامل علشان اكيد مش هاخد عيل جنبه
كلهم فضلوا يضحكوا بشده فتابع عمر من بين ضحكه كده يا زينب بتفضحيني في المنطقه اخص عليكي قسما بالله بدل ماتقوليله انا راضيه
زينب بضحك راضيه بايه لا طبعاا انت بتهزر وربنا هو انا لحقت افوق اصلا !!
اسماء بضحك لا بجد يا زينب حاولي شوفي وسيله منع حمل مضمونه مش كده
زينب بضحك الطلاق
فعمر اتفاجئ وفضلوا يضحكوا بشده فتابع من بين ضحكه يخربيت فقرك والله هموووت منك بذمتك اهون عليكي يا زوزا نطلق علشان متحمليش ؟؟
زينب بضحك لا طبعا يقلب زوزا ودخلت في حضنه وتابعت بضحك بس بجد ده الحل الوحيد اصل انا من حظي الفقر الحمل الاخير ده يا اسماء حملت على اللولب فانتي بتقولي ايه اعمل ايه اكتر من كده ؟؟!! اللي هو مش معقوله بجد .. طب نشوف عمر عنده ايه و ولو دي حاجه بيتبرعوا بيها ندي حد محتاج في ناس مش لاقيه
كلهم فضلوا يضحكوا بشده فتابعت اسماء بضحك يعيني يابنتي بجد قلبي معاكي
عمر بضحك اهي هتاجر بيا بنت الكلب اهي بدل ما تقول الله اكبر
زياد فضل يضحك وتابع الله اكبر ايه بس يا شيخ يا رب تتحسد ده انت شكلك داخل سبق مع حد من وراها والله
عمر بضحك والله ما حصل بس هو ربنا بيكرمني عشان انا غلبان وهي بتفتري عليا كتير
زينب بضحك وهمس اومال لو كنت سبتك ساعه احتجاز سيف الخمس شهور دول براحتك كنت عملت فياا ايه هاا ؟؟
عمر فضل يضحك وتابع ما اللي هيجنني انه قسما بالله يتعدوا على الصوابع المرات اللي بنبقى مع بعض فيهاا ومعروفين بسبب شغلي ونكدك المستمر فا الواحد بيعمل اللي عليه يلاقي ربنا كرمه علطول يقول لا يعني ؟!!
زينب بضحك لا ازاي تحمل الارنبه مش مهم ده انا حاسه ان البويضات عندي بتعزك ومابتصدق دي بتلقط اسرع من شبكه فودافون
كلهم فضلوا يضحكوا بشده فتابع عمر بضحك ده حب ده لعلمك احنا في بينا كيميا محترمه
زينب بضحك اه انت هتقولي قصدك كيميا مشافتش ربايه اوعا اقوم احط الاكل يلا
عمر ضحك وسابها فتابعت اسماء بضحك خدوا بالكم بجد طلما هي مش عايزه عيال حرام
عمر بضحك يا بنتي والله بناخد بالنا بس هي اراده ربك بقى عشان هي مفتريه وبتيجي عليا كتير والله فافضلوا يضحكوا بشده
وسمع زينب تابعت عمرر
فعمر قام وتابع ثواني جايلكم تاني ودخلها وتابع عُمر عمر
زينب ابتسمت بحب وباست خده وتابعت معلش يا سياده المقدم يحبيب قلبي انا هحط الاكل وانت رص معايا
عمر باس رقبتها بحب وتابع ده من عيوني يا عيون سياده المقدم وبدا يساعدها وضحك لان فكر انها سمعته ونادت عليه علشان تتخانق
فتباعت زينب بضحك انت بتضحك على ايه ؟
عمر بضحك لا يعمري ولا اي حاجه
———–
عند شهد واقفه في المطبخ بتحضر الغدا وبتبص على الساعه لقيتها 2 الضهر وسمعت صوت عيالها بيتخانقوا مع بعض فنفخت بضيق وتابعت بنفاذ صبر: ياربي هعيط والله تعبت وخرجت لقيت ادم وايلين ماسكين في لعبه البابل وهما الاتنين عايزينها فتابعت بحده بس انتي وهو في ايه بابا نايم ينفع الاسلوب دده ؟؟
ايلين بدموع انا عايزه دي
ادم بغضب لا انا عايزها
شهد غمضت بغضب وتابعت بحده والله العظيم كلمه كمان هاخدها منكم انتوا الاتنين شويه وشويه وبعدين مافي العاب قد كده جوه لازم يعني انتوا الاتنين تصمموا على دي !!!
ايلين بدموع اخدها انا شويه يا مامي
شهد وطت لمستواهم وتابعت بحب تعالوا طيب
فالاتنين دخلو في حضنها فباست خدهم وبصت لادم وتابعت ينفع تعيط اختك كده؟
ادم بحزن ما انا عايزها
شهد ابتسمت بحب وتابعت اختك شويه وانت شويه انتوا الاتنين حبايبي وقد بعض اه بس انت الولد وفارس اهو بيخلي باله من بيرو رغم انها كبيره خلاص وبعدين عمرك شوفت خالو يونس بياخد حاجه مامي عايزاها ؟
ادم هز راسه بـ لا فابتسمت شهد وتابعت وانت كذلك بكره تكبر وتبقى انت بتدي اختك وبتحميها وبتحبها وتحافظ عليها فمينفعش الدموع دي تنزل بسببك انت
ادم راح مسح دموع ايلين بايديه وحضنها ففضلت ايلين تطبطب على ضهره بفرح فضحكت شهد وتابعت هاا يعني اتصافينا
ادم بفرح اه خلاص
شهد بحب مش هنزعل لولي تاني انت الولد وبردو هي هتديهالك بعد شويه اتفقنا ؟
ادم بفرح اتفقنا بس هي تاخدها خلاص
ايلين بضحك لا العب معايا
ادم لا العبي انتي انا هلعب بالعربيه وراح مسك العربيه
ايلين بفرح نلعب بدي مع بعض ودي مع بعض ماشي؟
ادم بفرح ماشي وقعدوا يلعبوا فتابعت شهد بضحك ربنا يهديكم يعيال احمد مجانين زيه بالظبط ودخلت تكمل الاكل وشويه وخلصت ودخلت خدت شاور ولبست دريس ابيض بيتي عليه ورد روز وحجاب روز وحطت ميكاب خفيف وبصت على احمد لقيته نايم على بطنه ومش لابس التيشرت فابتسمت بحب ومسكت ريموت التكييف وطت شويه وخدت الكتب بتاعتها وخرجت وفضلت تذاكر شويه وهي حاطه عينيها على العيال فتابعت ايلين مامي هي خالتو فرح جايه ؟
شهد بحب اه جايه العبوا بس بصوت واطي علشان مامي بتذاكر
ادم انا عايز اطلع لخالو يونس
شهد بحب خالو يونس مش فوق لما يجي ابقى اطلع
ايلين راح فين ؟
شهد بضحك راح النادي يخرج خالتو نور وياسين ونوران يا ام لسان طويل سبيني اكمل ام الشيت ده بقى
ايلين هزت راسها بماشي وتابعت ذاكري انتي ذاكري
شهد بضحك منا بذاكر يا ام لسانين وبصت للكتاب والورق وفضلت تذاكر وتعبت اوي وشربت من كوبايه القهوه ورجعت تكمل وشويه وقامت تبدا تحضر الاكل لان فرح قالتلها انها جايه في الطريق فتابعت لولي صحي بابي يلا قوليله قوم عمو مروان جاي
ايلين بفرح حاضر وجريت على الاوضه وطلعت على السرير وفضلت تخبط على ضهر احمد وتابعت بابي .. بابي وعلت صوتها شويه وتابعت بااابي
احمد فتح عينيه ببطئ وتابع بنوم وضحك: بتزعقي لمين يا بنت الجزمه انتي
ايلين بضحك اصحى عمو مروان جاي
احمد اتعدل على السرير ودعك في عينيه وتابع مامي فين يا ايلين؟ ؟
ايلين برا قوم بقى كفايه نوم
احمد باس خدها وتابع بحب صباح الخير على اجمل بنوته في الدنيا كلها هاتي الحضن بتاع بابي يلا
ايلين ضحكت وحضنته فضحك وفضل يبوس خدها وهي فضلت تضحك
فدخلت شهد وتابعت يا ايلين بقولك صحيه و … سكتت وبصتلهم برفعه حاجب وتابعت بدانا بقى فقره العشق المفقوع
احمد فضل يضحك وتابع بس يابت متدخليش بينا دي نورعيني واميرتي وحبيبت قلبي دي وباس خدها وهي فضلت تضحك
شهد بضحك ما انتي ملقيتيش حد يربيكي هقول ايه
احمد بضحك خليها تغير يلا يا لولي
ايلين شاورت على غمازه خدها وتابعت بضحك بصي زيه
فاحمد فضل يضحك بشده وتابع يخواتي ياناس على بنتي القمر ده انا اللي يبختي انك زيي والله
شهد بضحك والله انتوا الاتنين مستفزين وراحت ضربته في كتفه وتابعت قوم .. قوم وبطل دلع البس الناس جايين
احمد بضحك مزعجه اوي البت دي مش بتسيبنا ابدا كل يوم الصبح على كده صح
ايلين هزت راسها بـ آه فاحمد فضل يضحك فتابعت شهد بضحك طب حلو وماله ورفعت صوتها نسبياا وتابعت يا دوومي
ادم دخلها وتابع نعم يا مامي
فشهد فتحت ايديها وتابعت بضحك حضن وبوسه لمامي يقلب مامي
فادم جري عليها بفرح وحضنها فشالته ففضل يبوس في خدها
فتابع احمد برفعه حاجب انت بتعمل ايه يالا يا ابن الكلب انت ؟؟!!
شهد فضلت تضحك فتابع ادم بضحك اييه
احمد بضحك ايه انت ده انا هقوم اعلق امك دلوقتي متبوسش مراتي تاني ياالا
شهد بضحك بوس براحتك يانن عين امك
ادم باسها فشهد فضلت تضحك من ريأكشنات احمد
فتابع احمد بضحك ياشهد هقوم ازعلك
شهد بضحك تستاهل مش بتغيظني بالصفرا اللي معاك اهو انا ابني حبيبي جوزي معايا
احمد بضحك جوز مين يابنت الجزمه ده انا هقوم ارنك علقه انتي وهو دلوقتي
شهد بضحك متقدرش بوس يا ادم
ادم باسها وفضل يضحك فشهد باست شفايفه وتابعت بضحك حبيب قلبي وعيوني ده ياناس
احمد بحده طب قسما بالله لو بوستيه كده تاني هزعلك
شهد عارفه انه بيضايق واتوترت منه بس مبينتش وتابعت بثبات: والله ده ابني وعيل صغير انا مبعملش حاجه غلط
احمد بحده لا حاجه غلط صحيااا ده طفل متبوسيهوش كدده وغير صحياا انتي بتعلميه ايه؟
شهد حبت تهزر علشان ميتخانقش فتابعت بضحك : احمد قول انك غيران وبطل افوره انما ده ابني عادي
احمد بحده اه متنيل و100 مره اقولك متدخليش الهزار في الجد عيل زي ده انتي بتأسسيه فمفروض تفهميه ان كده عامهً غلط مش تبوسيه انتي هو معلش لما يروح الحضانه ويعمل زيك بقى ساعتها احنا نقول للناس ايه؟
شهد بذهول اكيد مش هيبوس الناس في الحضانه يعني !!
احمد بحده لا هو الاكيد انه مش هيعرف يميز بين ده صح ولا غلط لان انتي عودتيه انه عادي فابقى اشوفك بتعملي كده تاني ياشهد شوفي هعمل فيكي ايه
شهد ضحكت وتابعت خلاص بطل بواخه بقى انت عارف اني بحب اضايقك يحمودي والله
احمد برفعه حاجب وانا قولت ايه على الحركه دي ؟؟
شهد بضحك ما خلاص يا احمد بقى الله وغمزت وتابعت قوم يلا ادخل الدريسنج غير هدومك
احمد بتنهيده والله ما عارف اقول ايه ربنا يهديكي بجد وباس خد ايلين ونزلها قعدها على السرير وقام دخل فبصت شهد لعيالها وتابعت بحماس يلا روحوا العبوا يلا
ايلين بمرح يلا يا ادم فادم خرج وراها وطلعوا بالفعل فبصت شهد لقيتهم مش واقفين فدخلت لاحمد كان لسه بيشوف هيبلس ايه فحضنته من ضهره العاري وتابعت بضحك مش ناوي تبطل قمص وغيره من الواد
احمد لفلها وتابع برفعه حاجب قصري طيب علشان مزعلكيش
شهد بضحك يحمودي خلاص ميبقاش قلبك اسود بقى وبعدين ده انا وزعتهم علشان اصالحك وغمزت
احمد بضحك لا ماهو اللي هيصالحني مش هينفع بياخد وقت والناس جايه
شهد بضحك يخربيت اهلك اتلم وضربته في صدره وتابعت بضحك ده بعدين انما دلوقتي حاجه في السريع كده وحطت ايديها حوالين رقبته ووقفت على اطراف صوابعها وباسته بعمق فاحمد حط ايديه على وسطها وشدها ليه وباسها بعمق اكبر ودقايق وبعدت وتابعت بضحك خلاص كفاياك قله ادب بقى مابتصدق انت يلا البس وورايا
احمد بضحك اوي بصراحه اصل حد عاقل يقول للرزق لا بذمتك ؟؟؟
فشهد فضلت تضحك وتابعت ولا هتتربى والله وخرجت وهو دقايق وخرج وراها والباب خبط فتابعت وهي بترص الاكل افتح يا احمد
فاحمد فتح وتابع بابتسامه يا اهلاا وسهلا اتفضلوا
فدخل مروان وتابع بحب يزيد فضلك يغالي
فشهد شافت فرح ابتسمت وتابعت لا فيكي الخير يا واطيه اخيراا عرفت اتلم عليكي ده انتي من ساعه مابقيتي معيده في الجامعه محدش عارف يشوف وشك
فرح دخلت واحمد قفل الباب وراحت حضنت شهد جامد باشتياق وتابعت بضحك والله العظيم ابدا غضب عني واحشتنيي اوي اوي بجد وعيالك القرود واحشوني اووي
شهد بحب والله وانتي اكتر فينها ليان
فرح بضحك اهي منين ماتلاقي مروان تلاقي ليان لازقه فيه
فكلهم فضلوا يضحكوا فتابعت شهد بضحك نفس الحربوقه اللي عندي والله
مروان بضحك هي خلفه البنات عامهً كده
احمد بضحك اه والله ده حقيقي
شهد بحب اقعدوا طيب يلا وطمنيني عليكي عامله ايه دلوقتي في شغلك
كلهم قعدوا فتابعت فرح بابتسامه يعني الحمد لله نشكر ربنا بقيت معيده ودلوقتي بحضر للدكتوراه والماجستير وهبقى دكتوره زي يونس باذن الله اتكلمت معاه وفضل يفيدني بحاجات كثير جدا فادعيلي
شهد ابتسمت بفخر وتابعت: بسم الله ما شاء الله حقيقي فخوره بيكي فوق ما تتخيلي شوفتي بقى ان ربنا بيعوض وان اختياره كان احسن ليكي علشان لما جيتلك بيتك وفضلت اقولك الكلام ده شوفته عدم تقدير واحساس بوجعك وضحكت وتابعت اديني يااختي دخلت طب لسه مخلصتش وعيالي مطلعين عيني وعندي بيت ومذاكره
فكلهم فضلوا يضحكوا فتابع احمد بضحك انا والله عملت اللي عليا استنيت سنتين على الخلفه زي ما هي طلبت بس كليه الطب دي مشوارها مشوار فلازم البنات فعلا بتتجوز فيها
مروان بضحك اهي الحمد لله كلها سنه وتتخرج وتفوق للبيت بقى
شهد بضحك اهو انا مش حارق دمي قد ان هو مصمم ميشغلنيش ولو وافق هاخد وقت طويل جدا لحد مااعمل اسم وسمعه والكلام ده فربنا يرتب والله
احمد بتنهيده ممكن نقفل الموضوع ده علشان منزعلش من بعض
شهد نفخت بضيق وتابعت حاضر يا احمد اتكتمنا
مروان بتنهيده بصي يا شهد من غير ما تزعلي انتي بتقولي المذاكره مع عيالك والبيت مش قادره هتقدري تشتغلي مع بيتك اكيد لا يعني
شهد بضيق عارفه والله بس انا مستحرمه التعب ده كله يروح كدده
فرح بابتسامه معلش اهو اسمك تبقي حققتي حلمك بردو انما انا عايزه اقولك على حاجه انا الحمد لله ربنا كان حنين معايا اوي يوم خطوبتك واللي هو اصعب يوم في حياتي علشان نتيجه الثانويه العامه ربنا بعتلي زياد يطبطب عليا خطبني في وقت انا كنت فعلا محتاجه حد جنبي كان طول الوقت بيقولي هتنجحي وكأن ربنا قاصد يبعته في الوقت ده بالذات علشان ادخل حقوق ويبقى جوزي المعين والسند ليا في الحته دي لانه ربنا يحميه متميز جدا فيها وبيتطلب بالاسم كمان
فزياد مسك ايديها باسها بحب وطبطب عليها فابتسمت فرح وتابعت لدرجه ان انا بقيت الاولى على الدفعه الاربع سنين فطبيعي اترشحت اني ابقى معيده وقولت لمروان واول حاجه قالهالي بيتك وجوزك وعيالك اول واهم حاجه فلما قولتله ده هو يوم او يومين في الاسبوع بس اللي هروح فيهم الجامعه من الساعه 10:00 للساعه 3:00 لقيته وافق لانه اوريدي بنتي بتخرج من الحضانه في الوقت ده فعهدي اجيبها وهو بيكون في الشغل فاليه لا ده يومين بس انما مثلا الدكتوراه بتبقى عدد ايام اكتر فلما سالت في حدود الماده اللي انا عاوزه اعمل فيها الدكتوراه قاللي الجدول 3 ايام بس فقولت مش هتفرق انما صدقيني لو كانت هتعارض مع بيتي وعيالي مستحيل كنت اشتغل وحتى بعد كده لو حسيت انها هتأثر هسيب الشغل
شهد ابتسمت بحب وتبعت ايوه والله فاهمه كلامك وده فعلا الصح وحقيقي مبسوطه اوي ان ربنا عوضك بعد كل التعب ده انتي تستاهلي حقيقي يا فرح
فرح باتسامه اللي عايز ينجح هينجح ايا كان هو فين الثانويه العامه مش نهايه الطريق دي بدايه لحاجه تانيه ربنا مرتبها واختارها ففعلا لو علمتم الغيب لاخترتم الواقع وانا لو رجع بيا الزمن الف مره هختار اراده ربنا بدل ارادتي لاني فهمت حكمته خلاص وحقيقي الحمدلله انه ماسابنيش لارادتي وخلاني جبت مجموع حلو رغم ان فعلا انا كنت استاهل افرح ومقصرتش رغم تعبي والسرطان اللي جالي يعني اقل حاجه كنت ادخل طب زي ما حلمت بس ربنا كان شايل تعبي ده وعوضني عليه حقيقي اضعاف
كلهم ابتسموا بفرح وتابعوا الحمدلله
فضحكت فرح وتابعت المهم خلاص مش جايه نتكلم على الماضي انا مبسوطه اني حققت حلمنا وجوزي وجوزك اتصاحبوا وقاعدين مع بعض وسط عيالنا كده
شهد بضحك والله العظيم وانا مبسوطه زيك واكتر وحضنتها فتابعت ليان مامي هلعب مع ايلين وادم
شهد بضحك روحي طبعا يعيوني من غير متستأذني من مامي دول اخواتك
فاليان باست خد شهد وجربت تروح تلعب معاهم فشهد ضحكت وتابعت سكر وبصت لفرح وتابعت وانتي يلا متعمليش فيها ضيفه قومي نكمل رص الاكل سوا
فرح بضحك من عيوني وقاموا فعلا
—
عند نور ويونس
نور كانت قاعده على الكرسي وسانده ايديها على الترابيزه بتاعتهم جنب البحر ومديه البحر ضهرها وباصه على يونس بحب وهو بيلعب مع ياسين ونوران في الارض الخضرا اللي قدامها فابتسمت بحب وبصت للسما وحمدت ربنا على اختياره
ياسين بضيق لالا والله لا المفروض انا جبت جول كده مطلعتش برا
يونس بضحك يا ابن الجزمه هو احنا مش متفقين ان الجول هيبقى من اول الطوبه دي لحد الطوبه دي؟
ياسين بضيق ااه
يونس بضحك طيب انت شوطت برا خاالص جنب الطوبه فمش جول طبعاا
يونس بضيق لا كبره شويه تااني ده صغير اوي عليا
يونس بصله بذهول وتابع بضحك انت عاارف انا كبرته كام مره ؟ ده مفيش حارس هيسد من دي كلهاا في الحقيقه
ياسين ربع ايديه بضيق وتابع لا ماهو بردو صغير كبره اكتر
يونس فضل يضحك وتابع قمااص زي امك يرضيكي الكلام ده يا حكمه نوران؟
نوران هزت راسها بـ لا وتابعت لا ميرضنيش كده بابي فور وياسو زيرو وصفرت بالصفاره اللي لبساها في رقبتها وتابعت يلا كملوا بسرعه الوقت هيخلص
ياسين بضيق يووه بقى ومشي يروح لنور
فيونس فضل يضحك بشده ووطى باس خدها وتابع بضحك ايه يابت الحلاوه والعسل اللي انتي فيها
نوران شهقت وتابعت بتقول حلاوه للحكمه؟
يونس فضل يضحك وتابع لالا بقول كده لبنتي طبعاا حكمه ايه اسكتي الله يرضى عنك هتجبيلي مصيبه وانا واقف ده امك مبتلقطش الا الحاجات دي
نوران ضحكت وتابعت خلاص هوش علشان متسمعش وحطت صابعها عند بوقها
فيونس فضل يضحك وتابع بنتي حبيبتي تربيه يونس دي مش ابن الكلاب اللي رايح يعيط لامه ده
نور بصدمه ايه يحبيبي ماالك في ايه
ياسين بضيق بابي كسبان 4 ومش عايز يكبر الجول
نور بصت ليونس وتابعت بضحك يا يووونس بقى
يونس شال نوران وراحلها وتابع بضحك ايه يعيون يونس قالك ايه ابن الكلب ده
نور فضلت تضحك وتابعت يحبيبي كبرله الجول علشان خاطري معلش
يونس بضحك بعينه مش جاي يشتكيلك خليه بقى
نور بضحك معلش والنبي هيعيط انت عارفه
يونس فضل يضحك وتابع ايه الجديد ماعيالك الاتنين دمعتهم اقرب من الترابيزه اللي واقف قدامها
نور بضحك معرفش طالعين كده لمين بجد
يونس بصلها برفعه حاجب ففضلت تضحك وتابعت خلاص بهزر عارفه انهم طالعنلي في العياط ده بس مش كفاايه شبهك انت في الشكل
يونس بضحك ان جيتي للحق انتوا التلاته شبهي مش هما بس قسما بالله كل صحابي الدكاتره في الجامعه بيقولولي شكلكم في صوره جماعيه مُريب اوي اللي هو طب دي ماشي هنحاول نقول مش اختك فاهي مراتك بلعناها تقوموا تجيبوا نسخ تانيه منكم فاالواحد مش عارف يحدد الجينات دي طفحت كده ازاي
نور فضلت تضحك بشده وتابعت انت بتقول فيهاا والله فعلا شبهنا وبيفكروني بينا اوي واحنا صغيرين
يونس بضحك اه وبالذات نوري لون شعرها ده كده كده احنا زي بعض فيه بس طوله اللي خدته منك ده بالذات بيفكرني بيكي بالظبط لما كنت بشيلك زيها كده وشعرك يبقى طويل روااكي وباس خد نوران بحب
فنور الدموع اتجمعت في عينيها بحب وتابعت بعيدا عن انك قولتلها نوري وانا اللي نورك فحسابك معايا بعدين فيونس فضل يضحك بشده فابتسمت نور بعشق وتابعت بس بجد انا بحمد ربنا كل يوم عليك انت الشخص اللي صليتله شكر مش استخاره يا يونس
يونس بحب يعيون يونس انتي والله وقومها خدها في حضنه وباس راسها بعمق
فسندت نور راسها على صدره وتابعت بدموع وحب مش مستوعبه ازاي نصيبي كان قدامي ومش واخده بالي كده بجد وضحكت من بين دموعها وتابعت شيلتك لنوران فعلا فكرتني بيناا اوي وبنفس المنظر كده لما كنت بتشيلني فمش متخيله ازاي العمر جري كده بجد
يونس ابتسم بحب وتابع ده انا كنت بشيل حته من قلبي مش بنت عمي وبس كأني حاسس والله اني هقع فيكي ماهو حبي ليكي واهتمامي الزايد ده مكنش من فراغ واديها كبرت ست البنات واتجوزتها بالفعل وجابتلي نوري التانيه
نور ضحكت وضربته بقبضه ايديها في صدره وتابعت نورك واحده بس اتلم
يونس فضل يضحك وتابع للاسف الشديد بقيوا اتنين وبص لياسين وتابع بضحك المهم انت هتلعب ولا هتقضيها عياط زي اللي جابتك
ياسين بضيق هلعب بس كبر الجول
يونس بص لنوران وتابع بضحك ها نكبر الجول يا حكمه ؟
نوران هزت راسها بـ لا وتابعت مرفوض
يونس ونور فضلوا يضحكوا بشده ففضل ياسين يدبدب على الارض وتابع بدموع يا ماامي فتابعت نور بضحك اهدى طيب اهدى يخربيت اهلك ده ابوك كتر خيره استحملني بالصفه المنيله دي
يونس بضحك علشان تعرفي الجبال اللي الواحد شايلها بس
نور بضحك حسيت والله وباست خد نوران وتابعت علشان خاطر مامي وافقي يكبروه شويه
نوران بضيق ياسين بجد كل شويه يعيط يعيط هو بابي اللي بيجيب كل الجول
فيونس فضل يضحك بشده وتابع عيون بابي انتي وباس خدها
فضحكت نور وتابعت معلش وحياه بابي وافقي يا نوران معلش بصي اخوكي زعلان خالص شويه صغننين بس
نوران صفرت وتابعت خلاص مقبول يلا وشاورت على الملعب
فيونس فضل يضحك وتابع يلا يا حكمه
نوران بضحك يلا ياابابي
وياسين فرح وجري وراح كبر المسافه بين الطوبتين فتابع يونس بضحك وربنا انت خمام يااالا بس ماشي
ياسين بضحك هو كده حلو يلا بقى
يونس بضحك على اساس كده هتكسب يعني ؟
ياسين بضحك ااه يلا
وبالفعل بدئوا يلعبوا فيونس بردو خد منه الكوره وجابها للمره الخامسه فصفرت نوران وتابعت بفرح هييه بابي فايڤ باابي فايڤ
يونس فضل يضحك وتابع وياسو كاام ؟
نوران بضحك زيررو
ياسين بدموع يا مااامي
نور بضحك ياادي مامي وسنين ماامي في ايه يا يونس بالله عليك ما تضايقه علشان خاطري
يونس بصلها بذهول وضرب كف في كف وتابع بضحك يابنتي قسما بالله ماعملتله حاجه هو مبيحبش يخسرر طالع لسيف في الصفه الزباله دي اياام ما كان يخسر في الكوتشينه او الدومنه يجبرنا نلعب تاني يخش حتى لو هنلعب للصبح المهم يقوم من السهره كسبان
فنور فضلت تضحك بشده وتابعت اه هو طالعله فعلا في العاده السودا دي كلنا بنتقبل الهزيمه الا سيف مدخلش حربيه من فراغ
يونس بضحك اه وربنا اديني كبرتله الجول وبردو زعلان
نور بضحك تعالى طيب سيبك منه اشرب قهوتك وكمل زمانها بردت
يونس بضحك اخلص الفوره دي بس وجاي كده كده فاضل فيها جول
نور بضحك يايونس اخلص بجد اشربها وارجع هتبرد مش هيبقى ليها طعم
يونس بضحك 5 دقايق وجاي استني
نور بضحك طب وحياتي تعالى كملها وارجع كمل لعب الدنيا مش هتطير
يونس بضحك لا جيتي عند نقطه الضعف كله الا حياتك فـنور فضلت تضحك ويونس وبص لياسين وتابع ثواني اشرب القهوه بسرعه وجايلك
ياسين بتحدي هكسب
يونس بضحك ده عند امك عارفها؟
ياسين بضحك هتشوف
وراح بالفعل يونس قعد وسحب مناديل ومسح جبينه ومسك كوبايه القهوه شرب منها وتابع بضحك ابنك ده عيل ابن كلب والله العظيم
نور بضحك معلش خليها عليك خلفتنا ونسحملها هنعمل ايه يعني والمفروض انك اتعودت لانك ياما استحملت امه
ياسين بضحك هو انتوا كلكم زنانين بس نوران انا بعرف اسكتها بطريقتي ياسين لا لازم الحاجه اللي عاوزها تحصل انتي عودتيه على كده انما انا بالنسبالي يضرب دماغه في الحيط لو حاجه مش مقتنع بيها لا يعني لا
نور بضحك وهو مش بيعاند قصاادك ده انا علشان ام مهزقه بس فبيعيطلي بضعف انما انت لما بترفض حاجه بيقطم
يونس بضحك اصل خليه يعيط للصبح انا خدت مناعه من الحاجات دي خلاص عشتها كتير
فنور فضلت تضحك بشده وتابعت تقدر تنكر اننا بنأثر فيك للنهارده
يونس بابتسامه لا بصراحه مقدرش انكر ان فعلا دموعك انتي او حد من العيال بتعكنن عليا وبتخليني اضعف بس لو في الغلط مش هينفع اطاوعه فعلا
نور بضحك ايوه انت صح سيبك مني انا هخرب الدنيا
يونس بضحك لا منا مش بعتمد عليكي متقلقيش وحط الكوبايه وقام يكمل فنور فضلت تضحك فتابع يونس بضحك هاا يبطل جاهز تخسر؟
ياسين بابتسامه وحياه مامي سبني اجيب فيك 6 جول واكسب
يونس اتصدم بشده ونور فضلت تضحك بشده لدرجه عينيها دمعت فبصلها يونس وهو حاسس بذهول وتابع الواد ده طفل ولا راجل اكبر مني ومنك ؟؟
نور من بين ضحكها مش قادره بجد والله همووت جابها في الجول بجد اهو الكلمه دي بالماتش كله
يونس بضحك ماهو كله بسببك ياهانم انتي والخرا اللي قولتيلي وحياتي تعالى اطفحها
فنور فضلت تضحك فتابع ياسين بضحك هاا يلا؟
يونس شاطله الكوره وتابع بضحك يلا اصل هقول ايه لله الامر من قبل ومن بعد انا ربنا يجازيني خير علشان مستحملك انت وامك
فياسين فرح وخد الكوره منه وجاب جول
فتابعت نوران بصدمه يااابابي الحق وحطت ايديها على بوقها وتابعت ده ياسو جاب جول !!!
يونس بضحك اسكتي يانوري اسكتي وسيبي بابي في حاله بابي عليه حكم انه يتهزق دلوقتي
فنور فضلت تضحك بشده فتابع يونس بضحك اضحكي اضحكي ياختي
نور من بين ضحكها : انا مش قاادره بجد ايه الواد ده !! عمل كده ازاي !!
يونس بضحك ماهي تربيتك الناقصه ده الشيطان نفسه واقف يسقفله دلوقتي
نور بضحك انا مال امي مش من دققتين بس مكنتش معتمد علياا في تربيتهم وقولت انت اللي بتربي ؟؟
فياسين جاب الجول التاني فتابع يونس بضحك انا اللي بربي ايه ده انا بتربى دلوقتي هو انا خبيث زي ابن الكلب ده كده حرام عليكي والله
نور فضلت تضحك وتابعت اومال انا !! ده انا اهبل من الهبل نفسه ومبهوره بتفكيره طب والله دي حكمتك انت يحبيبي
فياسين جاب الجول التالت راح يونس مسح على وشه بضيق وتابع بضحك اخرسي يانور اخرسي خالص مسمعش حسك بتعاقب بسبب اني بحبك فكل اعمار حياتي قال حكمتي قال ده انا قدامه ملاك
فنور فضلت تضحك بشده وبالفعل ياسين جاب 6 اجوال وتابع بفرح يس كسبتك شوفت كسبتك اهوو وجري على نور وتابع بضحك كسبت بابي 6
فنور فضلت تضحك بشده على ريأكشن يونس وتابعت بضحك برافو يقلب امك شاطر
يونس برفعه حاجب والله هقلب عليكي انتي وهو
نور بضحك الله يعني مشجعش الواد
يونس بضحك لا ازاي ميصحش شجعي الواد واجلطي ابوه
نور بضحك ابوه ده حبيب قلبي وعيوني والله ومش هنسى التضحيه دي بالله وقال يعني هي اول مره تضحيي علشاني !! فمتمثلش بس وتعمل فيها مقموص
فيونس فضل يضحك وتابع مش مهم انا راضي طلما خسرت بسببك والله
فنور قامت باست خده وتابعت بضحك حبيبي والله ودخلت في حضنه فحاوطها بايديه وباس راسها بعمق
نوران بضيق اصلا ياسو بيغش
ياسين بضيق لا بابي بيغش علشان الجول كان صغير اوي
فنور فضلت تضحك بشده وهي مخبيه وشها في حضن يونس فايونس بصله بذهول وتابع يانور هضربه ده انا كبرته بعرض الملعب نكار الجميل ابن الكلاب
نور من بين ضحكها معلش معلش حقك عليا انا ولا اكنك سمعت حاجه علشان خاطري
يونس بضحك هو انا حاجه جيباني ورا غيرك انتي وخاطرك
فنور فضلت تضحك بشده وهي في حضنه وتابعت ربنا يديمك لينا يحبيبي
يونس باس راسها بعمق وتابع ويديمك ليا يا ام ياسين يا غاليه
—
