رواية صغيرتي كالشمس ( كاملة جميع الفصول ) بقلم ام البنات

هلو شلونكم راح تقرون قصتي اليوم راح احجيها بكل تفاصيلها ابدي وياكم من البدايه

اني اسمي فنن عمري16سنه عدي اخوه ثنين زياد وميثم ميثم عايش حياته طول بعرض اهم شي نفسه وزياد حبيبي وصديقي مدللني احسه هو ابويه بي حنان الاب احب المدرسه كلش نجحت من صف ثالث الى رابع اعدادي والدي انسان قيادي كلمته متصير اثنين وملتزم دينين كولش لبسي كله جبب لان جسمي حلو وانوثتي مبينه ميقبل ابويه امي انسانه هادئه كولش عكس ابويه ويامه تحملت منه بس هو يحبه وهي تحبه واكثر مشاكلهم بسببي لان كبرت واني حلوه بشهاده من الكل

شكلي رشيقه وناعمه طولي158وعيوني خضره ملامحي حلوه ومرتبه بشرتي ناعمه وشعري اصفر ملفوف محابس بيضه كولش اشبه بيبيتي ام امي ابويه يخاف عليه حتى من ولد عمي واقاربي من يجون ميخليني اطلع والمدرسه يحاربني عليها بكل الطرق ...بيوم اجه كال راح ازوج فنن اجه عليها صديقي لا ابنه خوش ولد وطالب كليه مرحله اخيره 

فنن...ماما فدوه اروحلكم لا ازوجوني اريد اكمل دراستي....ابويه سمع

الاب...تردين تفشليني وي صديقي تردين تخربين الشراكه والشغل الي بينه 

فنن...مجنت اكدر اناقشه لان ابد ميتناقش 

الاب...سمعي خميس الجاي الخطبه واني اطيت موافقه اذا تردين دراستج تكملينه وافقي لان اني ما اخليج تكملين هنانه تردين بيت رجلج كملي

فنن...بقيت ابجي على حضي كلشي عدي بس احتاج ابويه يحن عليه الي بعمري بعدهم يلعبون واني يريد يكسر بيه ويزوجني جمالي انتقام وكع عليه

الام..بنتي البنيه اول تالي تزوج بلكي يخليج تكملين دراستج وانتي خوش بنيه وحباب وحلوه العيون عليج وابوج يخاف لايصير بي شي وانتي تبقين لليطمع بيج الولد شاريج ورايدج 

فنن..ماما تردين تقنعيني بزواج وانت تعرفين وافقت او لا راح ازوج

الام ...ابوج ادره بمصلحتج

فنن..طلعت امي وبقيت ابجي اذا هذا ابويه هيج ويايه شلون الغريب راح يعاملني

نتعرف على العريس ونرجع للعروسه

اسمي سلام عمري 26سنه مرحله رابع كليه تارك كم سنه سافرت ورجعت من رجعت كملت ما اهتم للدراسه مو شي مهم عدي كلشي بحياتي احتاجه موجود عدي فلوس العب بيها لعب واسافرو عدي اصدقاء هواي وعدي حبيبه تجنن صاكه😉 الجسم والشخصيه شعرها طويل لضهرها ممحجبه لونها برونزي اموت على السمار البرونزي طبيعتي متحرر وي البنات وبحياتي بس جنت حاير من ازوج شلون راح اقنع مها الي هيه حبيبتي انو تغير لبسها لان كولش مشلح وهي طبيعتها جريئه وقياديه حتى من نكعد مطعم هي تحجي وي ابو المطعم وتطلب وتدخل هواي مرات اصير النه مشاكل من وره هاي تصرفاتها بس اني احبها واسامحها متواعد وياها على الزواج 

احنه6اخوه 3مزوجين وطالعين بيوت وحدهم واحد مصطفى خاطب بت عمي ريم بس ميزوج هسه ديدرس دكتوراه همزين اني مطالع عليه 🙈 بقيت اني واحمد اخويه اصغر مني ممزوجين ماعدنه خوات بنات بيت بس ولد وامي ميته تعبت من عدنه بس تشكي احنه نحاول نساعدها اريد اخطب مها بس ابويه ممقتنع بيها..

هلوو اني مها حبيبت سلام اني طبيعتي عدي كلش عادي الاختلاط وي الولد اصدقاء بس سلام اني وياه نختلف بينه حب وعدني يخطبني اني احبه بس هو اكثر اني احب دلاله كلشي اريد احصله بدون نقاش هو مدللني ادري بي عده علاقات هواي ويخون بس ما ادير بال المهم ممقصر ويايه من ناحية الصرف والمشتره اشكال يجيب تلفونات وهدايه تجنن ما اسوي مشكله اغلس🙈🙊

سلام ..كل ما احجي وي ابويه نخطب مها ميعجبه يكول متعجبني تصرفاتها ...هسه روحو للصاله سمعو الحجي الي صار بين ابويه وبين اخويه مصطفى

الاب...مصطفى صح انت مو اكبر ولدي بس انت افهمهم هذا سلام متعبني حيل ماشي وره هاي الي منعرف اصلها من فصلها وتسحب منه فلوس وهدايه وهو مسلمها تعبت منه شسويله

مصطفى..يابه اني حاولت وياه اكثر من مره ميقتنع والبنيه يحبها ويريدها

الاب..والله لو اخر يوم بعمري ما اخطبها اله واذا خطبها احرمه من الفلوس والورث خلي يشوفني شلون راح تقبل بي

مصطفى..يابه حتى اني معاجبتني بس هذا ابنك دماغه مغسول ومسويها عناد بس اني اشوف لازم نزوجه حتى ينسه هاي

الاب...اتمنه ياريت شيقنعه هذا

مصطفى....يابه هاي عوفها عليه اول شي لازم نشوفله بت حلال تصلح حاله وتتحمله

الاب..هو منو تقبل بي هذا ابو النسوان 

مصطفى..شولفه من جماعتك شوف واحد يحسبلك حساب ويعزك وكون حلوه حتى تسهل علينه الشغله واذا ماكو نوصي امي

الاب...ابو زياد عده بنيه لعابه اذكرها من جانت صغيره هسه اكيد كبرت 

مصطفى...دشوفها لعد واهم شي عاقله وراكده يرادله وحده ادميه تصلح حاله وتتحمله

التب ...الله كريم بس البنيه ابد متطلع وسمعتها كلها تحجي بيها محد شايفها اكثر من مره اسمع ابوها يشكيلي يخاف عليها لان حلوه 

مصطفى...الله كريم يابه شوفه واذا قبل احجي وي سلام واقنعه بطريقتي

سلام...عليمن تتفقون كعدتكم معاجبتني

الاب..ولاتعجبك 

سلام..يابه فدوه متكلي شنو السالفه شو ضايج مني صار فتره

الاب...من حالك المايل ميعجبني

سلام...اذا هيج اني اترخص عدي شغل

الاب..اكيد متواعد وي ام حلك

سلام..اسمها مها😑

الاب...نجب ولي من كدامي

سلام ....طلعت مستعجل متواعد وي مهاوي خابرتها

سلام..ها حبي وينج وصلت

مها..حبيبي كملت راح اطلع من راس الشارع اخذني

سلام..اوكي حبي

مها..هلوووو حبي شلونك

سلام...مشتاقلج

مها..موالبارحه تعشينه سوه

سلام..واذا ميصير اشتاق

مها..لايصير بس اني مزاعلتك

سلام...شنو مزعلج فدوه لاتتموعين هيج ويايه ما اتحمل

مها..شفتك تحجي وي بنيه 

سلام..حبي انتي الاصل اقشمر عليهن

مها...ما معليه صالحني

سلام..صار طلبي شتردين

مها...عاجبني محبس ذهب

سلام..كولي السعر اول ادليني وين واني اجيبه....

واستمرت مها تسحب فلوس من سلام بطمعها وهو لان يحبها ميرفض الها طلب 

سلام..مها احبها احب جرائتها ويايه بكلشي ....مهاوي حبي مشتاقلج

مها..حتى اني حيل مشتاقتلك

سلام...امشي ناجر غرفه بفندق

مها..لا مو الهاي الدرجه

سلام..لعد شلون وج مشتاقلج حيل كلشي ما اسوي بس حظن وبوس 

مها..لا اذا تريد تعال اخطبني

سلام..اجي بس اقنع ابويه القافل 

مها...لحد ميقتنع ابوك اصبر

سلام..اخذتها وطلعت لمكان مابي احد طبكت السياره وحضنتها وهيه هم حضنتني جان تلزم وجهي رفعهته باستني حييل دوختني سطرتني خلتني بغير عالم بقيت احضن وابوس بيها مشتاقلها ........

بعد3ايام

الاب...مصطفى حاجيت ابو زياد على بت كلي وين الكي احسن منك 

مصطفى يابه خلي اكمل دراسه وبلكي يجي من وكت سلام واحجي وياه

الاب..شراح تكله

مصطفى...ابنك يحب الفلوس وهيه تحبه على فلوسه واني كلته انت راح اسوي بي واكوله اله

الاب..شلون يعني

مصطفى..اكول اذا مخطبت وزوجتها هاي البنيه ابويه راح يطردك من البيت ويحرمك من كل فلس وحتى من الورث وخلي شي سوي خلي يسوي 

الاب...الله يهديه ....رجع سلام للبيت

الام...ها يمه وين تاخرت

سلام.جنت بلكوفي اني وجماعتي اتفقنه نطلع سفره وراح نقدم فيزه لاوربا نسوي جوله

الاب...ودراستك انت اخر سنه مناوي تتخرج عاد

سلام..لا يابه هي عطله هسه قبل لاتخلص العطله ارجع بس بحبحها ويايه لان السفره اطول

الاب...ابني عمرك26سنه شوكت تعقل الي بعمرك تخرجو وازوج وخلفو

سلام..اني شمسوي اريد اغير جو وي جماعتي قبل الدوام

الاب...ماكو سفر ولا فلوس وحتى سياره اسحبها منك كلشي ينمنع عنك منا وجاي 

سلام...شنو القصه يابه شجايك عليه

الاب..باع حجايه وحده وما اعيدها راح اخطبلك سبوع الجاي 

سلام...شنو تخطبلي اني مو زعطوط اني احب مها واريدها

الاب...روح اخطبها وحدك محد يجي وياك وهمه عائله سايبه يطوك حتى لو تروح وحدك بس حط بالك فلس احمر متحصل مني حتى ورث احرمك منه 

سلام...ماريد فلوسك واخطب الي احبها ودوام ما اداوم

الاب...طبك طوب 

مصطفى...كوم سلام امشي بره ابوك راح يصعد ضغطه

سلام...شسويله يريد يمشني بكيفه

مصطفى....تعال بالحديقه عدي الحل.....لك انت تبقه غبي

ابوك يريد يزوجك ويطيك كلشي ومها بس تسمع راح تنحرم من الورث والفلوس هيه تكلك ازوج 

سلام..،مها تحبني مو تحب فلوسي

مصطفى..لا تحب فلوسك روح شوفها وكلها الي صار هسه تكلك روح ازوج ونبقه سوه

سلام...مصطفى اني معايزك تره روحي طافره

مصطفى...اسمعني انت اخويه واحبك نصيحه اقبل بلي جايبها ابويه فقيره على ايدك بالمقابل بدل سيارتك اخذلك وحده جديده وفلوسك راح ازيد وراح يسلمك المعمل بيدك ومتنحرم من الورث ومها خليها للايام اذا من قسمتك راح تكدر تزوجها صدكني يجوز هي العروس تبزع منك وتعوفك وكتها اخذ مها

سلام...اكلك متسكت الخاطر الله يريد يورطني جايبلي وحده مااعرفها لى ازوجها لو يغضب عليه هو هذا هم اب

مصطفى..ابو يريد مصلحتك صدكني مراح تندم فكر وشوف نفسك ورداي خبر ماريدك تصفه على الحديده وصدك بس تخلص فلوسك مها تعوفك

سلام....عفت مصطفى واني حسبه تودي وحسبه اجيب بقيت افكر لحد ماغفيت الفجر كعدت ساعه 2الضهر بقيت بالفراش افكر اذا قبلت مها يعني متحبني صدك علمود فلوسي واني شعدي ازوجها وابزعها اخليها هي تطفر حتى بعد ابويه يأمن بيه ويسلمني المصنع بس خلي اشوف مها.....الووو ها حبي مشتاقلج نطلع نتغده بره

مها....ساعه 3وكت غده

سلام..تعبان محتاجج وجوعانه متعارك وي اهلي بعدني ممتغدي

مها...اوكي حبي تعال .....طلعنه وتغدينه بس سلام ضايج

سلام....مها اكولج على شي بس سمعيني للاخير 

مها..خوفتني...بكلبي هذا بس لا راح يعوفني

سلام...ابويه يريد يزوجني واذا مقبلت ازوج الي مختاره الي يحرمني من الورث ويطلعني من البيت واي فلس بعد ماكو حتى السياره يسحبها

مها😳وشراح اسوي...راح تزوج

سلام....لا طبعاً انتي عدي اهم من الفلوس 

مها...واذا ازوجتها شراح يصير

سلام...يسلمني المعمل 

مها..حبي اقبل بعرض ابوك مراح تندم

سلام..وانتي

مها...اني مطايره ...حبي تعرف شنو يعني راح تنحرم من الفلوس يعني لو نموت مراح نكدر نزوج واني حالي حال اي بنيه اريد جهاز وبيت واثاث وعرس وسفر وحياه مترفه اذا تبره منك ابوك هذني كلهن ماكو واذا قبلت راح تستلم المعمل راح تكدر اصيطر اكثر وفلوسك ازيد واذا تحبني هاي البنيه معليك بيها بزعها عوفها لتقربها خليها هي تنهزم بساعتها ابوك راح يقتنع ويزوجنه بلوكت الي انت ثبتت نفسك بلمعمل بشغلك وجهودك 

سلام...يعني ماعدج مشكله اذا ازوجة غيرج

مها...لا مو عادي بس لازم نتحمل حتى نكدر نزوج احنه والي تزوجها اريدك تهملها كلش مالك علاقه بيها ابد حتى بلكي تحس من البدايه وتعوفك

سلام..بكلبي حجي مصطفى صح.....رجعت للبيت روحي طالعه لزمت مصطفى كتله كول لابويه موافق 

ءمصطفى...عين العقل حبيبي الله يسعدك......

نرجع للعروس الحلوه

فنن..قرب يوم الخطوبه واني ولا جني عروس ولا فرحانه اخذتني امي حفيت واشتريت نفنوف للخطوبه ولحد هسه ما اعرف العريس ولا سألت عليه شكله شغله اسمه ابد طبعاًمن اطلع للسوك ينزل ويانه حرس واحد من اخوتي ...اخذت الهدوم وحضرت نفسي امي مقبلت اخلي مكياج هواي بس شي بسيط باودر خفيف وحمره وردي وعيني رسموها بسيطه وحلوه كولش كاعدين بصالون امي تقره معوذات لان كلها بقت تباوع عليه.....

سلام..اليوم الخطوبه اتفقت وي ابويه ميجبرني على شي وبس اخلص الخطوبه اسافر معليه بتجهيزات وهاي السوالف هذا جان شرطي عليهم وهمه قبلو....طبينه لبيت العروس ابويه عرفني با ابوها كلت ساعت السوده هم اجباري وهم هذا ابوها جنه نبيل شعيل هذا هم حظي🤦🏻‍♂️

كعدنه وكطعنه مهر هي وره الباب تحجي واطت الموافقه من خلصو طلعت ابويه كلهم صديقه مسوي حادث واضطر يطلع ضروري عذرونه

فنن...من كطعت مهر كالو راح يجي العريس بس بعدين كالو لا ميجي...اهل العريس من طبو تخبلو عليه امه بقت اصفن ونسوان اخوته 4وحده مخطوبه كالو بس مكدرت اميزهم لان مو من اول يوم راح احفظهم وبالي مويمهم بالي يم هذا الي ازوجته وما اعرفه ولا شايفته😔 بس سمعت السيد يكول تقبلين الزواج من سلام😑

المقدم جان 20مليون والماخر بيت ملك اني استغربت احنه مطالبين مهر وشفته هواي حتى لو واحد الله مكنه بس مو لهاي الدرجه

سلام...كطعت مهر وفلتت ماريد اشوف جهرتاها وره يومين طلعت الفيزه سافرت وي جماعتي كتلهم اطول اطيتهم اوراقي حتى يكطعون مهر محكمه

ابو سلام ....ابو زياد راح نكطع مهر محكمه بس سلام مراح يكدر يجي لان دزيت بشغل وشغله يطول مشاكل مال معمل ودزيت علمود بضاعه للمعرض وانت دتشوف بعينك شلون المخازن فارغه

ابو زياد...اي والله المخازن فارغه ولازم نجيب بضاعه باقرب وكت مترهم

ابوسلام دزيت سلام هو حيدبرها بس يتاخر واحنه نريد نزوجهم قبل لانبلش بالمشروع الجديد مبقه شي خلي نعقد محكمه ونجهز للعرس حتى بس يوصل سلام نزوجهم

ابو زياد الي اشوفونه 

سلام...سافرت وي جماعتي وكتلهم معليه بشي انتو سوو كلشي وتونست ولا درت بال لا احد ولافكرت بعرس جماعتي يضحكون عليه شلون هيج مداير بال وشلون لحد هسه مشايف العروسه حتى سجاد اقرب صديق الي نصب عليه

سجاد.. ادري غير اشوفها حتى اذا كلش بضيم تنهزم تتطفر اشوفلك جاره مو بيوم العرس وتتورط

سلام...اسكت هو اني من شفت ابوها جنه نبيل شعيل 

ايست بعد😑 كلت خلي اطفر ردت انهزم من الواقع المر🤦🏻‍♂️

سجاد...هسه نهزمت بعد اسبوع عرسك وين تنهزم😂

سلام..لا اذكرني بشرفك

سجاد..،والله شايل همك اتخيلها ضخمه وجنه وجه ابوها بس عده شعر

سلام...كلشي اتوقع هاي سوالف ابويه التعبانه ميجوز منها...بس يالله ميخالف اخليها نهار كله مكيجه 😉

سجاد...واذا كعدن الصبح ولكيت المكياج ممسوح 😂

سلام...لا هنا اخذ رشاشه وانزل على ابويه 😂😂😂طلقه براسي واخلص من هاي العيشه ولو الشكل مو كلشي😅

سجاد....قشمر نفسك 

سلام..طبعاً اقشمر نفسي اذا اصبح بوجه زمال🤦🏻‍♂️لازم اقنع نفسي 

سجاد.....بيوم العرس ابوك يكهرب الباب حتى لا تنهزم😂

سلام...يسويها ابويه واعرفه تعلمني بي😪

سجاد...عوف الشقه احجيلي مها شنو وضعها

سلام...مها طلعت علمود الفلوس لاحب ولابطبخ

سجاد...والعروس شنو وضعها

سلام...العروس لو يجي ما ادري منو لا اريدها ولا اتقرب الها اول تالي فتره واعوفها اريد ابزعها حتى هيه تعوفني ما احب احد يجبرني على شي بس اريد اعتمد على نفسي اول واوكف بالمعمل بعدين اصرف

سجاد...سلام بنات الناس مو لعبه اذا خوش بنيه وادميه ليش لا

سلام....لا ادميه ولا بطيخ اكيد هم جايه على طمع حالها حال مها وال اكو وحده تزوج واحد وهيه مشايفته وين اكو هيج وحده😑

الفصل الثاني من هنا