رواية جعلوني عاهره الفصل العاشر 10 والاخير بقلم محمود محمد
السلام عليكم جيتكم بعد طول غياب نكملكم القصه قبل مانبدا نبي نوضحلكم شي صغير انا راهوشاب مش بنت وانا كاتب القصه بي اسلوبي يعني انا مش بسمه ولا هدي صاحبتها
توا شن دخل هدي ف الموضوع ماعلينا ع المهم نكملكم الحلقه الاخيره
.
.
.
.
.
وفجاه هكي يغمي عليا طبعا انا معش نندري ع شي رفعتني هدا وشالتني المستشفي طبعا حالتلي كانت 0 صارلي نزيف ف الدماغ وخششوني ع العملايات طول دارولي عمليه وقعدت 3 ايام وانا فاقده الوعي تمامآ وهدي مسكينه قاعده جنبي وتبكي عليا
.
مسكينه البنت هدي عدبتها معايا والله ع المهم لما فقت م البنج سالتها شن صارلي وشن في قالتلي الدكتور قال العلاج الي عاطيهولك معش ياثر مفعوله وكتبلك ع علاج اقوا منه هدا ليش جاكي صوداع طبعا المرض زاد والعلاج معش ياثر المهم قلتلها هيا نبي نطلع قالتلي لا الدكتور قال لازم تتريحي اقل شي اسبوع قلتلها اسبوع شنو مانقدرش مزال عندي شغل ماكملتاش هي سنديني يا احلي اختك ف الدنيا هدا حاولت انها تخليني نقعد بس نا مابيتش طلعنا م المستشفي ورحنا للحوش كنت تاعبه رقدت طول تاني يوم نضت ومشيت للقهوه طول المهم كنت تاعبه شويه لاكن ظغطت ع روحي
.
خدمت شويه وبعدها معش قدرت نكمل من الارهاق كلمت صاحب القهوه قلتله تعبانه وبنروح المهم روحت رن عليا ايمن قالي بكره جايك ياحبي قلتله تعال ياقلبي نستني فيك
.
تعال تعال بيش ناخد تاري منك المهم كلمت احمد قلتله اسمع شقتك نبيها بكره اليوم وكله وندفعلك ايجارها قالي 50 دينار قلتله انا بنعطيك 150بشرط تقول لي ايمن اني انا شريتها منك لعند مايروح بس قالي تم المهم تاني يوم وتيت روحي ولبست لبسه حلوه ودرت شويه مكياج وهكي وفتلكت روحي ع الاخير .
.
رن عليا ايمن قالي نا في بنغازي وين نجيكي قلتله تعال ع حوش احمد صاحبك قالي كيف صار قلتله ماهو نا شريتها منه
.
قالي خلاص هي جايك ماكملش ربع ساعه والقيت الباب يخبط مشيت فتحت لقيت يتبع
.
.
.
اه صاح هدي الحلقه الاخيره خليني نكملكم ع المهم
.
.
لقيت ايمن اول ماشفته خديته بالحضن طول لين هوا استغرب وقعدت نقوله مرايفه عليك بكل ياعمري قالي باهي خليني نخش بس المهم خش لي دار النوم وكان فيها سرير قعمز قلتله نديرلك تتعشي ياعيوني قالي ياريت والله جعان المهم درتله عشاء وجبته قدامه قالي هيا تعالي كولي معايه قلتله نا عنديش نيه قعمز ع السفره بياكل بعدها بحت فيا هكي وتردد يحسابني حطيتله سم في الوكال بحتت فيه وضحك وجيت للوكال وقعدت ناكل قلتله تخافش كول ياحبي قعدت يضحك وقالي عارفك مايهونش عليكي وانا في خاطري نقوله اي صح توا يبانلك ياحقير صارانا تجيبني هنا وتضحك عليا يا ابن الكلب مره تالته
.
بعد ماتعشي وكمل ناض غسل يده وجاني قالي شنو هيا قلتله ليش مستعجل اول مره نشوف حد مستعجل ع موته قالي اصلا ليا واجد مادرتش الشي هدا في عقلي توا تديره وحتكون المره الاخيره نشالله يا ابن الكلب مره رابعه بدينا في قلة الادب والصياعه درتله كل شي خاطره فيه وبعد ماكملنا ناض هوا دار حمام وبعدها انا درت حمام ع اساس غسل الجنابه ماعلينا ورقدنا هوا رقد جنبي ع السرير وقالي تصدقي نحبك قلتله وانا تصدق اليوم اكثر يوم حسيت روحي فرحانه قالي جديات لدرجه هدي تحبيني وانا في عقلي نقوله لا بسع خاطر خديت حقي منك ياظالم نضت انا الصبح ع الساعه 8 لقيت روحي مش قادره نتنفس بكل وقعدت نرجع وحاله ناض ايمن وقعد يقولي كنك شن في نرفعك المستشفي قلتله لا فيش داعي قلتله بس جيبلي شنطتي من دار النوم جابلي الشنطه وقعد يبحت فيا وهوا مستغرب ويقولي انتي وجهك اصفر ليش قلتله تعدلش طلعت الدواء تاعي من الشنطه وخديت حبه بحت فيا وقالي شنو هدا الي خديتيه قلتله هدا دواء متاعي ناخد فيه قالي ليش شن عندك انتي قلتله لا مخافش حاجه بسيطه ماتعدلش قعد يقولي مغير شن عندك قلتله والله قلتله شي بسيط عندي الايدز بس
.
.
بحت فيا هكي وهوا منصدم وجهه تغير الوان وعيونه انقلبو وقالي منغير بصاره عاد قلتله ليش انصدمت ياغلايا قلتلك عندي الايدز ليش مش مصدق ياقلبي
.
.
قالي شنو ايدز كيف انتي تكدبي اكيده قلتله تعال ياعمري اقرا شن مكتوب ع الدواء متاعي خطف مني العلاج وقعد يقرا لا يستخدمه الا مرضي الايدز فقط
.
.
بحت فيا وقالي يابنت ال......؟ وجاي يجري عليا وقعد يضرب فيا قعدت نقوله اهدا بس اهدا مش قلتلي نحبك يعني اكيده ماترضاش انا نموت وانتا تعيش وهوا يسب ويلعن بصوت عالي ويضرب فيا وانا مش حاسه بالضرب بكل ونضحك بصوت عالي وفرحانه فعلا كنت فرحانه شعور حلو شعور الانتقام هدا ياسلام وقعدت نقوله شفت كيف يا ايمن الدنيا صغيره بكل ياروحي اهو انتا توا بالكتير سنه وبتموت وين بتريح من ربي يوم الحساب وهوا مسكين مزال مش مصدق قالي انا توا بنمشي نحلل قلتله مش حيطلع في التحاليل غير بعد شهر اقل شي ياعمري..
.
ايمن طلع من الحوش زي المهبول ومشا للمستشفي وانا مشيت روحت عند هدي اول ماخشيت ضبحت ع هدي قلتلها تعالي نبيكي جتني قلتلها هكي توا انا خديت حقي بزياده قالتلي مافهمتش قلتلها مش مهم توا تفهمي بعد نموت توا تلقينا كاتبتلك كل شي المهم توا مزال حق ربي نبيكي تعلميني كل شي كيف نصلي وكيف نتوب طبعا كانت هدي تصلي بس انا ماكنتش نصلي قلتلها بالله عليكي اوقفي جنبي لين نموت مانبيش نخش النار يعني ساد اني عشت في الدنيا متعدبه ع الاقل بعد نموت نتريح قالتلي وهيا تبكي حاضر من عيوني يا احلي اخت المهم قلتلها توا اطلعي وسيبني شويه عندي كم تلفون بنديرهم قبل
.
.
.
رنيت ع الضابط ولد الحرام هدا اول مافتح قالي شكلك رايفتي عليا صح قلتله هههههههه وانا نضحك لا بس رانه عليك بنقولك مبروك عليك الايدز يافندي
.
قالي شنو ايدز ايدز شنو هدا قلتله تدكراخر مره رقدت معايا كان عندي الايدز وعدي دير تحاليل توا تعرف قعد منصدم ويتهته ويلكلك في الكلام ويقولي انتي تبصري صح قلتله مانبصرش بيش مره تانيه تعرف كيف تغتصب بنات الناس هدي نهايتك ياحشره وسكرت في وجهه رنيت ع احمد رد عليا وقالي وين ال 150 ههههههههههه قلتله توا نعطيهملك في جهنم الحمره ياحيوان قالي شنو والله نقول لي ايمن انك تكدبي عليه وماشريتيش مني الحوش قلتله حوش شنو يابو حوش سيبتهولك تهني بيه وتوا نبي نقولك انتا واصاحبك عندكم الايدزوعدو ديرو تحاليل والف مبروك عليكم الايدز ياكلاب قالي هههه صدقتك قلتله لا مش مهم تصدقني توا لما يجنك اعراض الايدز توا تصدق بروحك وهيا وجهك يامعفن وسكرت عليه طلعت الشفره من التلفون وكسرتها وضبحت ع هدي قلتلها تعالي نا كملت عطيتها التلفون قلتلها هدا هديه مني ياريت تخليه دكره مني خداته مني وهيا دمعتها ع خدتها وشادها العبره قلتلها ماتبكيش ياهدي خيتك بتموت مرفوعة الراص قعدت تضبط فيا وتقولي ماتقوليش هكي المهم قلتلها هيا انا توا بنخش اندوش ونغتسل وكان المغرب يدن قلتلها بيش نصلو المغرب معا بعضنا فعلا خشيت اغتسلت وطلعت جتني هدي قالتلي هيا نصلو وبدت تعلم فيا كيف الصلاه وسبحان الله تعلمت الصلاه في اقل من يومين جابتلي هدي المصحف وقالتلي تعرفي تقري قلتلها اي بس ماعمريش مسكت المصحف في يدي وماعمريش قريت فيه مدتلي المصحف وفتحته من نصه وسبحان الله اول ماجت عيني جت ع الايه الي هيا بسم الله الرحمن الرحيم
كتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن والجروح قصاص) ♢ صدق الله الغظيم واول ماقريتها حسيت انه الي درته هدا هوا الصح واني ماغلطتش والله ماقدرت نكمل الايه من كتر ما كنت نبكي وقعدت نقول لي هدي مش هدا كلام ربي ياهدي وهدي تقولي اي والله هدا كلام رربي قلتلها اهو ربي يقول انه العين بالعين والسن بالسن يعني نا ماغلطتش لما خديت حقي وهيا مسكينه مش فاهمه انا ع شن نحكي وتقولي فهميني به نا مش فاهمه قلتلها توا تعرفي كل شي في وقته وقعدت نكمل ونقرا حسيت روحي فرحانه وانا نقرا في كلام ربي وحسيته حلو وليه لذه غير عاديه وفيه سعاده لا يعرفها من يهجر القرءان قعدت 9 ايام وانا كل يوم نصلي الصلاه في وقتها ونقرا في قرءان وبعدها بدا المرض يزيد عليا ومعش قدرت نصلي وانا واقفه قالتلي هدي تقدري تصلي وانتي مقعمزه عادي وقعدت نصلي وانا مقعمزه ولما نبي نمشي للحمام تشيل فيا هدي وقعدت ع الحال هدا 3 ايام وبعدها معش قدرت حتا نقعمز وقالتلي هدي تقدري تصلي وانتي راقده وفعلا قعدت نصلي وانا راقده الكلام هدا كان يوم لاثنين يوم الثلاث رقدت وحلمت حلمه غريبه حلمت انه في فارس ابيض ياجني ع حصان ابيض وقالي اركبي ف سالته ليش نركب قالي بيش نفرجك ع مكانك الجديد ف ركبت معاه وقعد يجري بيا لعند ما وصل لي مكان هكي زي جنينه وفيها من جميع انواع الفواكه ف الحصان متاعه مشا تحت شحره كان فيها تفاح جيت بناخد تفاحه قالي الفراس لا ماتقدرش توا مزال قلتله مزال شنو قالي مزالك يوم قلتله يعني امتا قالي يوم الاربعاء وكان يتكلم باللغخ العربيه الفصحي وبعدها نضت من الحلمه وكانت الساعه 3 ف الليل قعدت نوض في هدا ناضت قالتلي كنك شن صايرلك قلتلها معلش سنديني نبي نمشي الحمام نتوضي شالتني توضيت وجيت قبلها ماكنتش نقدر نوقف ع رجلي بس اليوم هدا جتني قوه غربيه وقفت ع رجلي وقعدت نصلي صليت قيام ليل ورقدت اخره نوضتني هدي الصبح بيش نفطر قلتلها خلاص ياهدي هانت قالتلي شن قصدك قلتلها اليوم بنرحل عند الي خير مني ومنك
.
وكنت فرحانه والله كنت قريب نطير من كثرت الفرحه وهدي تبكي وتقولي بتسيبني وانا نقوللها بنسيبك ع خاطر بنمشي للي احسن منك ماتزعليش مني يا احلي اخت وسامحيني كان قصرت معاكي وطلعت ورقت وكتبتلها رقم هلي وقلتلها لما نموت كلميهم بيش يجو يحضرو عزاي جت الساعه 4 العصر وبيدت نحتضر وبدا الام يزيد ويزيد وقتها خلاص كان ملك الموت عند راصي وبديت انطلع في الروح وانقول واخيرا واخير وبعدها قعدت نشهد وطلعت روحي من جسمي شن معناها طلعت روحي من جسمي يعني خلاص الحسم الي كان قبل 5 دقايق تحت امري وتحت طوعي الجسم الي كنت لما نبي نحرك يدي قلبي يعطي اشاره لي عقلي وعقلي يعطي اشاره لي يدي ويدي تتحرك وهدا كله في بضع ثواني معدوده لاكن توا الجسم هدا اصبح جثه هامده لا تستطيع التحرك نعم انه الموت يا ساده
بسم الله الرحمن الرحيم
.
وَالْتَفَّتِ السَّاقُ بِالسَّاقِ. إِلَى رَبِّكَ يَوْمَئِذٍ الْمَسَاقُ. فَلا صَدَّقَ وَلا صَلَّى. وَلَكِن كَذَّبَ وَتَوَلَّى. ثُمَّ ذَهَبَ إِلَى أَهْلِهِ يَتَمَطَّى. أَوْلَى لَكَ فَأَوْلَى. ثُمَّ أَوْلَى لَكَ فَأَوْلَى. أَيَحْسَبُ الإِنسَانُ أَن يُتْرَكَ سُدًى. أَلَمْ يَكُ نُطْفَةً مِّن مَّنِيٍّ يُمْنَى.
صدق اللع الغظيم
.
ماذا قدمتم لي هاذا اليوم راجع نفسك قبل انا تخسرها
.
النهايه
.
طبعا القصه منقوله من الانسه هدي صاحبة بسمه وقالت انه القصه هدي كانت كاتبتها بسمه كامله بيش الناس تتعظ منها وطبعا بسمه ماكتبتش وهيا تطلع في الروح بس هدي كانت معاها ونقلتلي القصه وكان معاكم الكاتب محمود محمد وشكرا للجميع علي المتابعه ونتمني تكون عجبتكم الروايه وربي يحفظكم جميعآ واسف لو يوم تاخرت عليكم بس والله مش بيدي وانتظروني في روايه جديدن انشالله
.
والي عجابته الروايه يدير تاق لي اصدقائه بيش يقروها ويستفيدومنها والسلام عليكم ورحمه الله
ماتبخلوش عليا بي متابعه لي حسابي ليصلكم كل جديد
تمت
