رواية اشتغالة الفصل العاشر بقلم ليل ادم
يوم المزاد وأثناء الطريقه
جوده : زين المزاد ده لو خلص اكتر من عشرين مليون هيتخرب بيتنا فيها تمام
زين : خلاص يا جوده فهمت اخري عشرين مطلعش عن كده عرفت يخربيتك لتات
جوده : ربنا يستر مش عارف مش مرتاح
زين : ياعم في اي هو أول مزاد أنا عايزك تهدأ كده وتتعلم
جوده : ماشي أما نشوف
في جانب آخر
طارق: كامل المزاد ده بتاعي الناس اللي موجوده دي كلها ضيوف شرف ذاي ما قولت
كامل : محدش هيرفع على كلمه حضرتك الموضوع خلصان من قبل ما يبدأ مفيش بس إلا رجل اعمال نازل المزاد لسه اسمه منزلش
طارق : فكك منه كده كده المزاد خلاص هيبدأ وهو لسه مجاش شكله خلع
كامل : طبعاً يا مستر طارق هو في حد يقدر يقف قصاد حضرتك
في جانب آخر
جوده : المزاد بدأ على فكره
زين : لا تقلق احنا وصلنا خلاص وحد انت بقا
جوده : وربنا الثقه الزيادة دي هيا اللي قلقاني منك
زين : انزل
جوده : ياله (وماشي ورا زين ) زين عشرين مليون و اتنين جنيه خسرنا انت فاهم
طارق : ١٧ مليون جنيه
المتحدث: ١٧ مليون طارق بيه ١٧ مليون جنيه طارق بيه
زين : ٧٠ مليون جنيه
طارق وكل الحضور حتا جوده في صدمه
المتحدث: ٧٠ مليون جنيه مستر زين ٧٠ مليون جنيه
زين : ياعم قصر محدش هيفتح بوقه
جوده : يارب حد يفتح بوقه
المتحدث: مبروك يا مستر زين
زين : الله يبارك فيك
طارق : كامل زين ده بتاع البورصه صح
كامل : هو اي الدخله دي ٧٠ مليون اي
طارق : الواد ده مش هيدفع المبلغ ده من فراغ (وقام من مكانه راح ورا زين)
جوده : انت كنت مطبق على سلام يا صاحبي اي القرف اللي عملته ده انت ضيعت خمسين مليون جنيه
زين : بس اي رأيك خدنا وقت
جوده: يارتنا خدنا وقت يا رتنا ما جينا اصلا وعمال تقولي اتعلم اتعلم دا انت اللي قالك انك راجل اعمال ظلمك
زين : اركب بقا يا جوده
طارق :(حط ايده على باب عربيه زين ) في حد يخسر نفسه كده خمسين مليون على الأرض مره واحده يا مفتري
زين : انت شغال مع عمال المزاد صح
طارق: عمال المزاد
زين : اه
طارق: لا أنا طارق على رجل اعمال ( ومد ايده يسلم على زين )
زين : معلش متوضي خير عايز اي
طارق على: مبروك
زين : اركب يا جوده
طارق : مستر زين هو الموضوع شخصي ولا حاجه
زين : أنا جايلك من المستقبل وبقولك العالم هينتهي يوم الاتنين الحق ريح ضهرك ساعتين. رجلك بقا علشان نمشي
طارق: اتفضل (ومستغرب من كلام زين ليه اتعامل معاه كده رغم أن دي اول مره يتقابلوا مع بعض)
في جانب آخر
جوده: خمسين مليون جنيه ياللي منك لله أنا حاسس اني قلبي هيوقف وربنا
زين : بس خدنه اوعي تنكر
جوده : خدنه إلا خدنا دا احنا خدنا لحد ما اقولك اي بس
زين : ما تشغل اغنيه حلوه نسمعها
جوده : ليك عين تسمع حاجه
زين : حاسك زعلان
جوده : هنجلط يابني هو علشان ربنا وسع علينا نرمي الفلوس
زين : هصالحك الوقتي حالا انزل
جوده : على فين
زين : ياعم انزل بقا انت لتات
جوده : نزلت
ودخل محلا ازياء مع زين وكان محل عالي جدا
زين : لو سمحت عايز عشر بدل -------
العامل : تحت امرك يا فندم ممكن تتفضل معايا
زين : لا مش ليا ل الراجل ده
جوده : راجل اي هو في اي يا زين
زين : ياعم ادخل بقا وجعت قلبي
جوده : (دخل مع العامل شاف البدل وشاف الاسعار خرج جري على زين )
زين : في اي يخربيتك خضتني
جوده : احنا هنمشي من هنا حالا انت عارف البدله بكام
زين : عارف في اي مالك ادخل كمل
جوده : يابني أدم أنا مش بلبس بدل يوم ما البس بدله البس بدله ب ٦٧ ألف جنيه
زين : بس اي هتعمل منك إنسان
العامل : كده الاوردر كله كامل يا زين بيه تحب تراجع حاجه في الألوان
زين : لا تمام انا اخترت الألوان بنفسي
جوده : خلي بالك من بكره أنا مش معاك انت هتفرسني
زين : بره ياض وخد البدل معاك
بعد خروج زين أثناء الطريق
زين: هتفضل قالب وشك كده
جوده : ياعم انت حر اهي فلوسك
زين : عايز أعلمك حاجه
جوده : والله
زين : اه والله
جوده : خير
زين : انت زعلان علشان قيمه المكان تسوي عشرين مليون صح
جوده : صح
زين : بس قيمه المكان عارف في اي
جوده : اي
زين : أسم زين كامل
جوده : يعني اي
زين : يعني يا جوده اهم حاجه ممكن تعملها تكسب منها احلي فلوس تحول اسمك من اسم الي براند حتا لو كنت عامل حب شغلك ادي كل وقتك ومجهودك لحد ما اسمك يبقا براند تلاقي واحد يقولك أنا عامل بيتي عند فولان الفولاني هل معنا كده أن فولان ده احسن واحد اكيد لا في ناس احسن منه مليون مره بس هو عمل من اسمه براند خلاك عايز تجيبه علشان بس تقول انا اللي صمم بيتي فولان الفولاني
جوده : وده اي علاقه ب الموضوع يا زين
زين: اي ده ملوش علاقه
جوده : لأ
زين : طب ما نكمل كلامنا فوق في مكتبي ولا اي
جوده : ماشي
زين : هات البدل معاك
بعد طلوع زين الي الشركه
ياسمين: مستر زين جلسه التصوير جاهزه
زين : ياسمين أنا عايز جوده نجم سينمائي و غلاف كل الصفحات عايز النهارده مصر كلها تنام وهيا بتتكلم عن رجل الأعمال الجديد المليونير جوده السيد يخربيت اسمك شحات
جوده : زين انت عايز تحبسني
زين : ياض عيب بقا أنا معاك خش
ياسمين: جوده خش مع الاستايلاتث والمصفف هما عارفين شغلهم كويس
زين : ياسمين تعالي معايا
ياسمين: تحت امرك يا مستر زين
بعد الدخول الى المكتب
ياسمين: تحت امرك يا مستر زين
زين. : شوفي يا ستي اول حاجه عايز حد من الشؤون القانونية ينقل ملكيه الشركه بتاعه ريهام ل جوده ويعمل توكيل يخليه معايا
ياسمين: تمام
زين : ثانياً عايز السجل الضريبي بتاع ريهام مكمل في التعاملات مع البورصه زاي ما هو بس بأسم جوده
ياسمين: تمام
زين : ثالثاً عايز قيمه الصفقه اللي هو ٧٠ مليون جنيه يتعمل على ١٠٠ سهم ويطرح في البورصة بس قبل طرحه اكون عارف
ياسمين: تمام بس السهم في شركه اي بيبيع اي جوده
زين: منا بقولك يا ياسمين بنفس بطاقه ريهام الضريبة يعني شغال في المقولات والأسهم بتتباع على أنها شركه مقاولات
ياسمين: اه تمام تمام
زين : قصادك أد اي وتخلصي
ياسمين: بكره
زين : تمام نص ساعة يكون كل ده خالص شغلي مكتب المحاسبين كلهم معاكي
زين : فين مدير الشؤون القانونية
ياسمين: لسه مبلغتوش
زين : طب ياله يا ياسمين
باب المكتب فتح
جوده : أنا لو اتحبست الوقتي مش فارق كفايه اني شوفت نفسي نضيف
زين : أترزع أما اشوف هعمل معاك اي
باب المكتب بيخبط
زين : ادخل
استاذ خالد: تحت امرك يا مستر زين
زين : اتفضل يا استاذ خالد ياسمين فهمت حضرتك أنا عايز اي
استاذ خالد: بتقول حضرتك عايز عقود ملكيه ورد ملكيه
زين: بالظبط طلع بطاقتك يا جوده
جوده : خير يا زين هو أنا هقسط البدل دي ولا اي
زين : ياعسل أنجز قصادي ساعتين ولازم اكون عند ريهام
جوده : تمام خلاص خد
استاذ خالد: امضي هنا يا استاذ جوده
جوده : اهو
استاذ خالد: مستر زين امضي هنا
زين : تمام
استاذ خالد: تمام باقي العقد هنفذه في مكتبي
مستر زين: تمام تقدر تشوف شغلك يا استاذ خالد
خالد : تمام بعد اذنك
جوده : أنا مش فاهم حاجه
زين : بقيت صاحب شركه يا معفن اي خدمه
جوده : زين انت بتعمل اي هو في اي بجد انا مش فاهم حاجه
جوده : منا لما حبيت افهمك أتريقت عليا
ياسمين: مستر زين تمام
زين : برافو عليكي يا ياسمين عايز بقا حمله إعلانية على كل الموقع عايز صور جلسه جوده تلف السوشيال ميديا كلها
ياسمين: اعتبره حصل
زين : تمام جوده أنا ماشي عايز تيجي معايا
جوده : لا أنا الحق اروح ل اسماء تشوفني ب الشياكه دي قبل ما الهدوم تتكرمش
زين : تتكرمش يا عربجي انت عارف انت لبس ماركه اي
جوده : مش عايز اعرف كفايه سعرها اللي كل ما افتكره ابقا مش طايقك
زين : والخمسين مليون اي نسيت
جوده : هقولك اي بس منك لله هنرجع نشحت تاني وبكره تقول جوده قالها
زين : صحيح يا جوده امك بطلت تعمل شكشوكه ولا اي
جوده : مش كانت وحشه الوقتي بقت حلوه
زين : طب والله نفسي فيها بقالي كتير
جوده : هقولها لما اروح
زين : لا بكره هاجي أفطر معاك الصبح
جوده : خلاص ماشي اهو بالمره تخدني في سكتك بدال ما اتمرمط في الموصلات
زين : اي ده لا مش هينفع انت بقيت وجهه
جوده : اه اي رايك
زين : كتك وكسه المهم بتعرف تسوق أصلا
جوده : لأ
زين : خلاص انزل ل عم محمد هقوله يعلمك علشان تاخد عربيه من الجراچ خليها معاك روح وتعالي بيها
جوده : ياعم خف دلع بقا علشان لما نرجع نشحت نعرف نعيش من غير ما ننتحر
زين : متقلقش سلام
جوده : سلام يا برنس
