رواية سراب الفصل العاشر بقلم جمانه السعيدي
سراب...كلش ماارتاحيت السامر
اكو انسان بس تشوفه ترتاح نفسيا حتلو ماتعرفه
واكو مجرد نضره وحده اله تخليك متوتر وعصبي
هذا الاحساس الي حسيته بس شفت سامر مااعرف ليش كرهته
كملت شغلي ورحت للمشتمل
تمددت واني اكول شكد رحمة رب العالمين واسعه ماهان على رب العالمين اتبهذل اني والجهال وهو يعرف اني مضلومه
خله هذا الرجال ابو السوبر ماركة بطريقي
وهاي الحجيه الي هداها اليه واللجهال وحتى رائد
مبين حنيين وكلبه جبير
كون رب العالمين يتممه عليه بلستر
نمت ماكعدت اله العصر مصطفى كعد عطشان ويبجي
شلته وطلعنا من المشتمل حتى اشربه مي
لكيت الحجيه توها كاعده من النوم
سراب...حجيه اخذر جاي
الحجيه...اي
شربت مصطفى ماي وخليت القوري على النار راسا اجا أنمار كاعد من النوم ومالاكيني وجاي يبجي
شويه وكعد رائد
جمانه السعيدي
شربنا جاي ورائد كام يلعب وياا الجهال
الحجيه...عندج تليفون
سراب...عندي تليفون عادي بس بقه ببت طليقي لان ماقبل ينطيني اي شي لا ملابسي ولا تليفوني
الحجيه...اني اجيبلج تليفون
سراب...مااريد مااحتاجه قابل عندي تجاره لو احد يذكرني ويتصل عليه
صار يومين من طلعت ن بيت خالي ولا سئل عني عبالك
ماصدك يخلص مني
لو وحده من بناته يقبل يومين مايعرف اخباره
بس مااكول غير اليه رب العالمين هو اهلي وناسي
احمده الف مره لان عرفني عليكم
الحجيه...ولله انتي مبينه بت حلال ونفسج عزيزه
جمانه السعيدي
لليل حضرت العشى وكعدنا نتعشى وهم الجهال واحد كعد بحضن رائد وواحد كعد بحضني
كملنا وشلت المواعين
راح أنمار جاب الطوبه وكامو يلعبون سويه هو ورائد ومصطفى واني نضفت المطبخ
اريد اخذ الملابس للغساله جان اجتني الطوبه ضربتني براسي
سراب...اي
رائد...منو ضرب ماما
أنمار....مصطفى
رائد...يله روحو اعتذرو وبوسو ماما
سراب...ماصار شي يله تنامون
رائد...بعد وكت خل نلعب شويه
سراب...عندك ملابس اغسلهن لو بس الي بلحمام
رائد..لا ماعندي
رحت للحجيه...حجيه عندج ملابس اغسلهن
اي ذني طلعت ببهن اليوم
اخذتهن وطلعت راسا اجتني الطوبه ضربتني مره ثانيه
عفت الملابس وشلت الطوبه منو ضربني
راسا أنمار ضحك وختل ورا رائد
اجيته ركض من الجه الثانيه راسا شاله رائد وخلا بحضنه
رائد...كووول اسف بسرعه
سراب...لا بعد ماكو لعب يله حتى تنامون
أنمار.. اني انام يم عمووو
مصطفى...اني عمووو
سراب...لا انام كلنا بغرفتها ماكو عمو دوختو اليوم
رائد..بلعكس اليوم احلى يوم مر عليه صار خمس سنوات
مامرتاحه نفسيتي مثل اليوم
عوفيهم واذا نامو اني اصيح عليج
رحت غسلت الملابس ونضفت الحمام وغسلت الطرمه لان بلنهار حاره مااكدر اغسله
رجعت لكيتهم نايمين ثنيبنهم
سراب...نامووو همزين خلصنا من هاي الدوخه
رائد..لا تكولين دوخه ذوله نعمة من رب العالمين
سراب....تحسرت بحزن
رائد...ليش تحسرتي
سراب...كعدت على الجربايه بصف الجهال وهو كاعد على الكرسي كبالي
سراب...تحسرت على عمري الي ضاع والمسوليه الس شلته من وكت واهلي الي عافوني بهاي الدنيا الصعبه وحدي
جنت شاطره بلمدرسه وامي جبرتني اعوف الدراسه وازوج
واني بلخامس اعدادي علمود تخلص من مسوليتي
وتأخذ راحته
ازوجت واحد بقه وياها ست اشهر وطلكه
وبعدين تعرفت على واحد ثاني باعت البيت الي بي ريحة ابوي وراحت للبصره قشمره وشترا بيت وسجله بااسمه
والمصيبه حبلت وجابت مصطفى
بعد سنه وكم شهر زواج طلكه وشمرها هي وابنه
طول هاي الفتره ماتسئل عني ولا بحالي بس ملتهيه بنفسه
بعدين رادت تتخلص من هذا الطفل شمرته عليه وشردت
اني ضحيه دائما اتحمل أخطاء امي
رغم الاهل هم الي لازم يتحملون أخطاء أبنائهم
بس اني الايه انعكست عليه
زواجتي كانت اتعس زواجه بلدنيا كله
واحد بخيل واناني وصاحب علاقات ومشغلني خدامه بيت اهله
ونص بطني جوع حتى الاكل حسره عليه
بلولاده الدكتوره خافت اجيبني لان عندي فقر دم حاد
وتحملت وصبرت لان ماعندي احد بهاي الدنيا يحميني
زوجي المحترم ماعاجبه هذا الطفل يعيش وياي بلبيت
رغم اني اركض طول النهار حتى ارضي هو واهله
شمرني بلشارع وانطاني ورقة طلاكي وحتى ابنه كال مااريده
جمانه السعيدي
من اشوفك تلعب وياا الجهال اكول هذا انسان غريب
وهيج تعلق بيهم ويحبهم
ليش ابو ابني مايريده وامي الي كلبه من حجر شمرت هذا المسكين عليه ونهزمت لا فكرت بي ولا بيه شلون راح نعيش
اني كلت للحجيه امي ماتت
لان اني مااعرف هي عايشه لو ميته بلنسبه اليه ماتت
من تخلت عني وعن اخوي وعافتنا بهاي الدنيا الصعبه
دوختك بقصتي مااعرف ليش طلعت الي بكلبي كله
رائد...انتي شكد صبوره شايفه الضيم كله وصابره
سراب...ماعندي حل ثاني
خل اخذ الجهال انومهم دوختك بلحجي
رائد... بلعكس اني اليوم عشت يوم مختلف عن كل يوم
سراب...اخذت مصطفى نومته بفراشه ورجعت على انمار
اخذته ورجعت على رائد
سراب...اساعدك تصعد على الجربايه
رائد..ياريت
سراب..قربت حضنته وصار قريب عليه كلش رغم ريحة الجكاير بس عطره طيب
رائد...حبيت ريحته حبيت ريحة شعرها حبيت قوته
سندت نفسي لان ماتكدر عليه وحدها وصعدت على الجربايه
سراب...اغطيك
رائد...ياريت يمكن اني زودت الحمل عليج
سراب...ياريت كل الحمل مثلك على الاقل انسان حساس
وشخصيتك حلوه
كل الناس الي مرو عليه بحياتي شما اتعب وياهم لا حمد ولا شكر
رائد....الف شكر اللج
سراب...تصبح على خير اطفي الضوه
رائد...اي
سراب...طلعت واني اكووول كون كل الناس تقدر مثلك
وتحترم المقابل جان ماخربت الدنيا ابد
جمانه السعيدي
رحت للمشتمل غسلت وبدلت لبست الدشداشه القصيره
الي جابته الحجيه ونمت
ثاني يوم كعدت غسلت وبدلت لبست تراك بنفسجي جلد النمر وشلت شعري خليت معطر وطلعت
بديت انضف بلترك لان الجماعه بعدهم نايمين
ولميت الملابس على الحبل
ودخلت للمطبخ اشوف شحضر غدا
طلعت لحم خليت على النار
سحبت المواعين وكع واحد ونكسر
دنكت المه سمعت رائد
رائد...سراب خوما اتاذيتي
سراب....عفت كلشي ورحت يم باب الغرفه لا مااتاذيت
اسفه وكع غصبا ماعليه كعدت
رائد...لا هاي هي كعدت الساعه بلعشره ممكن تجين تساعديني اطلع اغسل
سراب...صار فتحت باب الغرفه ودخلت فتحت الضوه
...صباح الخير
رائد...صباح الخيرات....اباوع عليه شكله شكد حلو ونازك
طالعه حلوه اليوم
قربت عليه واجا عطرها عليه ترس خشمي
خليت ايدي على كتفه ودفعت نفسي بايدي الثانيه
ونزلت على الكرسي اكيد اني ثكيل عليه وماتكدرلي
الصراحه حبيت قربه مني
سراب...طلعته للمغاسل ورحت احضر الكهوه
شويه وكعدت الحجيه
حضرت الريوك وكعدنا نتريك
وكل شويه رائد وكال يمته يكعدون أنمار ومصطفى
اريد اللعب وياهم
للضهر هم بين سامر اجا فتحتله الباب وبقه يباوع عليه
نضرات سخيفه مثله
بقه يلاحقني بنضراته وين مااروح
وكانما منتضر الفرصه حتى يحجي وياي
او اكو عندا شغله يريد يكوله
بس ماكو مجال لان رائد والحجيه كاعدين يمه
واني هم اي مكان موجود بي اطلع منه
اسمعه يسئل رائد وينه ابنه
رائد...هذا ابنه
دنك علي علساس يبوسه وعضه حيل من خده وانمار صرخ صوت وكام يبجي
رائد...هاي شبيك ليش عضيته شبيك
اخذ أنمار لحضنه يسكته اني اجيت من شفت أنمار بحضن
رائد رجعت للمطبخ
مااريد احجي وياا مبين كله سم
بس شيريد مني ليش حاقد عليه
