رواية الفصلية هدير الفصل الثامن بقلم مرج البحر
جاسم : ي خوش
(طبعا اني كل تصرف اتصرفه ويا هدير نابع من اعماق قلبي لا علمود اغور علا ولا شيء وقهرتني علا من تباوع علينه ومقهوره صعبه علئ اليحب يشوف حبيبه ويا غيره وهو بس يتفرج بس من ارجع اكول لهدير تبطل منها واي شيء تضوجها بي تجي تكولي. )
جاسم :رحت جبت لهدير حلويات مثل ماوصتني وموطات وانواع هوايه وجبت الها نوتيلا ورجعت للبيت وشميت ريحه الاكل
هدير : طبعا طلع جاسم الصبح واني نضفت البيت وغسلت اماعين الريوك وكعدت احضر بالمقلوبه سويت البطاطا والطماطه والبصل والبيتنجان والفلفل كليتهم وكملتهم وركبت التمن باقي بس اسفطهم واخلي يتهدر وسويت زلاطه وبيت عمي ماكو راحو معزومين لبيت الجد وراحت رنا وياهم بقيت بس اني بالبيت وحسيت انفتح الباب باوعت من شباك المطبخ اجه جاسم كلت خلي اجفله.
جاسم: رجعت للبيت هدوء ماكو احد مبين جاي افوت من باب المطبخ واجتي الخبله مالتي كمزتني 😍 واني فزيت انهزمت واني اركض وراها مثل الخبل
هدير: كمزت جاسم وهو فز وانهزمت وهو ضل يركض ورايه وطبيت للغرفه وقفلت الباب
جاسم:هدير ولج الاكل احترك
هدير :ياااا جايه
جاسم:هههه لزمتج
هدير : خبيث😠
جاسم (بشقه):ادري
ولج ليش فززتيني ولويت ايدها وره ضهرها وهي صارت مقابيلي ضلت تكمز
هدير :جاسم جذب عليه وكال الاكل احترك
واني فتحت الباب وجاي اطلع وطلع هو واكف بصف الباب ولزمني ولو ايدي وكال ليش فززتيني .
هدير: اوووي جاسم ايدي كامت توجعني
جاسم : اشتعلو عشيرتج علئ هاي الاوي مالتج يله شنو مسويه غده!
هدير :بالاول انته كول مجبتلي شيء وياك
جاسم: بلي
هدير : شنو 😃
جاسم : ابره
هدير:☹
جاسم :شنو غدانه
هدير : اصب وشوف
جاسم :سالت هدير شنو مسويه اكل وهي كالت انته شنو جبتلي كتلها ابره( حبيت اضوجها ومن تضرب الابره وتكعد تبجي ارضيها بالحلويات )سالتها علئ غده مره ثانيه كالت اصب وشوف عود
هدير:جاسم تعاي اكل
جاسم :يي اجيت الله شنو مسويه مقلوبه 😍 ولج هاي الاكله الزينه بس عاد كون طيبه
هدير :يي حبيبي مو انته علئ اساس طايح بيدك تاكل من طبخ ايدي
جاسم: .....
كعدنه ناكل والهدوء مصيطر علئ الوضع محد يحجي اني اكل وهدير شويه تاكل شويه تصفن يكول عبالك ماكله لحم مطايه 😅😂
جاسم: هيووو وين وصلتي بالصفنه
هدير:وصلت لخالتك الشكره
جاسم :هاا زين كتيلي شلون شفتيها اكيد حلوه مثل ابن اختها فديتي
هدير : شهل غرور الزايد "وكامت من الاكل"
جاسم: مو غرور هاي حقيقه
هدير:....
جاسم :طبعا الاكل جان كلش طيب بس مكتلها رحت للغرفه لكيتها كاعده كتلها بالاربعه نروح للمضمد نضربج الابره حتئ نشيلج الكانونه شفتها فرحت واجتي حضنتني وكتلها وحضري جنطنه لان راح انسافر
هدير:جاسم كلي اليوم بالاربعه نروح نضربج الابره ضجت وهزيت راسي ب ايي وكال حتئ انشيلج الكانونه اني فرحت ورحت حضنته وكال حضري جنطنه راح نسافر
هدير: وين
جاسم:نرجع لبغداد اداوم بالكليه وخصلت اجازتي لان صارلي شهر مجاز وعندي حصص لازم اكملهن وباجر ان شاء الله نتوكل
هدير :هااا خوش لعد
هدير: اني كايمه ارتب المطبخ واغسل الاماعين بس تريد جاي لولاع
جاسم :يي فدوه
هدير : اكول شلون شفت الاكل
جاسم :روحي خلئ الصينيه تشهدلج
هدير : رحت للمطبخ شفت الصينيه مابيها قطره تمن عرفت عجبته ونضفت المطبخ وغسلت الاماعين شفت الساعه 1:30 كلت خلي اسوي حلو بساع واخلي بالفريز حتئ من نكعد ناكله سويت تراب الملوك وديت الجاي الجاسم
ورحت حتئ انام لان تعبت وجو الغرفه يساعد ضلمه وبارده رحت بدلت دشداشتي ولبست دشداشه قصيره ربع اردان ونمت علئ جربايه بعد مااحسيت الا شويه بردت لزكت بجاسم غطاني وحضني
جاسم: هدير جابتلي الجاي وراحت بدلت واجتي نامت واني
هم نمت ماحسيت الاعلئ هدير لزكت بيه غطيتها وحضنتها
كعدت الساعه 3:30
وكعدت هدير كتلها يله حضري روحج ورانه طلعه نروح للمضمد ومناك نروح لبيت جدي نسلم ونرجع ويا اهلي
هدير : زين بس البس لبس طلعه لو جبه
جاسم: لالبسي الجبه الجديده لاشتريتها الج حلوه عليج
هدير : زين البس شال يالون
جاسم: شمدريني شو تسالين
هدير :مو اسالك حتئ لاترزلني ليش هيج لابسه وتضل تحجي عليه ونرجع مغثوثين فااختصرت كل هذا لراح يصير حتئ ميصير واسالك
جاسم: لبسي شال بكيفج
هدير : راح البس اسود
جاسم: كيفج بس اكلج سوينه اكل قبل لنطلع لان ميت جوع
هدير : يمه اسم الله 😰
جاسم : شبيج شفتي چني
هدير:لابس مو مصار هوايه اكلنه
جاسم: يله لج راح اموت شراح اسوين
هدير: اسوي بتيته سويت البتيته وجاي اكلي بيها وجاسم كل ساع ماكل منها اخر شيء عصبت كتله مااكلي اذا تضل هيج
جاسم :لا راح اصير عاقل (شكد حلوه حتئ وهي عصبيه)
هدير :كملت تكلاه وسويت جاي وخليته علئ الميز وصحت جاسم
جاسم : الله عاشت ايدج طبخج يخبل نفسج طيب بالاكل
هدير : تسلم بس فدوه سويلي لفه جوعانه بين مابدل لان تاخرنه
جاسم: تدللين من عيوني
هدير : تسلم ابدل واجي
رحت لبست جبتي ولبست شال وطلعت للمطبخ رحت البس جواريب
جاسم: هدوره افتحي حلكج خلي اوكلج
هدير :ي
جاسم: كلت الهدير افتحي حلكج خلي اوكلج وهي كالت ي بس اني جذبت عليها جاي اخليها بحلكها بس درتها لحكلي وهي برطمت ☹ جنت جايب ويايه لكمه ثانيه كتلها افتحي حلكج هل مره صدك خليت اللكمه بحلكها وهي عضتني كالت حتئ تتعلم ☺
هدير: اجه جاسم كال افتحي حلكج خلي اوكلج للفه واني فتحت حلكي بس هو جذب عليه وخله اللفه بحلكه اني برطمت ورجعت اكمل لبس جواريب هو جان جايب لفه وره ضهره كال افتحي هل المره من صدك خلاها بحلكي وعضيته كتله حتئ تتعلم
جاسم : طلعنه من البيت ولزمت ايد هدير
هدير : شعندك لازم ايدي قابل حطير 😅
جاسم : انجبي
هدير : حاضر انجبيت☺
جاسم : عفيه
وصلنه للمضمد واجه دورها وهي مقبلت اعوفها لزكت بيه والمضمد كام يضحك كال خطيه ضل يمها تخاف وهي لازمه ايدي وموتني تموت اضافيرها طوال وهي لازمه ايدي قوي زلغت ايدي تزلغ والمضمد يحجي وياها كمل وسالني كال مبين متزوجين عن حب كتله ايي كال الله يهنيكم كتله اجمعين
هدير:وصلنه للمضمد واجه دوري بس اني مقبلت اعوف جاسم لزكت بي والمضمد كام يضحك وقبل جاسم يضل يمي واني لازمه ايد جاسم واني ماسمع اصلا المضمد من يحجي ويايه اخر شيء كال كملنه واني فتحت عيني وخرت ايدي لكيت ايد جاسم مزلغه مزلغ وساله المضمد كله مبين متزوجين عن حب كال اي اني اتفاجئت من تصرفه هذا بس مدرت بال
جاسم : حضره المضمد نريد نشيل الكانونه شوكت
المضمد:باليل لان هسه خل يمشي الدوه
جاسم: ي زين هدير وين عاجبج ترحين
هدير :مو كلت نروح لبيت جدگ
جاسم:هاا ماعندج مانع
هدير :لاليش
جاسم:هيج
هدير : طبعا وصلنه لبيت جد جاسم ابو امه وبيبيته وجده كلهم حبابين رحت تعرفت علئ البنات هم حبابات ويسولفن ويضحكن وكعدنا نسولف وماحسينه علئ الوكت وجهالهم مؤدبين عجبني جاهل يخبل دبدوب ابن خاله لجاسم ابنه شلته وضليت العب وياه واكرص وهو امه تاخذه انوب يشمر روحه عليه مااحسينه علئ الوكت الاجاسم كال يله مشينا ورانا سفر كتله حاضر واحمد مجلب بيه ميقبل يعفوني يبجي جان بيبيت جاسم تحجي
بيبيت جاسم: ي يمه چنه عجبتي لاحمد وعجبج
جا ماشدين حيلج وجيبينه واحد
هدير بخجل :ان شاء الله
اجه جاسم اخذ مني احمد وباسه وداه لامه وشاورني
جاسم: شنو رايج نسويلنه واحد وتلعبين وياه (طبعا من حجيت هيج مو قصدي شيء بس حبيت اشوفها من تخجل )
هدير:لاشكرا ماريد
جاسم: رحنه للبيت جدي وهدير سلمت علئ الكل والكل حبوها بعدين البنات اخذوها وكعدن علئ صفحه يضحكن سوه واجه ابن خالي ابنه احمد زحفلها وراح يمها ياربي شسويلها هاي حتئ الجاهل زحفلها وين اضمها 😅وهي كعدت تلعب وياه وتبوس وانتبهت عدها غمازه خفيفه بخدها عاد اني كتلهم يله ورانا سفر وهي كامت وتريد تنطي لامه ميقبل لازك بيها عاد بيبي كالتلها شدي حيلج وجيبينه واحد وهي دنكت وخجلت وكالت ان شاء الله واني حبيت اخجلها اكثر وحجيتلها هيج ومن طلعنه كتلها هدير
هدير : هااا
جاسم : اضحكي دائما ماريد ضحكتج تفارك غمازتج انتي احلئ من تضحكين وكتلها هذا الشعر .
أنــتِ إبتســاﻣهۂ ملائڪيهۂ روحُ طــِفل💭✨ صــَُوت نــآيْ و قَصــيدۿﮧ قبانيّــۿۂ "🤭💋ㅤ
هدير بخجل: ان شاء الله
