رواية سلسة العالم الاخر ( جميع فصول الرواية كاملة ) بقلم اسلام الامير

يا مساء الفل يامرعبين احنا اتفقنا اننا هنتكلم عن العالم الاخر بكل كبيره وصغيره فيه وبكل تفاصيله وقصة انهارده ما هي الا رسم توضيحي يبين لكم حقيقه الشئ اللي هنخوض فيه 

ولكن قبل ما نبدأ يلا زي ما اتعودنا 

مكانك الهادي

مشروبك المفضل

وطفي النور ويلا بسم الله نبدأ 

خلينا في البدايه كدا نعرف هو ايه العالم السفلي دا، وليه العالم دا بيحاوطه الغموض من كل جانب 

وخليني اقولك يامرعب بكل بساطه ان العالم دا يكتظ بالخبايا والاسرار اللي لطالما تم البحث خلفها بس محدش وصل لحاجه بالعكس كل ما تغوص في عالمهم اكتر تكتشف ان كل اللي وصلتله ميجيش نقطه في بحر  العالم دا 

وقبل ما نبدأ خليني انوه ان القصه انهارده لا تناسب الناس اللي بتخاف ولا الناس الملبوسه علشان احتمال كببر الجن اللي لابسك يحضر وسط القصه ووقتها هيطلع عينك، ولو انت مش ملبوس فعادي كمل القصه وهتطلع ملبوس بعون الله وبكده تبقي بدأت معايا القصه لوحدك طلعت من القصه بعفريت يتربي في عزك بقي يلا نبدأ😂🙂 

في البدايه كدا الجن متقسمين لأنواع كتير واولهم/الجن/ الشياطين /  المرده /  العفاريت/ الارواح / المسخ/ الغول / القرين / العمار 

وكلهم ياخدوا نفس اللقب وهو "الجن" وكلهم من  ج*نس واحد وهم نسل ابليس الاب الاعظم للجن 

والجن خلقت قبل خلق ادم عليه السلام بسنوات طويله 

وابليس او زي ما بيطلق عليه "عزازيل" هو اول من خلق من الجان ويقال انه كان تقي جداً وكان شديد العباده ولما ربنا سبحانه وتعالي شاف كثره خشوعه وعبادته اجتباه ورفعه الي السماء وكرمه بأن جعل منزلته من منزله الملائكه وكان اسمه هو عزازيل ولفظ ابليس اطلق عليه عندما عصي امر الله ورفض السجود لادم عليه السلام فأطلق عليه اسم ابليس وهي كلمه من اصل ابلس اي سخط ورفض 

وعزازيل دا كان احد الملائكه ولكنه عصي الله عز وجل عندما امره الله ان يسجد لادم ولكنه رفض والقصه دي كلنا نعرفها اكيد 

ولما ابليس رفض السجود  لأدم  غضب الله عليه وانزله الي الارض فألتقي بقومه من الجن واللي كانو متواجدون علي الارض، ولما ابليس اجتمع بيهم اضلهم وبدأوا يتناسلوا وكرسوا حياتهم عل لأضلال واي*ذاء بني البشر ... 

وفي القصه دي هقولك نبذه عن العالم دا واللي هنخوض فيه بالتفصيل في الاجزاء القادمه بأذن الله 

ودلوقتي بقي هنتكلم عن 

مين الجن دول وانواعهم ايه وايه الفرق بين كل نوع .؟؟!

بيشربوا ايه واكلهم عباره عن ايه.؟؟!!

بيسكنوا فين.؟!!

طربقة تناسلهم

ايه دوابهم وايه علاقتهم بالجمال

اعمارهم بتكون قد ايه 

ويلا نبدأ مع اول حاجه وهي

▪︎مين هما الجن..؟!! 

لفظ جن يعني اتي مثل جن الليل اي اتي الليل

وايضا جن جائت من جنون اي جن الرجل اي اصيب بالجنون 

الجن هما مخلوقات خلقت قبل البشر بقرون عديده وسكنوا الارض وعمروها وتناسلو  وايضا طغو فيها وافسدوا وسف*كوا دم*اء بعضهم 

فربنا اراد ان يجعل في الارض خليفه ليه وهو ادم عليه السلام وخلق الله ادم وانزله الي الارض، وجعل الجان يتوارون عن بني البشر لا يظهرون لهم .. 

طيب ايه انواع الجن وايه الفرق بين كل نوع.؟؟! 

الفرق بين الجان / والشيطان / والمرده / والعفريت/ والقرين / والمسخ/ والغول/ الارواح/ والعمار.... 

▪︎"الجن" هم قوم خلقو قبل البشر ومنهم الكافر والمسلم والمسيحي واليهودي 

▪︎الشياطين هم من الانس والجن وهم كل  العاصين لامر الله تعالي 

▪︎المرده هم عتاه الجن واكفرهم ومجر*ميهم 

والدليل علي وجود المارد كنوع من انواع الجن هو قول الله تعالي بسم الله الرحمن الرحيم {إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ وَحِفۡظٗا مِّن كُلِّ شَيۡطَٰانٖ مَّارِدٖ}صدق الله العظيم [الصافات ايه6/7] 

▪︎العفريت هو نوع من انواع الجن وهو قوي جداً يمتاز بالخبث والسرعه والقوه وهو اقوي انواع الجن علي الاطلاق 

▪︎القرين وهو من الشياطين ولكل بشري شيطان موكل به لاضلاله والقرين قوي لابعد الحدود ويمتاز بأشياء فريده هي مخصصه له، وله مميزات مفيش اي نوع من انواع الجن ليه زيها وهنتكلم عنها بالتفصيل في الاجزاء الجايه 

▪︎المسخ هم اقبح انواع الجن شكلهم بيكون مرعب لأبعد الحدود استني هوصفلك بص يامرعب مش انت بمجرد ما بتقول عفريت بتيجي صوره فدماغك ان العفريت دا شكله مرعب بوجه مش*وه وبمناخير كبيره وبعيون حمره وبأربع رجول اهو العفريت دا بالنسبه للمسخ يعتبر كيوت يعني العفريت عند المسوخ يعتبر زي الفنانه يسري اللوزي كدا فالمسخ دا هو الحاجه اللي لما العفاريت بتشوف وشه بتخاف استني هسهلها عليك اكتر، انت يامرعب لو عايز تعرف شكل المسخ بالظبط اول ما تصحي من النوم اقف قدام المرايا هتشوف المسخ خصوصا انتي يامرعبه بشعرك اللي بيكون منكوش علي الصبح دا🙂

خلاص يلا يامرعب بهزر معاك متعيطش انت اصلا قمر😂❤ 

▪︎الغول ودول نوع من انواع الجن بيتشكلوا علي هيأت بشريه ودول بيسكنوا الصحراء الخاليه من البشر والدليل علي وجودهم قول النبي صلي الله عليه وسلم "إذا تغولت الغيلان فباشروا بالأذان" فالنبي حذرنا من الغيلان وقالنا لو حد فينا شاف حد منهم علطول يأذن وقتها هيختفوا 

▪︎ الارواح ودول هم صغار الجن او اطفال الجن ودول بيظهروا لأطفال بني ادم ودلوقتي افتكرت حاجه غريبه وهي ان لحد دلوقتي في ناس بتقول علي اللبان والحاجه الحلوه اللي بتجيبها العيال ارواح ايوه والله زي ما بقولك كدا تلاقي الواحد بيقول لأمه هاتي فلوس اشتري ارواح ..؟!! انت عبيط يلا ارواح ايه اللي تشتريه هتتلبس يأبن المجنونه،🤦‍♂️😂

انت متخيل يامرعب شعور الجني اللي من نسل الارواح وهو شايف نفسه بيتعامل معامله اللبانه🙂🤦‍♂️ 

▪︎العمار ودول بقي اكتر نوع لطيف وكيوت في الجن ودول بيسكنوا مع البشر داخل منازلهم ولا يتشكلون لهم ويطلق عليهم عمار المنازل وهم يدينون بنفس دين اصحاب البيت ومهمتهم هي حراسة اهل المنزل من السحر علشان كدا لو في ساحر عايز يأ*ذي سكان البيت فأول حاجه بيعملها هي انه ييبعت بعض من افراد مرده الجن ويأمرهم بطرد العمار دول من البيت علشان طول ما العمار موجودين فمهمتهم هي حماية البيت وبكدا هيمنعوا الساحر من اذ*ي سكان البيت مش بقولك نوع كيوت وغلبان بس مش كلهم هااا علشان متجيش يامرعبه تقولي الله كيوت هكلمهم واتصاحب عليهم وهوب يطلع حظك في واحد منهم يطلع توكسيك يطلع عينك🙂 هما ايوه مهمتهم الحمايه ولكن لما بيتعاملوا مع البشر بيكونوا شر*سين نوعا ما 

▪︎خلصنا من انواع الجن نيجي بقي لمساكنهم 

الجن يسكنوا اماكن معينه من الارض، زي الجبال

والمغارات وكمان الصحاري فمعظم الصحاري هي مساكن الجن يعني الصحاري دي عند الجن تعتبر المصيف اللي بيروشوا فيه شوفت الساحل الشمالي عندنا في مصر اهو الصحراء عند الجن زي الساحل الشمالي كدا بيحبوا الصحراء حب غريب ولاد الايه🙂 

واشهرهم صحراء الربع الخالي وعلي فكره سج*ون الجن بتكون وسط الصحراء واشهر سج*ونهم هو سج*ن "جاذان" وهو في صحراء الربع الخالي واطلق عليه لفظ جاذان ولكنه في الاصل الاسم مشتق من معنيين مختلفين وهو في الاصل جاء ذان وذان دا احد عظماء الجن وكان الس*جان والحارس للسجن وهو برضو ج*لاد السجن وكان عندما يأتي يصر*خون ويقولون جاء ذان فأطلق علي السجن اسم جاذان.. 

ومنهم من يسكن المزابل والاماكن المهجوره

ومنهم من يتخذ من جسد البشر مسكن له 

وكمان بيسكنوا مكانين حرفيا لولا ستر ربنا يامرعبين كان زمانهم عاملين مننا شاورما لأن دول اكتر مكانين بنستخدمهم 

اولا المرايا، الجن بيسكن المرايه خصوصاً الجن العاشق وانا عامل قصه كامله عن المرايه وازاي هي اصلا بوابه للعالم الاخر ، فخليني اقول ان الشباب في امان من موضوع المرايا لأنه يادوب بنقف لحظات قدامها نظبط حاجه وبنمشي لكن انتي  يامرعبه بتقضي معظم وقتك قدام المرايه وتفضلي باصه لنفسك معرفش علي فقر ايه بس معلش انتي يا ستي سكارليت جوهانسون في نفسك وبتقفي قدام المرايه كتير طيب مش خايفه تتلبسي طيب مش خايفه يكون في جن عاشق زوقه وحش يشوفك بشعرك المنكوش دا علي الصبح ويعجب بيكي وبعدها يعمل معاكي الصح والغلط مع بعض..؟!🙂

بس بجد بعيدا عن الهزار يامرعبين جلوسكم كتير قدام المرايا بيخليكم عرضه للمس من الجن العاشق سواء كنت ولد او بنت برضوا ممكن تتعرض لمس الجن العاشق ودا اش*رس انواع الجن علي الاطلاق 

والحاجه التانيه اللي الجن بيسكنها هي الحمامات وخليني اقولك يامرعب ان الحمامات عندهم زي الكومباوندات عندنا يعني الحمام عندهم كدا يساوي شقه في الشيخ زايد عندنا حرفيا في قبائل بيسكنوا الحمامات 

وتيجي المرعبه تبقي متنكده ومتلقيش مكان تعيط فيه غير الحمام وتدخل بقي ساعه في التانيه بتعيط وهاتك يا نكد وعياط طيب مفكرتيش ان في اسره ساكنه في الحمام مفكرتيش ان في حد مريح شويه بعد الشغل مفكرتيش ان ممكن يكون في عفاريت بيذاكروا وعندهم امتحانات ثانويه عامه وانتي عماله تعيطي وتتتشحتفي وهما مش طايقينك ولولاش انتي قبل ما تدخلي قلتي اعوذ بالله من الخبث والخبائث كان زمانهم مغرقينك في حوض الحمام فأتلمي يامرعبه وعيطي في اوضتك في البلكونه في المطبخ عادي جدا وبلاش الحمام لحسن تتلبسي ومش هنعرف نروح فين بيكي 

بس بجد العياط في الحمام  بيعرضك لأذي جامد من الجن لأنك بتكوني في حالة ضعف والعفريت زيه زي اي راجل بشري هيستغل وقت ضعفك ويعمل معاكي الصح وبرضو هتتلبسي 

▪︎خلصنا من مساكنهم نيجي بقي لطريقة تناسلهم 

بص يامرعب هما يتناسلون زي البشر تماما، الاسره تتكون من ذكر وانثي وبيتناسلوا وبيتكاثروا عادي جدا زيهم زينا 

▪︎ اما مأكلهم فالجن عموما بياكلوا الجمر اي حطب ال*نار بعد اشعاله وبياكلوا من الدواب العظام فقط ومش بياكلوا اللحم 

مشربهم قيل انهم بيشروا الماء ولكن المالح وليس العزب 

ودوابهم تأكل روث اي( فضلات) دواب البشر ويشربون الماء العزب 

ومن دوابهم نوع من الدواب عندنا زيه بالظبط مش هتتخيله 

وهو الجمل والجمل في الاساس من دواب الجان وهو مخلوق من نفس الشئ اللي اتخلق منه الجان وهي الن*ار 

والدليل علي كدا قول النبي صلي الله عليه وسلم 

"صلوا في مرابض الغنم ولا تصلوا في اعطان الابل لانها خلقت من الشياطين" رواه النساني وابن حبان من حديث عبد الله بن مغفل 

▪︎ اما متوسط اعمار الجن، فهم يعمرون ويعشون لفترات بعيده ومتوسط اعمارهم من 400 عام ومنهم من يصل 1000عام  وهم يمرضون ويمو*تون مثل البشر 

والجن يعيشون في نظام القبائل والعشيره واهم هذه 

القبائل هي الميامن والاباطحه وبني غيلان وبني قيعان

والكثير منهم ودا هنتكلم عنه بالتفصيل في الاجزاء القادمه 

اما الجزء القادم هنتكلم فيه عن انواع الجن واللي بنقسموا لأكتر من نوع زي

1/ الجن الضوئي

2/ الجن القمري

3/ الجن النا*ري

4/ الجن المائي

5/ الجن الترابي

6/ الجن الهوائي

وفي الجزء القادم هنتكلم عنهم بالتفصيل ..