رواية أسرار الهاربة الفصل الاول بقلم موفا
هنعرف ابطالنا والشخصيات
الشخصيات الأساسية
( سما ❤️ بدر )
🤩🤩🤩🤩🤩🤩🤩🤩
الفصل الاول
💔💔💔💔💔
هلال فتح الباب ودخل هو وسما
هلال اتفضلى ارتاحى يا بنتى
سما قعدت وهى متوترة
هلال صقف بايده جامد يا اهل الدار يا اهل الخير يا ولاااد
بسرعة كل الموجودين اتجمعوا
نجاة مرات هلال حمد الله على السلامة يا حاج هلال طولت الغيبة المرة دى
هلال اذيك يا نجاة عاملة إيه
نجاة بخير طول ما انت بخير
بسرعة جات بنت هلال سحر بابا حمد الله على السلامه وحشتنى ووحشتنى اوى
وولادها هما كمان قربوا بسلموا
عمر وعمرو وعبير
عمر جدو حبيبي وحشتنى أوى
عمرو على فكرة احنا هنا بقالنا يومين وانت اتاخرت
عبير وسعوا كدا حبيبى يا جدو وحشتنى
هلال وانتم كمان كلكم وحشتوني
نجاة بصت على سما وقربت منها
سما بقلق قامت من على الكرسى
هلال بص لنجاة دى بنتى سما هتكون ضيفة كام يوم عندنا
نجاة بابتسامة باهتة اهلا بضيوفك
هلال اومال فين خيرية وجوزها وولادها ما جوش ولا ايه
نجاة بصوت عالى بت يا خوخة يا خوخة ابوكى جه هاتى ولادك وانزلى
نزلت بنت هلال التانية خيرية
خيرية مليون مرة يا ماما اقولك بلاش خوخة دى
البنات لقطط الاسم
هلال مالك يا خيرية يا بنتى
خيرية حمد الله على السلامه يا بابا
هلال الله يسلمك يا حبيبتي عاملة ايه وجوزك عامل ايه وبناتك فين
البنات نازلين ورايا ومش عارفه ممدوح جاى امتى
هلال يجى بالسلامة
بس مالك زعلانة كدا ليه مين مزعلها يا نجاة
نجاة مافيش حاجه
خيرية بعصبية لا يا فى يا بابا
هلال اهدى بس واحكيلى حصل ايه
خيرية يرضيك يا بابا ماما تفضل تقولى يا خوخة يا خوخة لحد ما البنات لقطط الاسم لو قالوا كدا قدام ممدوح مش هيكون موقف كويس
سحر خرجت من المطبخ انتى مش زغلانة عشان ولادك انتى كل الفيلم عشان منظرك قدام جوزك
خيرية بعصبية ايوة يا ست سحر لو ممدوح اتريق عليا هيكون كويس
سحر دول عيالك اللى بيهزروا معاكى وجوزك اعقل من كدا بكتير
خيرية بعصبية وانتى تعرفى جوزى عاقل ولا مجنون منين
سحر من كلامك عليه ولا كلامك كدا وكدا
هلال ليه يا بنتى العصبية دى كلها الموضوع مش مستاهل
خيرية بعصبية يا بابا الولاد كل شوية يتريقوا عليا بسبب اسمى الزفت دا سحر ونجاة بصوا لبعض بصدمة
نجاة بسرعة احترمى نفسك انتى هتفضلى زعلانة كدا على طول عشان اسمك على اسم جدتك
طيب ما سحر اهى اسمها على اسم امى وزى العسل اهى الله يهديها
خيرية يووو ايوة سحر مش خيرية بتحسسونى انى خدامة
هلال بهدوء كفاية
خيرية قربت منه انا اسفة يا بابا مش قصدى
هلال انا لو كنت أعرف انك هتعملى كدا عشان اسمك على اسم امى مكنتش سميتك ابدا
نجاة عجبك كدا الله يسامحك لسة جاى نكدتى على الدنيا
هلال مافيش نكد ولا حاجة
عبير بنت سحر خلاص يا تيتة ابقى قولى لخالتى ريرى زى ما سمت نفسها
نجاة بعفوية ريرى هى لسة متفطمتش
فجأة كل الموجودين ضحكوا على نجاة هههههههههههه
خيرية بعصبية وصوت عالي يووو بقى
هلال خلاص بقى
ووقف جمب نجاة وبص على اوضة قصاده
نجاة اتنهدت زى ما هو هيكون إيه اللى اتغير يعنى
هلال لا حول ولا قوه الا بالله
طيب حضروا الأكل عقبال ما اشوفه نجاة بحزن حاضر
دخل هلال اوضة ابنه الكبير
كان ابنه نايم على السرير وقصاده كرسى متحرك لان ابنه عنده إعاقة بسبب حادثة
هلال السلام عليكم ورحمه الله وبركاته
بدر شاب في ٣٥من عمره عمل حادثة من تلات سنين ونتيجة الحادثة انه مش بيتحرك غير بكرسى متحرك
بدر حمد الله على السلامه يا بابا
هلال الله يسلمك يا ابنى عامل ايه
بدر بسخرية هعمل إيه لسة عايش مكسح
هلال بحزن أستغفر الله العظيم لا تيأس من رحمة ربنا
بدر انا اتعودت خلاص المهم حضرتك عامل ايه
هلال الحمد لله
بدر الحمد لله
صوت نجاة من برا يا استاذ هلال
هلال يلا يا حبيبى عشان ناكل
بدر معلش يا بابا روح أنت أنا ماليش نفس
هلال تعالى يا ابنى كول معانا ومع اخواتك
بدر بحدة ماليش نفس يا بابا هو بالعافية
هلال بحزن على راحتك يا ابنى وسابه وخرج حزين
نجاة بسرعة مرضيش يخرج معاك
هلال لا
حضروا الاكل على طبلية كبيرة
فجأة نزلوا بنات خيرية
كارما ولوجى
كارما جدو
لوجى جدو حبيبي
هلال حبايبى عاملين ايه وحشتونى
كارما جبتلنا حاجة حلوة معاك يا جدو
هلال طبعا يا حبيبتي
لفت نظر لوجى اللى قاعدة ساكتة من ساعة ما دخلت
لوجى مين دى
الكل بص على سما
هلال يووه الله يسامحكم انتم تنسوا الواحد اسمه من مشاكلكم
تعالى يا بنتى حقك عليا
سما بصتله بحزن
هلال تعالوا سلموا على الضيفة يا ولاد
كلهم قربوا يسلموا على سما
نجاة كانت في المطبخ دخل وراها هلال
عاملة إيه يا نجاة
نجاة الحمد لله. وبصت برا على ولادها اللى بيسلموا على سما
مين دى يا استاذ
هلال دى بت غلبانة ربنا وقفنى فى طريقها عشان اساعدها
نجاة يعنى تطلع مين
هلال بعدين احكيلك كل حاجة وخرجوا على الصالة
هلال معلش يا سما احنا بناكل على الطبلية
سما ابتسمت
خيرية مش هتبطل العادة دى يا بابا وهى السفرة مالها
نجاة لو مش عجبك الأكل معانا قومى كولى على الطرابيزة اهى زى السفرة
خيرية هاكل وخلاص
سما بتبص للبيت كان كانه بيت من العصر القديم العفش والتحف اللى فيه
هلال البيت قديم شوية صح يا سما
سما احمم لا دا حلو اوى كأنه متحف
خيرية نفخت في الهوا
سحر بسرعة أصل دا بيت جدى والصراحة بابا محافظ عليه عشان يبقى تراث
سما. ابتسمت لسحر
نجاة كولوا بقى
الكل بياكل بهدوء ماعدا نظرات خيرية لسما
بعد ما كلوا
هلال الشاى يا ولاد تعالى يا بنتى نتكلم برا في الجنينة
خرج هلال وسما
سحر كلكم شاى ولا حد عايز حاجه تانية
خيرية قاعدة بتلعب فى الموبيل اعمليلى نسكافيه معاكى
عبير بغيظ ارتاحى انتى يا ماما وانا هعمل الشاى والنسكافية لخالتوا وشالت الاطباق ودخلت المطبخ
هلال تعالى يا بنتى نقعد تحت تكعيبة العنب
سما بتبص للعنب اللى فوق التكعيبة بذهول
هلال اسمعينى يا بنتى انتى هتعيشى هنا معززة مكرمة ومتخافيش اعتبرى نفسك في بيتك وانا ابوكى ونجاة امك وولادى اخواتك
سما عيطت مش عارفه اقولك ايه يا عمى
هلال متقوليش حاجة أنا بس اللى بطلبه منك متقوليش لحد حاجة من اللى قولتهالى خلى كلامنا سر سوا
سما بصت في الأرض بانكسار
هلال مش قصدي يا بنتى دا عشانك انتى
سما بصتله
هلال أيوة
ولادى هيمشوا ومافيش غيرى انا ونجاة هنا
وانا فهمت نجاة انك ضيفة عندنا شوية وسيبى الباقى على ربنا يدبرها بمشئته
ماشى يا بنتى
سما ماشى
عبير جاتلهم بالشاى
هلال انتى لسة فاكرة الشاى يا عبير
عبير معلش يا جدو اتاخرت عليك
على فكرة جدو صبرى على التليفون عايزك
هلال طيب اشربى انتى الشاى مع ابلة سما
عبير ابتسمت حاضر
قعدت عبير تشرب الشاى مع سما
سما بتشرب الشاى وهى ساكتة خالص
عبير مالك يا أبلة سما أنتى زعلانة كدا ليه
سما دموعها نزلت
عبير أنا اسفة مش قصدى انى اديقك
بس مين مزعلك
سما مسحت دموعها الدنيا هى إللى مزعلانى يا عبير
قربت منهم سحر
سحر اكيد البت دى وجعت دماغك عارفاها رغاية
سما ابتسمت لا دى عسل اوى
عبير أهو كل الناس تقولك انى عسل
سحر ضحكت عسل اسود قومى يلا لمى حاجاتك عشان نمشى قبل الليل
عبير ابتسمت عن اذنك يا أبلة سما
سما اتفضلى يا حبيبتى
سحر مالك يا حبيبتى أنتى حزينة كدا ليه
سما اتنهدت بصوت عالى الدنيا جات عليا أوى ومش عارفه اعملها إيه وعيطت
سحر لا حول ولا قوة الا بالله صلى على النبى يا حبيبتى واستغفرى ربنا وكل مشكلة وليها حل
سما الا مشكلتى ملهاش حل خالص
سحر لا متقوليش كدا ان مع العسر يسر وان شاء الله ربنا يفك كربك
سما يارب ادعيلى
سحر عارفة أنتى احسن واحدة تدعى
سما بصتلها باستغراب
سحر أيوة ادعى لربنا اتذللى لربنا واترجيه فى اللى تعبك وادعى أنه يريحك ويفك كربك ويفرج همك وأحسن وقت للدعاء وانتى بتصلى
سما بصتلها
سحر أيوة صلى وادعى بكل إللى عايزاه
سما بتوتر وكسوف أنا مش بعرف اصلى كويس يعنى بتلغبط فى الصلاة
سحر ابتسمت إللى ميعرفش يتعلم عارفة لو كنت لسة قاعدة كنا صلينا سوا بس مسافرة
سما مسافرة هو أنتى ساكتة فين
سحر أنا متجوزة فى دمياط
سما يااه دمياط
سحر ابتسمت ااه بس هقولك اطلبى من ماما تعلمك تصلى ماما أحسن منى بكتير ومتخافيش هتعتبرك زى بنتها بالظبط
سما اتنهدت بصوت عالى
سحر طبطبط على سما سبيها على ربنا وان شاء الله ربنا يفك كربك
سما يارب
فجاة شباك كبير اتفتح وخرج منه شاب قاعد على كرسى متحرك
كان بدر اخوا سحر الكبير
سحر قامت بسرعة عارف أنا زعلانة منك قد إيه
الشاب بحدة زعلانة ليه
سحر عشان بقالى هنا كام يوم ومش عارفه اقعد معاك شوية
بدر بصلها بسخرية
وبص لسما
سحر تعالى يا سما قربى
سما قربت
سحر دا اخويا بدر
ودى سما
بدر بص لسحر
سحر دى ضيفة بابا هتقعد عندنا كام يوم
بدر بص لسحر وسما بحدة ودخل بسرعة وقفل الشبااك بسرعة
سحر معلش هو كلامه قليل كدا
سما هزت رأسها
صوت عمرو ابن سحر يلا يا ماما احنا جهزنا
سحر اشوف وشك بخير وان شاء الله اكلمك فى التليفون لما اكلم ماما
سما ان شاء الله
وسلموا على بعض ومشيت سحر وولادها وبعدها خيرية مشيت لما جوزها جه
كل دا ولسة قاعدة سما مكانها
الوقت اتاخر والليل دخل
سما بتكلم نفسها وبتعيط يااااه معقولة كل دا يحصلى أنا كان ذنبى إيه امشى من بيتى واجى اقعد عند ناس معرفهمش حتى الناس إللى هنا نسيونى ونسيوا ان حد غريب عندهم لامتى يارب هفضل كدا منسية من كل الناس وقعدت تعيط
فجاة قربت نجاة من سما لقتها بتعيط
نجاة يا نهار أبيض أنتى قاعدة من الصبح لحد الوقت كدا مكانك
سما مسحت دموعها
نجاة بحزن على حال سما صلى على النبى يا بنتى
سما بشهقات العياط عليه الصلاة والسلام
نجاة بس أنتى إيه إللى مقعدك كدا
سما وأنا هروح فين بس
نجاة تعالى يا بنتى معايا
وخرجوا من الجنينة ودخلوا البيت
هلال ابتسم أنتى كنتى فين يا بنتى كل دا
نجاة كانت قاعدة تحت التكعيبة زى ما سبتها من الصبح
هلال بصدمة لا حول ولا قوة الا بالله ليه كدا يا بنتى أنا عايزك تعتبرى البيت بيتك ونجاة زى امك بالظبط
سما عيطت ربنا يخليكم يارب
نجاة طبطبت عليها امسحى دموعك بقى ويلا عشان تتعشى معانا
سما معلش أنا مش عايزة أكل
هلال طيب سبيها علي راحتها وطلعيها ترتاح
نجاة حاضر وهما طالعين
هلال بقولك إيه يا نجاة وهمس لنجاة أنها تدى سما هدوم تنام فيها
نجاة تعالى يا بنتى ودخلوا أوضة
نجاة دى اوضة سحر بنتى اعتبريها اوضتك من النهاردة
سما أحسن تزعل أنى نمت مكانها
نجاة ضحكت سحر تزعل دى بنتى تحب كل الناس بكرا أما تعرفيها كويس تلاقيها زى أختك بالظبط
وفتحت الدولاب خدى الجلبية دى غيرى هدومك عشان تعرفى تنامى براحتك تصبحى على خير
سما وانتى من أهل الخير
وخرجت نجاة
ياترى هيحصل ايه لسما ؟؟
