رواية احبنى ولكن الفصل الثامن بقلم حنان احمد ماهر
وصل المستشفى وهو فى حالة من الزعر والخوف فاخوه
وصديق دربه فى العمليات بسبب حادث وصل الاستعلامات
وسأل عنه وعرف أنه فى العمليات فضل رايح جاي بقلق
مستنى اى خبر يطمئنه عليه
أما ليان كانت فى النادى مع تقى ومره واحده حست بضيق
ونغزه فى قلبها
سالتها تقى بقلق . مالك ياليان شكلك اتغير مره واحده كده ليه انتى تعبانه
ليان وهى حطه اديها على قلبها بتجس نبضاته المتسرعه .
مش عارفه ياتقى مره واحده كده قلبى وجعنى وحسه
انى مخنوقه وعايزه اعيط
حولت تقى تطمنها. متقلقيش ياحبيبتي أن شاء الله خير
انا هروح اجيب ادم وريماس من تمرين السباحه ونروح على الدكتور نطمن عليكى
ليان . لا لا انا بس عايزه اروح ممكن بس من قله النوم
بسبب سفر حازم اكيد لما هنام هقوم كويسه
تقى . طيب ياحبيبتي هروح اجيب الولاد وهرجعلك على طول
خرج الدكتور من العمليات قرب منه ياسر بلهفة وخوف .
طمنى يادكتور ياسر عامل ايه
اتكلم الدكتور بعمليه . الحمد لله سيترنا على النزيف وحصل ليه كسر فى أيده
اتنهد ياسر وحمد ربنا على سلامة صاحبه كمل كلامه مع
الطبيب . طيب الانسه اللى كانت معه فى حادث حالتها
إيه
الدكتور . لا الحمد لله شويه كدمات بسيطه لأنها كانت
حطه حزام الامان
ياسر . طيب انا ممكن ادخل اطمن عليه
الدكتور . هننقله اوضه عادية وتقدر تشوفه حمد لله على السلامته وسابه ومش
اتفاجأ بممدوح بيجرى بيدور على الغرفه اللى موجوده فيها بنته دينا
ولما لمح ياسر رحله وهو على وشه ملامح القلق اتكلم بلهفة وهو ماسك أيده . بنتى فين حصلها ايه
حاول ياسر يهديه . هى كويسه لسه سأل عليها الدكتور قال
شويه كدمات متقلقش
طيب هى فى انى اوضه قاله ياسر على مكانها جرى ممدوح على الاوضه اللى فيها بنته
بعد ما ماشى اتكلم ياسر فى سره بغيظ وبضيق . انسان واطى
ده حتى مسالش عن حازم رغم أنه بنته هى السبب فى حادثه
دخل ممدوح إلى الغرفة اللى فيها دينا وقرب من سريرها .
انتى كويسه يابنتى طمنينى عليكى
دينا. انا كويسه يابابا اطمن معرفتش حاجه عن حازم
ممدوح . لا انا قبلت ياسر لما جيت بس من خوفى عليكى
مسالتش عليه سالت عليكى انتى وجيت جري قوليلى عملتوا الحادثه ازى
بدأت دينا تحكى كل حاجة ممدوح بغيظ . يعنى ضيعتى
كل حاجة بسبب غبائك كان زمنا ضاغتين عليه
ورجع كمل بتوعد بس معليش هنلقى طريقه تانيه نخليه
يخسر كل حاجه واخلى رأسه تحت جزمتى
اللى ماعرفتش أعمله مع ابوه زمان هعمله مع ابنه
بدأ يتململ ويطلع صوت خافت من الأنين قرب منه ياسر
بقلق . حازم انت كويس اندهلك الدكتور
حازم بتعب . اه...اه .. أنا فين رأسى.. اه
خرج ياسر ينادى على الدكتور دخل فحصه
اتكلم حازم بضعف وهو بيوجه كلامه لياسر . هو ايه اللي
حصل أنا جيت هنا ازى
بص ياسر للدكتور بقلق ورجع سأل حازم . هو انت مش فاكر جيت هنا ازى
حازم . لا انا كنت مع ريماس بنشترى شنطه المدرسة والسبلايس على شان هترجع للمدرسة اول الاسبوع
وتحرك حرجه مفاجاه وتكلم بخوف ريماس فين
حصل ليها حاجه طمنينى
ماسكه ياسر ليحاول يهديه. أهدى ياحازم ريماس كويسه
هى فى مصر
بصله حازم باستغراب . مصر اومال احنا فين
ياسر . انت هنا فى الصين بقالك يومين جينا فى شغل
الدكتور بعمليه وجه كلامه لياسر . هو نزل امتى بظبط
مع بنته يشترلى ليها طلبات المدرسه
ياسر . ريماس تبقى بنت اخته تقريبا من حوالى سنه
الدكتور وجه كلامه لحازم . بسبب الخبطه اللى اتعرضت ليها اتسببت لفقدان ذاكرة مؤقت بس متقلقش هترجعش
تفتكر مع العلاج
كان واقف خلف الباب بيستمع لحدثهم وابتسم ابتسامه
خبث خبط على الباب ودخل وهو بيرسم على وجه
القلق بإتقان . حازم الف سلامه عليك طمنى عليك عامل
إيه
بصله حازم ورجع بص لياسر بستفهام . الحمد لله هو
انت كمان هنا
ممدوح بخبث . اه يابنى انت نسيت ولا ايه دى دينا هتموت
من قلقها عليك
حازم . وهى تقلق عليا اوى كده ليه
اتصنع ممدوح الاستغراب وتكلم بمكر . انت ودينا مخطبين
انت طلبت اديها منى امبارح وانا وفقت وحديدنا معاد
لخطبتكم لما نرجع مصر
ياسر بصدمه . انت بتقول ايه حازم مين اللي خطب بنتك
ممدوح بيتصنع الغضب . مش فاهم أصدق ايه ايه المشكلة
لما يخطبها على العموم أنا هروح اطمن عليها وهبقى
اجى فى وقت تانى
وخرج وهو راسم ابتسامه خبث . هانت يابن المسيرى
حازم . هو انا صحيح خطبت دينا
قرب ياسر كرسى وقعد قدام حازم وتكلم بضيق . تخطب
مين بس دا انت مش بطقها وبعدين انت متجوز
حازم بصدمه . متجوز ازاى يعنى
بدأ ياسر يحكلى حازم كل حاجة ونهى كلامه . شكل ممدوح وبنته بيختطو لحاجه
رجعت ليان وتقى الفيلا قبلتها الجده زينب بقلق لما شافت
وش ليان باين عليه التعب . رجعتوا بدرى يعنى
ووجهت كلمها ليان انتى كويسه ياحبيبتي شكلك تعبانه
ليان . انا كويسه ياتيتا متقلقيش أنا بس محتاجه انام
شويه وهبقى كويسه
الجده زينب. طيب مش هتتعشى
ليان . لما اصحى ياتيتا استأذنت وطلعت غرفتها بتحاول
تتصل بحازم تليفونه مغلق كلمت نفسها بضيق وقلق
فينك بس ياحازم قفل تليفونك ليه
مقدرتش تنام من شدة القلق راحت غرفة تقى
تقى باستغراب . إيه ياحبيبتي منمتيش يعني
ليان . مش عارفه انام قلقانه اوى على حازم بحاول أتصل
بيه تليفونه مغلق ممكن تكلمى ياسر يطمني عليه
حاولت تقى تطمنها . حاضر متقلقيش أنا كنت مكلمه
وقالى أنهم كويسين وهيرجعو كمان يومين وهتصل
بيه تانى على شان تطمنى
اتصلت تقى ب ياسر وكان مع حازم فى الفندق بعد إسراره
أنه يخرج من المستشفى وكان بيساعده ينام على
السرير
بص ياسر على حازم وهو ماسك تليفونه . دى تقى اللى بتتصل
ايوه ياحبيبى ايه مش معقول لحقت اوحشك
ابتسمت تقى على كلامه . اكيد طبعا وحشنى بس مش ده
السبب انى بتصل بيك
ياسر . خير ياحبيبى فى حاجه حصلت
تقى . ليان ياسيدي فتح ياسر اسبيكر التليفون لما سمع اسم ليان وقرب من حازم يسمعه المكالمه كملت تقى هتجنن وعايزه تطمن على حازم وبتحاول تكلمه على تليفونه
مغلق هو معاك شور ليه حازم بلا
ياسر . لا حازم مش معايا هو فى اجتماع دلوقتي أنا هخليه
يتصل بيها اول ما يخلص
بعد ما قفل مع تقى سأل حازم . ليه مكلمتهاش وطمنتها
عليك باين عليها قلقانه
حازم . يابنى اكلمها ازاى وانا مش فكرها اصلا لما نرجع
هبقى أشوف هتعامل معها ازاى
عدى يومين وكانت ليان بتحاول توصل لحازم بس برده
فضل تليفونه مغلق وكل ما تحاول توصله عند طريق
ياسر كان بيقولها حجه شكل
كانت قعده سرحانه بتفكر وتسأل نفسها إيه سبب تغيره
معاها وليه مش عايز يكلمها بس خلاص هو راجع
النهاردة وهتعرف منه أجابه على كل سالتها
قامت وفتحت دولابها وخطارت فستان احمر عليه فراشات
بيضاء وحذاء فضى
بعد فتره دخلت عليها تقى وتكلمت بانبهار . ايه الجمال
ده مشاء الله انتى اكيد أميره خارجه من روايه ديزني
ليان بابتسامة حزينه . مرسي يا قلبى انتى اللى طلعه زى الاقمر
قربت منها تقى ومسكت اديها وسألتها بقلق . مالك ياليان
شكلك مضيقه ليه فى حاجة زعلتك
ليان . خايفه ياتقى حازم من ساعه ما سافر وهو متغير
خايفه يكون ندمان أنه اتسرع وتجوزنى
حولت تقى تطمنها . لا طبعاً انا متأكده أنه بيعشقك مش بيحبك بس انتى مش بتشوفى لمعه عنيه لما بيشوفك
وتبطبت على اديها
اكيد ليه أسبابه لما يجى هتعرفى منه وهيطلع كل ظنك
ده على الفاضي
دخلت تقى عليهم وهى بتجرى وبتكلم بفرحه . خالو
جه تحت يا لى لى تعالى بسرعه
نزلت تقى وجريت على ياسر وكانت وراها ليان اللى اول
ما نزلت رفع حازم عنيه ولقى حوريه من الحور العين
نزله للحظه قلبه اتخطف ومقدرش ينزل عينه من
عليها
أما ليان اول ما شافت اديه اللى متجبسه ورأسه عليها
شاش جريت عليه من الخوف والقلق . حازم حبيبي
إيه اللى حصلك ايه اللى عمل فيك كده
ماخدتش بالها من اللى واقفه وتكلمت يغيظ وغيره . مين
دى يا حازم
انتبهت ليان ليها وشعرت بخوف وسألته. مين دى يا حازم
وقبل ما يرد ردت دينا . انا خطيبته انتى مين بقى
وجه الكل نظره لحازم وفجاه سمعوا اصتدام بالارض
الجده زينب . لللللللللللليان و........
