رواية الشيعي وبنت الانبار الفصل العاشر بقلم بنين البصراوي
في صباح اليوم الثاني
ادهام بويه رجليه تكسرن
محمود تستاهل اذا انت وگفت براس الجوبي ماصدگت من گالو الفرقه احم لحد ما گالو باي وانت تردح
ادهام على كيفج عيني حمديه انت عايز مثلاً حالك من حالي رجلينة ب الرگص سوه
محمود خو راشد بس فتح رجله كال البيه خير يكضني
خلف هههههه ماتشوفونه غاط بسابع نومه
راشد صباح الخير
ادهام صباح العسل
راشد بصدمه هاااا
ادهام وثول شبيك
راشد ماكو شي اله عريسنه وينه
ادهام صدك عباس وين
عباس گعدت ب ٦ الصبح منتضر ابوي الثاني
اجه عثمان من الانبار
استقبله عباس ب الاحضان
عثمان هلا بويه مبروك وانشالله ب الرفاه والبنين
عباس الله يبارك بيك باس راسه
عباس تفضل تفضل
عثمان زاد فضلك
عباس يابه هذا حجي عثمان ضليت يمه ب الانبار
عثمان السلام عليكم
ستار وعليكم السلام والرحمه زارتنا البركه والله عباس سولفلي هواي عليك
عثمان ربي يحفضك انشالله هم عباس سولفلي كل الخير عنكم
عباس من رخصتكم انا اروح اشوف الشباب
دخل ع الشباب
عباس صباح الخير
ادهام لا هله زعلان عليك
عباس عاد انت الحبيب اهم شي ماتزعل مني اجه وگعد يمه
ادهام اليوم تزوج والله مامصدك عيوني اخوي الزغير اليوم يعرس
عباس هههه انا ما ادري شنو الشي المسويه عد ربي حتى رزقني بهيج اخوان مثلكم
راشد گومو خل نصلي وبعدين يصير خير
خلف يلا
عباس انا اروح اسويلكم ريوگ
ادهام مو تسوي جاي خل محمود يسويه متعود على جاياته يخبلن
محمود خجلتني
ادهام امداني
خلف هههه
راشد يالله ترا مايصير العريس بعده مرايح
صلو الشباب وتريكو وطلعو
وصلو ل بيت ستار ونزلو تلكوهم الشباب ب الهوسات والااهازيج
كوثر اجه امس ابوي ب الليل وگال صديق عباس طلب ايدي وابوي وافق يعني جاي ينطيني علم بس استهضمت منه تعرفت على عائشه وطلعت بنيه حبابه كلش حقه عباس يحبها الصبح طلعنا للصالون سوت شعرها وحطت مكياج خفيف لبست ساعه ذهب وفستانها جان كلش حلو خلصت ورحنه لبيت جدي ضلينه هناك هوسات ورگص
الساعه بـ 4 العصر اجت الزفه وطلعنه
عباس الي ممصدگ هذا اليوم وعائشه الي احساسها تخربط بين كلشي
وصلو لبيته ودخلت
الساعه بـ 7 بليل
بدت الناس تروح وبقت ناس قليله بس ام خلف وكوثر وام عائشه
بيت ستار
الشباب منجمعين يسولفون ع العرس ادهام وراشد ومحمود نامو ولحگهم خلف دخل ستار ضل صافن عليهم ويضحك
طلع وسد الباب
♡̷♡̷♡̷♡̷♡̷♡̷♡̷♡̷♡̷♡
عبـاس دخل للغرفه وراح ل عائشه الي جانت ترجف من الخوف راح الها وحضنها حيل
عباس اااخ شگد جنت منتضر هاي اللحضه من توگفين گدامي وتصيرين حبيبتي مرتي ام بيتي
بقفص صدري اضمك كون بليل..💕
واشوفن ياهو بذنك حجى بليل..💕
احبك بل اموت عليك بليل..💕
امسودن والخلك بين عليه..💕
♡̷♡̷♡̷♡̷♡̷♡̷
گعد عباس الصبح وشاف عائشه ويتمعن بملامحها فتحت عيونها واجت بعيونه
عباس صباح الخير
عائشه گوه طلعت منها صباح النور
عباس هيج ناشفه لا حبيبي لاعمري
ضمت راسها جوه اللحاف وضل يضحك حضنها گام سبح ونزل تلگنه ب الهلاهل
وباركوله نزلت عائشه وراه وهم هلهلولها وضلن يهوسن شوي وعلى صوت الرصاص دخل عباس وكعد تريگ هو وعائشه وهيه گوه تاكل
♡̷♡̷♡
للعلم راشد طلب ايد بنت جاسم الجبيره وافقو بس منتضرين بعد يروحون للانبار يجيب اهله ويخطب رسمي
الشباب
گعد راشد اول واحد شاف الساعه وطفر
راشد يووولي كومو الساعه ب ٩ خل نروح لعباس
ادهام وسم
محمود والله نعسان
خلف باجر باجر
طفر جاب ماي وذب عليهم
ادهام لايا••••
خلف نعل ابوك
محمود شتعلو اهلك رشودي
طفرو عليه وضلو يركضون وراه لزمو كتلوه ومشعو شعره
راشد ااااااخ رجلي مكسوره ستوها والله
ستار شكووو دخل شافهم وضل يضحك على وضعهم شلون كاتلين راشد خطيه
ستار يلا امشونه للعريس
الشباب يلا
وصلو للبيت واگفين بره سمعو هلاهل النسوان شالو السلاح وضلو يرمون
طلع باركوله كلهم
ادهام يلا احنا نترخص
عباس وين
ادهام للانبار بعد وين
عباس ضلو هنا يومين بعد
ادهام لا خويه رحم الله والديك الف مبروك وانشالله الذريه الصالحه
عباس الله يحفضك ويوم الك انشالله حضنه حضن الوداع وهمس يم اذنه ماراح انسه جميلك وگفتك وياي لو لاك جا هسه بعدني ب الانبار اثرم بصل براس عمر
ادهام هههه بخدمة الطيبين
راشد اخوي الغالي سند
عباس بعد اخوك وگلبه
محمود الله وياك خويه والنعم منك اخو ونعم منك
عباس الله شاهد معزتكم بگد خلف انتم اخوان دنيا سند وعزوه الي
الشباب مع السلامه طلعو وراها بساعه طلع حجي عثمان وتوفيق
كوثر گمت سويتلهم غده ودخل عباس
كوثر مبروك خويه انشالله تفرح بجهالك
عباس الله يبارك بيج يارب جان ضميري مامرتاح من ناحية كوثر بس ريحتني بكلامها
عباس صعد للغرفه بدل وگعد يرتب ب ملابسه وطلع على السطح گعد
عباس آخ ياهوه البصره ويا گاع البصره
عائشه طلعو النسوان وصعدت للغرفه بدلت وصليت حسيت عباس دخل فرش سجادته وصله خلص صلاة ولزم القرآن كعد يقره ضليت گاعده ع الجربايه واسمع صوته حبيت صوته بعدين حبيته وهسه زوجته الحمد لله ربي
عباس صدق الله العلي العضيم
عائشه تقبل الله
عباس منا ومنكم
عائشه اصب غدا
عباس اي والله
عائشه للمطبخ احضر بس ما اندل المواعين البيت حلوو كلش وجبير ماشاء الله
عباس دخل للمطبخ طلع المواعين وضل يصب وياها
عباس تعاي ناكل ب الحديقه الجو حلو جنه مقبلين على الشته
عائشه يلا
عباس شال الصينيه وطلع
گعدو يتغدون ب الحديقه
عباس شبيج بويه ليش ماتاكلين
عائشه مابيه شي هاه جاي اكل
عباس تدرين هسه انا اسعد انسان ب الدنيا
عائشه انشالله دوم
عباس بس ناقصني شي واحد طفل يشبهج
عائشه متقصد يخجلني
عباس اكلي هاج
عائشه الحمد لله يارب زوج صالح واخلاقه هي منبع رجولته ربي لك الحمد
♡̷♡̷♡̷♡̷♡̷♡̷♡̷♡̷♡̷♡̷
