رواية عشق مابعد الطلاق كامله جميع الفصول بقلم ساره فاضل
أسمي ناي عمري 17 أني ازغر وحده
بخواني بزر الكعده مثل مايكولون
ماكملت دراستي ثالث متوسط خلصته وتوفت امي وطاح البيت كله براسي عاد بطلت وكعدت لان المسؤليه جبيره مومال دراسه
الله كريم يمكن ارجع للمدرسه بس بعد بيد الله ماندري بالدنيه شضامتلنه ولو اني اموت ع المدرسه وضاله اكمل بنفسي بس شسوي هاي حكمة الله اللهم لاأعتراض
اعرفكم ع عائلتي
اخوي سجاد عمره 35متزوج وطالع خارج العراق من زمان عنده 2بنوتات يشبهني هههه عايش ومستقر مودائمآ يسأل علينه بحجه الشغل وماعنده وقت يالله الله يوفقه شنريد منه
امي قبل سنتين توفت بالسرطان واحنه حالتنه تعبانه ماكدرنه نسويلهه شيء راحت الرحمة الله وخلتني أبحدي لاأم لاأخت والله تمنيت عندي اخت تساعدني ع دنياي لأن الدنيه بدون ام ولأخت ماتنطاق ماعندي صدر حنين الأنتجي علي وكت التعب والهموم رغم اني زغيره بس احس نفسي حزينه
ابوي
رجال تعبان عاش طول عمره ع الزرع يزرع يعيش ميزرع ميعيش هوه وحيد امه وابو ماله احد بس اخته من ابو عمتي ام قيصر
عمتي مديرة مدرسه انسانه مثقفه وواعيه تحبنه تموت علينه دائمآ تجينه بس هلفتره ماكو ماأجت وهيه الساعدت اخوي سجاد يطلع خارج العراق ويكون نفسه شكد حاولت تساعدنه بس والدي عزيز نفس ومايقبل يمد ايده الاحد حته لو جانت اخته َ جان رافض المساعده بس هيه خطيه متقصر ماتنسانه دائمآ ماتجينه اديهه فارغه شنحتاج متقصر
اليوم كاعده متأخره الساعه سبعه راحة عليه نومه
كعدت من الصبح ادردم ويه روحي
هسه هاذه المسكين والي شلون طلع للشغل وماكعدني اسويله لكمه ياكلهه هسه اكيد ميت من الجوع خلي الحكه بالريوك احسن لأن ادري بي يشتغل ومايحسب للتعب
حضرت الريوك بيضات سلك وخبزات خليتهن بعلاكتي ورحت ورا والي للبستان ردت افوتله من ورا بيتنه لكيت والي ناسي الماطور مال الري مشتغل والطين للركب خفت اطيح واطين وهيه عايزه هههه
صحت علي حته يجي ياخذ ريوكه
والييييييبي والييييييييب
جنه مايسمعني خل اروح من بستان جوارينه افترله ولو جيرانه بستانهم ع الشارع بس يلا ميخالف خطيه والي يفوت علي ريوكه
هستوني عبرت الشارع واجت سياره طايره الا شوي جان دعمتني يمه دخيلك ربي جان موتتني
نزل من السياره ولد كاشخ بنطرون نيلي وتشيرت ابيض لابس نضاره ماكله نص وجه هههه حته ماكلي شبيج كل الكاله وخري من دربي يلاا
عاد فار دمي وكتله
هيي شبيك ماتشوف انته أعمه هاي كاع الله كلهه
اجيت عليه من كون مال الثول يالمعزه الشارع مال الخلفك اشوو ماأوخر والا اصيح لبوي واخوي يدفنونك هنااا
نروح البطلنه
اسمي قيصر
دكتور اختصاصي طب الاسره ومكضي نص عمري بالمستشفئ ياا مقيم ياأستشاريالبارحه امي خابرتني من الصبح توصيني ابيت خالي أتكول صار فتره ماشايفتهم ووصتني اروح الهم واخذلهم احتياجات. هيه خارج العراق حاليآ امي من بعد مااتوفه ابويا اتزوجت عمي عصام اخو ابويه هوه ميخلف ومعتبرني ابنه واني هم اعتبره مثل والدي الشهاده لله ماقصر وياي هوه وامي صارلهم 3اشهر بتركيا عمو عنده عمليه الضهره وحب يسويه هناك عاد اتصلت اروح لبيت خالي امي حيل متعلقه بخالي همه واحد للثاني مالهم احد غير بعض اني موكلش اعرفه بس جنت احب اروح العب ويه ابنهم سجاد صديقي من جنه زغار بس من طلع خارج العراق بعد مارحت للقريه يمهم ولأاعرف شكلهه اخذت اجازه يومين من المستشفئ كلت اهداء من المشاكل الجاي تصير وياي هليام حبيبتي سمر كلش موطبيعيه مااعرف شبيهه جاي اسوق ومامنتبهه مااحس الا بنيه جان سحكتهه نزلت من سيارتي
وشفتهه شنو من جمال وكعت عبايتهه من ع راسهه ونزل حجابهه جنه شعر مريم فارس طويل حيل وكيرلي والعيون ملونه جنهه لعابه بس وكلتني رزاله ناشفه كتلهه وخري واني كلش معصب اشو هاي ضلت تصيح ولد يركض من بعيد وحجتله الصار
حجايه مني وحجايه منه كبت المشكله اجه خالي من بعيد يركض ع الصياح
ابوسجاد
شني شبيج بويه ناي شجرالج بويه
ناي
كلشي مابيه يابه بس هاذ الولد فوك مادعمني هوه ابو الراهي عاد جبتله والي يادبه
قيصر
خالي شنو ماعرفتني اني قيصر ابن جمانه
ابوسجاد
بويه قيصر
يااهلآ وسهلآ بويه احسبهه بوجهي بس بويه غير تعاين الدربك جا دعمت ناي وشيخلصك غير وهيه مكسره تكتلك ههههههه
قيصر
خالي اني ااعتذر ماشفتهه
اني اعتذر خويه ماشفتج
ناي
مره ثانيه انتبه موكل مره تسلم الجره هلمره بت خالك سماح مرة الثانيه غريبه واهلهه يكسرونك تكسر
ابوسجاد
بويه قيصر
يااهلآ وسهلآ بويه احسبهه بوجهي بس بويه غير تعاين الدربك جا دعمت ناي وشيخلصك غير وهيه مكسره تكتلك ههههههه
قيصر
خالي اني ااعتذر ماشفتهه
اني اعتذر خويه ماشفتج
ابوسجاد
بويه عيب هاذ ضيفنه كليله اعتذارك مقبول موتلاسنينه يلا اشو ميلي من دربي
تفضل بويه تفضل قيصر بعد خالك احسبهه عليه
قيصر
زاد فضلك خالي
ناي
ياطركاعه هاذ المعقد يجينه للبيت هيه عايزه اطيت الريوك الوالي ورحت للبيت لكيت علاليك كومه بالمطبخ اجاني والدي كلي ريوكج بسرعه ابن عمتج جوعان
كتله ع امرك بويه بعيني بس بويه هاي المن العلاليك
بويه هاي دازتهن عمتج ماتعرفينهه ماتطول علينه تدري بيه مااقبل مساعده عاد اتدز هدايه حته ماارفضهه ولله يابويه هاي اختي من اطيهه روحي مااوفيهه
ناي
والله يابويه عمتي دره ماسألت ليش مااجت ويه ابنهه المعقد
ابو سجاد
دسوي الريوك وجيبي وتعالي وعيب تكولولين معقد سابويه
ناي
كملت الريوك بيض وطماطه وجبن وزلاطه بسيطه وعندي خبز حار من كعدت خبزته لان اعجن قبل لاانام
دزيت اللهم الريوك ورجعت تريكت ابحدي صبيت الجاي واخذته الهم كعدت يمهم ولن ابوي يسال
ابو سجاد
بويه هليام امك ماتجينه وانه خالك تعبان مااكدر اجي البغداد الدرب طويل من العماره لبغداد واخابر على جومانه متجاوب خير بويه بس كون مابيهه شي كلبي ماكلني عليهه
قيصر
والله ياا خالي دائمآ بطاريك هيه بس تعرف عمي عصام ضهره منتهيه عنده الفقرات كال يسوي تبديل بتركيا تعرف الطب بالعراق رغم اكو اطباء بس ماكو اجهزه فالطب يعتبر عاجز عن اجراء هيج عمليات صارلهم فتره هناك ونشالله سبوع ويرجعون للعراق والله يسهل امي خابرتني اجي اشوفك وهلخذت يومين راح ابقاهه يم خالي بس كون تتحملني انسه ناي
ابو سجاد
هلا هلا بالسمج والطابك اهل بغداد يحبون سمجنه والطابك ولو خاف قيصر مايحبه
قيصر
بالعكس اكو اطيب من اكلات اهل الجنوب كله خير وبركه شيطلع من ايدج حلوو
ناي
يمه فدوه شلون حجيه صدك دكتور ههههه خل اروح اسوي غده لااضل يمهم بس اسمع حجيه
والله حجيهم حلوو اهل بغداد هههه
والي
اي اني شاطر ومعدل واغسل واكعد
ناي
اي حبي فدوه للشاطر والمعدل ديلا روح غسل وارتاح ورح يمهم
والي شسوين غده
ناي يلا حبيبي روح بسرعه اكعد وارتاح راح اسويلكم الغده
ناي
طابك وسمج التحبهم
والي
الله اي صدك احب السمج فدوه نونه احبج
والي
الله اي صدك احب السمج فدوه نونه احبج
ناي
واني اموت عليك خويه حبيبي
1
راح والي غسل وكعد يمهم مااعرف ليش والي يكسر خاطري هوه بالشكل مابي شي بس هلفطاريه لو شوي يتخلص منهه ع اقل نزوجه نخلي يستقر والله ياربي الك بيهه حكمه هلولد شكده وعقله عقل واحد عمره 10سنين
رحت طلعت سمجات ثنين كبار كوه نفتحن من الثلج شكيتهن وملحتهن ورحت خليتهن بتنور الطين شويه اطيب من الغاز.
خليتهن ورجعت عجنت عجين الطابك امي الله يرحمهه علمتني علي شبعت جويات يلا اتعلمتله كملت العجين ورحت نصبت الطابك خليته وخليت فوكاا المطال وعفته يستوي ع نار هاديه
اني اشتري المطال من جيرانه لان احنه ماعدنه حلال لان محد الا وهوه يريد مداراء واني مالي خلك هيج سوالف والمطال لو اموت مال الزمه اييع شكله يلعب النفس هههه
كملت تحضيرات الغده وطلعت اشوف وين صارن السمجات والطابك
قيصر
جاي نسولف ودخل علينه والي سلم بس سلامه بسيط حاجه ابو وساله عليه مثل سؤال الطفل مع العلم شكله وهندامه مرتب سبحان الله صدك البشر اهم شي عقله وهاذ الولد مبين بعده ماناضج عقليآ بس حباب وسوالفه تونس ترخصت وكمت بدلت طلعت اشتم هوه لان بيتهم بنص البستان والجو يخبل كلت اخابر سمر من البارحه مامخابرهه هسه الكاهه كالبه الجوو عليه طلعت وفتريت ورا البيت لكيت نفس البنيه جاي تطلع سمج من تنور وتشلع خبز من ع النار شكلهه متعلمه ومرتبه ماتحط عليهه هيج نادره وتصرفاتهه مال كبار التفتت عليه وكالت
-قيصر
جاي اخابر وعجبني اخابر هناا
ناي
عوف المخابره الغده جاهز تغده وخابر
قيصر
وهيه تحجي تطلع بالاكل ولاالتفتت الي عافتني وهيه تكمل طريقهه كلامهه الي ولاجن اني موجود تحجي وتمشي
مااعرف ليش خذت كلامهه واجلت الاتصال رحت للبيت دقايق وجهز الاكل سفره تجنن اكل مال مره جبيره ولاجن بنيه زغيره كملنه أكلنه وشوي اجه الجاي خالي ترخص كال يروح يشوف جاره اليوم جاي من المستشفئ ووالي راح للكاع مالتهم طلعت تلفوني وكبل اتصلت بسمر لان لكيتهه حاركه الجوو اتصالات
الوو
سمر
وين جنت انته من كل عقلك شكد اتصلت عليك
قيصر
حبيبتي انطيني مجال والله ناسي جهازي صامت
ولمن وصلت للعماره انتبهتله وكلت اخابرج
قيصر
حبيبتي انطيني مجال والله ناسي جهازي صامت
ولمن وصلت للعماره انتبهتله وكلت اخابرج
العماره وشتسوي بالعماره
قيصر
يم بيت خالي امي دزتني اشوفهم وهم كلت اغير جو يحبيبتي تعرفين هليام كلش ضغط العمل متعبني والخفارات مااعرف يمته ارتاح منهه
سمر
اي وشلونهه العماره وبنات العماره
قيصر
هههههه هيجي كولي من البدايه كول غيران يحلوو
سمر
أغار هههههاااااييييي ضحكتني
من منو اغار من كرايبك المعيديات ايييع عوذه اني دكتوره سمر وانته تعرفني مو اني الاغار من هيج حشرات وبلا من رخصتك اروح عندي شغل
قيصر
شعندج ياحبيبتي
سمر
بااي
قيصر
بيباي بعدين نتخابر شكلج مالج خلك
سمر بنيه متكبره وصعبه الكل بالكليه اتعجب شلون واحد مثلي سبورت وضحوكي يحب سمر المتغطرسه بس دائمآ اكول الكلب ومايهوه
من السنه الفاتت ردت اتقدملهه راحت امي للمستشفئ تتعرف عليهه بدون متعرف وطبعآ استقبلت امي بطريقه جارحه ومااحترمت عمرهه والمعروف عن سمر متحترم المرضئ دائمآ احذرهه من طبعه بس كالعاده متقبل احد يواجهه بعيوبهه امي من ذاك اليوم رفضت زواجي من سمر رفض قاطع وكالت اذا اتزوجه لااني ابنهه ولا تعرفني سديت الموضع بس ملحه سمر عليه خلتني راح اواجه امي من ترجع من السفر وهلمره اريد اسوي حل لوضعي مااريد اجرح امي ولااخسر سمر ااااخ مااعرف شلون ابدي وياهااا ولااعرف يمته تخلص هاي السالفه اثناء ماجاي افكر اجاني اتصال من امي
