رواية متلازمة الحب الفصل العاشر بقلم جمانه السعيدي
هناء...اكثر من ٣ ساعات واني وياها نحاول
هم أول بطن وهم سمينه وهم ماتعرف شنو ولاده كلما احاول اطلع الطفل تشنج جسمها
من تشنج جسمها الطفل يرجع للرحم
وهذا الشي موزين علي خاف يختنك
قررت اضربها ابره حتى اجيب صناعي هاي الابره
اتوخر التشنج عنها وتسهل عمليه الولاده
من ضربتها الابره بعدها بنص ساعه يله كدرت اولدها
طلعت الطفله زركه مختنكه هلكد ما تطلع وترجع للرحم
بديت اضربها واضغط على صدرها
خليت ايدي بحلكها وطلعت الوصاخه
رجعت اضربها على ضهرها علكتها من رجليها وضربت ضرها
كنت خايفه لا تروح مني
بلاخير يله بجت
من بجت يله ارتاحيت يعني كدرت اسيطر على الوضع
كلش خفت لا افقدها
جمانه السعيدي
لفيت الطفله ورجعت البيداء
لاتحرك ايد ولا رجل من كد التعب مال الولاده
تقريبا اربع ساعت واحنا نحاول
هاي الولاده كانت اول وأصعب ولاده شفتها بحياتي
الحمد لله وضع الام والطفله تمام
ثاني يوم
اخذتج ورحت للمستوصف حتى اسجلج باسمي
انتي بحضني واني مامصدكه
رغم كل الضلم والقهر الي شفته
وكل الحزن والألم الي مر عليه
بس كانت اسعد لحظه بحياتي اني اشيلج بايدي
ويصير اسمج على اسمي
جمانه السعيدي
اول شهر اخذت اجازه حتى اعتني بيج
وهم علمت بيداء شلون تشيلج وشلون تغير الحفاظ
وشلون تحضر الممه
اخليها تعتني بيج كدامي
ياسبحان الله بيداء جان عدها احساس الامومه عالي
تتعامل وياج بحذر كل وقته كاعده يمج
حتى ملابسج تغسلهن
تعلمت تشيلج وتسكتج تحضر ممه حتى من تكعدين بليل تبجين تكعدلج بس تسمع صوتج تطفر
من بعدها رجعت للدوام
حسيتج بسرعه كبرتي عبالك تكبرين بليوم شهر
كبرتي وصرتي حلوه لعبات وسوالفك حلوه
بسرعه طلعن السنون حتى مااذكر شلون طلعن
فجئه ضحكتي جان اشوف السنون شحلاتهن بحلكج
مشيتي قبل السنه
كل لحظه اشوفج بيها واللعب وياج تعادل عمري كله
جمانه السعيدي
فجئه تمرضت بيداء بدون سبب بدت تذبل
اشويه شويه كطعت الاكل اخذتها اراجع بيها بس محد عرف علتها شنو
الحد ماعرفت صايرعدها سرطان الغدد اللمفاويه
حاولت اشتريها بلغالي بكل مااملك
بس تبقى وياي بس ماكو فايده كامت ترفض العلاج الكيميائي لان يااذيها
ست اشهر واني لا ليلي ليل ولا نهاري نهار
انتي زغيره وببداء مريضه لا اكدر اعوف الشغل
راتب ابوي مايكفي ولا اكدر اعوفجن ثنبينجن
كمت الصبح إريك بيداء وانطيها علاجها
واخذج وياي للمستشفى ماعندي احد ولا أكدر اعوفج يم اي احد فقدت الثقه بكل الناس
ثمن اشهر من بعد ماتمرضت وماتت بيداء ودعت اختي واخر شي يربطني بعائلتي صفيت وحدي بهاي الدنيا
بركبتي طفله زغيره
لازم احافظ عليها لان ماعندي غيرها
مااريد اضيعها مثل ما ضيعت بيداء
بقيت اخذج وياي للدوام منا لمن كملتي سنتين
قررت ارجع بيت اهلي ليش متغربه وادفع اجار
بعت الغراض الي بلمشتنل كلهن بنص السعر
وجبتج ورجعت البيت اهلي
نظفته وشتريت الشغلات النقص وكعدنا
الجوارين كلها اجت اتسلم عليه بعد غياب اكثر من سنتين ونص عن البيت
كتلهم هاي بنتي وبيداء تمرضت وماتت
واني وخالد انفصلنا رغم اني ابد ماشفت خالد من يوم اتعاركت ويااا ولا اعرف اخباره
من ساعته حلفت لازم احافظ عليج ولا اخلي اي شخص يقرب عليج
انتي امانه عندي ولازم الغلط الي صار وياا بيداء ما ينعاد مره ثانيه ابد
كنت اخذج للمدرسه وارجعج بايدي
وكل الوقت احذرج من الناس جنت مااقبل تحتكين بي للناس الغريبه
حتى احافظ عليج
هسه عرفتي اني ليش اخاف عليج
جمانه السعيدي
ياسمين...كمت ابجي
امي...يااا ليش تبجين
ياسمين...ابجي على امي بيداء خطيه
امي...شوفي شكد مرت عليه ضروف صعبه يمكن لو رجال مايحملها شلت كل المسؤوليه
على راسي وشكد اكره حياتي
بس من اشوفج اكول ميخالف هذا العوض
ياسمين العوض
اني من دونج حياتي ماتسوه شي
ياسمين...اني الي حياتي من دونج ماتسوه شي
امي...بس هم رجعت غلطت من سمحت الماجد يدخل حياتنا ويخربها
ياسمين.... هذا القرار مو انتي السبب بي
هذا اختبار من رب العالمين الماجد يريد يشوف صبره
يريد يشوف هل هو يقبل بقضاء الله وقدره
هاي الطفله نعمه بس ماجد ماقدرها
اني قررت بعد ماارجع الماجد لان ماجد مايستحق الثقه
موكد المسؤليه
امي...بكيفج انتي حره هذا السر جان حمل على كلبي
اليوم من حجيته ارتاحيت
جمانه السعيدي
ياسمين...اني ما زعلانه منج بلعكس افتخر عندي ام قويه هلكد عندي ام عاندت الضروف وكدرت تصمد
اتمنى اكون مثلج قويه
ياسمين...اتفقنا على الطلاك اني وماجد وأخذت كل حقوقي منه حتى نفقه للطفله يدفع
اما بيت عمي علاقتي بيهم حلوه دائما يسئلون على بنتي
رجعت اداوم واخذ بنتي وياي
تخبل تخبل امي تكول تشبه بيداء هواي
جمالها مو معقول كل الكادر بلمستشفى يحبونها
شايلينها ويفترون بيها
يكولون شكد محبوبه وذكيه
كلامها مفهوم مو مثل كلام امي بيداء
يمكن ماخذه مني اكثر من امي
فد ذكيه وكلشي تفهم سميتها رحمه لان هي رحمه من رب العالمين
بيضه عيونها صفر على خضار
شعرها سرح واشكر اني كاصيتلها كذله نازله على عيونها
خدودها وشفايفها دوم ورديات
ماجد يشوفها بلمستشفى بس ماله شغل بيها ابد
سنة ٢٣ ازوج ماجد بس الحد الان ماعنده اطفال
اما اني السنه اتقدملي واحد
من خارج المستشفى ؤعرف اني منفصله وعندي طفله داون هو متقبل وضعي راح نسكن بيت وحدنا اني ويااا
امي تكول ماانطيج رحمه خليها عندي
ترد الوحشه عني
رحمه حاليا عمرها سنتين
زواجي من ماجد كان تجربه ولازم استفاد منها
على فكره سئلت اكثر من دكتور يكول موشرط
جهالج يطلعون داون
هاي حاله تصير من ألف حاله
احتمال جهالج يطلعون كلهم اصحاء ١٠٠/١٠٠
امي السنه طلعت تقاعد وكعدت بلبيت بعد كل هاي سنيين التعب الي مرت عليها
بس تولد نسوان بلبيت وتضرب ابر
الله يديم عليها الصحه والعافيه
اما ابوي كل هاي السنيين كلشي مااعرف عنه
ولا اعرف جان عايش او ميت
زواجي بشهر العاشر اذا رب العالمين اراد
لا تلومون هناء هناء كانت تريد تكون اسره حتى لاينتهي العمر بيها وحيده
محد اتقدملها للزواج وكانت تريد تستقر
مالكت كدامها غير خالد
الذنب مو ذنبها الذنب كان من خالد الي ماعرف يقدر ويصون النعمه
محد يعرف طبع الناس اله يعاشرهم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
