رواية ناديه الفصل العاشر 10 بقلم انين الليل

مرحبا حبيت انوه انه بعض الكلام ناديه افتهمته من كبرت 

اتمنى يعجبكم البارت

.................. 

ناديه 

اجت امي وفتحت باب الصاله وهي مرتبكه ردت بخوف كالت //منو بالباب ؟

اجاها رد ابوي بصوته المبحوح والمتعب //انا عباس افتحي 

ابوي قبل لا يروح للمركز الصبح طلع يشماغ واخذه ويا

امي سالته // شلك بي 

كلها //البسه اخاف اطلع بره المركز اوكف بالباب والدنيا بارده وانا كلش تعبان 

امي گلتله //رووح بالسياره 

- - لا ما اروح بيها يخلصوها عليه كل شويه واحد طالبها مني يخلص بيها مشاويره اروح اتمشى

امي من سمعت صوت ابوي ارتبكت وانا واكفه واشوف امي اتاشر السلدار يصير وره الباب وبس 

يدخل ابوي ويصعد هو يطلع من الباب لان هو انحصر من نزل من فوك لايگدر يدخل للصاله اخاف ابوي يجي 

ولا يگدر يبقىفوك هم يخاف ابوي يصعد فنزل وگف وره الباب وهو منگب امي فتحت الباب وهي تگل الابوي

هاا عباس اشو رجعت 

ابوي اتعجب من كلامها وسالها// شبيج مياده مريض والمدير گلي رووح 

امي لزمته من ايده وگلتله //ياالله حياتي اصعد فووك ارتاح

صعد ابوي تلث بايات بالدرج والتعب مبين علي وامي حاضنته من يم چتفه گلها// ليش الطارمه طافيه 

قبل لا تجاوبه دار ونزل وشاف المفاجأه اكو واحد منگب يريد يفتح الباب 

ابوي من شافه طفر البايات وهجم علي وهو يگله //اوگف

ولزمه قبل لا يطلع وتلازم هو وابوي الي ضربه وراد بس يوخر النگاب عنه وذاك يتلاوى ويه ابوي الچفيه وكعت 

بالكاع لان ابوي شامرها على چتفه بقوا يتلاوون وابوي يگله بصوته المبحوح //منو انت

ابوي دفع سلدار وگعه بالكاع وطلع مسدسه يريد يسحب اقسام وهو يتوعد امي ويگلها 

مدخله صاحبج بت الكلب هسه اكتلج واكتله

وهو يحجي ويه امي الي بقت ساكته سلدار بحركه وكف من وره وخله اليشماغ بركبة ابوي وابوي رافع المسدس 

يريد يرمي لكن سلدار ضغط حيل على رگبته ابوي ما سيطر يرمي اجت امي واخذت المسدس من ابوي وسلدار

 بقى يخنك بابوي بالجفيه من وره

وانا اشوف ابوي شلون يحاول يفك ركبته لكن سلدار بي وما ضغطها حيل وهو كانما يشدها وانا اشوف 

ابوي شلون يحاول لكن ما كدر وامي تباوع صافنه والمسدس بايدها 

انا اباوع لكن خفت ما گدرت اصرخ بقيت اباوع وانا اشوف شلون ابوي يحرك راسه وباديناته يحاول يفك الچفيه 

لكن ما گدر نزل ادي وصارن يرجفن هنه ورجلينه 

الى ان توقفن عن الحركه نهائيا وشفت ابوي وهو طاح بالكاع 

وصوت سلدار يحجي ويه امي على كيف

- - افتحي الكلوب 

امي فتحت گلوب الطارمه اتدنى سلدار على ابوي وحط راسه على صدره وباوع الامي وهو يرجف 

جر نفس وراح گعد يم امي الي بقت گاعده على باية الدرج وهي فاتحه عيونها بذهول وما گدرت تحچي 

اتقرب يمها وحضنها ما اعرف شنو گللها همه ما منتبهيلي انا جاي اباوع اخذ المسدس واجه يرمي ابوي

لكن امي گلتله //لاترمي صوت الطلقه ينسمع ليل والناس كلها گاعده 

هو جر حسره وبقى ساكت واگف مقابيله ويتنفس بقوه كان السكوت سيد الموقف اللحظات مرن وكانها سنين 

سلدار جر نفس وگللها // وهسه شلون 

امي تجاوب بصوت مخنوك // ما ادري سلدار ما ادري

هو اجه يمها وحضنها قربها على صدره وصار يحجي وياها بهدوء //اهدي على كيفج لا تفضحينه اهدي 

امي //شلون اهدا شلون ما تگلي تعرف شنو الي صار والي سويته 

سلدار //اسكتي مياده الي سويته على مودج ومستعد اسوي الف مره انتي بس اسكتي على كيفج خلي نفكر بعقل 

امي //ياعقل سلدار يا عقل احنا كتلنه عباس تعرف شنو كتلنا وابيته 

سلدار //مياده لو ما كاتلينه چان كتلنه افتهمي حبيبتي 

امي //ادري سلدار بس خايفه عليك

سلدار //لا تخافين روحي اتاكدي من بناتج شوفيهن نايمات 

امي //اي اي نايمات من فتحت باب الصاله شفتهن نايمات 

 - - مي خالف اتاكدي

امي دارت تريد تجي وانا بسرعه رجعت للغرفه بسرعه ونمت على وجهي بدون ما اتغطى فتحت الكلوب وشافتنه

عبالها نايمه ورجعت طفت كلوب الصاله وهي تكله نايمات 

انا رجعت اباوع من باب الصاله واشوف سردار رفع راسه ليفوك وكل الامي //جيبيلي خاولي وسويج السياره

هي بدون ما تساله راحت للمغسله البره واخذت الخاولي وانطته اله وصعدت فوك جابت السويج 

اباوع السردار مد ايده وطلع جزدان ابوي واخذ الهويه وبعدين گلها

جيبيلي سجينه بسرعه

امي بذهول //شتسوي بيها 

سلدار //مياده جيبيلي سچينه واذا عندج جديده احسن 

امي اجت للمطبخ بدون ماترد علي وانا رجعت للغرفه بقيت واگفه وانا ارجف اخذت السچينه وطلعت وكفت بنفس 

مكاني بالصاله انطته السچينه واخذها وشفته شلون ضرب ابوي بكلبه

سمعت صوت شخره صدكوني سمعت شخره وبعدين ضربه ابطنه وبصفحته وضربه بوجهه وبرگبته شال ابوي وخلا ابصندوك السياره وبالخاولي صاريمسح ادي وملابسه وصندوك السياره من بره

كلتله// شناوي تسوي وليش اخذت الهويه

هو رد عليها بدون ما يباوعلها //اخليها بجيبي اخاف سيطره تلزمني (باوعلها وسالها )اكلج وين خالين الطحين ؟

امي اشرتله ع المخزن راح يمشي ودخل وطلع شايل چيس طحين وخلا فوك ابوي ورجع اخذ چيس ثاني وباوع

الامي وگلها 

جيبي باكيت البقلاوه وعلاگه بسرعه 

انا بسرعه دخلت للغرفه وامي تمشي بتثاقل واخذت باكيت البقلاوه والعلاگه هو گللها

اسمعيني مياده راح اخذه واخلي بعيد وانا مناك اروح للكراج انام والصبح اخذ سره انتي باچر وره الظهر 

اتصلي بالعامل وسالي وبعدين خابري اهله اهم شي لا تخافين افتهمتي

امي هزت راسها رجع حظنها وگلها //هذا الشي كان لازم يصير وصار اهم شي اتصرفي عادي هي كلها اسبوع 

مو اكثر بس توصلين الاهلج كل شي ما يصير هذا كله يعتمد على تصرفج ابد لا تحاولين تغيرين من تصرفاتج 

اتصرفي عادي نفس كل يووم

صارت تبچي وتگله// انا خايفه سلدار 

هو هزها وگال //ابد لاتبينين نفسج مرتبكه وخايفه ولا تضعفين افتهمتي تره نضيع انا هسه راح اروح قبلها

راح اخلي الخاولي والشماغ مالته والسچين اذبهن بالطريق 

هي گلتله //اوگف لاتروح

تركته وصعدت فووك وجابت جنطه نسائيه شويه چبيره هو باوعلها مستغرب 

شنو هاي ؟

امي بخوف //هذني ذهبي وفلوس عندي اخذهن خليهن يمك باجر يلتمون اهله وتعاي شعنده شما عنده 

سلدار نفخ //زين يابه راح اخذهن وانطيني المسدس هم 

اخذ المسدس وخلا بالجنطه واتقرب عليها حضنها ويبوس بيها ويگلها

- - حبيبتي لا تخافين ما اعوفج لو شيصير ياالله اطلعي شوفيلي الشارع وافتحيلي الباب 

اخذ الجنطه وخلاها يمه امي فتحت الباب وهو اتنگب وقبل لا يصعد السياره رجع عليها حضنها وگلها 

لاتخافين الي صار غصبن علينه 

امي خلت خدها على صدره وكلتله// دير بالك خاف سيطره 

هو ابتسم //لعد المن ماخذ باكيت البقلاوه ايوگفوني اگلهم اخوكم منتسب وخابروني مرتي عدها ولاده 

وصار عدي ولد واوزع البقلاوه عليهم

امي رغم الخوف ابتسمت 

هو گللها //انا من اكمل اروح مناك يعني ماكو شي 

سالته //ما تخابرني ؟

سلدار هز راسه //لا كل شي يصير يجوز يجيبون خبير يشوفون منو خابر لازم نكون حذرين وهسه امسحي كل 

الارقام الي بالتلفون

ولاتنسين اغسلي البيت كله خصوصا الطارمه والدرج والباب ارجعي عليهن مرتين تلاثه

هزت راسها وطلعت امي للمره الثانيه وفتحت الباب وسلدار صعد بالسياره وهي اشرتله يعني ما كو احد وطلع 

وراح سدت امي الباب ورا وانا رجعت يم حنين وانا ارجف امي بقت تفتر وصعدت للغرفه نزلت الاكل وغسلت

 المواعين وبقت تصعد وتنزل

بعدين غسلت الطارمه البره والدرج والباب بقت الليل كله وهي گاعده مره تدخل للغرفه ومره تطلع تتمدد ع القنفه 

الي بالصاله 

وانا ما اعرف يمته نمت وكل شويه افز اتذكر شلون ابوي وسردار اتضاربوبس بوقتها ما اعرف شي 

عن الي صار 

گعدت الضحى ولگيت امي نايمه بصفي انا من شفتها بقيت ارجف هي فتحت عيونها وباوعتلي

— - شبيج ناديه شبيج حبيبتي حلمانه 

نامي ياروحي ماكو شي هسه يجي بابا يكتل الجيثوم

اريد اگلها بابا خلا عمو سردار فوگه چيس طحين بس انعگد الساني لان اخااف منها 

گامت سوت ريوك ودخلت سبحت وهي تگلي 

- - شبيج ماما حبيبتي انتي مريضه 

لزمت گصتي گالت مصخنه تباوعلي وهي تخزر بيه وتسالني 

- - شنو خايفه من شنو حلمانه منو اكلج بالحلم لو منو حرگج لو منو شمرج من فوك ياالله اكعدي اشربي حليب 

وارجعي نامي

اريد اگلها انا شفتج انتي وسلدار ما ادري شنو سويتو بابوي ولا اعرف هو وين اخذه بس ما اگدر صوتي ضاع 

جابتلي كوب الحليب وهي تگلي بامر 

- -هاچ اشربي الحليب وارجعي نامي واي احد يسالج وين ابوج طلع من امس الصبح والهسه ما رجع افتهمتي مو

انا هزيت راسي واشرب بكوب الحليب وابچي بدون صووت هي حست بيه اجت يمي وهي تخزر بيه 

مسدت على شعري وهي تگلي //ليش تبچيين شبيچ 

انا ما اگدر احچي ردت گلتلي 

- - تردين بابا اي حبيبتي هسه يجي شوفي راح اخابره هسه يجي ويجيبلج حلويات ولعابه وگلي ياخذنا للسوك 

نشتري ملابس للعيد 

انا ما جاوبتها هي گلتلي// ليش خايفه شنو حلمانه سولفيلي الحلم خلي اروح اكتله واگله ليش تخوف بنيتي حبيبتي

عافتني وراحت يم التلفون واتصلت وهي تحچي بصوت عالي 

- - ها عباس يمته تجي نونه بس تبچي ياالله تعال وجيبلها لعابه چبيره وحلويات 

اي هسه اخليها تنام لان دنيا ليل انت مو تتاخر ياالله مع السلامه 

اجت يمي وگالت ياالله نامي لان بعد دنيا ليل وبابا گال يجي ويجيبلج لعابه وحلويات ياالله نامي

انا هدئت شويه عبالي صدك راح يجي بابا ويجيبلي لعابه وعبالي كل الي شفته چان حلم رجعت نمت بس كل 

شويه افز عبالك ملدوغه وانا ارجف وعرگانه اباوع وارجع انام وره الظهر سمعتها خابرت الولد الي يشتغل عد بابا

الو ثامر 

هلا شلونك اگلك انطيني عباس اشو اليوم ما دزلنه غدا شنو نسيتو

لا هو امس خفر اليوم لازم راجع يمك 

ها يجوز بس لان هو طلع تعبان 

زين لا لا تجيب انا راح اسوي اكل للبنات بس من يجي خلي يخابرني ضروري 

مع السلامه

وراحت للمطبخ وحمت الي بقى من سهرتها هي وسلدار وجابت الصينيه وگعدتنا انا وحنين وگالت

- - ياالله اتغدن اريد هذا الاكل كله تخلصنا 

شفتها هي گلت الها باذنجانه وطلعت طماطه وخياره وخبز وصارت تاكل وبعدين شربت چاي حنين گعدت غسلت 

واكلت وانا ما اشتهيت اكل اي شي باوعتلي وگالت 

- - ليش ما اتغديتي 

انا صوتي مبحوح هزيت راسي يعني ما اريد 

اتقربت مني وگالت وهي تخزرني //ليش ما تاكلين شو احچي خلي اسمع صوتج

انا حاولت احچي گتلها ......ما اريد 

اتقربت يمي وگالت بنتر //اكلي هاج 

ولفتلي خبزه وبيها شويه كباب وكلتلي 

هاج مو تحبين الكباب الشوي هاج اكليها 

وامرتني اكلها انا كوه بلعت اللكمه لمت البقى من الاكل وخلته بعلاگه وعلاگه ثانيه ما اعرف شنو بيها وگلتلي

- - تعالي روحي ذبيهن بالزباله بالقطعه مو بهاي الحاويه اليمنه لا الزباله الي بالقطعه يم بيت الحجيه

رحت وانا ما اگدر امشي لان رجليه ماذياتني وصلت للقطعه وشمرت العلاگه چانت اكو بنيه عدها خرفان واكفه

 بالمزبله يجي عمرها ثمن سنين من شمرت العلاكه اجت فتحتها انا اباوع الها اول وحده طلعت منها الباقي من الصمون والثانيه شفت بيها الدشداشه الي امي لابستها البارحه من اجه ابوي 

شفتها خلتها راسا بعلاكه مخيطتها من كونية مالت الشكر وبنفس الوكت شفت اللمعه بعيونها يعني فرحانه بالدشداشه 

الي شهدت جريمة قتل

رجعت وانا اشوف امي گاعده ع القنفه متوتره وكل شويه تباوع للساعه الي ع الحايط 

راحت للثلاجه طلعت تمر وفوگه راشي وصارت تاكل وهي ساكته او صافنه وكانها بس تريد تملي معدتها 

صارت الساعه بالخمسه اله ثلث امي خابرت

الوثامر انطيني عباس 

امي بتعجب //ها يعني الهسه ما اجه زين زين 

لا لا ما محتاجه شي بس هو ما خابرك 

ها انا هسه اخابر اخو 

مع السلامه

سدت التلفون من ثامر واتصلت تحچي بنوع من العصبيه

الو اشلونج ام ياسر 

الحمد لله اكلج وين هادي 

رايدته بشغله بلا زحمه صيحي 

الو اشلونك ابوياسر 

الحمد لله زينه اكلك هادي عباس من امس الصبح راح وگال عنده خفاره وهو فلاونزا امس وره الفطور خابرني 

وكلي على اساس الصبح يجي اشو من الصبح الهسه اخابر بثامر يگلي ما اجه 

(سكتت تسمع الرد وجاوبت )يجوز بس تدري هو من امس مريض والفلاونزا داگته حتى اخذ السياره ويا لان 

كلش تعبان 

ابو ياسر خابر المركز لان ما يقبل اني اخابر اخاف واگع اخاف دازينه للمستشفى 

تسلم عفيه خابر وطمني تره بالي مشغول علي 

وسدت التلفون خمس دقايق ورن التلفون امي راسا شالته 

الو عباس 

غيرت نبرة صوتها //ها العفو هادي بشر 

(بقت تسمع بعدين ردت بعصبيه )شنو شتگول اخوك ما اجه من اهد امس من طلع واخذ السياره 

انت شتگول هادي قلقتني 

ان شاء الله اي خابر وطمني فدوه

نص ساعه او اقل واجت بيبي وافراح هي وجهالها وبعدين اجت عمتي سلوى ونوال 

واشوف بيبي منيره تدك على رجليها وهي تگول 

==يمه ابني ابني شلون بيه

عمه سلوى تهدي بيها واني كاعده شويه واجت بيبي جميله هي وابنها كرم اول مره اشوف بيبي جميله تحضن بيبي 

منيره وتبچي وتگلها //منيره اسم الله ابنج هسه يرجع

كرم وصلها وطلع راح يدور بسيارته واجه رجل عمتي سلوى وهم راح هو ورجل نوال يدورون 

صارت الساعه بالتسعه بالليل اجه عمي هادي واتلكته بيبي

= ها يمه وين اخووك 

عمي كوه جاوب وگال //يمه المدير من شايفه فلاونزا گايله رووح للبيت عباس طالع من المركز قبل الساعه

عشره المدير وصحبانه اكدولي هذا الشي 

امي وهي تبچي //ابو ياسر يعني وين عباس 

هادي //والله مياده ما اعرف هسه المدير عمم على كل مديريات الشرطه وانا هم راح اسإل بالمستشفيات 

افراح //هادي كرم راح يدور ورجل سلوى هو ورجل نوال هم راحو يدورون

بالعشره اندك الباب وبيبي تطفر ويه كل دگة باب عبالها ابوي رجع 

واجت نصره ام افراح تصير عمة ابوي واجو اخوان افراح اثنينهم وگالو كل واحد يروح بجهه يسال 

بيبي منيره اجت ع التلفون وصارت تدور بالرقم هادي سالها //يمه منو تخابرين 

هي ما جاوبت اتصلت ومن اجاها الرد گالتله وهي تبچي 

==عمه سراج الحك عباس من البارحه لا هو ولا سيارته تعالي عمه انا بحاجتك

وصارت تشهك وتبجي وتركت التلفون رن رفعه عمي هادي 

-الو هلا سراج 

- - ما اعرف مرته اتصلت وگالت من البارحه عنده خفاره وهو كل مره يرجع بوجهه للمحل ومن البارحه ماكو

رحت للمركز كالو مريض والفلاونزا ثگلانه علي والمدير گايله روح وما راجع الهسه للبيت 

زين بس دير بالك من الدرب على كيفك

عمو هادي گعد يم بيبي وگلها //سراج راح يجي وگلي خلي عمتي تطمن ان شاء الله ماكو شي 

=يمه ياماكو شي اذا من امس بالليل اخوك طالع من المركز وماكو وين راح 

جميله //اصطبري منيره يجوز راح للزياره گالج رمضان والمدير منطي اجازه وطلع راح يزور 

بيبي ==يزور وهو مريض وما يمر على مرته يخبرها يگلها (صارت تنود وتبچي )اگلكم ابني بي شي 

گلبي مثل النار

جميله //استهدي بالرحمن وانت ام ادعيله يرجع بالسلامه 

باوعت الافراح وگالت //كومي ام ياسر سويلج لفات للبنيات خطيه 

افراح //خاله محد اتفطر بس شربنا ماي خو اختج الهسه قطرة ماي ما خلت ابحلگها

بيبي منيره وجميله ونصره گعدن بالگاع وامي گاعده ع القنفه وخاله كل وحده بينه بجهه وحاضنتنا 

جميله //دكومي سويلج اي شي ياالله خطيه بنياته ومرته وانتي منيره لايرتفع ضغطج خو ما نلتهي بيج

افراح راحت للمطبخ وخدرت چاي وكلت طماطه وخلت جبن وجابته 

بيبي منيره وامي ما قبلن ياكلن وانا وحنين سوولنه لفات وصرنا ناكل بيبي كل ساع وحظنتني وگالت 

==ناديه بيبي وين ابوج شصار بي

انا ساكته من تسالني اباوع الوجه امي الي كانما يحذرني اگول اي شي اتذكرت شلون ضربه وخنكه سردار 

وشلون امي تباوعله صرت اشهك من البچي وبيبي منيره وعمه سلوى صارن يبچن وياي هنه ابالهن شي وانا 

ابالي شي

اجت امي واخذتني للغرفه بعد ما بيبي جميله گالت الها 

- -گومي خاله اخذي البنات نيميهن هسه هنه باقيات شعدهن 

اخذتني امي انا وحنين ودخلتنه للغرفه وگالت // ياالله نامن ما اسمع صوت

وانطتنا لعاباتنا حنين اخذت اللعابه واتغطت وانا اريد اتمدد ولازمه لعابتي اتقربت مني امي وكعدت بصفي بتعب 

وهي تمسح على راسي وتگلي //اذا احد سالج وين ابوج كليلهم طلع راح للدوام وما رجع افتهمتي 

انا ابدي اصرخ واگلها انتي كتلتي ابوي لكن خفت خصوصا وهي گلتلي 

- - بس هذا الكلام احجي لان تجي الشرطه وتاخذج وتاخذ حنين ويسجنونه كلنه وبعدين يموتونج ويموتون حنين 

يذبحوها بالسچين

وكلام يخوف هواي 

انا اتمددت ما نمت وعمي هادي طلع وكف بالباب رجعو رجل عمه سلوى وكرم ورجل عمه نوال ودخلوكل 

واحد رايح المنطقه ومنطي اخباريه ومدورين المستشفيات كرم گال م

 - - ماخليت مكان ما دورت باجر اطلع ناس يرحون المكان تجميع الزباله يدورون 

اخو افراح مرت عمي يصير ابن عمة ابوي وماخذ بت بيبي جميله عمه شمس گال 

باچر اطلع غواصين يجوز طايح بالشط هو وسيارته 

افراح //شماخذه للشط 

يا سبحان الله يجوز ما خذينه كروه

بيبي جميله گالت وهي معصبه //شنو تفاولون هيج اسم الله على عباس هسه يفتح الباب ويجي وهو يضحك 

واسمع بيبي منيره تگللها ==وچ خيه گلبي لاعب ابني ابني راح من بين اديه 

جميله //كافي منيره كافي الله والنبي واهل البيت حارسينه ان شاء الله

وهم طلعو بقو بالباب يسولفون واجه عمي هادي گال الافراح //سوي چاي اجونه الجوارين يسألون على لمتنا 

نوال گالت الامي //مياده روحي اتمددي شويه ظهرج انكسر من الگعده

امي ساكته ما تجاوب افراح گالت الها //گومي مياده گومي مدي ظهرج شويه مو زين عليج وع الجاهل الي ابطنج 

وانا هم اطلع للزلم بطانيات اهنا بالصاله

ودخلت امي هي وافراح امي اتمددت يمي وافراح نزلت بطانيات خلتهن بالصاله وانا ما نايمه كل شويه حركه 

وصوت وحچي تقريبا الساعه بالاربعه الفجر اسمع عمي هادي يگل البيبي 

يمه اجه سراج 

الي بوجهه للمغسله البره غسل وبلل شعره لان مبين علي التعب دخل وبيبي بس شافته صارت تبچي بصوت عالي 

وهي تگله ==عمه عمه راح خويك عمه راح عباس

هو اتقرب منها وكعد يمها بالگاع وگلها ::!ان شالله ماكو شي انتي سمي بالرحمن 

==عمه من البارحه ماكو سرااج اريد اخووك اريد عبااس 

سراج العبره خانگته وباس راسها ويگلها ::ان شاء الله ماكو شي هسه اطلع ادوره 

هادي //ليش احنه خلينه مكان يعتب علينه 

سراج ::اعرف بس اروح واشوف المدير واسال جماعته واكو مكانات انتو ما تندلوها بالمركز همه يندلوهه

جميله// اي عمه دور واسال تره منيره من الفطور بس گلاص ماي ما خلت شي بحلگها 

سراج ::لا شنو هاي (ودار على عمه سلوى )گومي سويلي چاي وجيبيلي اي شي اكله انا وعمتي

راحت سلوى وجابت صينيه بيها صحن جبن وصحن بيض وجاي باستكاين سراج گلها 

 :: من خابرتيني انا بس شويه تمر ولبن لان عندي شغل گلت اكمله واتفطر من سمعتج تحچين وياي عفت كل شي 

وركبت السياره حتى ما وگفت بالطريق هسه اذا ما تمدين ايدج وتاكلين انا فلا اخلي لگمه بحلگي

بيبي باوعتله وشفايفها يرجفن وهو. سوالها لفه زغيره بيض وانطاها استكان چاي هي صارت تبچي وتاكل 

وسوو لفه البيبي جميله وهو اكل لگمه وگال السلوى 

:: صيحيلي مرت عباس 

نايمه 

::مي خالف گعديها 

امي خلت شال واجت للصاله وحچت بتعب //گاعده سراج منو يجي نوم

باوعلها :: ها ام ناديه شلونج 

امي دنگت وسكتت 

::ام ناديه يمته طلع عباس 

  - - امس الصبح الساعه سبعه ونص كان فلاونزا قويه واخذ السياره وراح 

:: ها وبعدين 

- - بعدين بس وصل اتصل بيه وگلي ارجعي نامي والظهر ادز بيد ثامر غدا 

:: اي 

 هزت راسها // اي ودز الظهر غدا كباب ودجاج انا والبنات اتغدينه والباقي ضميته اتعشينا بي وره الفطور خابرني گلي 

اتفطرت لا يظل بالج وراح اخذ حبوب وانام حتى سالته گتله محد بمكانك يلزم خفاره وانت تجي للبيت هو گلي 

لا المدير صعب وشاد وياي 

بس صاحبي گلي انت ارتاح ومن يجي المدير انا اگله مصخن ولزمت ابداله

سراج ::اي ام ناديه بعد ما اتصل 

 هزت راسها // لا ما اتصل الصبح انا نايمه وره الظهر هو كل مره يجي يجيب النه غدا 

ام افراح نصره سالت // شني انتي ما تطبخين 

بيبي منيره گالتلها ==حامل ومريضه عدها فقر دم ومرتفع عدها الزلال ما تگدر توگف ع الطباخ

سراج گلها:: وشنو صار ام ناديه 

 - - تقريبا الساعه بالثنتين الظهر انا خابرت للمحل وسالت ثامر وين عباس گلي الهسه ما اجه 

سالته وما اتصل گلي لا 

هو عباس فد مره گلي اذا يجي احد تفتيش احنه نبقى مو يظل بالج 

انا هم انتظرت وهو ما يقبل اتصل بالمركز عاد اتصلت بهادي

سراج:: مفهوم بس ام ناديه اريد اسالج انتي اقصد انتي وعباس چنتو متعاركين 

هي ارتبكت //لا شنو هالحچي احنه عمرنا كله ما اتعاركنه تصير بيناتنا شوية زعل بس هو 

سوده عليه (وصارت تبچي )هو بسرعه يجي ويصالحني 

بيبي جميله //عمت عيني عليك خاله يالحنين الما تشيل زعل وحقد 

سراج ::يعني افهم انتو ما صاير امس بيناتكم شي 

امي //لا هو تعبان وفلاونزا خطيه يكسر الخاطر انوب اني ازعله 

وصارت تبچي اجت نوال وحضنتها وهي تگول //لاتبچيين مياده نلگا وين يروح

طلع سراج وعمي هادي گله// اجي وياك 

سراج ::لا وين تجي تبقى يم التلفون اي شي يصير تجي للمركز وهمه يتصلون بيه 

هادي // شلون يتصلون بيك 

:: من جهاز المحاكاة 

- - زين اجي وياك وكرم اي شي يجي يخبرنه 

:: ياالله امشي 

سراج باوع الكرم ::وانت كرم ما اوصيك اي احد يتصل صار وادلل وتجي علينه للمركز او تخابر 

كرم //ان شاء الله

وطلع سراج وهادي وامي رجعت يمي وهي تشاورني اذا حچيت غير هالكلام راح الشرطه تجي تاخذ حنين 

وتذبحها بالسچين وانا يكصون ايدي المحترگه ويحرگون وجهي 

بقيت بفراشي وكل شويه افز واباوع الحنين نايمه وانا ابچي بسكته واحاول انام واشوف صورة 

ابوي وسلداريخنكه وهو يرجف وباذني شخر واسمع امي خابرت خالي حليم وتگله وهي تبچي

- - حليم خويه الحك رااح عباس عباس ماكو 

- - خويه جيب امي والبنات وتعالو راح ابو بيتي راح حبيبي 

- - تعالي حليم تعال

صارت تبچي واجت سلوى وفهمت اخوها 

الصبح گعدت على صوت بچي وسوالف باوعت شفت جده مريم جايه هي ومرت ابنها ريتا 

والجده تصبر ابيبي تگلها //لا تخافين منيره عيسى حامي 

وطلبت شمعه وراحت شعلتها وكعدت تدعي

اما بيبي بسيمه فكالت الجنتها كومي سوي للجهال ريوك خطيه (قصدها انا وحنين واولاد وبنات عمو هادي 

وجهال كرم وبت عمتي سلوى وابنها )

اما عمتي نوال تركت جهالها يم مرت حماها 

بيبي جميله گالت //خطيه بنات عباس ريگوهن

شفت البنيه خاله كوبين حليب وچاي انا رجعت لفراشي وهي فتحت الگلوب واجت يمي كعدتني انا وحنين باوعت 

الها وهي شافتني ونشغت ولزمتني من ايدي واخذتني يم بيبي وهي تگول 

شوفوها خطيه الحراره ماليه حلگها حتى ما تگدر تحچي لو تاكل

بيبي جميله گالت //ياا كرم ياابني خطيه البنيه انصكت من الصريخ والبچي شوفي منيره شوفيها

انا ما اعرف شنو بيه بس اشوف النسوان كل شويه وحده تباوع بوجهي وشافتني جده مريم وگالت هاي مصخنه 

ومشموره ومحد منتبه الها 

افراح گالت// الليل كله تتفزز 

جميله //اي كله من الخوف والبچي خلي ناخذها للطبيب 

بسيمه// عليمن الطبيب بيت ابو سعد عدهم صخله وبس يحلبون بحلگها تطيب 

امي گالت //اي اخذوها للصخله هسه ياهو فارغ الها وياخذها للطبيب

اخذتني ام سعد وراحت وياي چنة بسيمه الي گوه نيمتني جوه الصخله وفتحت حلگي وام سعد تحلب بي بالبدايه 

بجيت لان اذاني لكن بعدين حسيت بروده بحلكي ورجعوني وكالت ام سعد المغرب هم نرجعها 

رجعت ويه چنة بسيمه ومن دخلت تلگتني امي واخذتني للمغسله وهي تغسل وجهي والبنيه تگلهم 

 — خطيه لو شايفين السانها ولهاتها چان اتعجبتوا كل حبايه اي هلگدها الله يساعدها شلون متحمله 

الجده گالت //بس هذا الشي ما يمنع تاخذ خافض حراره كومي ريتا سبحيها للبنيه خطيه مو زين تنام عليها الصخونه

واخذتني ريتا سبحتني ولبستني تراك ونشفت شعري ومشطته وضفرتني كصيبه 

وهي تمشطني اتمنيت عندي ام مثل ريتا الي الله سبحانه ما قسم الها اطفال رغم صاررمتزوجه اكثر من خمس سنين 

بعدين جابتلي صمونه منگعه بچاي وحليب وگلتلي ياالله اكليها 

اكلت شويه وبعدين دثرتني وگالت نامي

كل هذا وامي تباوع الي ولا كانه نسوان ماليه البيت وبيبي وعمتي سلوى يبجن 

الساعه بالعشره اجه سراج هو وعمي هادي ودخلو اتلكوهم النسوان سراج سلم ودخل راد التلفون اخذه واجه 

للغرفه الي انا بيها وصار يخابر

::الو صباح الخير استاذ 

اخوي مفقود هو منتسب بالشرطه وانا هسه بالبصره ما لحكت اخبركم خبرت ابو ايهم 

اعذرني هو ابن عمتي الي ربتني وتعبت عليه وهو اكثر من اخوي 

اي من خابرت ابو ايهم انطيت رقم السياره ومواصفاتها وانطيت اسمه 

تسلم استاذ الله يخليك ما تقصر

وسده وانا اشوف بيبي ورا وهي تگله 

=ها سراج عباس ماكو مو 

سراج جاوبها ::اي عمه وما طوول ما اله اسم لا بمستشفى ولا بمركز يعني ما بي شي 

بيبي هزت ايدها ==يا ما بي شي انت جاي تصبرني 

سراج ::عمه اصبرج لعد شنسوي اني رحت وهسه كل سيطرات وطوارئ البصره وحتى المحافظات صار 

عدهم علم وان شاء الله خير انتي عمه بس اهدي واتوكلي على الله وادعيله

احس بيبي هدئت من كلام سراج كلتله =لا تلومني سراج عباس انت تعرفه كل الناس تحبه وما ماذي احد عباس 

الي اخذ حياته تعب بتعب شلون بذني بناته والي ابطن مرته شلون بيهم 

سراج حضن بيبي ::عمه تحجين صدك بناته ما عليهم شي صدك وين ناديه 

اشرت على الفراش ==هاي نايمه صبحت حلگها كله طگاك من الخوف 

سراج باستغراب ::اه وينها

باوع شافني يمه متكرفصه اجه اتقرب يمي ودار وجهي وهو گال 

:: شنو هاي البنيه گابه نار خلي اخذها للمستشفى 

شالني من شافتني امي گالت //وين ما خذيها 

سراج ::شنو انتظرها تموت راح اخذها للمستشفى 

امي //اي راح اجي وياكم 

بسيمه // انا اروح انتي ابقي 

لا خاله اروح ويه بنيتي لا يصير بيها شي 

بسيمه // انا جايه وياكم

اخذت عباية الراس مالت بيبي جميله ولبستها وراحت هو خلاني بالصدر وامي وبيبي بسيمه ركبن وره 

وصلنه شالني وراسا دخلني ع الدكتور حتى بدون ما يلزم سرى من منعه العامل الواگف ع الباب سراج 

زاحه بايده ومن دخل العامل دخل ورا وگله //دكتور دفعني ودخل مو بسرا 

الطبيب من شاف سراج كله //العفو ليش تاخذ سرا غيرك 

سراج ::لان الوضع ما يتحمل البنيه ما نعرف شبيها وعدنا ولد مفقود ندور علي

تستمر القصة أدناه

الطبيب باوع السراج الي راوا هويته وكله خليها ع السديه واخذ يفحصني وسال امي كلها 

من يمته هايه حالتها 

امي // اليوم الصبح بس گعدت هيج لگينا الحراره ماليه حلگها 

الطبيب سال //شنو السبب المن متعرضه 

سراج جاوبه :: ابوها مفقود وامها وبيبيتها وعماتها خبصن الدنيا بالبچي والعياط

- - اهاا صخنت 

امي// اي دكتور صخنت 

الطبيب جر نفس وگعد وره المكتب وگال //خايفه ومتهيأ الها شي لذلك ارتفعت حرارتها سهله 

كتب ورقه وگال السراج //اخذها للطوارئ واذا ما صارت زينه لازم تنام مستشفى طيحولها بالكمادات

شالني عمو وهناك نيموني وضربوني ابره وسراج جاب العلاج 

ورجعنا واحنا ساكتين سراج مگعدني بالصدر ومن وصلت البيتنا الظهر لگيت جدو منير وجميل وموفق واولاد 

جميل جايين وانا اشوف شلون جدو جميل يبچي على بابا وهو يگلها

- - منيره تدرين عباس كل ما يجي يمر بيه ويسأل عن احوالي عباس مو بس ابنج وابني وابن منير 

دخلنه وسراج سلم عليهم النسوان گاعدات بالغرفتين والزلم بالصاله وبس وصلنه اجو خوالي وبيبي وخالاتي ومرت 

خالي حليم 

واشوف الجهال يلعبون بالطارمه الي گامت ريتا وبت بيبي بسيمه نظفنها وفرشن بيها للزلم لان الوكت معتدل بالبصره

مو كلش بارده وصارن يطبخن للناس الي اجت مسافرين الي همه اهل سراج واهل امي

من صبوا الغدا سراج جاب سوب دجاج وانطا الافراح گلها شربيها حتى انطيها الدوا 

انا ما حچيت وما شربت شي افراح گلتله// ما تگدر تفتح حلگها 

هو گلها //طلعيها اليه جيبيها يمي 

لفتني ابطانيه وكعدني بحضنه وگلي 

ندووش افتحي حلگج واشربي شويه حتى انطيج العلاج لا اضربج ابره

انا بس دموعي ينزلن هو حضني وبرطم وگلي ::ياالله بابا اشربي اشو افتحي حلگج حبيبتي 

حاولت افتح حلگي خايفه من السوب يحركني وشربت شويه وهو غمسلي شويه خبزه وبعدين انطاني العلاج وگلي 

ارتاحي اريد اسمع صوتج

قريب العصر اجت عمه زهراء بت عمه جميله وهي متفاجئه وصارت تسأل شنو سبب اللمه وشنو صاير لان 

هي.راحت ويه شمس للمستشفى بيومها شمس كانت تطلك وباتت وياها بالمستشفى لكن اتعجبت لمن عرفت انو 

عباس مفقود بوكتها رن التلفون وشالته افراح وصاحت السراج الي رد

::الو ها خالي هلا بيك 

::اي والله خالي مفقود هاي يومين 

::خالي اتصلت حتى تشوفه يجوز باحد السجون 

:: لاخالي ابد حتى جماعته بالمركز جاي يبحثون عنه 

:: اسمه عباس خليل هادي 

:: سيارته سوبر بيضه رقمها بصره 

:: اي هو بالليل خفر وجماعته يگلولي الساعه بالتسعه وربع المدير من شافه مريض گله رووح ارتاح 

ولاتداوم الك يومين اجازه 

::شكرا خالي ما تقصر 

:: يوصل الله وياك

زهراء چانت تسمع الكلام الي دار بين سراج وبين خاله من غلق التلفون وراد يطلع هي صاحتله وراحت قبله للغرفه 

الي انا چنت بيها متمدده هواجه وراها هي بادرته

سراج هذا الي سمعته صدك 

:: اي زهراء بس اكو شي مو طبيعي 

شنو 

::مجرد شكوك 

بيمن كلي 

::احس مياده تعرف شي 

زهراء بخوف // سراج اكو شي مهم اريد اگوله الك 

:: شبيج زهراء شتعرفين 

سراج عباس اول البارحه ما چان بسيارته 

هو باوعلها ::شنو انتي شتگولين

مثل ما سمعت انا شفته ال ..قطع كلامها

اهنا رن التلفون واجت ريتا گالتله //استاذ رايديك

راح سراج جاوب ورجع على زهراء گلها 

سراج گلها ::اسمعيني زهراء الكلام العندج الروحج لا تحچيين بي الى ان اجي ديري بالج بس تحچينه يضيع

حق عباس 

زهراء//فهمني سراج شكو 

::ماكو شي بس انا نفس شكج زهراء اريدج تراقبين كل شي اي شي تشوفينه حتى لو ما اله اهميه احفظي مفهوم

وخله سراج التلفون وصار يدخن طلع للطارمه وره شويه خابرو علي اجه وحچى وهو يگول ::صدك هسه جاي 

اجه علينه وبفرح گال 

 :: لگوا عباس عدل وما بي شي بس السياره مسلبيها وراح هسه اروح واجيبه وراح اخذ ناديه وياي حتى بس 

تشوف ابوها ترتاح

امي بذهول گالتله //وين وين ما خذها ماتشوفها تعبانه 

هو باوع الها ::مي خالف ام ناديه بس تشوف ابوها تصير زينه نسيتي هي شكد تحبه 

رادت تحجي هو شالني عمو هادي كله //اروح وياك 

هو انطاني الزهراء واشوف الكل مستبشر اخذ هادي على صفحه وما اعرف شنو كله

ورحنا انا ويا بالسياره وهو يباوعلي ويدخن ويگلي 

:: ندووش احنه رايحين نجيب بابا ليش ما فرحانه 

ان ساكته فتر السياره وگفها ودار عليه وبقى يباوعلي وگلي 

 :: انتي ما مصدگه راح اجيب ابوج لان انتي تعرفين هو وين مو 

انا ما جاوبته رد عليه :: ندووش انا هم اعرف ابوج وين مثل ما انتي تعرفين

وصلنه يم المركز وهو نزل وخلاني بالسياره وراح ما اتاخر ورجع وهو يباوعلي 

ركب بالسياره ورجعنه البيتنا وشفنا الكل منتظر وعمو هادي ساله 

سراج گلله ::للاسف مو هو تشابه بالاسماء 

بيبيي ظلت تبچي وهي تگول ==راح اوليدي راح 

سراج ما جاوبها راح للغرفه وهو بعده شايلني وصاح العمه زهراء شاورها 

:: ديري بالج على ناديه وحاولي لا تخلينها توصل الامها 

وطلع ما رجع اله نص الليل واي واحد يساله وين چنت يگله ادور بالمراكز 

محد نام كلهم بقو للصبح الزلم راحو البيت هادي بس سراج بقى گاعد بالطارمه والي بيبي توسلت بي يدخل 

من البرد بالصاله وما قبل واخذ سويج السياره وطلع الصبح اجه موفق وگال الامه 

يووم وين حبوب الضغط مالت ابويه

انطتهن ام سراج الي سالته على سراج گلها ما اجه البيت هادي بقى يمكم 

بيبي جميله گالت// اكيد راح يدورهذا عباس گطعه من گلبه 

ام سراج //وشيلگه بهالليل رايح

الضحى اجه عمو هادي وكرم الي سالو عن سراج وافتهمو هو الليل كله وهو يدور بقو واكفين بره 

اتصل سراج وردت زهراء 

:: الو زهراء اسمعيني وانتي ساكته 

 :: احتمال لاگين عباس انتي اسكتي ما چن صاير شي او تعرفين شي المصيبه چبيره لا تضيعين حق عباس

هي جاوبته بهمس //انت شاك بالي انا شاكه بي 

 :: اي ومن اول لحظه ارووح وارجع ويصير خيير اهم شي لا تركين ناديه ابحدها 

زهراء صاحت العمو هادي جاوب سراج وطلع هو وكرم وموفق وبيبي طلعت تسأل بالزلم

== شكو وين راح هادي 

الكل گلولها راحو يدورون

وبقت تسال بزهراء شنو گلج سراج 

زهراء ردت عليها گلتلها// سالني محد خابر محد گللكم لگينه شي وبعدين گلي صيحي الهادي 

وره ساعه اجه موفق وهو يبچي وگال انطوني شهادة جنسيته وبطاقة الكميه 

الكل التم علي هو ما حچى بس الكل عرف انو بابا عباس لگو ولگو ميت😥

////