رواية منار والبارود الفصل التاسع 9 بقلم مرج البحر

منار:::

اي مصعب احنا لازم ننفصل..

ادنه يمي لزم وجهي باديه وكال:.

لج انتي شتحجين ..شنو نطلك!

مصعب هو هذا الصح..زوجتك رجعتلك والتم شملك من جديد بعائلتك واشوفها سعيدة وياك..هيه وبنتها..واكيد انت هم رجعتلك سعادتك وياها..بعد متصالحتو..مصعب اني ما اريد اكون عثرة بطريق سعادتكم وما اتحمل ابد..ابني سعادتي ع حساب سعادتكم..

انتي تحجين من كل عقلج لج هاي ياسعادة الرجعتلي اني سعيد ويه سوسن؟؟! ومنو كال اصالحها..واني محرمها ع نفسي وجسمي..من اول طلاك النا..

بس هي كالت تصالحنا..

بسرعة ضحكت عليج..وفهمتج اني مصالحها..لج كتلج سوسن محرمها عليه وبسببج رجعت البيتي..اي محرمها عليه من اول طلاك..

ليش محرمها..ما تزوجتو عن حب مو انت تحبها وهي تحبك!

اني احبها من عمت عيني اذا حبيتها لحظة!

بس هي تكول

اي هي تجذب وانتي تصدكين!

والله مفهت الحقيقة!..

اني هسه احجيلج الحقيقة واريحج..شوفي جنت هستوني متخرج من الكليه وحدة من بنات خالتي حبتني وامي جانت رايدتها الي اسمها بلسم..كتلت نفسها عليه بس بصراحة اني مجان بالي يمها امي اكلت كلبي خلي اخطبها الك واريدها جنتي..يوميه طلابة ع هالموضوع اخر شي بزعت وتعاركت ويه..امي ورحت بقيت شهر ابيت عمتي ام سوسن بهالاثناء. بدت قصة سوسن سوت نفسها تنصحني ومتعاطفة وياي..جنت مصدك بكل كلمة تكولها..حتى جانت تجي يمي نكعد ساعات نسولف بس والله معندي شي وياها ومرة صاحتني لغرفتها..هم بقينا نسولف جانت الدنيا باردة فسادين الباب..دخل رجل عمتي كلب الدنيا ولزمها شبعها كتل وطردني..رجعت لهلي كامت تتصل عليه تكول ابوها يوميه يبسطها ويكولها انتي عار وموشريفة..لان عبالة بيناتنا شي..الخبر وصل لابويه ابويه كعد ويايه كلي انت خربت سمعة البنية ولازم تتزوجها...جنت ما اعرف شنو مسؤولية الزواج وبلحظة تسرع وافقت ورحنه خطبناها..وتزوجنا..وعادي صار العرس..هي حاولت تخليني احبها بس مكدرت..جانت تحير شتلبسلي. تسوي اشكال الوان واني بكل الاحوال رجال..وكدامي مرة..واسمها زوجتي جانت تصير بينا علاقة مجرد علاقة غريزة..والله..والله..والله وروح امي..غريزة وبس موحب..ومرت سنتين ع زواجنا..داومت بالجيش وصار عندي راتب محترم..وشلت نفسي كمت اصرف..بكيفي..بس جنت احس كل ما اخلي فلوس الكاهن... ناقصات هواية اسألها تكولي ما ادري مع العلم اني ممقصر وياها مصرف ولبس وطلعة..وبعدين..اكتشفت هي دتبوك مني وتنطي لاخوها..يكبسل بيهن ويشرب..ضجت..منها ما احب المرة الايدها طويلة..وكلت ميخالف اتحمل..كمت اضم فلوسي يم امي..هي تخبلت ليش تخلي فلوسك يم امك..وبدت المشاكل شفت نفسي مراح اكدر اتفاهم وياها..لان تغيرت..صار لسانها اطول منها طلعت من قناعها وبينت حقيقتها..وخلصت المشاكل بالطلاك الاول..بس من حظي الفكر..طلعت حامل..بملاك..مرجعتها الى ان جابت الطفلة ابويه ضل يحجي عليه رجع مرتك..مرة وغلطت وتأدبت وره الطلاك..رجعتها..بس ما الي رغبة بيها روحي طابت من يمها..متقربت عليها..ابد..بس امي حيل تعلقت بملاك متتصورين شكد حبت هالطفله عايفة الدنيا ومكابلتها وكاعدة..ومشت الامور 6اشهر اجي من الدوام..هي تنام ع الجرباية واني..ع القنفة..وبدت اشياء غريبة تصير ابويه يكول يومية يلكة نقص كراتين ادويه من المخزن..وامي اختفن محابسها..طبعا اول شخص شكيت بيه هيه....وخليتها تروح لهلها ..وشديت كاميرات بالحديقة..وغطيتهن..حتى متشوفهن..ورجعت ثاني كمت اراقب الكاميرات وشفتها نص الليل تفتح الباب لاخوها العار يدخل للمخزن يبوك كارتونه ادويه..متحملت ..بس..مكتلها شكو..ماكو كبل طلكتها..وطردتها حتى امي مكلتلها شصار لان..ابويه جان هستوه مبين بيه السكر..كتلهم ما اريدها..

وبقت امي تبجي ع ملاك..لان متعلقة بيها..توسلت بيه ارجع سوسن لان متعلقة بالطفلة وابويه هم متعلق بيها وغلطت الغلطة الثانيه ورجعتها..وبقت عدنا شهرين بهالفترة امي انجلطت جلطة خفيفة....تحجي بس متكدر تمشي براحتها..كامت تكعد ع كرسي متحرك..والاطباء كالو عدها جلطة خفيفة..جنت اروح للدوام وارجع اشوف صحة امي بالنازل..ضعفت حيل وتغيرت وكامت متمشي نهائيا..ابويه يطلع للصيدليه وللدوام ومأمن سوسن اداريها..امي ادهورت صحتها..واخير شي حجتلي كالت راح اسولفلك..بس احلفلي مطلك مرتك..لان اذا طلكتها تصير اخر..طلاك بعد تحرم ترجعها..وترفع عليك قضية وتاخذ بتك..منك..اني ممطولة بهالدنيا بس مرتك..جانت اموتتني من الجوع..حتى مي تنطينيا بالكوه..وتدعي عليه..واني ساكته اخاف من احجي اطلكها..وتاخذ بتك..يمه هاي المرة..موخوش مرة يمه اتزوج ..بنيه بت حلال وخليها..هيج..ع مود بتك..اني تخبلت رأسا طردتها من البيت وحجيت لابويه كتله سوسن بعد مترجع..للبيت..وبقه ابويه يداري امي..تحسنت صحتها..كامت تاكل وتمشي..بس مو هالكد بس ورة شهرين هم انتكست وتوفت.الله يرحمها..هذه قصة سوسن!             

معقوله اكو هيج زوجة!

اي اكو هذا حظي كرهتني بكل نسوان الدنيا كمت اكره كل شي اسمه مره..الى ان دخلتي انتي حياتي..انكلبت حياتي كلها..اني النجر..المعقد..وكعتيني..

ههه..وكعتك..

اي ولج وكعتيني من اول يوم شفتج!

ابتسمت!

من اول يوم!!

هو هم ابتسم..

اي والله من اول يوم تذكرين يوم عرسنا من دخلتي للحمام وطلعتي ولاكيتيني وجه بوجه؟                         

اي..باوعتلي من فوك لجوة!.

بذيج اللحظة اني وكعت شفت بعيونج كل براءة الدنيا..دخلت للحمام كلبي كام يدوك..ضربت ع صدري كلت لنفسي:

وسفه..انت مو تكره النسوان..شبيك..رجف كلبك

يااااصدوك!؟

اي والله صدوك!

بس انت سودت عيشتي..!!

اي..صح..حاولت استفزج بكل طريقة لان كلت لنفسي ماكو مرة بهل الوجه البريء..احتمال ملامحها بريئة ومن استفزها واضغط عليها راح تطلع حقيقتها ويكطلع الشر الي..بيها..بس جنت غلطان شكد استفريتج واذيتج..بس انتي مابيج شر..كل يوم تثبتيلي انت مربايه وبت اوادم..حبيتج اي والله حبيتج واول مرة احب..اجيت من الدوام..مانع روحي منج بالكوه لان شفتج ممهتمة الوجودي وعادي عندج تردين بس تخلصين كليتج براسي..مصدكت من صعدتي لغرفتي ولمستي كصتي..كلبي مني شرد كلت.... شنو..دا احلم لو الله هداها وجايتني صح كلامي جان سخيف..بس انتي هوايه غلطتي وتماديتي وخليتني اضربج..ومن نزلتي تركضين..تندمت لان ضربتج..نزلت لكيتج بغرفة ابويه تبجين..كتلج ليش خليتني اضربج..بس انتي بقيتي تحجين وتبجين..ودموعج ملخن كلبي تملخ..جنت..بلحظتها اتمنى منج كلمة حلوة بس كلمة وحدة..واحضنج..بس انتي كلتيلي..انتي ممعتبرتني موجود..ومدا تشوفيني..كلبي شاط..مضل عقل براسي..شلون هيجي اسمع منج واني توه كلبي حس بالحب..توه عرف الحب..اضطريت اخذج بالكوة واريح..بالي..كعدت الصبح ملكيتج خابرتج وهددتج..لان ردت ارجعج الي بكل طريقة..من رجعتي روحي رجعتلي شفتج تبجين بالغرفة روحي راحت..وج ما اتحمل دموعج الله شاهد كلت خلي اخليها جم يوم خطية هوايه اذيتها وهي .. جانت بعدها بنيه واخذتها بالقوة خليها ترتاح مني سكتت طول الاسبوع ومن ردت التحق متحملت اروح اذا ما احضنج..بست عيونج..وحضنتج ورحت..وصار الانذار والهجوم وتصوبت وكعدت من العملية..وكلت من ارجع اكولها احبج..واريدج..من رجعت شفتج واكفة مجيتي سلمتي عليه روحي طلعت كلت اني مشتاقلها..وكلبي طاك..عليها..وهي تباوعلي من بعيد ولا..هامها..بس من دخلت وابويه حجالي وكلي..مرتك قلقت عليك وتبجي عليك..متتصوين مي بارد ونزل ع صدري..كلت يعني اكو امل..تحبيني.. وكلت هي بلكي تصعدلي بس مصعدتي....

بعدج بعنادج..وثاني يوم من جبتج من العرس اويلي شطالعة..حبيبتي..منتظر منج هيج بس كلمة..وانتي ماقصرتي..شفتي عمليتي وعيونح..يجرن مثل المطر واني ما اتحمل دموعج..تدرين عشت وياج ليلة تسوه عمري الفات كله..احلى لحظات حياتي..لان ..حسيتج رايدتني حسيت بكلبج اشتياق وحب الي بالضبط مثل حبي الج..بس خيبتي املي من قبلتي ارجع سوسن ..وبنفس الليلة رحتي لاهلج ردت اروح ركض اجيبج بس كلتي امج مريضة ..مصدكت من شفتج جيتي..ضربتيني طلقة بكلبي من كلتيلي نطلك..ولج اني اطلكج..شبيه تخبلت..والله..والله بس الموت ياخذني منج..

هو يحجي واني خدودي اشتعلن نار ممصدكة عيونه الحلوة تباوع بعيوني..وهيج يعترفلي بمشاعره الحلوة..فكتلة:.

اسم الله عليك من الموت مصعب..بس اني جذبت امي مجانت مريضة..اني تعمدت اروح لاهلي لان ما اتحمل اشوفك وياها..ما اتحمل تنسد عليكم باب..ما اتحمل وحدة تباوع بعيونك..ما اتحمل وحدة تلمسك..غيري..بس مبيدي شي..هي كالت انت تحبها..

ههه..وانت بسرعة صدكتي وعفتي الجمل بما حمل ورحتي.. ورجعتي اطلبين الطلاك..

اي..مصعب..ما اتحمل..احس انت تحب ..وتلمس غيري..مصعب..اني احبك..واعرف نفسي اموت شويه شويه اذا وحدة تاخذك مني لحظة مو ليلة..

شبكني وحجه يم ركبتي..:

ولج اذا تحبيني جلبي بيه مو تنطين الفرصة لغيرج!

مو كلت خطية هيه تحبك قبلي وعدها طفلة..        

لج هذا شنو كلبج المخبل هاي سوسن متحب هاي وحدة ادور ماديات اهلها فكر..وتريد تعيش اخوها السكير براسي..منار لتصيرين فطيرة ولج اذا تحبيني شلون تنطين فرصة لهاي..البومة..

وهي استغلت الفرصة مو..

شحدها..وعيونج من..البارحة..قافل غرفتي عليه..اكسر رجلها اذا صعدتلي..

بس هي جانت فرحانه وتغني وتكول عشنا ليلة حلوة!

عاشت ليلة مصخمة ع راسها وراس الخلفها دشوفي هاي جنطتها..هنا..متثقين بحبيبج..

لا والله اثق بيك..بس مستغربه شلون عدها قابلية هيج تمثل!.

اشايفه منها هاي شيطانه تتمسكن الى ان تتمكن..وروح امي تحرم عليه مره غيرج..حتى اذا الله اخذ امانته ورزقني بالجنه اطلب منه انت..تضلين وياي هناك..

اسم الله عليك من عمري على عمرك..

ورجع شبكني..وكال:                      

منار....الله عليج بعد لتعيدين هاي الكلمة مال الطلاك ولاتفكرين نتعاوف بيوم من الايام..

بسته بخده..وكتلة:

صار حبيبي..

اويلي..بوسه وياها حبيبي..متت..

هههه!

كومي حبي خلي نصعد فوك لغرفتي!.

لا..لا بعد ما اصعد فوك ذيج غرفة سوسن..

لج ليش تخليني اطلع اطردها هسه..

لا..لا شلون تطردها..خطية..

يعني تبقى تحرك بكلبج بجذبها..

شعلينا بيها خليها ع مود بتها..بس اني ما اصعد فوك مهما يكون ذيج جانت غرفتها. 

ماشي..باجر اصعد غراض ملوكة فوك واشتري غرفة اخشاب..واخليها هنا وارتب الغرفة اسويها جنه..نعيش بيها اني وعصفورتي..

ماشي..

دتعاليلي..لعد

ياااا..مصعب هسه من الصبح خليها لليل..

ياليل حبي اني اريد اموت صار ساعة اقرالج اليتيمة..وتكوليلي لليل..

وحضني حيل يريد ينزعني نفنوفي ..كتله:.

يا مصعب تحجي صدوك..هنا بالكاع واني بهاي الملابس وهيج حالي ع الاقل..خلي ابدل..

ما اريد تبدلين..اريدج هسه حتى لو لابسه كونيه مال ملح هم اريدج..

مصعب..مصعب..وسكتني ابوساته..وصرت اله..خلال دقايق..

وبقة حاضني..ويحجي باذني...

طلع الحب حلو واني ما ادري..

هههه..

فديت الضحكة ارتاحي شويه وناخذ تراي..

شنو..لا..لا فدوة خليها لليل..

ماشي..

خلي اكوم اسويلك ريوك..

سويلنا ريوك..حلو!

يعني شنو..

يعني خلي اصابعج بالاكل حتى يصير..عسل!.

هههه

وطلعت دخلت للحمام سبحت وبدلت ملابسي..ورحت للمطبخ سويت ريوك لحبيبي هي تباوع عليه وتسوي نفسها تبتسملي..بس اني كمت اخذ حذر منها..تريك حبيبي وطلع..قبل الغده صعد غراض ملوكة بالغرفة الزغيرة الفارغة الفوك..وكال لسوسن

 تبقين فوك انتي وبتج وما اشوف خلقتج طول ما اني موجود..عود من اروح للدوام نزلي وما اريد مشاكل ويه منار..اصلا ما اريدج تحجين وياها لاتجامليها ولاتتقربين عليها..صار معلوم

اي صار معلوم..تتدلل..

والضهر جاب غرفة نصبوها العمال وفرشها وكملها قبل الليل...وبالليل تعشينا وهي فوك..عمو جابلها عشا..وصاحها اخذته..واني دخلت سبحت ولبست ملابس نوم حلوة هو جان يحجي ويه عمو..الى ان راح عموللخفارة

اجه حبيبي يمي..

وهم عشنا ليلة حلوة الصبح كلي:

اجازتي الجايه راح تصير 10ايام!                      

صدوك!.

اي اريد اخذج ونسافر لاربيل..

ليش..

تكول ليش اخذج هناك نغير جو ونتونس..

يعني شهر عسل..

تقريبا!

شبكته وبسته..

الله ..اخذ اجازة ونروح..بس باردة هسه بالشمال..

لعد اني شنو شغلي ادفيج وادفيني!

هههه..ماعندك غير هاي السالفة!

احلى سالفة..مو بالله!

وكرصني من زندي..

اوي..وجعتني..

احلى وجع..ياروحي..

شكرا لزيارتكم عالم روايات سكيرهوم