رواية صغيرتي كالشمس الفصل الثامن 8 بقلم ام البنات

فنن...بس دخل سلام للغرفه كتله اطلع بره اطلع برررره

سلام...شبيج فنن شصاير

مصطفى سمعت صياح فنن مو عوايده مصيح هيه ابد صعدت اركض وكفت يم الباب كلت ما ادخل هاي المره

فنن...عوفني دمرتني مكافي الي شفته منك شمسويتلك اني تحملت خيانتك تحملت الاهانات منك تحمل منضرك وانت جاي وركبتك مطكعه وتحملت عصبيتك وخشمك اليابس تحملت واني اغسل طكع الحمره من هدومك تعبت واني كل ليله اسمع تحجي بتلفون وي وحده واني اكعد يم الباب ابجي واحبس بنفسي تعبت منك ومن تصرفاتك تعبت واني اضغط على نفسي علمودك تعبت واني اداري عليك كدام الناس تعبت واني اصلح اغلاطك من وراك كل هذا وتحجي عليه تضحك عليه اليسوه والي ميسوه تكلهم هنتها وطردتها بيوم العرس

سلام...شبيج انتي محاجي لا احد اني

فنن...لا حاجي وسمعتك باذني بس سكتت وتحملت ومحسستك بشي

سلام...استحيت منها ومن نفسي من احجت هيج اذكرت من حجيت المها طلعت سامعتني بس شذكرها هسه

فنن....ما استاهل منك هيج اني ما استاهل كمت اكسر بالاغراض الي على الكومدي وركعت التلفزيون بلكاع شكو شي كدامي كمت اشمر بيه واعيط احس نفسي فقدت بعد بحياتي مواصله هيج مرحله 

مصطفى...كامت تكسر دخلت عليهم لكيتها تشمر واصيح ركض عليها سلام حضنها من وره ولزم ايده 

سلام....حضنتها بقيت اسكت بيها خفت لا تاذي نفسها ردتها تهدي حتى افتهم منها شي ....اش اش اش كافي الي تردينه يصير اش اش شويه حسيتها بدت تهدي انضمو الى صفحتنا قصص عراقية واقعية 

فنن...حضني سلام وراد يسكتني بقه يصيح اش اش اني حسيت نفسي دخت حيل مابيه بعد لا احجي ولا اتحرك حسيت السكر نزل عدي كولش عبالك صفر جسمي برد حيل اطرافي خدرت عيوني غوشت كمت ما اركز .....محسيت بنفسي

سلام...حاضنها شو هاي بعد وكعت لاحس ولا نفس

مصطفى...فنن فنن يمعو شبيج سلام مدده وارفع رجلها فوك....فنن جاوبيني ام سجاااااااد جيبي شي حلو دبس نستله اي شي 

سلام...اني صافن مصطفى يعرف كلشي عنها بس مجاي افتهم شبيها وشنو حلا رفعت رجلها فوك

مصطفى....بقيت اصحي بفنن ماكو حطيت حلا بحلكها هم ماكو كتله امش ناخذها للمستشفى اذا نتاخر تدخل بغيبوه

سلام...شنو غيبوبه شبيها فنن

مصطفى...بعدين تفهم...

سلام....شلت فنن وركضنه بيها للمستشفى فحصوها الدكتور... راح تبقه على المغذي صحت واطناها منوم صاير عدها انيهار عصبي حاد وهبوط سكر عدها 

مصطفى...دكتور هي من زمان تعاني من هاي الشغله جسمها يحرك السكريات بسرعه 

الدكتور...هسه عرفة سبب الهبوط الحاد راح اطيها علاج بس انتضر التحاليل كامله تطلع لازم تنتبهون على اكلها وكثرو الحلويات والعصاير الها يعني ابسط شي ماعون تمر يمها وين متكعد لحد مايتحسن وضعها ومن تطلع التحاليل نشوف شنو انسب شي الها

سلام...فهمني شنو السالفه فنن بيها سكر

مصطفى....فنن عدها هبوط سكر بكل وكت ينزل سكرها لازم تاكل حلويات مشوفها نهار كله بيدها نستله

سلام...وهاي من شوكت عده هاي الحاله

مصطفى...من الصغر عدها 

سلام....انت منتبه الها واني ممنتبه شكد هاملها لعد 

شسوي شتكول حقها

مصطفى...سلام مرتك تحبك من زمان بس مكتلك حتى تحاول تكسبها لان هي هواي ضغطت على نفسها حاول اصلح الوضع بينكم .....

سلام....شصلح وشصلح اني حارك الاخضر وي اليابس

مصطفى....كوم نفوت يمها وبعدين نحجي .....دخلنه بقينه كاعدينه وره ساعه خلص المغذي وبدت تصحه 

فنن...فتحت عيني بس احس اعصابي مرتخيه كولش باوعت سلام عيونه مدمعه 

مصطفى....ياخبيثه ليش هيج تخوفيني عليج

فنن...باوعت المصطفى وكوه حجيت ...السكر مو

مصطفى...اي لازم ترتاحين 

فنن...اريد اروح للبيت

مصطفى...بس تطلع التحاليل ويشوفها الدكتور .....

سلام...اني راح اشوف التحاليل .......مصطفى هاي التحاليل امش نشوفها للدكتور حتى نطلع 

دكتور...مابيها شي غير السكر وماريدكم تستهينون بيه تره احتمال يصير بيها سكر اذا نهمل الموضوع لان هسه التحاليل تكول مو زينه يعني الطبيعي 120 سكره تحاليلها تكول سكرها من متخربطه واصل 50يعني واصله مرحله خطره الله ستر لازم نطيها حبوب هاي الفتره اخد ما يتعدل وضعها والاكل لازم صحي وتاكل كل وجبه بوكتها والحلويات كثرو منها عصير زيدو الشكر من هاي السوالف وياريت العصاير طبيعيه .....والحاله النفسيه ما اوصيكم لان انهيار عصبي عدها

مصطفى...يالله ست فنن خلي نطلع...اشيلج اجيبلج كرسي

فنن....لا بس طلعو اريد اعدل هدومي

مصطفى..يم الباب صيحيني

سلام....بقيت واكف

فنن....متطلع 

سلام .....بدون ما احجي وياها اي شي وخرت الغطه ونزلت هدومها عدلتهن الها وخليت الربطه على راسها 

فنن...عوف شدسوي اني اعدل نفسي ...استحيت كولش لان رجلي مكشفه كولها 

سلام....شلتها دنطلع

فنن...شدسوي نزلني عفيه استحي ما اكدر

سلام...بعصبيه جنج نسيتي اني رجلج

مصطفى.....ايوه يعم

سلام...نصم وامشي

مصطفى....خو انت ردتها من الله

رجعنه بطريقه فنن اريد اروح لا اهلي 

مصطفى شنو اول تالي فنونه شبيج

فنن...تعبانه اريد ارتاح 

مصطفى....محد يتعبج بلبيت والله لا اسوين هيج

فنن...الله يخليك مصطفى ذبوني لا اهلي حيل تعبانه محتاجه لا امي

مصطفى...ندراريت على سلام مختنك وساكت اشرلي بايده نوديها .....

سلام....اطبك هنا مصطفى اني انزل

مصطفى..وين

سلام ...عدي شغل .....اختنكت حيل ردت انزل حسيتها ضاعت مني....طلعت بوجهي للبيت تعبان اول موصلت سألت ام سجاد ليش باقيه لحد هسه

ام سجاد...ضل بالي على فنن 

سلام..لعد امي ابويه مجوي من الزياره

ام سجاد....لابطريق

سلام،...روحي لعد فنن متجي تبات عد اهلها

ام سجاد...سلام انت مثل ابني بس الي صار صار كدامي

سلام...شصار شنو قصدج انضمو الى صفحتنا قصص عراقيه واقعيه 

ام سجاد...اليوم جتي بنيه على فنن لعبت بيها طوبه تكلها عوفي يريد ياخذج ويكسر خشمج عافج بيوم عرسج علمودي تسوه عمرج طلعي وحافظي على كرامتج وحجت حجي مينلبس عليه ثوب 

سلام...اذا اشوفج صورته تعرفينه...بكلبي ماكو غير مها جريئه ومتخاف من احد وماعدي علاقه بس وياها بس ردت اتاكد

ام سجاد...اي اعرفها

سلام...طلعت الها صوره من الموبايل كالت اي هيه اني طلعت كبال بوجهي خابرت سجاد 

سلام...سجاد خابر مها كلها سلام متعارك وي مرته وعايف البيت كلها خلي تخابرني 

سجاد شصاير...بعدين افهمك

سلام...مردت اني اخابرها لان اذا خابرتها راح تفتهم ومتجي.....دك تلفوني

مها....خابرني سجاد كيفت كلت اي الخطه نجحت لعد شعبالها على الحاظر تجي تاخذ الاول والتالي هم حلو وهم فلوس عبالها اعوفه الها

دكيت عليه ها حبي حمد الله على السلامه...

سلام...هلو شلونج

مها وين انت

سلام تعاركت بلبيت وطلعت

مها...وي منو 

سلام هيج عادي عركه مرتي ضوجتني تلح هواي وتشك مالي خلكها وطلعت

مها ...خلي نشاوف 

سلام ياريت ضايجه راح امرلج حضري نفسج

مها...نص ساعه حاضره.....كملت وطلعتله اهلي متحررين عادي اطب اطلع كتلهم رايحه وي صديقاتي وطلعت ...هلوووووو حبي مشتاقتلك

سلام...هلووو اني هم مشتاق

مها...يالله شوفني هديتي شجبتلي وياك

سلام....احسن هديه هاي المره بحياتج ممحصله منها بس خلي اشوف مكان 

مها....عابتلك اله يحصلها بوسه يالله يطيني هديتي

سلام لعد شلون.....وصلنه مكان مثل كل مره نروحله مابي احد .......باعي مها اكدر اخذج شقه او اجر فندق كلشي اسوي بيج وبراحتي بس ماريد

مها...ضمها وره الزواج ادري بيك تخاف عليه

سلام.....لا مو خوف عليج بس تلعب نفسي منج

مها...شنو 

سلام ...انتي شايفه مرتي شلون ترفه وحلوه جمالها مينوصف من كل عقلج ابدلها بيج

مها...شبيك تخبلت جايبني حتى تغثني

سلام ...لا جبتج حتى اخذ حق مرتي وركعت راسها بجكمجه حيل كامت تعيط واني وكعت دك ضرب وكتل بيها ملخت شعرها بيدي 

مها...والله ما اعوفها لو اخر يوم بعمري ال ادمر علاقتكم وافضحك بجامعه

سلام.....والله شعر وحده تنهز من راسها ادمرج وربج الخلقج انهيج نهي شغلت السياره وطلعت وصلت قريب على بيتهم طبكت السياره ونزلت جريتها من شعرها وذبيتها بشارع...

مها ...اني اعلمك والله ما اجوز منكم 

سلام....رجعت للبيت لكيت ابويه ومصطفى وامي ينتضروني 

الاب...انت تبقه متصيرلك جاره زوجتك كلت بلكي ينصلح حالك بس ضلمت بت الناس عبالك ما ادري بخرابيطك بس سكتت كلت ينصلح حاله شفتك كمت تهتم بشغل وقللت سهر كلت اي بي امل بس ذيل الجلب ماينعدل غلطت غلطت عمري وياك من زوجتك فنن 

سلام...الصح الوحيد الي بحياتي والصح الوحيد الي سويته ويايه زوجتني فنن 

الاب...مدامك هيج تحبها ليش هيج تاذيها وين اودي وجهي من ابوها صحبت سنين تضيع من وره واحد ارعن مثلك 

سلام....يابه مرتي اني ارجعها بس خلي ترتاح يومين 

الاب...متريدك بعد ابوها خابر وكالت مترجع بعد

سلام...اني مو بكيفهم مرتي وما اعوفها لو اعرف اموت شيسوون خلي يسوون عفتهم وصعدت واني ميت قهر شلون راح اقنعها ترجع

فنن...من شافوني اهلي محجيت شي بس كتلهم ممرتاحه بعدين امي كامت تبجي شلعتي كلبي احجيلنه شصار

كتله راح احجي بس تحلفين متكولين لا ابويه 

حجيتلها من يوم الزوجنه لحد هذا اليوم كامت تبجي

الام....كله من وره ابوج علمو تكملين دراستج قبلنه تاليتج نظلمتي ....لازم احجي لا ابوج بس مراح اكله انتي بعدج بنيه 

فنن....يمه لا اصير مشاكل مالي خلك

الام....لازم يعرف عدج اهله وبضهرج شنو تايها

فنن....امي كالت لا ابويه واخوتي تخبلو وكالبو الدنيا كالو مترجع ابد ورجعت لدوامي كمت اداوم ميثم يوديني ويجيبني.....

بيوم نزلت اروح للدوام لكيت ميثم كلي راح اوصلج بس انتي ترجعين عدي شغل كتله اي ماعدي شي 

سلام....فنن ادوام كمت اروح يم المدرسه انتضرها تطلع ميثم يوديها ويرجعها هذاك اليوم رجعت وحدها...

فتت من يمها دكيت الها هورن مندرات مشت سريع وعافاتني

فنن...واحد ورايه يدكلي هورن خفت حيييل كمت امشي سريع واقره ايات متت من الخوف دخلت للفرع حتى يبعد عني مشيت سريع شفته ملحكني ارتاحيت....دا مشي جان تطبك يمي السياره واني كمت اركض بدون ما اباوع عليه الخوف عماني ...جان يجرني

سلام....شبيج فنن هيج اني اخوف

فنن...من شفته سلام جيتت بحظنه وكمت ابجي 

سلام...شبيج شبيج شنو القصه

فنن....خفت حيل معبالي انت 

سلام...كافي حبيبي لاتبجي اني يمج ميصير شي لاتخافين 

فنن....اريد ارجع للبيت 

سلام...امشي اني اوصلج

فنن خاف ابويه يشوفك وتصير مشكله 

سلام....اني اريد اشوفه فنن رجعيلي تعبت بدونج مشتاقلج حيل البيت وحشه بدونج يخنك حتى مصطفى واحمد كامو ميلتمون ومصطفى بس كاعد بغرفته البيت كله يخنك بدونج..احس الهوه يخنكني بغيابج احبج وتعبت من حبج تعبت واني اكابر تعبت من الجفه مشتاق لعيونج لضحكتج سوالفج ودهرتج مشتاق اصبح بيج وانتي جنج شمس تضوين انتي شمسي الي اصبح بيها وانتي ضحكتي الراحت بغيابج رجعي ورحمي بحالي

فنن...غيابك تعبني بس قربك تعبني اكثر ما ادري شبيه من يوم العرفتك لليوم واني تعبانه لاقربك ريحني ولا بعدك ريحني 

سلام...رجعي وعد مني متنزل دمعتج وعد مني لو اموت ما اخلي احد يمسج بكلمه

فنن...وكرامتي الراحت كدام الناس واصدقائك واخوتك واهلك 

سلام...والله مو رجال اذا ماردلج كرامتج 

فنن....خلي افكر كم يوم والله كريم ...وصلني يم البيت وروح ماريد ابويه يشوفك تكبر المشكله ...وصلني وراح

سلام....من رجعت رحت للكليه كمت اداوم على كد المحاضرات الضروريه حتى لا اشوف مها ...

بليل كاعد صافن افكر بعيون فنونه دزيتلها رساله

(اشتقت اليك حد الوجع💔)

فنن رجعت دزيتلج(ليتك مثل باقي الناس عادي غيابك)

سلام...مشتاقلج ياروح الروح 

فنن...كمت ابجي ليش ربي حبيته رغم ماشفت وياه سعاده ليش حبيته وليش من تحسنت علاقتنه هيج صار ليش هو صار قسمتي سلام وصار عليه انتقام اووووف محسيت على نفسي غفيت من البجي ....

مها....سلام كام ميداوم هواي ودزيت جماعه جابولي عنوان مرته وعرفة هي كاعده اداوم بلمدرسه كلت اي هاي فرصه .....ادز عليها 

فنن...رحت للمدرسه وكمت ارجع اني وصديقاتي نص الطريق بيتهم واني اكمل الباقي وجنت اكيف من يطلع شغل لميثم اكول بلكي يجي سلام اشوفه...ومره راجعه ولحكتني سياره كلت يمكن سلام ندارين واشوف ولد ثنين اكلوني بعيونهم اني كمت اركض بشارع كسرو عليه السياره وكامو يجرون بيه كمت اعيط وابجي الخوف كتلني اريد احد يخلصني يردون يصعدوني بسياره....سلااام ميثم لحكولي

سلام....يوميه اروح وره فنن ابقه امشي لحد متوصل للبيت كمت ما اتقرب حتى لا اضوجها اكول خلي تشتاقلي واليوم تاخرت عليها شويه وصلت للمدرسه لكيتهم طالعين كلت الحكها من نفس الطريق الي تروح منه للبيت

فنن....اني ناعمه وهمه ثنين وضخمين واحد كاعد بسياره والثاني شالني يريد يذبني بسياره كمت اكمز اروفس اضرب ماريد ادخل للسياره 

سلام ...فتت للفرع وشفت سياره واحد شايل فنن يريد يخليها بسياره وهيه مفرفحه تكمز تريد بس تخلص روحها...

الفصل التاسع من هنا 

شكرا لزيارتكم عالم روايات سكيرهوم