رواية الصياد ( جميع فصول الرواية كاملة ) بقلم شيماء رضوان

فى احدى قرى الصعيد

كانت تجرى على الطريق وتنظر وراءها بين الحين والاخر خوفا ان يكونوا وراءها هدات عندما لم تجدهم يتبعونها ولكن لم يدوم هدوءها كثيرا حيث راتهم انهم مازالوا وراءها ظلت تجرى وهم يحاولون اللحاق بها الى ان وجدت سيارة تاتى من بعيد اشارت لها ان تقف وقفت السياره

الفتاه وهى تنهج..ركبت السياره مع الشاب الذى يقودها

الشاب..انتى مين يا مجنونه انتى وايه اللى ركبك العربيه انا وقفت لما شاورتى اتفضلى انزلى

الفتاه..لو سمحت خدنى من هنا جايين ورايا وهيمسكونى 

الشاب..قلتلك انزلى هم مين دول انتى شكلك مزقوقه عليا 

الفتاه..بسرعه امشي من هنا الله يخليك

جاء الشاب ليتحدث وجد جماعه من الافراد قادمون باتجاه سيارته ومعهم اسلحه وقال واحد منهم البت اهى فى العربيه اللى هناك دى جيبوها من شعرها والواد اللى فى العربيه معاها شكله عشيجها خلصوا عليه 

كان يريد الشاب ان يتصدى لهم ولكن عددهم كبير ومن المحتمل تعرض الفتاه التى معه للخطر فلم يفكر كثيرا وانطلق

بسيارته خرج الشاب من البلده واتجه نحو القاهرة

جاء الشاب ليتكلم مع الفتاه وجدها تنام غير مدركه انها الان بالقاهرة

استوب

الفتاه هى نوران عادل القناوى فتاه تخرجت من كليه التربيه تبلغ من العمر 24عاما تتميز ببياض البشرة والعيون العسليه ولكنها لا تتميز بطول القامه توفيت والدتها وهى تلدها وتوفى والدها وترك لها جميع ثروته باسمها خوفا عليها من جشع اخيه من الاب عندما علم عمها ان اخيه قد توفى حضر الى القاهرة لاستيلام ميراثه ولكنه وجد ان اخيه كتب جميع امواله باسم ابنته نوران غضب العم كثيرا ورجع الى بلدته فى الصعيد يفكر فى حل للاستيلاء على اموال اخيه 

الشاب..هو سليم السيوفى ابن المرحوم اللواء محمود السيوفى شاب يتميز بالعيون الرماديه والشعر شديد السواد  والجسد الرياضى المتناسق لانه ضابط بالمخابرات المصريه برتبه مقدم يبلغ من العمر 30عاما يلقب بصياد المخابرات او رجل المهام الصعبه لا يهاب شيء

عندما يكلف بمهمه يقتل بدم بارد ولا يخفق فى مهمه كلف بها

ترجل الشاب من سيارته وحمل الفتاه وصعد بها من تعبها من كثرة الركص لم تشعر ان احدا يحملها صعد بها الى شقته وادخلها احدى الغرف واغلق عليها الباب بالمفتاح حتى لا تستيقظ وتخرج دون ان يراها

فى بيت عثمان القناوى

عثمان..عم نوران رجل جشع بمعنى الكلمه عندما علم ان اخيه قد توفى فرح لانه سوف يورثه ولكن تفاجا بان اخيه كتب كل شىء باسم ابنته نوران

وهدان عثمان القناوى..ابن عم نوران متزوج من ابنه خالته جشع كابيه ولكنه يحب نوران ويرغب فى امتلاكها

عثمان..يادى الوجعه السوده خلاص اجده كل حاجه ضاعت منينا والله لو شفتها جدامى بنت المصراويه لاقطع رجبتها

وهدان ..جلتلك يا بوى جوزهالى من يوم ما جبناها اهنه وانت جولت لا بعد الاربعين علشان الناس ميجولوش حاجه فى حجنا

عثمان ..يا ريتنى عجدتلك عليها من يومها مكنتش عرفت تهرب بنت المصراويه 

كانت تتصنت عليهم زوجه وهدان حكمت بابتسامه خبيثه

فلاش باك

ذهب عم نوران اليها فى القاهرة حتى يجعلها ترجع وتعيش معه فى البلده 

نوران..لا يا عمى انا مش هسيب القاهرة انا حياتى كلها هنا وشركات بابا هنا

عثمان..هى كلمه هترجعى تعيشي فى البلد وسطينا ويالا جهزى حاجتك

نوران..انا قلت لا يعنى لا يا عمى انا مش قاصر علشان تجبرنى انفذ حاجه مش عايزاها 

عثمان..يبجى انتى اللى اخترتى يا بت المصراويه وتركها وذهب

بعد يومين ارسل عثمان ابنه وهدان ومعه بعض الرجال وتم خطفها وارجاعها الى البلده بالصعيد وامر عثمان ان يتم تزويجها لابنه وهدان بعد الاربعين

نوران.. انت فاكرنى هوافق على الهبل ده انا هقول للماذون مش موافقه وهو مش هيكتب الكتاب

عثمان بفحيح كالافعى ..ابجى اعمليها ومش هخلى النهار يطلع عليكى الا وانتى فى الترب يا ولد المصراويه

بعد الاربعين امر عثمان ان زواج نوران على وهدان غدا

دخلت حكمت على نوران وجدتها تبكى

حكمت بتهكم..جرى ايه يا عروسه عتبكى ليه ده بكرة فرحك

نوران ببكاء..انا مش عايزه اتجوزه عندى اموت ولا انى اتجوزه وافضل هنا

حكمت..صح انك مش عايزه تتجوزى وهدان

نوران..ايوه مش عايزه انا عايزه ارجع القاهرة وابعد عن هنا

حكمت..انا هساعدك تطلعى من اهنه بس مش حبا فيكى لا انا مش عايزه يبجالى شريكه فى جوزى وابو عيالى

نوران..ساعدينى اخرج من هنا واوعدك مش هتشوفى وشى تانى

وبالفعل ساعدتها حكمت على الهرب منهم

انتهى الفلاش باك

حكمت فى نفسها..بجى عاوز تتجوز عليا يا وهدان ده انا حكمت وبت المصراويه عمرها مهتكون ليك

فى منزل سليم السيوفى

جلس سليم يفكر فى امر الفتاه التى اقتحمت حياته بدون سابق انذار وحدسه يقول له يجب ان يتاكد منها حتى لاتكون جاسوسه دفعها اليه اعداءه

سليم..الصبح ان شاء الله هشوف حكايتها ايه ودخل لينام

فى الصباح

استيقظ سليم على صوت دق عنيف على باب غرفه نوران

نوران بعد ان استيقظت ووجدت نفسها فى مكان لا تعرفه ووجدت باب الغرفه مغلق بالمفتاح عندما حاولت الخروج فاخذت تطرق الباب بشكل عنيف

سليم وهو يفتح لها الباب..اهدى شويه فى ايه هتكسري الباب وده تمنه غالى

نوران..انا ايه اللى جبنى هنا وانت مين

سليم..صباح الزهايمر مش انتى اللى ركبتى عربيتى امبارح وقلتيلى اطلع بسرعه لما كان فى ناس بتجرى وراكى وبعدين انتى نمتى ومحستيش بحاجه وانا جبتك شقتى فى القاهرة

نوران عندما سمعت انها معه بشقته بمفردها خافت منه وتراجعت الى الوراء كرد فعل طبيعى لاى انثى عندما تكون مع شخص فى شقته بمفردها

نوران بتوتر..طيب لو سمحت انا عايزه امشي من هنا وشكرا انك انقذتنى من اللى كانوا بيجروا ورايا امبارح

سليم ببرود..لا انتى مش هتمشي من هنا قبل ما اعرف حكايتك ايه 

نوران ..مفيش حكايه ولا حاجه دول ناس معرفهمش جريوا ورايا لما كنت بزور واحده صاحبتى

سيلم..طيب تعالى نقعد مبحبش اتكلم وانا واقف

نوران..لا انا عايزه امشي من هنا

سليم..انا مش هاكلك انا بصلى وعارف ربنا كويس اوى وبعدين انا مش شايف انثى قدامى انا شايف جعفر فمتخافيش مش هقربلك

غضبت منه نوران على كلامه الذى تفوه به فى حقها 

نوران بغضب..انت وقح وعديم الذوق

سليم وقد تملكه الغيظ منها..انا عارف انى وقح وقليل الادب ومعنديش ذوق ومش متربى ممكن نتزفت نقعد بقى قلتلك عايز اتكلم معاكى اتفضلى 

سارت نوران معه وجلست بعيد عنه

نوران..نتكلم فى ايه انا قلتلك اللى عندى ومفيش حاجه تانيه اقولها

سليم..كل اللى قلتيه كدب

نوران وقد خافت ان يكشف كذبتها..وانت ايه اللى يخليك تقول كده وبعدين انا هكدب عليك ليه

سليم..الانسان اللى بيكدب بيتحرك بؤبؤ العين بتاعه حركه لا اراديه وبعدين انتى عماله تفركى فى ايدك لو كنتى بتقولى الحقيقه مكنتيش هتتكلمى وانتى متوترة بالشكل ده

نوران..انت ضابط مخابرات

سليم وقد استغرب منها..ليه قلتى كده

نوران..انا اعرف ان هم اللى بيدققوا فى كل حاجه بالطريقه دى

سليم..حكايتك ايه بالضبط ومتكدبيش احسن مخلكيش تشوفى الشارع تانى واحبسك هنا

نوران..هحكيلك يمكن تقدر تساعدنى

سليم..اتكلمى وانا سامعك

نوران..بابا مات وكتب كل حاجه باسمى وعمى لما عرف بعت ناس خطفونى ورجعنى البلد وكان عايز يجوزنى لابنه علشان يضمن انه يقدر يستولى على املاك بابا ومرات ابنه اللى هربتنى لانها مش عايزه يبقى فى شريكه ليها فى جوزها والنهارده المفروض فرحى على وهدان ابن عمى ولما شفتك جاى من بعيد قلت انت ممكن تاخدنى معاك فى عربيتك وتطلعنى بره البلد واللى حصل بعد كده انت عارفه ممكن بقى تسيبنى امشي من هنا

احس سليم انها تقول الصدق ولكن لابد ان يتاكد انها ليست جاسوسه

سليم..مش هتمشي من هنا قبل ما اتاكد من كلامك ده 

نوران بغضب وصوت عالى..لا بقى انا مقدرش اقعد فى شقه واحد معرفوش لوحدى

سليم..اولا صوتك لو على تانى هفطعلك لسانك اللى فرحانه بيه ده ثانيا..قلتلك مش هتمشي من هنا الا لما اتاكد من كلامك ده واه اسمك ايه بالكامل

نوران..نوران عادل سعيد القناوى

سليم..طيب الاكل عندك فى التلاجه هروح مشوار واجى وهقفل عليكى بالمفتاح انجوى بقى لغايه ما ارجع

نوران بعد ان خرج..يادى الليله السوده اهرب من عمى اقع فى ده بس هو اللى انقذنى منه وشكله محترم بس انا لازه اخد حذرى منه انا بنت وقاعده معاه لوحدى

فى مكان اخر تقابل سليم بصديقه وزميله فى العمل فهد

سليم..عايز منك خدمه ضرورى

فهد..الصياد بنفسه عايز خدمه ده البلد كلها بتطلب منه على العموم قول يا صياد

سليم..فى واحده كنت عايزك تجيبلى معلومات عنها وعن عيلتها وحياتها كلها يعنى باختصار عايز اعرف ايه اللى حصلها من يوم ما اتولدت وعيلتها فى بلد اسمها.....وهى عيله القناوى عايز اعرف كل حاجه عنهم

فهد..ليه يا سليم مين البنت دى اللى عايز تعرف عنها كل حاجه

لم يرد عليه سليم ونظر لفهد وهو يرفع احد حاجبيه

فهد..اه الصياد عمره ميقول حاجه الا بمزاجه خلاص يا سليم هعملك اللى انت عاوزه اسمها ايه

سليم..نوران عادل سعيد القناوى

فهد..تمام يا صياد انت هترجع اسكندريه امته

سليم..بعد اسبوع كده

فهد..وحشتك صح

سليم بابتسامه..وحشتنى اوى انت عارف هى كل حاجه فى حياتى

فهد..ربنا يخليكم لبعض

رجع سليم الى شقته واستغرب عندما راى نوران

كانت نوران تطهى الطعام بالمطبخ وكانها فى بيتها

سليم ..انت بتعملى ايه

نوران..عاااااااا خضتنى انت داخل زى الحرامى كده ليه متكح ولا تعمل اى حركه وبعدين الاكل اللى فى التلاجه معجبنيش قلت اعمل اكل طازه

سليم..انتى فاكرة نفسك فين انتى فى بيتى يعنى متعمليش فيها صاحبه البيت وتقعدى تطبخى والمرة الجايه بقى اجى القيكى مغيره ديكور الشقه ما انتى فاكراه بيتك بقى لا فوقى يا بت انتى انا مخليكى هنا علشان اعرف انتى مين ووراكى ايه مش علشان سواد عيونك

تركت نوران المطبخ ودموعها على خدها وذهبت الى الغرفه التى نامت فيها امس

سليم..ايه الغباء اللى انا فيه ده انا ايه اللى خلانى اتكلم معاها كده انا هفضل طول عمرى دبش فى الكلام بس احسن انى عملت كده خليها تعرف حدودها كويس

اكمل سليم طهى الطعام وذهب الى غرفتها حتى يناديها لكى تاكل

سليم..انتى يا انسه اتفضلى حضرتك الاكل جاهز وذهب الى السفره 

خرجت نوران من الغرفه واخذت بعض الطعام وذهبت به الى الغرفه مرة اخرى واستوقفها صوت سليم

سليم..انا فكرتك هتعملى فيها ماموصه ومش هترضي تاكلى بس انتى خالفتى كل توقعاتى

نوران..اولا الاكل ملوش علاقه بالحزن ثانيا بقى انا جعانه وبعدين انا اللى طابخه يبقى لازم ادوق اكلى وتركته وذهبت

سليم وهو متعجب من حالها..ايه البت دى من شويه زعلانه وبتعيط ودلوقتى خدت اكل ودخلت تاكل جوه انا اللى جبته لنفسي ده انا لسه هشوف مواهب

فى منزل عثمان القناوى

وهدان..هنعمل ايه دلوجتى يا بوى

عثمان..والله ما انا عارف يا ولدى 

دخل احد رجال وهدان

الرجل ..وهدان بيه واحد من الرجاله كتب نمرة العربيه اللى راحت فيها ست نوران