رواية احببت من لا يراني الفصل التاسع 9 بقلم سحر السحرتي

*خرج كريم من البلكونه وهو يبتسم وبجواره سماء فقامت والدته باصدار الزغاريد 

:الف مبروك يا حبيبي نقرأ الفاتحه يا معلم

:على طول كده مش لما نعرف رأيها 

:مش شايفهم خارجين مبسوطين ازاي 

:معلش اسمعها منها ... رأيك ايه يا سماء نقرأ الفاتحه 

:اللي تشوفه يا بابا

:الف مبروك يا حبيبتي نتفق و نقرأ الفاتحه 

والد كريم :ما فيش خلاف كلها شكليات وكل طلبات سماء اوامر  توكل على الله 

:على خيره الله 

بقلمي سحر السحرتي 

*تمت قراءه الفاتحه واخرج كريم سلسله رائعه الجمال وقدمها لسماء

:الله حلوه قوي بمناسبة ايه 

:دي هديه قرايه الفاتحه ممكن نلبس الدبل

:دبل ايه انت كمان جايبهم

: انا شاريهم من زمان ولو مش عاجبينك اغيرهم

:لا حلوين قوي بس تفتكر مقاسي 

:اكيد جربي كده 

*ارتدت سماء الدبله وكانت مضبوطه واستغربت

:انت عرفت مقاسي منين

:هقول لك بعدين .. ممكن يا عمي الشبكه بعد اسبوع

سماء : مش السلسله دي هي الشبكه

ام كريم :لا دي هديه العريس شبكتك عندي هديتي احنا عندنا كام سماء دى انا ما صدقت كريم يوافق يتجوز

 اميره :هديتنا انت امها الثانيه واكيد هتحطيها في عينك احنا مش طمع-انين غير في كدة 

: من غير ما توصيني عليها دي بنتي والحاجة الوحيدة الحلوة اللي كريم عملها أنه اختارها هو احنا هنلاقي في ادبها وجمالها

كريم :ها يا عمي عشان الحق احجز القاعه وأجهز باقي الحاجة 

سماء :لا 

*كريم بدهشه :لا ايه 

:هنعملها هنا على الضيق كده تكون عائلية احسن 

سلطان : ليه يا سماء 

:خليها يا بابا في الفرح 

*فهم كريم ان سماء لا تريد تكليف زوج والدتها 

:خلاص يا عمي خليها زي ما تحب بس هحجز لها في بيوتي سنتر عشان تحس انها عروسه ... وبعد يومين ننزل نشتري الشبكه 

سماء :مفيش داعي دي هديه هاتها على ذوقك  

:لا طبعا كل عروسه لازم تختار شبكتها بنفسها غير انك مش اي عروسه 

: اللي تشوفه حاضر 

*انصرف الجميع وتحدثت اميره مع سماء في غرفتها

:ليه هتعملي الشبكه على الضيق عايزه افرح بيكي هو انا عندي غيرك 

:هي مصاريف على الفاضي

:يا بنتي اذا كان على الفلوس انا معايا 

: خليها للجهاز يا ماما غير اني هحاول اشتغل جنب الجامعه

: ليه كده

:مش عاوزين نكلف بابا واولاده يتكلموا ... المهم انزلي بكره هاتي قماش عشان تلحقي تخلصي فستان الخطوبه

: حتى ده مش هتشتريه

: وانا اشتري ليه وعندي احسن مصممه ازياء... انا بحب قوي اللبس من تفصيل ايدك حتى البنات في الجامعه هتتجنن بجيب لبسي من اين 

:حاضر يا حبيبتي احلى فستان وبعده هبدا في فستان فرحك

 :بدري قوي يا مرمر  

:عشان اعمله بمزاج واحده واحده مع نفسي واطلع احلى فستان لاحلى عروسه 

 :حبيبتي يا ميرو

: بس كنت عايزه اعملك حفله خطوبه كبيرة عشان افرح بك

: هو الفرح بالحفلة افرحي اني هتخطب للي كان على مزاجك ولة فكراني مش عارفه انك من زمان بتتمني اوافق عليه وشفت الفرحة في عينك كنت طائرة واحنا بنلبس الدبل

: الحقيقه كريم ابن ناس وعريس تفتخر بيه اي عيلة وكان دائما بيودنا من غير ما يكون في غرضه حاجه 

*يوم الخطوبه ذهب كريم لاصطحاب سماء الذي انبهر من شده جمالها وجمال فستانها

: ايه القمر ده مش كنت اخذتي رائي وانت بتشتري الفستان

: ليه وحش

: لا مخليك قمرين كنت اشتريت حاجه اوحش تخفي جمالك شويه 

: هههههه بس انا ما اشتريتش حاجه ولا اعرف شكله غير النهارده

: ليه جاي لك هديه

:معمول هديه من ايد ست الكل عجبك 

:عجبني قوي

*توجه بنظره الي اميره 

: تسلم ايدك يا طنط

:تسلم يا حبيبي انت اللي عينك حلوه 

:اكيد مش اخترت سماء

*احمر وجه سماء خجلا 

: مكسوفة ليه هو انا لسة قلت حاجه 

*بعد ان ركبت السياره معه استغربت 

:ايه ده مش طريق البيت انت واخدني على فين

: مالك مخض-وضة كده ما طنط قاعده قدام ... هنتمشى شويه قبل ما نوصل مستعجله على ايه 

: مش في ناس مستنيانا و اصحابي اللي في البيت

: مش هنتاخر

: طب مش هتقولي عرفت مقاس دبلتي ازاي 

: عرفته من ده يا ستي 

*وأخرج من جيبه خاتم من البلاستيك 

: لقيته فين انا كنت بحبه قوي هاته

: اوعي هو ضاع منك يوم ما وقعتي من على العجلة وانا لقيته ومن يومها وهو معايا وهيفضل معايا 

: لا يا كريم هاته بجد هزعل

: سبيه انا بتفائل بيه ودائما في جيبي وكنت حاسس انه طول ما هو معايا انك هتوافقي نتجوز

: هههههه زي العمل كده 

: العمل انت اللي عملتيه ليا و خلاص وقعتيني في حبك

*احمر وجهها خجلا أكثر 

*وجدت السياره تقف امام احد الفنادق الفاخره

: ايه ده وقفنا هنا ليه

:هنشرب حاجه ونمشي

: لا كده اصحابي اللي في البيت ممكن يمشوا وانا كده هبقى لوحدي 

 :ما تقلقيش انا قلت لسماح تقول لهم يستنوا ... شويه صغيرين وهنمشي على طول 

:اتفضل لما اشوف اخرتها معاك 

*توقفت امام باب قاعه الاحتفال وفتح الباب 

*تفاجات بجميع اصدقائها من الجامعه والشارع وجميع اقارب كريم

: ايه ده انت عملت كده ازاي وليه

: ازاي سماح ساعدتني وجابت ارقام اصحابك و عزمتهم من غير ما تعرفي عشان كده ما قدرتش تبقى معاكي  في البيوتي سنتر ... وليه عشان افرحك عشان عارف انك مش عايزه تكلفي جوز مامتك 

:بس حفله الخطوبه بتبقى على العروسه 

:انت مش اي عروسه وبكره هتعرفي ان انا وانت واحد 

:متشكره قوي يا كريم انا بجد مبسوطه

: غير ان ليا هدف تاني هتعرفيه بعدين 

:قلقتني

: هههههه تعالي بس نسلم على الناس الزفه هتبدا 

*احتضنتها سماح

: اسفه يا موحه اسأت الظن بك وقلت انك مش عايزه تبقي معايا

: اخص عليك بعد اللي بتعمليه معايا ... بس اصحابك ما كانوش يعرفوا المكان و اضطرينا نمشي ورا بعض بالعربيات ايه رأيك 

:مفاجاه تجنن فرحتني قوي 

:على فكره عمي كان هيزعل من كريم بس عرف يضحك عليه ده طلع بيحبك قوي

: انا حاسه ان ما فيش زيه

:ربنا عوضك خير و حماتك كمان بتحبك و واقفه من الصبح تجهز وتشرف يلا اسيبك عشان رقصه العرسان

بقلمي سحر السحرتي 

*ضمها كريم ورقص معاها

:عرفتي بقى هدفي التاني 

:ايه هو لا ما عرفتوش

:اني ارقص معاكي واحس انك في حضني

: بقى صارف كل ده عشان ترقص رقصه واحده معايا 

:و اصرف اكتر من كده كمان بس دي مش رقصه واحده غير انه لو كان في البيت عمري ما كنت هرقص معاكي بالشكل ده واحس انك قريبه مني كده 

:كريم انت بجد شخص جميل قدرت فعلا تخليني طايرة من السعادة 

:مقبوله منك مؤقتا على ما تتعودي وتقولي حبيبي

: ما تستعجلش هتطلع لوحدها وحاسه انها قريب قوي 

:بجد يا سماء

:هنشوف بس حقيقي بدات تخ-طف قلبي

*كانوا يرقصون على اغنيه رامي جمال 

$قول حبيبى إنك معايا وجنب منى

$دى الحقيقة ولا حلم وطال شوية

$والكلام الحلو ده بتقوله عنى

$يعنى فعلا دنيتى رضيت عليا

$وعد منى تعيش معايا سنين معشتش زيهم

$أحلامك اللى حلمتهم

$انسى الحياة والدنيا دى وتعالا نهرب منهم

$مبقتش عايز ناس خلاص جالى اللى بيهم كلهم

: سماء كلمات الاغنيه دي بتعبر عن كل اللي جوايا 

: كلامها حلو قوي فعلا انت حاسس ان انا بيهم كلهم 

: بكره الايام تثبت لك

*وقفت سماح بجانب ادهم الذي كان يحتضن يد لمياء

: الله شكلهم جميل قوي وسماء طالعه زي القمر

لمياء :مش فاهمه يعمل كل ده وتكاليف على الفاضي ما قالت تتعمل في البيت 

:سماء تستاهل اكثر من كده

: على ايه يعني ده حتى تبقى بنت ال 

*قبل ان تكمل احت-دت سماح عليها 

:اوعي تكملي احسن اقول لعمي يمشيك من الحفله

: انا اصلا مش عايزه اقعد يلا بينا يا ادهم 

ادهم :ما اقدرش امشي عمي ممكن يحتاجني جنبه

: يلا يا ادهم احسن امشي لوحدي

:طب استني هقول لعمار يقف مع عمي بدالي واستاذن منه 

سماح :انت هتمشي يا ادهم عمك هيزعل

:انت شايفه لمياء تعبانه 

:تعبانه طيب لو سألني هقول له الحقيقه 

لمياء :ما تبطلي شغل العيال ده احنا ما لناش لازمه هنا بس جيت عشان بابا ما يزعلش لكن لا انا قريبه العروسة ولا احنا اصحاب 

:امشي احسن وجودك ما لوش لازمه فعلا 

*لاحظ عمار غض-ب سماح فاتجه اليها

:مالك في ايه مين ضايقك 

:هيكون مين الست لمياء مشيت وسحبت ادهم معاها 

:اه قال لي انها تعبانه و رايح يوصلها

: لا هي مش تعبانه دي الغي-ره هي اللي اكلتها لما لقت الحفله فخمه و حاسه ان سماء ما تستاهلش

: بالعكس سماء بنت كويسه وربنا عوضها بكريم بيحبها بجد

: انا حاسه ان لمياء عامله عمل لادهم

 :ليه بتقولي كده 

:ساحره له ... وهي بعيد كنت بحس انه كان بيتشد لسماء لكن وهي موجوده بيتقلب ... ادهم اللي كل الناس بت-خاف منه و تحترمه لمياء بتمشي كلمتها عليه

: بيحبها من زمان

: مش كده ما انت بتحبني من زمان

: فرق شخصيات بقى غير انك بتحبيني زي ما بحبك واحنا الاثنين بنخ-اف على زعل بعض ... بس سيبك منها و افرحي لسماء مش ملاحظه ان رقصه العرسان طولت شويه 

: هههههه كريم اللي مطولها وعامل اكثر من رقصة

: وعرفتي منين 

:مش انا اللي منسقه معاه برنامج الحفله

 :اه يا قرده طب تعالي نغلس عليهم و نرقص جنبهم

*ذهب ورقص بجانبهم مع سماح وبدأ في ممازحة كريم 

: كريم باشا مبروك يا سيدي عايزين بقى شويه اغاني ترقصنا هي الحفله كلها اغاني هادئة كده هو احنا في عزاء هروح اقول لمنسق الاغاني يغير 

: اوعي تتحرك من مكانك يا عمار احسن هنزعل مع بعض 

: ليه بس انا عايز ارقصك وهرقص معاك 

: ابقى ارقص في بيتكم يا حبيبي النهارده خطوبتي ومخطط لها على مزاجي 

*ضحكت الفتاتان على مشاغبة الشابين فكلتاهما تفهم غرض كل منهم

سماء: بجد يا كريم عنده حق انا عايزه ارقص شويه 

: انت بالذات مش هترقصي اكثر من الاغاني الهادئة

: ليه كده 

*همس في اذنها 

: عشان بغ-ير عليك يا حبيبتي ممكن عشان خاطري تنفذي طلبي ده 

*أمام كلماته الساحرة 

: انت تؤمر مش تطلب

: مش كنا عملنا كتب كتاب بالمرة 

: ليه 

: عشان اكافئك على الكلام الحلو ده 

: ايه المكافأة اللي محتاجه كتب كتاب دي

*همس في اذنها بكلمة فض-ربته على كتفه بخفة 

: شوف لو قلت كده مرة ثانية هفسخ الخطوبه 

: دي كانت هتبقى بوسة بريئه زي اللي بتديها لبابا لما يجيبلك حاجه حلوه 

: كريم خلي علاقتنا من الاول محترمه وبلاش اخد فكره غلط عنك 

: بهزر والله عشان اشوف التفاحتين الحمر اللي على خدودك

: حتى لو هزاز ممكن 

: انت تؤمري هو انا اقدر ازعل القمر ده كفايه عليا انك بين ايديا

: كفايه بقى يا كريم بتكسفني قوي 

*انتهى الحفل وكانت سماء سعيده وعندما وصلت الى باب العماره وجدت عنتر ينتظرها فاحتضنته 

سلطان: طلعيه معاك النهارده بس يقعد مؤدب من غير صوت 

اميره :في البلكونه احسن احدف-ك انت وهو منها 

:حاضر شكرا يا بابا 

بقلمي سحر السحرتي 

*صعدت سماء و ابدلت ملابسها ودخلت البلكونه لتعطي عنتر بعض الطعام وكانت تتحدث معه وهي جالسه على الارض

: تعرف انا مبسوطه قوي كان نفسي تبقى معايا لكن في الفرح انت اول واحد ايه رأيك 

: انا من رايي تعملي الفرح في جنينه الحيوانات

 *التفتت لصاحب الصوت 

:زعلانه منك مشيت بدري ليه 

:لمياء كانت تعبانه 

:كنت وصلتها ورجعت

:هو انت حضرتي حفلة كتب كتابي 

:بتردها لي يعني و تقولي اخوك الكبير  ...طب انا ظروف قه-ريه 

:وانا مش معقول اسيب مراتي تعبانه 

:تعبانه طب الف سلامه تصبح على خير

: ايه استني عملتي ايه

: مش هقول لك 

: اخوكي الكبير عايز يطمن عليك ينفع كده 

*ردت بسعادة غامرة 

 :كانت حفله جميله وكريم عزم كل اصحابي في الجامعه كنت خا-يفة يزعلوا عشان عزمت اثنين بس لان البيت مش هيكفي .... الحفلة نظمها مع سماح بطريقه تحفه خلت قلبي طاير

:بتحبيه يا سماء 

*تفاجأت من كلامه 

:هاه ليه السؤال ده

: عادي عايز اطمن عليك

:لسه بس يظهر كده هحبه او هيجبرني احبه 

:هيجبرك ليه

:لما الانسان اللي قدامك يعمل كل شيء عشان يسعدك و يريحك تقدر ما تحبوش حتى لو مش حب الحبيب اكيد هيكون حب من نوع خاص احسن و اعمق  وانا شايفه انه بيبذل  مجهود كبير عشان افرح تفتكر ممكن اقابل ده بابسط شيء اني احبه واقدره وارفض

*استشعر ادهم كيف ان لمياء لا تحبه كما يجب برغم انه يفعل معها اكثر مما يفعل كريم مع سماء ومنذ سنوات طويله 

:هاي رحت فين

: ابدا مستغرب ان لكل انسان طريقه بيعبر فيها عن حبه

: المهم ان الطريقه مهما كانت غريبه تدخل من القلب للقلب هدخل انام بقى كان يوم طويل ... ايه ده كريم بيتصل سلام 

*دخلت وهمس ادهم لنفسه

 :نفسي لمياء تبقى في نص فرحتك 

*ردت سماء على تلفونها

كريم : وحشتيني يا سماء 

:هو انا مش لسه سايباك لحقت اوحشك يا بكاش

:انا بكاش عشان بحبك .... قلت لازم اخر حاجه اسمعها صوتك وانام

 :ايه الكلام الحلو ده 

:اللي يحبك لازم كلامه يبقى حلو عشان يليق بجمالك ...مشاريعك ايه بكره 

:هنزل احط السي في بتاعي في كام عياده بيطريه يمكن الاقي شغل 

:هو انت هتشتغلي

: هو انت عندك مانع اني اشتغل 

:اكيد لا بس خليني اقابلك و نتفاهم في الموضوع ده 

:هو احنا هنبدأها مقابلات على طول كده ممكن اميره تزرجن

:انا بكره اكلم المعلم سلطان استأذن منه نتغدى سوا 

:هو انت مش عندك شغل

:بابا واخواتي مش هيتضايقوا خصوصا اني عريس 

:خلاص لو بابا وافق اشوفك بكره

 *اغلقت المكالمه ونام كل منهم سعيد وفي اليوم التالي تقابل كريم مع سماء برغم ان اميره رفضت لكن سلطان اقنعها 

*ذهب كريم مع سماء الى مطعم راقي

:كريم انت بتكلف نفسك قوي وفر الفلوس عشان تكاليف الجواز

:سماء ده مستوى المعيشه بتاعي ولما ندخل هتعرفي ان معروف هنا و باجي انا و اصحابي والحمد لله خير ربنا كثير وعامل مشروع بيكسب كويس بعيد عن شغل بابا واخواتي فاطمني 

: بتيجي مع اصحابك ولا صاحباتك 

:تفرق معاكي 

:بتهزر صح انت بتعرف بنات

:كنت مش شاب وبصراحه كنت بحاول انساك بس ولا واحده قدرت تنسيني

: وكنت بتحاول تنساني ليه

: لانك كنت بترفضيني 

:عندك حق ... كنت عايز تتفاهم معايا في ايه

:شوفي يا حبيبتي انا حاسس بيكي وعارف انت عايزه تشتغلي ليه

: ليه يا ذكي عصرك

: كده 

:بهزر معاك هو انت بتتقمص بسرعه 

:منك لا طبعا

:طب خلينا نتكلم جد عارف فعلا السبب اللي عايزه انزل اشتغل عشانه

:انت مش عايزه تكلفي جوز مامتك في الجهاز صح 

:انا كل يوم بنبهر بيك بس اوعى تقول انك هتتكفل بالجهاز كله

:هقول طبعا

:وانا طبعا رافضه 

:اسمعيني الاول  للاخر وبعدين اعترضي ... شرعا الراجل عليه كل حاجه و بيدفع مهر كمان ... موضوع ان العروسه تجهز ده نوع من انواع المساعده للراجل لان الظروف بقت صعبه وده اسمه العرف ... لكن انا الحمد لله مقتدر فهنمشى على الشرع  فهمتي بقى  

:يعني انت مش بتضحك عليا

:اسالي وبعدين بتكذب-يني

: انا قلت بتضحك عليا مش بتك-ذب عليا

:بتجمليها صح عموما مش عايزك تعطلي نفسك عن الدراسه بأنك تدوري على شغل عشان تخلصي ونقدر نتجوز على طول وبعد كده لازم تثقي في كلامي واني عمري ما هك-ذب عليك ... عايز ده يبقى أساس علاقتنا الصراحه دايما مهما حصل 

: حاضر .... طب ...

: قولي اللي جواك ما تتكسفيش

: طب واهلك هيقولوا ايه وانا مش جايبه حاجه في الجهاز

: انا عندي اخين وكل واحد اتجوز كده انت مش اول واحده في العيله ... بس الفرق لما الراجل بيجهز مش بيكتب قايمه انت بقى هكتب قايمه و الشقه وقلبي باسمك 

*وامسك يدها وقبل باطنها 

:بس اوعي تسيبيني يا سماء توعديني 

:كريم انت قلت هتديني فرصه لازم اعرفك اكثر قبل ما انطق وعد زي كده بس اطمنك مشاعري كلها بتتجه ناحيتك لو استمريت بحبك ده اكيد هتملك مشاعري

:وايه اللي ممكن يغير ده

: الاقي حاجه في شخصيتك ما اقدرش اتحملها خصوصا الغ-يره والش-ك زياده عن اللزوم

:انت مش عايزاني اغ-ير عليك 

:كريم افهم كلامي صح بقول زياده عن اللزوم بيكون غلط بيخنق علاقة اي اثنين 

:اكيد انا فيا عيوب هتسيبيني

:كل واحد فيه عيوب بس فيه عيوب نقدر نتعايش معاها وعيوب لا واكيد هحاول اتعايش على قد ما اقدر لان ناويه ابني بيت واعيش مع جوزي العمر كله  ...هحاول اختار راجل صح لاولادي .... امي كانت صغيره واختارت غلط وطلعت من غير اب و اتحرمت من حنانه مش ناويه احرم اولادي من ابوهم ده هدفي 

:عارف و هعوضك عن كل حاجه 

:اتمنى يا كريم من كل قلبي 

:احنا خلاص كده اتفقنا على كل حاجه 

:لسه انا بنزل المزرعه بتاعه بابا مع عمار جوز سماح

:عارف مش ده تدريب لك 

: اه وعايزه اعرف رأيك فيه 

: وهو رائي يهمك قوي 

: اكيد...انت موافق

:طبعا بس كان نفسي تبقي عندنا في المزرعه بتاعتنا بس مطمن ان عمار معاكي هو محترم وشفت معاملته زي اخوك انما عندنا ما فيش حد اطمن عليك وانت معاه ... بتبصي لي كده ليه 

:كل يوم بيزيد اعجابي بيك لا اظن كل لحظة بيزيد اعجابي 

: انا برده كنت بعجب بنات كثير 

:بالمناسبه دي فكرتني احكي لي بقى على مغامراتك 

:اخ هنتاخر على طنط اميره 

بقلمي سحر السحرتي 

*امسكت الس-كين بطريقه ته-ديد 

:اقعد مكانك احسن انطططك قال طنط اميره ... اسمائهم واحده واحده و قصصهم

: ش-رس بس بحبه 

*مرت الايام كل يوم بتكتشف سماء صفه رائعه في كريم وبدا قلبها يتفتح له 

*سافرت لمياء وانشغل ادهم بتجهيز شقه الزوجيه لحين عودتها كي يتم زواجهم 

*ها قد أتى رمضان و كالعاده في اول يوم تتجمع العائله وانضم كريم هذه المره لهم 

*دخل المنزل وهو يحمل هدايا فقد كان كريما جدا 

*استقبلته سماء بابتسامه جذابه كالعاده 

:طب دي هدايا للبيت فين هديتي انا 

:مش كفايه جايباني اول يوم و سايب العيله كلها بتتريق عليا وتقول انك بتتحكمي فيا

*زمت شفتيها وتظاهرت بالحزن

: غلطانه اول رمضان لينا مع بعض و حابه نقضيه سوا عشان تبقى ذكرى حلوه 

:بجد 

:عندك شك 

:طب كنت عايزه هديه ايه

:فانوس طول عمري بحلم اتخطب وخطيبي يجيب لي فانوس

: طب افتحي الباب هتلاقيه على السلم انت احلامك أوامر 

:بجد انت احلى خطيب في الدنيا 

*امسكت الفانوس و احتضنته و قبلته فهمس كريم 

: مش كنتي خليتي البوسة دي ليا

: كريم بطل هزارك ده قلنا ايه

: قلنا كل سنه وانت طيب يا حبيبي ... عجبتك الهدية

: قوي قوي كل سنه واحنا مع بعض 

: الله احلى معايدة بعد كدة مش هقبل كلمه غيرها 

*شرد ادهم في تلك الفرحه بمجرد ان علمت انه اشترى لها فانوسا 

:شفتي يا ماما كريم جاب لي ايه 

:يا رب يطمر فيك زمان حماتك زعلانه انك اخذتيه منهم اول يوم رمضان 

:لا هي بتحبني غير اني كلمتها واعتذرت لها وهي قدرت وقلت لها هعوضها اول يوم العيد هكون عندها 

*نظر كريم لها باستغراب

:كلمتيها امتى 

:من يومين ليه انت ما تعرفش 

:ما قالتش حاجه وعماله تغني معاهم عليا

: هههههه بتشتغلك بس ... وكمان كنت بعرف منها بتحب تاكل ايه عشان اعمله لك بايدي

ادهم :من لقى احبابه نسى اخواته يعني عملت الاكل اللي بيحبه هو بس

:لا طبعا عملت اكلك واكل عمار وسماح انا عمري ما انسى اخواتي بس اتوصيت شويه بكريم اصل معاه واسطة دلوقتي ههههه

كريم : افهم من كده ان السفره التحفه دي عمايل ايدك 

:حاجات وحاجات يلا بقى المغرب هياذن وقول لي رايك على طول 

*قبل يدها :اكيد حلو تسلم ايدك 

*سحبت يدها واحمر وجهها وض-ربته ض-ربه خفيفه فوق يده 

سلطان :سيبيه يمسكها يا فوزيه لمؤاخذة يا ام ادهم 

*ضحك الجميع عليها 

:ايوه يا بابا بعد الفطار

لمياء :هو احنا ايه مش هنقعد هنقضيها كلام 

سلطان: المغرب لسه دقائق بس اتفضلوا يا جماعه

 ام ادهم : ان شاء الله السنه الجايه نتلم عند ادهم ولمياء وتعمل لنا سفره حلوه زي دي 

لمياء :ادهم هيبقى يعزمنا بره انا مش بعرف اطبخ اكيد مش هعرف اعمل سفره زي دي 

: مش بتعرفي اتعلمي يا حبيبتي 

 :حاضر يا طنط 

*همست لمياء في اذن ادهم

$ هل سينقلب هذا التجمع بخلاف بين لمياء وحماتها ؟