رواية الشيخ سلطان الفصل الثامن بقلم زينب نور
شمس
صارت ساعه 2 واندك لباب عليه كعدت من النوم. باوعت بالفون ساعه 2 منو دك لباب بهيج وقت كمت فتحته طلعت زينب
كالت يله. تعالي تسحري كولتلها ماشي هسه انزل
اني ميته نعس شورطني وتحديته هسه مال ارجع آنام وفعلاً رجعت شمرت نفسي ع الجربايه ونايمه
سلطان/اجتي زينب كعدتني طبيت غسلت ولبست تراك اريد انزل وسمعتها صاحت سلطان دك لباب على شمس خلي تنزل
رجعت لغرفة شمس دكيت لباب مرتين
شمس/فزيت يوووه نسيت روحي نمت شعري مكفش ولابسه كيمونه وشورت لون اسود فتحت الباب بدون ماانتبه افرك بعيوني وكولت ايي زينب هسه جايه بس اغسل وابدل عفت لباب مفتوح ورحت للكنتور طلعت. دشداشه وطبيت كبل للحمام
سلطان/فتحت لباب اريد اكلها انزلي بس انعكد لساني
شنهي بويه شلابسه شنو البياض والشعر مكفش ونعسانه تفرك بعيونها حته ماباوعتلي عبالها زينب راحت كبل للكنتور وانه واكف صافن عليها بكلبي دخيلك ربي عبدك اليوم اول يوم يصوم. شويه بهداوه عليه
شفتها طبت للحمام وهي ماشافتني اصلاً عبالها زينيب انه هم درت وجهي ونزلت كعدنه ع الميز شويه ونزلت
شمس/صباح الخير
وكعدت اكل نہعہ😴سہانه. حيل اكلت شويه وخليت راسي ع الميز
الحجيه/شنهي يمه نمتي شكلتي لكمتين هذني يسندن معدتج نهار كامل والجو حار كومي يمه كملي اكلج
سلطان/اباوع عليها نامت على الميز هاي وين وسوالف رمضان وين تخايلت شكلها قبل شويه استغفرت ربي وكملت اكلي
شمس/رفعت راسي انتم يعني يوميه لازم تكعدون من النوم وتاكلون بهيج وقت
الحجيه/اي يمه غير نتسحر ونصلي وانام
شمس/وهاي شكد تبقون هيج
الحجيه/شهر كامل
شمس/اففف عًـًـًآدًيً اني اصوم بدون مااكعد لان نعسانه حيل
الحجيه/يمه اذا تكدرين تقاويمن لاتكعدين ابقي نايمه
اكلت شويه وياهم وصبو جاي كالت زينب اشربي جاي حته راسج مايظل يوجعج باجر
اخذت الجاي كولش ثخين وحار كمت فرغت منه شويه وضفتله مي من البراد
كعدت شربت كملنه كولتلهم رايحه انام
زينب/شني ماتصلين ويانه خيه
شمس/عقدت حاجبي بس اني مااعرف اصلي يعني مرات بابا جان يكولي اعلمج بس اني ماكولتله علمني
الشيخ/بويه مايصير تصومين بلا صلاه لازم تصلين وتلبسين حجاب من ولد عمج
شمس/فركت راسي كولت بصوت ناصي ولنوب حجاب هم واني بعمري ملابسته
سلطان/حجت بصوت. ناصي وانه قريب عليها سمعتها همست بصوت ناصي بس هي تسمعني
لعد شورطج مو كتلج متقاومين
شمس/باوعت عليه ورفعتله حاجبي كوتله اكدر وهسه تشوف
بكلبي شورطني اني
كامشه بيدي كلاص المي واشرب حته مااعطش باجر
شويه وصاح امساك كال سلطان كافي عوفي المي ميصير بعد تشربين
رجعته بالمطبخ وشفتهم يغسلون كالو الصلاه اذن واني واكفه اباوع عليهم كلمن فرش مصلايته وصله بــَس ايه وزينب صعدو الغرفتهن يصلن فوك
بس عمو يصلي ووراه غسان وسلطان وع صفحه عمه كاعده وتصلي على ميز مااعرف يسمونه رحله صلاه
اني كاعده ع القنفه احد يكمل ويعلمني
كملو عمي والولد عمي طب لغرفته ينام وغسان صعد بقه سلطان باوع عليه كال شمنتضره
شمس/متضره اسوي نفسكم
سلطان/ضحكت كلتلها واحنه شجنه نسوي
شمس/صلاه غير
سلطان/يله لعَـدْ كومي صلي
شمس/بس اني مااعرف
الحجيه كملت صلاه. صاحت بسلطان ولك يمه عوف لبت لا تداهر وياها
كومي يمه انه اعلمج رحت وراها للمغسله
علمتني على الوضوء وشاحجي لنوب نطتني الي جانت لابسته يسمونه جادر صلاه لبسته
وفرشتلي مصلايه وتربه كالت يمه مابيه انه اسجد واركع شلون اعلمج
تعالي يمه سلطان صلي كدامها وبصوت حته تتعلم والك اجر شكبره عد ربك انه مابيه اسجد واركع
سلطان/صار يمه
الحجيه اخذت القران ومناضرها وطلعت للهول تقرا
سلطان/فرشت مصلايتي كدامها باوعت عليها ابتسمت شكد حلوه طالعه بالجاد. مال صلاه لايكلها
كلتلها باعي شراح احًـجي انه احجي انتي ورايه وشاسوي حركلت هم تسوين مثلي
شمس/تمام
كملت اصلي واسمع صوتها وراي تحجي كملت ركعتين الفجر درت وجهي عليها كلتلها تقبل الله
شمس/تقبل الله
سلطان/ضحكت كلتلها ترى كملنه صلاه
شمس/بس شبسرعه سهله ترى
سلطان/عمزتلها وبعد عندج الضهر والعصر والمغرب والعشه اصعب منها ترى
شمس/شوكت نصليهن
سلطان كلمن بوقتها يعني الضهر والعصر
بوقت اذان الضهر نصليهن
والمغرب والعشه بوقت اذان المغرب
شمس/تمام هسه انزع هذا لان اختنكت
سلطان/لميت مصلايتي وكلتلها انزعي بويه انزعي
شمس/نزعته اففف اختنكت سفطته. هو والمصلايه وخليتهم ع صفحه سلطان صعد كدامي واني وراه امشي وصلت لغرفتي
وهو وصل لغرفته صاح عليه مو تغشين وتاكلين شي لو تشربين مي ميصير ترى حرام
شمس/باوعــت عليه كوتله ايي اعرف لتخاف مااغش
وبعدين انت متنام يم مرتك شعندك هنا
سلطان/استغربت من سوالها بس جاوبتها
ليش بشنو غاثتج نومتي هنا
شمس/ماعاثتني واني شعليه بس مرتك خطيه مولش حبابه وفقيره وانت ممعبرها ميصير هيج
سلطان/اهااا كاسره خاطرج. مرتي من هذا جهزتيها اليه هذاك ليوم
شمس/خجلت حيل وكولت بكلبي هسه اني شعليه راساً عفته وطبيت للغرفه وسديت الباب
ثاني يوم كعدت باوعـت ع الساعه ب11 الصبح
خابرت على انس بقيت احجي وياه ساعه لنوب غسلت وبدلت ونزلت
ب12
لكيت بس ايه كاعده توكل بابنها علي
كولتها هلاوو
ايه/هلوو
اكولج مو لبارحه عمي الشيخ كلج لازم تلبسين حجاب كدام الولد ميصير انتي موصايمه
شمس/اي صح بس ماعندي حجاب حته البسه
ايه/هسه انه. انطيج واحد ولبسي ميصير كدام لولد تمشين بلا حجاب وخصوصاًانتي صايمه
شمس/ماشي تمام
لعد وين لبقيه
زينب/نايمه والشيخ بالمضيف وسلطان. بالدوام وغسان. بالشغل
اهاا
هنا اجتي هيا كالت جوعانه
كولتلها تعالي حبيبتي اسويلج اكل اني عوفيها لماما نايمه
فتحت الطباخ. وطلعت بيضه كليتها الها وطلعت جبن وسويت كوب حليب
وبقيت اوكل بيها لحد ماشبعت
غسلت المواعين
شويه ونزلت زينب تريد تسوي اكل الهيا والحمزه
كالتلها اني شبعت عمه وكلتني
تشكرت مني وسوت الحمزه اكل
طلعت للهول شِفـٍـت الحجيه تصلي تذكرت لبارحه سلطان/علمني اليوم منو بقيت كاعده كملت الصلاه واياه. وزينب كالن صاعدين نصلي وانام شويه بين مايصير وكت لفطور ننزل نسوي
الحجيه/يمه هسه يجي سلطان ب3 وهو يعلمج. على الصلاه انه مابيه اكومن جا علمتج
فتحت التلفزيون اتفرج اجه حمزه جايب بيده حجاب اسود كالت دزته آلُـ✿ـجُ عمه ايه
كوتله اي حبيبي شكرا اخذته منه محد موجود عفته يمي ع القنفه واتفرج تلفزيون الحجيه تقرا قران. مليت صارت ساعه 2 طلعت للحديقه الجو كولش حار شهر السادس بدايته بس الجو حاار متت دك تليفوني واتساب وحده من صديقاتي بالمدرسه بريطانيه جاوبتها بقيت اسولف وياها واتمشه بالكراج لان بي سقيفه حسيت هورن وراي انداريت شِفـٍـْْــٰٰتْ سلطان دا يطوب سيارته وخرت ع صفحه واحجي وياها
سلطان/طبيت واشوف شمس تخابر دكيت هورن حته تبتعد من كدامي طوبت لسياره نزلت فتت من يمها اسمعها تحجي انكليزي
طبيت جوه نزعت الستره وغسلت ايدي شِفـٍـتْ امي تقرا قران
شافتني صدقت كالت هلا يمه شو من وقت اليوم
سلطان/هلاحجيه قلصو الدوام لان رمضان
الحجيه/څــِْ♡̷̴̬̩̃̊ـِوش يمه كلنه صلينه بقت شمس تنتضرك حته تعلمها الصلاه لبنات صعدن لغرفهن وهي خطيه بقت يمي وانه مابيه حته اكومن اعلمها
سلطان/قرحت بداخلي لان باقيه تنتضرني حته اعلمها كلت صار يمه بس اصعد ابدل ملابسي واذب مي على جسمي وانزل
شمس/طبيت وحهي صار احمر من الحر البيت بارد كوله سبالت متطفه بس بره الجو كولش حار رحت خليت الحجاب على راسي واكفه كدام المرايه اجيبه منا واخلي منا مااعرف الفه المهم خليته ع راسي وعفته
سلطان/سبحت ولبست دشداشه ونزلت ع الدرج واشوف شمس كدام المرايه تلبس حجاب والضاهر متعرف شلون تلبسه
رحت للصاله فرشة المصلايه وهي اجتي وراي كالت ها افرش مثلك
سلطان/اي فرشي
اباوع عليها فرشت مصلايتها ولبست الجادر شكد حلووه بالحجاب لو تبقه هيج دائماً صافن عليها
شمس/ها يله نبلش
سلطان/انتبهت ع روحي يله
توجهت للقبله وصليت وهي وراي تصلي كملنه الضهر
كلتها تقبل الله هي هم كالت تقبل الله تعيد الحجي وراي ماتعرف شلون تجاوب ضحكت كلتلها باعي من احد يكلج تقبل الله مو ترحعين تكليله تقبل الله
شمس/لعد شاكول واني عبالي هاي من ضمن طقوس الصلاه
سلطان/ضحكت من كالت طقوس الصلاه
لا باعي تجاوبين تقبل منا ومنكم
شمس/تمام هسه خلصنه
سلطان/لابعد العصر
شمس/شو هواي مو نفس لبارحه مال لبارحه اسهل
سلطان/توجهت للقبله وسمعت حجيها ضحكت بصوت دمعت عيوني من الضحك هي تحجي بعفويه بس سوالفها تضحك كلتلها يله نبلش
توجهت وصليت وهي وياي كملنه كلتلها تقبل آلُـِْلُـًه
شمس/مني ومنك صالح عمل
سلطان/خربت ضحك بهالاثناء طب غسان
كال ها خويه ابوحمزه شو صوت ضحكتك واصله لباب الحوش
كتله تعال بربك كملت صلاه كتلها تقبل الله اسمعها شجاوبت
شمس احجي
شمس/مني ومنك صالح عمل
غسان /ضحك خويه والله من يوم الي اكلت الثريد بالخاشوكه وكلت هاي متقاوم عدنه
شمس/حسيتهم ناصبين عليه ضجت كمت نزعت مال صلاه ولميت المصلايه وكولت السلطان شكرا لان ضحكتك هوايه
حجيتها بحديه وبعتب لان صدوك ضجت
صعدت فوك
سلطان/عاتبتني وحسيتها ضاجت اني ماانصب عليها بس اٌضـحٍــك على عفويتها كأنما طفل هستوه يتعلم الاشياء ضجت
صعدت وراها دكيت لباب مافتحته
اني فتحته
شفتها متمدده على الجربايه نايمه على بطنها وعينها ع الباب شعرها نصه نازل على وجهه
سلطان/ممكن اطب
شمس كعدت ع الجربايه ولميت شعري ورا اذني كوتله تفضل
شكرا لزيارتكم عالم روايات سكيرهوم
