رواية احببت من لا يراني ( جميع فصول الرواية كاملة ) بقلم سحر السحرتي

رواية احببت من لا يراني الفصل الاول بقلم سحر السحرتي

 * في  منتصف الليل كانت تتسلل دون ان يراها احد لكن ادهم انتبه لغلق باب شقه عمه التي بجوار شقته فذهب ليرى من الذي خرج في ذلك الوقت المتأخر

*وجد سماء تصعد الى السطح بهدوء وحرص الا يسمعها احد ودخلت الغرفه المخصصة لوضع الكراكيب و سمعها تقول

: أنا جيت يا حبيبي إتاخرت عليك ... عامل ايه.. لا اسکت احسن حد يسمعنا .. بس بس بالراحة .. هههههه لا مش هتاخد حاجه غير بمزاجي هاه .. اي كدة ... طيب خود زعلانة منك .. هههههه طب خلاص اوعى بقى خليني انزل احسن حد يحس بيا بعدين تبقى مشكله

 * طرق ادهم باب الغرفه بش-ده فخرجت وهي مرتع-به من نظراته فامسكها من ذراعها بق-وة

 : مين اللى جوة و بتعملى ايه معاه

*حاولت جذب يدها منه لكنه احكم قبضته عليها

: سيب ايدى ما تمسكنيش كدة بتوج-عنى

: دى انا هشرب من دم-ك مين اللى جوة 

: اى ...اي ... هقول ہس اوعى تقول لبابا 

: دى انا هقول و افض-حك عشان يعرف المص-يبة اللى بنت مراته عملاها و يط-ردك من بيته

*امسك هاتفه واتصل على عمه وهي بدأت في البكاء من كلماته الج-ارحه

 : الو معلش يا عمي صحيتك

من النوم اطلع على السطح ضروری دلوقت .... لما تطلع هتعرف

  *اغلق الخط ثم نظر اليها بانتصار انه أخيراً  سوف يتخلص منها هي و والدتها

: دقائق واخر يوم ليك هنا انت وامك في البيت ده 

*نظرت باستغراب من كلماته وتفكيره الغير متوقع 

: انت بتعمل كده ليه ومش طايقنا هو كان عمك اتجوز على مامتك دى اتجوز بعد مراته ما مات-ت 

: اصله ما عرفش يختار اتجوز خياطه مش من مستوانا 

*قبل ان يكمل باقي كلامه الج-ارح كان عمه قد صعد 

:في ايه يا ادهم مصحيني وطالع السطح دلوقتي 

*اندهش مما شاهده

:ايه ده انت ماسك سماء بالشكل ده ليه 

:طلعت تتسحب و معاها واحد جوه و خاي-فه يطلع ويا عالم كانت بتعمل ايه معاه تخيل انت

*تعص-بت سماء وسحبت ذراعها من بين يديه

: انا ما اسمحلكش 

: مش مكسوفة من نفسك ايه البجاحة دي لك عين تردي و تعلي صوتك اللي زيك يحط عينه في الارض اصبري فضي-حتك هتبقى على كل لسان في الشارع 

*امسكت يد زوج والدتها و قبلتها 

ادهم :ايوه اسلوب الدحلبه مش هياكل معانا المره دي لو مفكره انك كده بتنقذي نفسك 

 *لم تعره اهتمام واكملت

: انا اسفه يا بابا حقك عليا كان المفروض استأذن منك عشان اجيبه بس هو مريض وخفت ترفض كان هيم-وت لو سبته في الشارع 

سلطان :هو مين و فهميني بالراحه واحده واحده كده

 :ده عنتر اتعور في رجله ومش قادر يمشي عليها وكنت بطلع له اكل 

*ادهم بحده 

:وحبيبك ده مالوش بيت يلمه لازم تجيبيه هنا

*رد عمه : عنتر مين يا سماء احنا نعرفه 

:لا يا بابا

 *قبل ان تكمل

 ادهم :طلعيه ولا مش راجل ما عندوش الشجاعه يواجهنا ويدافع عنك .... شفت بتعمل ايه من وراك وعامله حجتها انه تعبان لازم تتط-رد من البيت دى هت-سئ لسمعتنا بأخلاقها دي 

 :بالراحه يا ادهم خلينا نفهم الاول ... نادي عليه  يا سماء خليه يخرج عشان نفهم كل حاجه لان لغايه دلوقتي مش فاهم اي حاجه ازاي تدخلي حد غريب البيت لمجرد أنه مريض 

*وضعت يدها داخل فمها و اطلقت صافره صغيره فخرج جرو جري-ح قدمه مربوطه فحملته و قبلته فضحك سلطان زوج والدتها 

:هو ده يا سي ادهم اللي مصحيني من النوم عشانه وعامل الهليله دي طب استفسر الاول بدل ما تصحيني من احلاها نومة ..... الله يكسفك عايزني اعمل مشكله وفض-يحة عشان ده

 *بحنيه امساكها من اذنها 

:وانت يا بنت يا سماء مش قايل لك كام مره بلاش تدخلي الكلاب في البيت

*بمنتهى البراءة والرقة

 :انا دخلته على السطح وانت شايف هيم-وت اسيبه يرضيك ده ابن بسبوسه

: يق-طع بسبوسه اللي كل شويه تزرب عيال وانت شاغله نفسك بيهم

*احتضنت عنتر وردت بكل براءة 

: ما تقولش كده يا بابا دي بسبوسه طيبه 

:طيبه قوي يا اختي بتدي لها اكلك من اللحمه و مخلصه على مصروفك 

:مش لسه والده وعايزه تتغذى 

:هتف-قعي مرارتي من حبك للحيوانات حطي سي عنتر في الاوضه جوه واما يخف ما اشوفش وشه لا هو ولا امه ... اخر مره قربتي تقلبي البيت جنينه حيوانات وربنا يستر لما امك تعرف مش هحوشها عنك

: لا يا بابا بلاش تقول لها هتطير شبشبين على راسي

: احسن تستاهلي زي ما طيرتي النوم من عيني 

*وشد ادهم من ذراعه وهمس في اذنه

:طلع سماء من دماغك وسيبك من الكلام اللي خطيبتك كل شويه بتملاه في ودانك

: لمياء مش بتقول لي حاجه

:لا يا ادهم بنتي وانا عارفها وكانت رافضه جوازي بعد امها ... لكن انت شفت بنفسك قاعد لوحدي بعد ما سافرت زي قرد قطع ... البنت وامها شايلينني في عينيهم ... انت طول عمرك راجل يا ادهم ووقفت معايا بدل ابوك اللي سافر و ساب شغلتنا و مست-عر منها وانا بعتبرك اكثر من ابني فخليك دايما في نظري كبير  

:حاضر يا عمي انا اسف 

:يلا يا ست سماء وبعد كده ابقي اطلعي لعنتر بتاعك بالنهار بلاش تجيبي لنا الكلام من اللي ما يسواش

*رد بغ-يظ من كلمة عمه

: انا ما سواش يا عمي 

:مش قصدي عليك خدتها على نفسك ليه 

*وضحك 

سماء :حاضر يا بابا نازله وراك اسبقني هلف له الرباط كويس و احصلك

: اقف معاها يا ادهم لغايه لما تخلص 

:حاضر يا عمي امرك

بقلمي سحر السحرتي 

*بدأت سماء في إعادة ربط الج-رح  للكلب وتحدثت بسخرية 

: ايه يا عنتر سامع حد عايز يعتذر ... انا ما افتكرش هو بيتهم الناس ظل-م مش .... مشكله هي يعني كانت اول مره

*قال بتافف

: اخلصي و انجزي بقى عايز انام 

:ما تروح تنام هو انا كنت مسكاك

:عمي قال لي  استنى البرنسيسه 

:ولما انت رافض تستنى ما قلتش الكلام ده له ليه

:مش بحب ازعله 

:خلاص قربت اخلص لو عايز تنزل اتفضل 

: لا متن-يل مستنيك

:مش هتعتذر بقى

:على ايه انت اللي غلطانه طالعه تتسحبي زي الح-راميه واللي يسمعك وانت بتكلميه يفكرك بتعملي حاجه غل-ط 

:وطلعت س-ئ الظن مش هسيبك غير وانت معتذر

*رد وهو مغ-صوب ومن بين أسنانه 

: اسف كويس كده اخلصي بقى

: هي دى طريقه اعتذار .... هو انا ليه حاسة انك مش طايقنا وعايز عمك يطلق ماما 

:هو انا فعلا مش طايقكم .... و بعدين ما انا قلت لك انكم مش من مستوانا

:هو المستوى المادي هو اللي بيحكم يعني الاخلاق مش في حساباتك

:اكيد في حساباتي بس لازم يكون الشخص من نفس الطبقه 

:اااه عشان كده هتتجوز بنت عمك

:هو انت هتصاحبيني

*ردت بس-خرية 

: لا هو انا اطول ... اتفضل خلصت 

*نزلت معه وكل واحد منهم دخل الى شقته 

*ادهم شاب في ال 24 من عمره متخرج من كليه الهندسه لكنه يعمل مع عمه في محلات الجزاره مهنه اجداده و عمه اكبر اخواته وشيخ الجزارين في المنطقه 

*رفض عاصم والد ادهم انه 

يعمل جزار وهرب وسافر يعمل في الخارج و يأتي كل اجازه واخوه سلطان هو الذي يتولى مسؤوليه الاسره لهذا ادهم يحترمه كثيرا 

*سماء فتاه ذات 16 سنه تزوجت امها من والدها وهي  صغيره  السن  لم تحتمل العيش معه لس-وء خلقه فتطلقت وهي حامل بها 

*لم ترى سماء والدها نهائيا فقد اخذتها امها وابتعدت عنه حتى لا يؤذي-هم او يحرمها منها 

*اما عن والدها فلم يبحث عنهم ابدا

 *تزوجت اميره والده سماء من سلطان منذ عام تقريبا بعد أن ظل عاذبا وحيدا بعد وفاه زوجته ولمدة عام تقريبا ولقد عوض كل منهم الآخر بما يفتقده ... هي وابنتها عوضهم عن حب والاهتمام ... اما أميرة وسماء عوضوه عن الدفء الأسري 

*احبته سماء واصبحت تناديه بابا بدلا عن والدها الذي لم يكلف نفسه العن-اء لرؤيتها مره واحده طوال عمرها رغم انه يعلم اين توجد 

*كانت اميره تعمل بالتفصيل فهي موهوبه ولم تحتاج لمساعده احد ... كل الناس تحترمها و تتسابق للتفصيل عندها كانت تصمم ملابس سماء بنفسها وكانت تبدو دايما في منتهى الجمال

        ---------------------------

*عوده للماضي منذ عام قبل زواج اميره من سلطان 

*يوم عيد الاضحى كان سلطان يوزع الاضحيه على سكان المنطقه كعادته وكان من ضمنهم اميره وسماء فهو يصر على جميع الناس أن تأخذ منه وهم احتراما له ولشراء وده وحتى لا يحزن لانه دائما حنون وكريم معهم لا يردون يده

*همست سماء في اذنه 

:ممكن يا معلم شويه عضم 

:ليه يا سماء عايزه شوربه

 :لا عشان بسبوسه اصلها حامل 

:بسبوسه دي خالتك

:لا الكلبه اللي في الخرابه 

:وايه اللي بيوديك هناك 

: عشان احطلها اكل واخد بالي منها اصلها طيبه و غلبانه 

*سحبتها امها من ذراعها

:بتعملي ايه 

:مفيش بسلم على المعلم واشكره على اللحمة

:احنا اخذنا لحمه عيب كده عايزه ايه ثاني 

*ضحك سلطان :سيبيها انا وهي اصحاب

:مش عايزاها تض-ايقك 

:تضا-يقني ده انا بحبها زي لمياء بنتي ادخلي يا سماء المحل خلي ادهم يكلمني

 *جريت بسرعه قبل ان تعترض امها

: ادهم .. ادهم ... ادهم .... كلم المعلم سلطان 

*رد بحده من عفويتها 

:اسمي المعلم ادهم ... هو انا بلعب معاكي في الشارع 

*ردت بسخريه

:طب كلم يا معلم ادهم عمك عايزك بسرعه بس

*نظر لها بتعجب وذهب لعمه

*همس سلطان لادهم  ان يعطيها بعض العظام فاخذتهم سماء وكانت في منتهى السعاده و أسرعت بالجري

ادهم : هي مالها بتجري كده ليه مبسوطه بشويه عضم ولا كانها واخده 5 كيلو لحمه

سلطان: طيبه وعلى نياتها و بتحب الحيوانات و هتاخذهم للكلبه اللي في الخرابه 

*ما زال الناس في الشارع يحتفلوا بالعيد 

*عادت سماء بعد أن وضعت العظم لبسبوسة وهي  تركب عجله قد استاجرتها 

*وقفت احدى جارتهم بجانب امها

:هي بنتك مش كبرت على ركوب العجل 

:سيبيها تفرح النهارده عيد واحنا ملناش قرايب وانا واقفة معاها

: اخليها ايه هي مش بته-مد ابدا على طول رايحه جايه في الشارع كده ومفكرة نفسها بنت ٨ سنين 

*لم يمر سوى عده دقائق حتى سقطت سماء من فوق العجله وبدات في الص-راخ من ال-م في قدمها

 *فدف-عت امها جارتها

:حرام عليك منك لله قولي ما شاء الله هتجيبي اجل البنت 

*اسرعت لترى ابنتها وهي تبكي

 :مالك يا حبيبتي

:رجلي يا ماما مش قادره احركها ولا عارفه وقعت ازاي 

:قومي معايا في البيت نشوفها 

:يا ماما بقول لك مش قادره ادوس عليها

*بدات اميره تستنجد بالناس في الشارع حتى يساعدها احد على حملها

بقلمي سحر السحرتي 

*هب سلطان لنجدتها فقد كان مازال في الشارع ينهي بعض الأعمال أو يتظاهر بذلك فقد كان يراقب اميره دون أن يلحظ أحد .... وهب سريعا لمساعدتها  قبل اي شخص 

*نادي على ابن اخيه

:شيل يا ادهم البنت وديها البيت وانا هتصل على الدكتور

اميره :مفيش داعي يا معلم وديها البيت وانا هبعت للشيخ حسان يرقيها منها لله اللي كانت السبب 

:هي ام زغلول اللي عيدت عليها 

:هي بتحسدنا على ايه هتجيب اجل البنت اللي حيلتي عشان ركبت العجلة شويه تفرح بالعيد 

:معلش ربنا يهديها اهي كل عيد لازم تستلم حد ويظهر سماء اللي عليها الدور بس خير ان شاء الله 

*حمل ادهم سماء بين يديه وكانت تبكي

: اجمدى شويه ما كنتي مش مبطلة كلام و تنطيط 

: ما القر ده اللي وقعني

: واضح انك كويسه لسانك زي المبرد

: طب امسكني كويس اوعى توقعني

: انت كمان هتتأمري مش تحمدي ربنا اني شايلك كل المسافة دي 

: لو مش قادر قعدني على الرصيف وريح شويه رغم أن المسافة قريبه 

: مش من تقلك

: اه انا رفيعة وخفيفة و لو ريحت الناس هتقول عليك خ-رع

:انا مش هقعدك على الرصيف انا هرزعك في الارض مش عارف الوقعة ليه صابتك في رجلك كانت تبقى في لسانك وارتاحنا

*بمسكنة وحزن بعد أن تذكرت حالها

: اه يا رجلي ... ااااه

: دلوقتي افتكرتي و اه يا رجلي 

*شعرا الاثنان بشعور غريب لكن كل منهم لم يشغل باله وتعمد تجاهله

*اسرعت اميره تفتح باب شقتها التي كانت في الدور الارضي وقريبه جدا من منزل ومحل سلطان 

*دخلوا جميعا وبعض الجارات كي يطمئنوا على ابنتها 

ادهم :احطها فين يا ام سماء

:اوضتها على اليمين شكرا يا معلم ادهم تعبناك معانا 

:لا تعب ولا حاجه بس هي تقوم وتصدعنا

: يا رب ... انا كلمت الشيخ حسان وجاي بعد نص ساعه ... تسلم يا معلم سلطان ما اتحرمش من ذوقك 

:خلينا معاكي على ما يجي ويمشي عشان ما تبقيش معاه لوحدك كل الستات راحوا بيوتهم يعيدوا

:متشكره بس هعطلك 

:ولا عطله ولا حاجه احنا خلاص فرقنا اللحمه وانت عارفه العيال عندي كلهم مسافرين ... واول ما يوصل الشيخ ادهم ممكن يمشي

:يبقى تفطروا معانا لقمه كده صغيره .... ده انا مشوحه حته كبده انما ايه تستاهل بقكم

: ما لوش لزوم نتعبك معانا 

:ابدا والله ما تيجي دي اول مره تنوروني في بيتي وطول عمرنا بنفطر لوحدنا اول يوم العيد اختي مسافره مع جوزها و بتنزل كل كام سنه امانه ما تكسفني

: خلاص اللي تشوفيه 

*اعدت اميره الطعام ووضعته و تناولوه جميعا بجانب سماء حتى تستطيع مشاركتهم

*كانت الجلسة كلها ضحك مع سماء وعليها حتى تبتعد عن الحزن على ما اصابها

*بجانب أن الطعام كان لذيذا مما زاد اعجاب سلطان باميره التي كان دائما يشعر بالاعجاب والاحترام لها لانها حملت مسؤوليه ابنتها وحدها ولم تمد يدها لاحد حتى في أحلك الاوقات 

*كما حافظت على نفسها فهي صغيره وجميله جدا لقد تزوجت وانجبت في سن صغيره من يراها بجانب سماء يعتقد انها اختها الصغيره

 *قد حاول الكثيرين التقرب لها ولكنها اختارت ان تربي ابنتها وتكتفي بها 

*حضر الشيخ حسان واستاذن ادهم بالانصراف 

*قام  الشيخ برقيه سماء التي كانت تردد معه ايات القران فهي تحفظ الكثير منه

*كانت سماء تبكي وتتساءل 

:هو انا مش هعرف امشي تاني 

*رد عليها الشيخ

: لا يا بنتي ان شاء الله كام يوم وربنا يكتب لك الشفاء انا عديت على ام زغلول وخليتها تتوضأ وجبت ميه الوضوء معايا

*أعطى والدتها الماء

: خليها تستحمى وترقي نفسها كل يوم الصبح وبالليل وربنا يحفظها ويشفيها ويهدي ام زغلول ... انا تقريبا بقيت شغال معاها هي تحسد وانا اعالج 

*ضحكوا جميعا فقد قال ذلك  كي يذهب عنهم اله-م قليلا 

*انصرف الشيخ واستاذن سلطان ايضا بالذهاب لكن قلبه كان معلقا مع اميره فقد كانت جلستها من اسعد لحظات حياته حتى زوجته المتوفيه لم تكن جلستها بهذه الروح 

*فبعض النساء ترزق حلاوه روح تجعل المكان كأنه الجنه وقد كانت اميره ... وابنتها ورثت ذلك منها

 *نفذت اميره كلام الشيخ وبدات سماء تتحرك قليلا 

*حضرت ام زغلول وهي خجله تعتذر عما بدر منها لاميره 

اميره قالت لها :خلي بالك يا ام زغلول ممكن حد يم-وت بسببك قولي على طول ما شاء الله الناس بدأت تبعد عنك وانت طيبه وعارفه أنك مش قاصده 

:تصدقي انت الوحيده يا ام سماء اللي بتقولي علي طيبه حقك عليا بالله عليك ما تزعليش 

: ولا يهمك بس خذي بالك انا بحبك زي اختي و بنصحك لوجه الله 

:حاضر ما هو المره دي الشيخ اداني كلمتين وقال ان الناس كلمته عشان يبلغني اعزل من الشارع 

:يا خبر للدرجه دي شفتي وصلت لايه اعملي بس زي ما بقول لك وما حدش هيكلمك

: هو انا يعني بعمل ايه 

: بتبصي للي في ايد غيرك الرضا بالمقسوم عبادة ربنا بيكافئ الإنسان الصابر

: انا اصلي اتبهدلت قوي 

: وانت مفكره أن الناس كلها مرتاحة حتى الأغنياء تعبانين بس ربنا بيراضينا والحمد لله دائما وابدا على كل شيء 

: الحمد لله عندك حق 

*عاد سلطان على بيته وهو يفكر في اميره التي لم  تغب عن تفكيره 

*عاد ادهم ايضا لمنزله الذي كان عباره عن شقه بجوار شقه عمه  

*يسكن ادهم و سلطان في منزل العائله المكون من عدة طوابق كان يسكنها عدد من المستأجرين لكن بعد أن أصبح سلطان متيسر الحال أخرجهم وعوضهم حتى لا يكون أي غريب يسكن معهم 

*استخدام سلطان هذه الشقق في تخزين بعض الأغراض إلى أن يقوم بتجديدهم واستغلالهم لأغراض اخرى

بقلمي سحر السحرتي 

*قام ادهم بتغيير ملابسه واستعد ليكلم خطيبته لمياء ليعيد عليها

 *لمياء هي ابنه عمه سافرت لتكمل دراستها في الخارج وتقيم مع والده عاصم ... لولا ذلك لما سمح لها والدها بالسفر  

*ارادت لمياء دراسة الطب ولكنها لم تتوفق في المجموع الخاص بتلك الكلية 

: صباح الخير يا قلبي كل سنه وانت طيبه يا حبيبتي 

:وانت طيب يا حبيبي اتاخرت ليه

 :على ما وزعنا اللحمه وحصلت حاجه كده هبقى احكي لك عليها بعدين 

:لحمه ثاني هو انت مش ناوي تشتغل بشهادتك بقى و تسيبك من مهنه الجزاره دي 

:هو احنا هنبدا نفس الموال .. انت وحشتيني ... ومش كفايه بابا سابها لعمي ودي مهنه جدودنا 

:الدنيا بتتطور يا ادهم وعمي اخذ القرار الصح واحنا دلوقتي معانا فلوس كثير ايه المانع لما نتغير ... سيب بابا عمره ما هيتغير وهيعيش و ي-موت جزار

:انا عمي هو اللي رباني انا واختي لان بابا هرب وكان بعيد عننا بنشوفه في الاجازات بس فعمي له حق علي اكثر من ابويا وعمري ما هزعله ... كفايه اخواتك كمان قلدوا بابا و شافوا شغل في محافظات ثانيه بعيد عشان تبقى حجه يبعدوا عن المهنه اللي ما تقللش من قيمه حد 

*سمع صوت والده 

:شكرا يا استاذ ادهم هي دي المعايده بتاعتك لابوك بتقول عليه هرب احب افكرك اني ما حبيتهاش ولما جيت تشتغل مع عمك سألتك إذا كنت مغ-صوب عشان هو اللي رباك قلت انك بتحبها ... وانا بأيد أن كل إنسان يشتغل اللي بيحبه

: بابا كل سنه وانت طيب وعقل بنت اخوك بلاش تملى دماغها لان من ايام جدي وانا بحب المهنه دي زي انت ما قلت وانا بقيت مهندس بس عشان اليق بالدكتوره لمياء اكثر من كده ما حدش يضغط علي في الموضوع ده سلام

*اغلق المكالمه وهو غاض-ب من محبوبته التي كان يريد ان تغمره بكلمات الحب في هذا العيد وحدث نفسه

:قفلتيني منك يا شيخه ح-رام عليك 

*سمع طرق على الباب فأذن للطارق بالدخول

*كان عمار صديق عمره وابن خالته

 :ايه يا وحش كل سنه وانت طيب .... مالك شكلك كلمت الجماعه وكالعاده نك-دت عليك ... هي خلصت وصلة النكد الدائم بدري

: ناصح قوي طول عمرك ... اه يا سيدي نفس الموضوع ما بتزهقش

: اوعى يا ادهم عمك يروح فيها ده مسنود عليك غير انك بتحبها

:عارف ومستغرب ازاي بنته وبتحرض-ني اسيبه 

:ما هي واخواتها طول عمرهم بيكرهوا مهنته رغم انهم عايشين في عزها ... سيبك يلا نخرج حاكم انا بستنى اجازه العيد عشان استريح من سحله الشغل 

*دخلت اخته دون ان تطرق الباب 

:ادهم ماما بتقول لك يلا عشان تفطر 

 :مش تتن-يلي تخبطي يمكن بغير 

:بتغير قدام عمار ازاي يعني

 :طب يا لمضه قولي لماما اني فطرت

*عمار بسرعه 

: انا لسه يا سماح وجاي مش هتاخر

*بضحكة شقية

: هو حد عزم عليك 

:عندك حق ده بيتي اكل من غير عزومه 

*اغلقت الباب وهي تضحك و اكمل كلامه مع ادهم 

:يا اخي عامل وحش الشاشه على الناس كلها و تيجي مع لمياء وتبقى قط سيامي

:عمار ملكش دعوه انا بحبها من واحنا صغيرين

: وانا طول عمري حاسس انها مش بتحبك مش عارف ليه وكل همها مصلحتها 

:عمار هنعيده لم الدور كفايه عليا هي .... ويلا عشان تط-فح و ننزل 

:اطف-ح يا عم الملافظ سعد هي تنكد عليك ويطلع على جتتنا افرد بوزك ده في الخروج احسن اسيبك وأخرج من غيرك

*بنظرة ته-ديد 

: هو انت تقدر

: مش بقولك وحش الشاشة

*دفعه بمزح

: يلا يا اخويا 

: لا مكسوف اكل

: من امتى يا واد دى انت ناقص تاكلنا

والده ادهم: امال انت فطرت فين يا ادهم ... اقعد يا عمار يا حبيبي 

ادهم : عند ام سماء انا وعمي مسكت فينا عشان تشكرنا بعد ما ساعدناها في موضوع بنتها 

: اه صحيح اخبارها ايه انا كنت في البلكونه وشفتها يا حبيبتي زي ما يكون حد زقها من فوق العجلة

: الحمد لله الشيخ حسان عمل الواجب وبدأت تحرك رجلها على خفيف 

: ربنا يعين امها ياما اتبهدلت عشانها بيحسدوها على ايه دول ناس غلابة

: بس تصدقي الفطار كان طعمه حلو قوي 

: هي اميره الشارع بيشكر في نفسها 

: وانت دوقتي اكلها

: اه يوم ما سماء نجحت في الإعدادية وزعت ارز باللبن انما كان طعم بشكل

 *بعد الاكل كان ادهم يستعد للخروج فتح باب الشقه وجد عمه خارج من باب بيته

بقلمي سحر السحرتي 

:ادهم لما ترجع عايزك في موضوع

 :خير يا عمي لو ضروري بلاش ننزل 

:لا يا حبيبي بس اخذت قرار وعايز رأيك 

: حاضر يا عمي اول ما ارجع هعدي عليك

$ ما هو قرار سلطان ؟ وهل سيجد من يدعمه