رواية دكتوره رفيف الفصل العاشر بقلم جمانه السعيدي
البارت العاشر والاخير
جمانه السعيدي
رفيف...بقينا على تواصل كل يوم نحجي بليل اني ويااا
لمن تعودنا على بعض
وبديت احسه يحبني ومهتم بيه
بس كان خايف ومتردد بسبب الفرق الي بينا
اني ابد ماكنت احس بفرق لان الشهاده شي والإنسانية شي ثاني مرات انسان عندا شهاده عاليه ويكون اناني
لو مغرور لو بخيل لو ماعندا احساس
ومرات انسان بسيط وكله حب وتضحيه ويساعد الناس حتى بدون مايفكر بالمقابل
اني شخصيا كنت ارتاح من احجي ويااا
مااحس اكو فرق بلثقافه بينا
الحد مااتصل بيه بشهر الثامن من سنة الالفين وهو فرحان
هاشم...هلوو دكتوره ياوجه الخير
رفيف...مو كلنا بلا كلمة دكتوره هاي رفيف وبس
هاشم...لا انتي دكتوره واحلى دكتوره اسمعي الاخبار الحلوه
رفيف...يالله كووول
هاشم... اخوي الي حجيتلج عنه اختفى سنة ٢٠٠٨ شكد دورنا علي ومالكينا الصراحه ايسنا وبطلنا ندور
وقدمنا بلاغ بكذا مركز شرطه وماكو فايده
الحد مقترح علينا ولد صديق نقدم على ضحايا الارهاب
وفعلا قدمنا معامله
المعامله قدمناه سنة ٢٠١٤ يعني بعد ست سنوات على اختفائه وكنا ياسين منه لان هاي الدوله ماكو وراها خير
المهم قبل فتره رجعنا حركنا المعامله وسطنا ناس حتى تمشي وقبل فتره دزو علينا المعامله مشت
واخذنا تعويض من الدوله مبلغ محترم وقطعة ارض
وراتب تسجل باسم امي
جمانه السعيدي
صحيح احنا مافقدين الأمل يرجع بيوم من الايام بس الحمد لله والشكر
رفيف...انشاء الله يرجع بلسلامه
هاشم...انشاء الله اني راح افتح مشروع خاص بيه واشتغل ليل نهار لان اريد اخطب
رفيف...من كال اخطب ضجت مااعرف ليش
بس رديت علي بيه الخيرررر
هاشم...بس ماسئلتيني منو العروسه
رفيف...ليش اني اعرفه
هاشم...عز المعرفه بس خليه مفاجئه بوقته احسن
رفيف....حسيته يحجي عني وشويه اطمنت
بدا هاشم مشروعه ولله فتحه علي من اوسع الابواب
وكان كلشي يصير وياا يحجيلي وياخذ رائي بلزغيره والجبيره
كنت لازمه التليفون ٢٤ ساعه لان يتصل على طول
حتى اهلي لا حظو انشغالي عنهم
كل وقتي احجي بلتليفون
الله فتحه على هاشم من أوسع الابواب وكانما يجازي على
طيبة كلبه وحنيته على اهله ومساعدته للناس
جمانه السعيدي
ومشروعه كبر اكثر واكثر ورغم ازدحام العمل
ماتفوت ساعه مايتصل عليه مرات يتصل ويبقى يحجي ويااا الزباين واني على الخط
لو يتصل واني عندي مريض ابقه فاتحه الخط وهو يسمعني حسيته هو العوض من رب العالمين
بداية سنة ٢٠٢٢ قرر يصارحني بحبه رغم كل تصرفاته ادل هو يحبني واني متأكده من هذا الشي
اتصل عليه واول مافتحت الخط
هاشم...احبج
رفيف...شنو
هاشم ...احبج واموت على ربج الخلقج
رفيف....بعد وكت
هاشم...جنت منتضر اشتغل واكدر اكون نفسي حتى اصرف عليج وماتكولين اخذني دكتوره حتى اصرف علي
احبج يااحلى دكتوره
رفيف...اني هم احبك
هاشم....الله شكد حلوه طالعه من حلكج عيديه الله عليج
رفيف...احبك لان انت رجال لان كلك انسانيه وشهامه
هاشم...وبس
رفيف...لان انت العوض من رب العاملين
هاشم...يمته اجي اتقدملج عندي قطعة ارض اسجله بااسمج والمهر الي اطلبي
رفيف....مااريد لا ارض ولا فلوس وجودك بحياتي كلش كافي عليه
هاشم...بس عندي طلب اني مااكدر اعوف اهلي لان ماعدهم غيري اذا تحبين نسكن بلطابق الثاني بيتهم
او نأجر بيت قريب عليهم
رفيف....الي ماله خير بااهله ماله خير بلناس
هاشم...فدوه الكلبج حبيبتي
رفيف....خل احجي وياا بابا وارجعلك خبر
هاشم..تمام
جمانه السعيدي
حددنا موعد واجو اهله خطبوني كنت سعيده بشكل مو طبيعي طايره من السعاده
اما بمهري كانت المشيه مااكدر احجي عنه انسدت الشوارع من كد ماجاب ناس عدد مو معقول
كان كاشخ طالع يخبل واني لبست بدله موف بلا ردن
ومنفوشه من جوووا
اول ماشافني كال من شر حاسد إذا حسد
اني شلون راح اتحمل هذا الجمال كله
الله يحفظج اليه حبيبتي انتي
جمانه السعيدي
هدية زواجنا سفره شهر الاربيل من بابا وماما
امه وابو احن واحلى ناس بلدنيا
عمي يوصلني ويرجعني من الدوام كل يوم وماتنزل كلمة بويه من السانه
وخالتي شايلتني شيل حتى امي ماتسوي مثله
وهاشم.ماتنزل كلمة حبيبتي من السانه ابد
بعد شهرين زواج حملت وكانت الفرحه ماتنوصف بلبيت
هم اهلي واهله
الحمد لله الله مفضل عليه بلنعم كله
سابع شهر للحمل كان المستشفى كله يحجي بمصيبة اسامه
اسامه صار خمس سنوات زواج اول ٣ سنوات ماكو اطفال
والسنه الرابعه صاير عندا ولد وبعدين بنيه
بس مكتشف بالصدفه هو عقيم
واكع مريض كلش وأثناء التحاليل مكتشف هو عقيم
ومتعارك وياا زوجته ورافع عليه قضيه
إثبات نسب والفضيحه منتشره بمنطقتهم وامه من الهبطه واكعه مريضه ووحدا من الكليتين وواكفه
وهي هم ادخن بشراهه صاير الموضوع كلش صعب عليه
حالة امه تعبانه جابه دكتور بغداد دكتور معروف كان يداوم بلمستشفى مالتنا
والدكتور طالب منه تحاليل وجابه واجه يكمل تحاليله
لان يمكن تحتاج عمليه
اني شكلي على الحمل تغير هوواي صرت اخبل
حتى البنات وياي يكولن احنا بلحمل نصير نخزي وانتي تخبلين كولي شنو السر
ماكو اي سر غير الراحه النفسيه الي عايشه بيه
زوجي انسان محترم ويحبني واهله احسن ناس ودوامي مرتاحه بي
هو هذا سر جمالي ماناقصني شي ولله الحمد
اليوم الي اجا بي اسامه للمستشفى علمود تحاليل امه
اني كنت لابسه نفنوف حمل كابوي ميديم حلو زخمه وبعدين
كسرات وكشكش زغير من جوه وبي تطريز ورد احمر من جه وحده من جوا
ولا بسه حذاء فلات ابيض مشسوره شعري ولا بسه طوك ابيض وخاله مكياج هادي حلووو
كنت سامعه كل اخبار اسامه واعرفه لان المستشفى كله يحجي بي
دخلت لللمستشفى صعدت بلمصعد اول ماطلعت من المصعد شفته واكف باب غرفتي حتى انطي ورقة للتحليلات لان الدكتور بعدا مجاي
بس شافني طلعت كدامه بقه يباوع عليه امشي وبطني كدامي
اسامه....صباح الخير
رفيف...صباح الخيرات اهلا دكتور شلونك شلون صحتك
اسامه....تمام الحمد لله بعدين تحسر
رفيف...سلامات خوما اكو شي
اسامه...امي مريضه واجيت اسوي كم تحليل يمكن تحتاج عملية رفع كلى
رفيف....سلامته الف سلامه عليه انطيني الورقه
جمانه السعيدي
راسا دك التليفون
باوعت هاشم
رفيف....هلو حبيبي اي وصلت تمام اي عمو وصلني
اذا احتاجيت شي اتصل عليك
لا بعدين يمي مراجعين عيب بعدين
خليت ايدي على التليفون وكتله احبك بهمس
نزلت التليفون جان اشوف اسامه بباوع عليه بطريقه غريبه
مااعرف افسر نضراته ابد حيره على ندم على حزن
كتبتله مجموعة التحاليل وانطيته الورقه
رفيف...الف سلامه على الولده سلملي عليه
اسامه...يوصل شكرا
طلع.من الغرفه واني حسيت نفسي ضايجه علي كلش
خطيه الي صار وياا مو هين ابد
اخر الدوام اجا عمي ياخذني نزلت جوا شفت اسامه لازم امه وهي ماتكدر تمشي ووجه اصفر
قربت عليهم
رفيف....شلونج حجيه الف سلامه عليج ماتشوفين شر انشاء الله
باوعت عليه وكالت الله يسلمج
رفيف....دكتور أسامه اذا تحتاج شي مايردك غير السانك
اسامه...الله يسلمج
ام اسامه...منو هاي
اسامه...هاي الذهب رفيف الي بدلته بتراب امشي الله يخليج حجيه
رفيف.... دعيت من كل كلبي الله يشافي امه خطيه متعلق بيه حيل
الدكتور قرر العمليه بعد يومين واسامه دخله بلمستشفى
واني من ضمن عملي افتر على المرضى الي بجناح الباطنبه
كل يوم
كنت اروح واطمن عليه وعلى وضعها بستمرار
الحد قبل العمليه بيوم
كنت لابسه صدرية حمل سوده وبدي ابيض ورافعه شهري كبايه وتراجي حلق شكلي كلش حلو ومرتب
دخلت عليهم للغرفه
رفيف...صباح الخيرر شلونج حجيه
ام اسامه...الحمد لله الله يسلمج
اسامه...شكرا دكتوره تعبناج ويانه
رفيف....لا ماكو اي تعب اهم شي اليوم تلتزمي حجيه
وناانشاء الله باجر العمليه وتخلصين انتي قويه حجيه
لا تخافين سهله انشاء الله
طلعت من الغرفه وصاح وراي اسامه
اسامه...دكتوره رفيف
رفيف...نعم
اسامه...شلونج انشاء الله بخير
رفيف...الحمد لله سكت شويه
رفيف...اكو شي محتاج شي لا تخجل
اسامه....سعيده بحياتج
رفيف....نعم وانت شنو علاقتك بلموضوع
اسامه...بس حبيت اطمن
رفيف....الحمد لله والشكر ماناقصني شي
اسامه....اصلا مبين عليج مايحتاج سؤال صايره احلى من قبل الف مره
رفيف....من رخصتك عندي شغل
عفته وهو يتحسر بيوم العمليه حضرت وياا الدكتور
العمليه استمرت ساعه ونص كدرنا نشيل الكلى التعبانه
والعملية نجحت
بس طلعت راسا اسامه اجا عليه وكال طمنيني
رفيف....الحمد لله نجحت العمليه الف مبروك
اسامه...الله يبارك بيج
جمانه السعيدي
بيومها كان عيد ميلادي واجا هاشم اخذني من المستشفى
كان لازم ايدي ونمشي ونسولف ونضحك
طلعنا من المستشفى واسامه كان داخل جايب علاج
وجاي بقه بس يباوع علينا
هاشم...هذا شبي ليش هيج يباوع
رفيف...ايجوز مشبه
هاشم...مشبه عليه لو عليج
رفيف....مااعرف لاتعكر هاي اللحظه الحلوه يله نحتفل
هاشم...بلاول عندي الج مفاجئه حلوه غمضي عيونج
رفيف....يله غمضت
هاشم...ممنوع تفتحين
رفيف...خاف اوكع
هاشم...توكعين واني وياج يله وصلنا يله وصلنا افتحي عيونج
رفيف....جذب الله عليك هاي السياره اليه
هاشم....تستاهلين احلى منه اني كم رفيف عندي
رفيف....حضنته وبسته وكمت اكمز كدام الناس نسيت نفسي
هاشم...بطنج يمعوده لا تكمزين
رفيف...مو اني وبنتي جاي نحتفل
هاشم...تفضلي ياست الكل
رفيف...واني ادخل للسياره صارت عيني على الشباك بلطابق الثاني شفت أسامه يباوع علينا
كلت بكلبي من شر حاسد إذا حسد
تم الحمل على خير وجبت بنوته تخبل سميته جمانه
الكل مخبوص بيه سوالفه يخبلن
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
