رواية اصفاد الود ( كامله جميع الفصول ) بقلم زهرة الرمان

سماهر. الحصبه مخليه عيوني ثگيله واحس ونين سماره سكت ايدها إلى جانت لازمه ايدي ماكو 

  هوسه وصريخ امي مثل المجنونه تبجي بس اني الحراره مخليتني ما اكدر اتحرك أو اسأل الكل ركضوا وامي وياهم طلعوا واني امشي واوكع من المرض اريد اعرف شبيها امي وخوالي إلى وياها

ابوي مسافر ما موجود 

وصلت للشط مالحكت بيهم بقيت ع الجرف متكأه ع حايط بيت حمدان الشاكول بيت جبير مكابل الشط ساعه افز وساعه ياخذني مثل حلم اني وسماره نلعب وافز مالكاها ابد ما متفاركات كلشي سويه اني وياها وكالنه ابوي السنه التجي يوصينه ع هدوم مدرسه نسجل سوه مارضيت أسجل لأن ما سجلو سماره الا سويه اني اكبر منهه بس أريدها وياي انتظرها 

وهسه اني منتظره ع الجرف سمعتهم كالو نأمنها يم سيد علي 

هناك وسمعت امي تصرخ 

قند... ولك خويه غالب خويه دفنت سماره وهاي ع الجرف ماتت 

ما حسيت بعد برجليه صارت خيوط خفت ع سماهر ثنينهن وكعن الحصبه ماتت سماره وسماهر لكيتها ع الجرف يابسه 

سماهر 

حسيت شالني خالي غالب وهناك شفت امي صحت 

يمه وين اختي يمه وين سماره 

ما ترد عليه وتبجي حيل 

خلوني بفراشي ما اطاني گلبي رحت لأمي إلى البيت مليان نسوان تخطيتهن وكابلتهه يمه سماره وين اريد اختي يمه أريدها تنام يمي يمه 

قند 

يمه سميهره راحت اختج بعيد أخذها الكريم 

سماهر كالت أخذها الكريم وبقت تلطم ع وجهه واخذتني اختي سميه 

التفت عليها 

وين هذا الكريم اريد اروحلها 

سميه 

اسم الله اسم الله 

ولج اختنه ماتت واليموت ما يرجع دفنوها يم سيد علي

سماهر صرخت يمهههه ليش دفنتوها هسه تردون تجيبون اختي 

فلتت ايد سميه وطلعت برا ووكعت ماحسيت بعد 

دمتم بخير وصحة 

ملاحظه.. القصه حقيقيه بدون خيال نهائي 

2

النشر سيكون قريب جدآ لكن الي حابه اكمل القصه الرجاء تصويت وتعليقات ومنشن لصديقاتكم 

ساعدوني نصعد القصه والي مآ متابعتني لطفا متابعه لحسابي 

#شويه تشجيع 

#شويه حماس 🫶😅

زهرة الرمان 

                                            

#أصفاد الود 

#البارت الأول 

                                              

                                                    

اسعد الله أوقاتكم..

.. أصفاد الود

#بقلمي زهره الرمان 

الكان والمكان راح وبقئ تذكار.. ويمشي الزمن والعبره بأثر الإنسان 

َََََ

حبايب ندخل اني وياكم الئ بيت عراقي جنوبي. 

القصه بيها أجيال لكن ان شاء الله تكون خفيفه الضل عليكم 

اما ان تقسو او يُقسئ عليك 

صوت من لاصوت له 

وعيون رأت حقائق من حقبه من القرن الماضي 

بخيرها وشرها وحلوها ومرها إلىي سابقاً والان موجود رغم اختلاف الزمن الضروف.... 

بيت جواد القلمچي.. واسم القلمچي هو. تاجر التبغ أو السكائر. 

بيت قريب بناءه للشناشيل التراثية أكثر َمفاصل البيت من خشب شجره النبگ أوالمشربيه 

وكان سكان هاي البيوت من طبقه الأثرياء التجار أو الدبلوماسيين إلى تناقل بناءها من الأتراك أو البريطانيين إبان احتلال العراق 

وكان الخشب ينطلي بماده خاصه تحافظ ع الخشب مده جدا طويله والسبب باستخدام الخشب هو الحمايه من النمل الأبيض 

والماده إلى يخلوها للخشب تحميها من التاكل

البناء يصير الخشب الطابق الثاني وشبابيكه من الزجاج الملون المزخرف بالتالي البيوت عباره عن تحفه فنيه وجانوا التجار الأثرياء يستعينون بحرفيين هنود لبناء هيج بيوت 

لكن لحظه لازم تعرفون عن جواد القلمچي أن هو مو لقبه هذا ولا عشيرته ولا عائلته لعد منو القلمچي الصحيح 

يبدي الموضوع من جان جواد يشتغل صانع يم إ

إدريس . صايغ لكن بخيل وعصبي ويضرب بأي إله تجي بيده بس جواد مجبر يروح يشتغل يمه لأن ابوه خلاه يم المله يحفظ القرآن 

ما فلح يوميه جايين لابوه

معارك واحد أو يضحك ع طفل بعمره أو يسوي مقلب بالمله 

ابوه جان عنده بستان ورزقه ع الزرع وهم جواد ما فلح بالزراعة شلع گلبه نصحوه ب إدريس

ابو جواد... أريده يفلح بحرفه اني مادايمله وكالو هواي تعلمو منك 

إدريس 

بس لا أطالب بفلوس لابنك أعلمه لا اخذ منك ولا انطيك هذا اول شرط وثاني شرط لو يجيك دمه بطوله لا تشكي وترجعه بيدك إليه حتى يصير ازلمه لازم تخشن ايده ويعرگ خده ويتطبع جلده بچويه يظل يحترم الفلس 

ابو جواد بداخله خاف عليه بس لازم يقبل يعتبر آخر حل وهم يريده يصير عكازه إله وخيمه لاخواته الأربعه وهو وأخوه اصغر منه لازم هو الجبير إلى يعلم ويصير قوي قبلت 

                                            

              

                    

ام جواد.. وما لكيت غير ادريس بخيل ويضرب 

ابو جواد وهو جاي ياكل وبناته وابنه الصغير حواليه نقل نضره لجواد لكاعد ع علوه مالت طين مثل سرير ويباوع بترقب وضوجه لأن ابوه اختارله هالشغله مثل عقوبه 

جواد بويه ارجع لمله سهيل وانجح 

ابو جواد.. انچب البعمرك حفظوا كتاب الله ابن عمك خزعل أصغر منك واختاروه بالكتاتيب ضل يحفظ صغار وانت تريد ترد وي الجهال حت تفضحني 

جواد بحسره وحواجب معگوده كارهه يقارنه باولاد عمه 

طلعت كلمه منه بيها نبره توسل 

زين خليني ازرع وياك وشسوي بيه اسكت 

ام جواد.. مثل الي اجاها فرج 

اي ابو جواد اطگه ابوه تصيح عليه مامش هضيمه 

ابو جواد نكت ايده من الاكل الحمدلله والشكر على النعمه ولا حول ولا قوة الا بالله ع الابتلاء 

نقل نظره لام جواد ابنج صار طعر أطول مني ويأكل بيه السبع عشر ايام ما يخلص 

البستان إلي فرحتي تردين ارده إله ابشرج الدوله سوت قرار تأخذ ملكيتهن ونضل ع نصف دونم لو يوكلن هاي الحلوك المفتوحه لو اموت وتضلين تجدين بالجادات لأن ماوره ابنج خير ولا مكده هالخدچي هذآ فالح يالرديات

گم گم ولك جيبيلي من الحب طاسه مي غصيت 

خليته يروح قربت حلگي لأذنها لايسمعون اخوانه 

ياااااامره ولج ماااا اكره بزري ولج الزلمه يريدله الحركه مو الفهاوه واللعب ولج خليني اتلاحكه لا يكبر ويقسي عوده وتكسره الدنيا وما يعرف يتصرف بس اسكتي كدامه خليه يكرهني هسه بس بعدين يترحملي من أموت اني ما دايمله ولا انتي يلخايبه 

واشتغل جواد يم إدريس 

وتوصي أمه تجي تأخذ أكلك ومايك من البيت 

ويرجع لدكان إدريس الصايغ جان العمل متعب مو سهل من الضهر أو الدحرجه بعجله القوالب 

وجان يساعد إدريس جواد بس إدريس حريص ودقيق بعمله جدا وجان فنان صياغه 

بس اول ما يبدي يخطأ خطأ بسيط جواد تجي كفخه تفره فر يبقئ يصيح ويعلي صوته مجان يشتكي لابوه لا جان يعاقبه بخبث اما يچويه ويكله بالخطأ بس بمرور الوقت عرف جواد الچويات يعاقبه ع رفعه صوته بده يهدأ 

ومن يشوف إدريس يضغط عليه يصير يتحجج اروح للخلاء (التواليت) 

أو اجيب اكل من اهلي بس إدريس جان جاد بتعليم جواد قفل عليه يحاصره بأول فتره يجيون اصدقاء جواد 

دز جيرانه أبو گهوه عامل 

إدريس:

تروح لاهليه خضر وزيدان وگطان تكللهم إدريس يريدكم بالمحل ثاني يوم اجو خليت جواد يروح 

روح جواد تغده واخذلك اليوم غفوه ارتاح والعصر تعال

اعرف حله أهل اصدقاء جواد هسه يجون عامل الكهوه كال الضهر يجونك 

            

              

                    

أدريس: شوفوا ولدكم لافين عدي بالمحل لأجل صحبه جواد 

ودكاني انباك منه ذهب وما احد اجه غيرهم جيبوا ذهبي من ولدكم الفالتين الضالين يفرفرون لا شغله ولا عمله وانتم ادحسون بحلوكهم زاد بس ماكو ربايه 

بقوا يدافعون ع ولدهم بس ما انطيتهم مجال 

باجر تجيبون ولدكم كدامي لو للسجن كيفكم 

جواد.. تغديت ونمت ارتاحيت يلا رحت بمثابة عيد اليوم عندي ما نايم ضهريه من ايام الدراسه يم المله جان يدرسنه واني وربعي اانام جوه في الأشجار إلى تبردهن سنيه بنته لابوها ع بروده الكاع نغفئ وين تصح هاي هسه النومة 

لكيت إدريس مفرغ المخزن ومطلع شكو عطلات ووجهه مايگصه السيف كلت راح تطلع زقوم النومه 

بديت الشغل وهو يصيح جيب منا وديها هناك سألته شضايع شو مطلع نص الأغراض 

إدريس 

ضايعات خشلات بت توفيق النجار عرسها بعد اسبوع 

جواد موو وقاطعني 

إدريس لا تون وتفسر ولي اشتغل 

جواد بقيت شيكول اكول اي لحد ما بالچاكوچ لازمله الحديده وضرب اصبعي حيل وباوع بعيوني نظره مخيفه بدون شعور صحت عمه عمه 

شاطت روحي من ضربه بالچاكوچ... 

إدريس عليمن عمه ولك تعااال تعال 

جواد ركضت ليوره صاح هاي جزاء اليبوگ

جواد 

اني مو حرامي فهمت لا تتهمني 

إدريس لو انت لو ربعك اليجون يمك 

جواد 

ولا صحباني هم ما يبوكون 

إدريس ما تطلع البوكه لو عدك لو عدهم 

جواد لا عدي ولا عدهم 

إدريس 

تضمن روحك بس شلون ضمنتهم 

جواد 

ربعي ومعاشرهم واعرفهم مايمدون أيديهم ويبلوني بمكان شغلي لا ابد 

إدريس 

خوش يجويد إذا اجو ربعك أن بروك وبرو روحهم طايحتلكم الخشالات 

وان كالو جواد يجوز هو البايك شلون 

جواد مايكولون لأن يعرفون صاحبهم من الصغر مثل ما إني اعرفهم هسه 

إدريس خوش بس اذا شمرو التهيمه براسك يجويد تتعاقب تكاطعم نهائي وما تشوف معاش 

جواد وإذا مانطو بيه 

إدريس أبدى اطيك معاشك من هالشهر 

مو عانتين لا ثلث عانات بعد وممنوع تروحلهم لحد ما نلتم باجر بالدكان كول وعد من شارب الزلمه ما اروحلهم 

جواد 

وعد من شارب الزلمه ما اوصل لربعي لحد ما نلتم باجر الدكان بداخلي صارت مثل المراهن اشوفن شنو يكولون 

            

              

                    

ثاني يوم اجو ربعي بيومها ما اشتغلت بس نظفت الدكان إدريس لابس نظاراته وساكت طبعه ما يحجي هواي صنطه ألمحل ابو گطان واجو ربعي بس إدريس ما كايل لأبوي استغربت 

إدريس 

انتم ربع جويد وتعاونتو بگتو ذهب مني 

گطان: شنو نتعاون استحي ع نفسك 

خضر: بطونه وعيونه مليانه ما نبوك احنه انچعم

زيدان: اخوي بالقايمقاميه اخلي يوديك لآخر الكاع لاتتهم بينه 

إدريس 

جا كلولي ذهب بالدكان صبح وراكم من جنتو كاعدين موجود بس رحتو قصص وروايات عراقية كرار صلاح مالكيته 

ووصيت جواد ما يحجي 

زيدان واحنه نشتغل وياك ونعرف مضاميمك 

خضر صدك إلي بدكانك يعرف وين راح ذهبك 

گطان تخسون جا جويد هو بدكانه شني انوب اذبون التهيمه معناتها برأس جويد لا إدريس شوف لا جويد ولا احنه نبوك 

إدريس ماطول جويد تكولون هو الازم اتهمه هو يتحمل فلوس الذهب 

واسدها لأجل ابوه صاحبي ومن يوفى اطرده 

گطان لا إذا جويد تكول تتهمه بباطل اني اشيل مناصف وياه فلوس الذهب 

إدريس 

معناها انت وجويد بايكين الذهب 

گطان إذا اكوم اسويك وصلتين لا انه ولا جويد نبوك بس انت ابو إليك إلى تموت ع العانه نسددهن انه وجويد تسد حلكك وتنلصم 

إدريس يلا ولو ولو من الدكان يلا طردتهم وباقي جواد فاهي وساكت يباوع بالعيون 

هذا الدرس الأول الك يا جويد لا تصاحب البذات ولا تأمن للجاع ونوب شبع 

ولا تطي سرك لصاحب ما مجربه بضيج 

ولا ادخل بيتك صاحب شارب خمر وقمرچي 

ابوك كال علمه ما كال سويه اسطه انت صرت اسطه بس الاسطه ما يشتغل ويعرف يكسب الا يعرف الاوادم ويعرف يحترم الفلوس 

جواد. انصدمت بصحباني وأكثر صدمتي ب گطان مجان قريب عليه مثل خضر وزيدان بالعكس جنه نضحك على گطان لأن اسمر كلش ومعانيه حاده عيون جاحضه وحلكه جبير خشمه جبير وضخم كلش وأكثر واحد بينه حاله أهله الماديه كلش ضعيفه يشتغل وي ابوه بالعلف 

خلصت شغل أو هذا اليوم ما اشتغلت نهائي ما ركزت بعد كال روح إدريس حليت من وكت

لكيت گطان كاعد يم بيتنه منتظرني بس شافني كام نكت روحه واجه 

گطان. هاا جويد كون طگك هذا ملعون الساس 

جواد خليت ايدي ع چتفه واخذته للنهر.. ليش بريتني شمدريك ما إني ماخذ الذهب 

            

              

                    

گطان افا ماعرفك جويد ما اسويها 

لو روحك غمه جان أخذت صندقجه عبد البزاز ضلت يوم بليله عدنه وهذا هاه هذا مچانه هم هنانه ومارضيت تفتحها... تذكررر مووش 

لا خلنه نفكر وتذكر منهو دخل عليكم بذاك اليوم بضيعه الذهب 

جواد سحبت ايده موبلازم إدريس رايح يعلمني ببلاش ما أخذ معاش منه واسدهن 

گطان وأنه نصاف وياك 

جواد لا منا وهيج انت نصاف وي روحي اطيح طيحتك واوكف وكفتك وكف گطان

گطان انت شنهي تضحك علي انه متزوهر من الضهر لهسه وانت مثل ناگوط الحب 

جواد بساعه تبرو مني صحبه الصغر وبساعه عرفتك شنو 

گطان 

خاب ول ول ذوله مالهم غصد (قصد) 

جواد شني مالهم غصد برو أنفسهم وكالو لا إدريس منهو يشتغل عدك يعرف مضاميمك معناته جويد بايگكك

گطان وسع فادك(الفؤاد اي وسع صدرك أو قلبك) 

لزوم تسامحهم خافو 

جواد جا ماخفت انت 

گطان 

المنطوح من الثور مايخاقيش من مرادم الذبان 

سالفه الفلوس مهاونه عدي شوكت ما توكف تفك جلالها

جواد امش لدارنه اليوم ام جويد جايلها شروه سمج خلنه نغسل بطونه بزفر الرابت من إدريس والملاهد مالته

گطان 

لا جويد انه اروح همياله اوصل بليل عدي تحمل 

جويد انه احمل وياك 

گطان

لا تصير بيك ريحه مثل مالت روث 

جويد 

اخير انه اريدها 

گطان 

لا تهذر امش لأهلك وراك ترد لادريس يسوي اذانك جاون 

جواد خوش جا تعال اخذ سميجتك وروح 

گطان خافن مايكفنكم 

جويد خير الله وافر امش 

اعرفه ما ياكل الا وي أهله 

امي ماقصرت انطتني سمجه زينه كالت حتى تكفيهم وتدري حالتهم كلش ضعيفه 

بعد هذا الموقف صرت اخلص شغلي اروح يم وكفه المعالف والحيوانات هناك يشتغل گطان وي ابوه

يجون تجار وهو وأبوه حماميل أهل حلال يجون گطان وأبوه يحملولهم

اريد نوبات اساعد ما يقبل كلش يكلي ريحه تلزك بيك

من يوم البوكه إدريس ما يضايقني وصرت اقتهم بالشغل وما أناقش صرت هادئ أكثر

بس شغل گطان أكثره بالليل أو الفجر

            

              

                    

اليوم إدريس مريض كال عزل وروح لأهلك جبتله دوه بس بعده تعبان

طگيتها ركضه لأهلي كلتلهم رايح لگطان ماجان يعترض ابوي بالعكس يحب گطان ومن زمان هو يكول احسن صاحب 

بعد شويه واوصل لمكان گطان وتلاكئ وياي وجه بوجه زيدان وخضر يتمشون ردت اعبرهم 

خضر هاا شسگمت بالذهب شو لا طراد ولا مشراد 

(الطراد نوع من انواع السفن التجاريه أو العسكرية القديمه 

_المشراد تشير الئ دابه.. بعير) 

جواد صعد الدم براسي ما شفت الا سحلت خضر وين ما اتناوشه اهبده وانسحبت من ورا لكيته زيدان اول ما ضربني حسيته انسحل بالتراب لكيت گطان مسوي الكاع ترابه تذري بلشه زيدان ويصيح تولونه ولكم عبن وحده دونيه 

أكلوا ضرب منه لحد ما فككوهم منه الناس وشردو 

گطان 

ليش تلازمت وياهم 

جواد انكت بهدومي واباوع ع گطان كله تراب بس جسمه الضخم وايديه طاگات بيهن الأوردة وعصبي 

ما تلازمت منا والباب. يگلي شسگمت ببوكه الذهب 

گطان 

جا بعدهم مطلوبينه بعد دگه ع هالچلمه 

جواد لا هدهم يومها بقيت للفجر يم گطان اجرتهم كلش قليله بالنسبه لشغله هو وأبوه 

يحملون ويفرغون بعض الأوقات حتى ينظفون ورا التحميل ما يستنكف گطان من أي شغله بس ما يخلي ابوه ينظف ابد لو اللكمه بحلكه ويشوف ابوه يريد ينظف يركض عليه 

رجعت يومها تعبان الصبح رحت اطوطح الدكان ووراي صوت ابوي يغلط عليه لان متأخر وامي بيده الخبزه مخليه فص تمر اكل ومغمض مالي حت صوت أجاوب ابوي 

وصلت الدكان معزل 

بقيت افتر ادور خاف إدريس يم الكهوه مالكيته اول مره مالكاه مفتح يفتح اول الفجر 

ردت أرجع تلاكه وياي عيسئ جيران إدريس 

هم شفت إدريس اليوم 

عيسئ إدريس بالمستشفى غبشه خذته مرته وبته 

بلا كلام رحت وراهم للمستشفى بعيده بس لازم اروح وصلت ادور لكيت مرته اعرفها أهلها گياره البلام يسوون بلام ويگيرونه سألتها تبجي حسيت مأيسه أو تعرف هو جان قبل مريض اني ما جنت اشوفه مريض بس جان ياكل سمج بلا خبز بالغده وروبه بلريوك 

إدريس تعال جويد شوف اكو بهدمي جيب جوه مخيط بيه مفتاح تفتح القاصه بيهه صره مأمن عليك تأخذه لواحد اسمه خليف ب..... 

وهذني فلوس روحتك وردتك هذن امانه 

والبلمحل انه مور ج مرتي عليه تعرف البيه 

ومن ترد بتي خاف الفلك يدور عليها هي بحكم المزوجه بس عينك عليها وعلى مرتي 

جواد انت الهن خيمه 

إدريس زين من اوصل ليوم بليله بس الامانه يجواد ما اامن بأحد. والزلمه وعده بعد ثلث ايام ويجي وياخذهن ما اوصل انه وهو مامش برقيه توصله بيومين 

            

              

                    

جواد : ردت اطلع صاح وراي إدريس 

إدريس :جواد بذاك اليوم ما مبيوك ذهب بس عرفتك نظيف گلب وردت اوخر منك صحبانك الجذاذبه بس انه أأمن بابوك ما مدخل بطنك حرام 

انت ابن حلال وانه أأمن بيك 

جواد 

ماعرف افرح او انقهر حتى ما التفتت بس هزيت راسي وطلعت حسيت ب مسؤليه 

بالفعل بنفس اليوم مات إدريس وسولفت لأبوي اول مره تردد يخليني اروح لأن اعتبار من محافظة لمحافضه بس شافني مصر ع كلمه امانه وشاف حالتي ابجي ع إدريس اصفن وابجي علاقه غريبه 

أكثر الأوقات جان ساكت ومن يحجي يعلمني بس ما يحسس هو يعلم لا يحببني ويخليني يصير عندي فضول للشغله حت اجي اتعلمها بلهفه 

سولفت لگطان ونويت اروح بعد ما لكيت الصره 

گطان :اصبر لحد ما يجلجل الليل يجون نگاله العلف واركبك وياهم اكو ازلمه يم مكان هذا العنوان الرايحله انته 

جواد بقيت بيومها مراسيم دفن إدريس وبليل رحت لگطان جان مسولف لابوه انتظرناه شويه واجوا راح ابو گطان ووصه الزلمه عليه اريد اصعد وياه وشفت ابوي يركض خفت نزلت هااا بويه اهلي بيهم شي 

ابو جواد 

لا جويد بس أجيت اشوفك قبل لاتروح وانته لازمن تضل ثلث ايام أوصيك عله روحك خلي بالك على الامانه لاتنباك وعلئ روحك كون نومتك نص تصير انته بديره غرب 

جواد :هو صح يوصيني بس بعيونه نضره خوف وحنيه جنت احبها من اتمرض اشوفها وهسه هم بدون شعور حضنته باسني بس احس طرت من الراحه رغم حزين على إدريس انطاني شماغ مالته على چتفه لقيته ع وجهي ورحت 

لأول مره اطلع وحدي واحس عندي مسؤليه 

بسياره الحمل صعدت وانطيت الكروه ماقبل الرجال ياخذ من وصلني اتلفت ما اعرفها الديره غريبه عليه بس الطمني بيها بشر رايحين جايين سالت رجال على عنوان العندي كال اخذ عربانه اصعد توصلها صعدت عربانه واسأل صاحب العربانه وصلني لباب محل بس جبير كلش وبيها ناس داخله وطالعه واسأل عن الاسم وين خليف 

دلوني عليه طلعت من المحل وصلت مقارب للشط بس صايره هوسه وتحميل بظائع وناس تحجي بصوت عالي صحت وين خليف 

خليف اصيح خليف 

التفت عليه رجال عيونه صغار لابس نظارات ضعيف وطويل كلش 

عليمن اصيح ولك 

جواد:اريد ازلمه اسمه خليف 

واتكول خليف هيج 

جواد 

:جا احطلها زخمه غير اسمه خليف 

انت ما متربي 

            

              

                    

جواد :انه متربي واعرف احجي انت مسودن 

انه مسودن ولك 

جواد :راد يتقرب يضربني ولزمه رجال لابس لبس حلو ومرتب 

خليف 

اتركه تعال ابني شتريد من خليف 

جواد :تحقيق كلساع بويه اريدنه بسالفه خاصه 

خليف 

وصلت 

جواد 

سوي فضل وكلي وينه

خليف. هذا اني كدامك 

جواد 

هاي داوركيسه مو انته اريدن برهان اعرف انته خليف شلون 

چفات الكاتب مال خليف :مو اكول ما متربي 

جواد :اريد ادور طابوكه 

خليف لزمته اوكف اوكف انته تريد خليف وماترضه اكلك انه شلون تعرفه اذا جاي عليه 

جواد اساله ومن يعطيني برهان اصدكه 

خليف 

خوش تنطيني البرهان اذا عرفته اني خليف شكولك 

جواد 

بس خل هذا يؤخر هذا الاصيفر 

خليف :روح چفات كمل الوراك وخلي هاضيف يمي

جواد :طلع چفات 

نقلت نظري من الباب الطلع منه چفات باوعت على خليف 

كل غايب يعود الا غايب اللحود

صفگ بثنين اديه ووگف

خليف :مات إدريس وسفه على اللحد الاخذك خويه 

جواد 

دنگ وبقئ يبجي وإني ذكرته وهم بقيت ابجي يشهك ويكول 

بعد منين الكا اخو مثلك يدريس وييجي طلع چفيه من جيبه وبقئ يمسح بوجهه 

خليف :انته شتعودله 

جواد مسحت وجهي 

اني اشتغل يمه بمحله 

خليف 

انته جواد 

جواد 

اي شلون عرفت 

خليف 

سوالفي عليك 

جواد 

بقئ يسأل عن زوجته وبنته 

طلعت الامانه ونطيتها اله 

باوع بعيوني 

خليف 

من أجيت هم سَولفت وي الكاعدين وياك جاي لخليف لو وداني إدريس لو عدي امانه من صعدت لسه 

جواد 

لأ ماكلت لحد بس صاحبي ومن أجيت نشدت على عنوان العدي 

اباوع بعيونه اختلف وجهه

خليف 

هسه الصره بيدي لو أكلك اني مو خليف شنهو سواتك 

جواد 

اشب النار بالمجان والله واخليها رماد بناسها 

ضحك ضحكه طويله خله ايده على چتفي 

خليف 

كفو جواد اتكشمر وياك امشي وياي 

جواد وصيه ابوي بولاية الغرب من تدخل مكان احفظ لسانك وعينك فتح قطعه قماش خليف بيهه ذهب بس هواي اني تذكرت وصيه إدريس مره كال عيونك لا تركز ع ذهب وفلوس الناس 

وابوي وصاني راسي ادنكه بصلاه وبعرض العالم وبحلالهم 

اجه صوت خليف. على چفات دخل 

وبيده فلوس يحسب ويصيح على العمال 

___خليف شوف چفات أريدك اطلع السجل تجز دين إدريس 

_

_جواد كعد خليف وچفات طلع سجل وحبر وختم وخليف يحجي وچفات يكتب ويعدل بنضاراته بس كلساع يباوعلي بنظره ما اعرفها بس اني ابقئ اباوع برا ع الناس الرايحه الجايه 

بعده ما مكمل خليف كلامه ودخل رجال على طوله مليان دم ووراه صياح ما مفسر الكلام وركض خليف واني وراه صارت هوسه 

الفصل الثاني من هنا