رواية سجينة أبو أسد الفصل العاشر بقلم فاطمه كريم
وكتله... انته شسوي هنا
ازاد... ليش مامشتاقتلي
فدك... حبيبي حظنته حيل
ازاد... يعمري مشتاقتلج موت
فدك... اني اكثر والله حظنته وخليت راسي ع صدره وضليت ابجي
ازاد... هااي شنو ليش الدموع
فدك... هسه تكدر تمشي بعد مو بحاجه الكرسي موو
ازاد... يي بعد مو بحاجه الكرسي
فدك... حرامات
ازاد... شنوو
فدك... حرامات بعد ما احظنك
ازاد... تعالي حظنيني سالم مو معاق
فدك... الف الحمدلله ع كل شي
ازاد... الف الحمدلله يلا كومي بس نوم شبيج
فدك... والله ماعندي شغل انام شعندي واسد يم ولد اخوك لو بديوان وعهد تدرس وين اكعد
ازاد... كومي هسه كومي لان الجيش كله رتح يهجم
فدك... طلعت وياه رحنه للصاله الحجيه والشيخ فرحانين الولد هم كلهم فرحانين شوي شوي ضلو اهلهم يجون حسب كلام زين و فهد كالو تعالج بنسبه97% ويكدر يمارس حياته بشكل طبيعي ورجله ابد ماعليها شي بس اهم شي يسويلها كم تمرين واصفهن الدكتور بشكل يومي اسد كاعد بحظن أزاد ومايقبل يبعد عنه اما احنه تعلكنه بالمطبخ جاي ماي وماعرف شنوو لليل الكل راح ازاد بالديوان والولد يمه خلصنه شغل كل وحده راحت الغرفتها اميره واماني ضلن وعمتهم بنت تولستوي موجوده هيه وبناتها رحت للغرفه غيرت الفراش وخليت مكياج و روج ماروني طوخ حيل فتحت الكنتور طلعت دشداشه ماروني قصيره وربع ردن فجأة انفتحت الباب ودخل ازاد شافني ضل فاتح عيونه تقرب علي
ازاد... شنو هاي داده اليوم تموتين
فدك... ول يابه ليش اموت
ازاد... ياكل ويشرب عليج
فدك... 😶😶
ازاد... مستعده للحياه وياي لو لا
فدك... اليوم وباجر وطول العمر راح اكون وياك ومااتركك
ازاد... ولا اني اتركج
فدك لحظات مميزه احلا شي من تنامين بحظن كله عشك بحظن حب من طرفين بدون خداع الحب حلوو طول الفتره اللي جنت وياه ساهر ما حسيت بهذا الشعور الحب ماموجود بيني وبين ساهر نمت بحظن أزاد ليوم ثاني كعدت ع حركه أزاد
فدك... صباح الخير
ازاد... صباح النور عروستي يلا كومي نطلع
فدك... اممم اطلع بره
ازاد... مااطلع شسوين
فدك... ازاد
ازاد... هاي طالع وهااا لبسي أبيض
فدك... ليش
ازاد... لبسي بدون حجي زايد
فدك... اوك اطلع بره طلع وكمت دخلت للحمام سبحت وبدلت وطلعت نشفت شعري ازاد كاعد باغرفه ويحجي بالتلفون ماعرف ويه منو يحجي كل اللي فهمته الاسبوع الجاي يروحله كمل مكالمته
ازاد... هاا نطلع
فدك... يي ماعندي شي طلعنه من الغرفه رحنه للصاله الحجيه كاعده شافتنه وما نسمع غير صوت الهلاهل ضليت اباوع ع شنو هاي الهلاهل اجن البنات ع صوت شافنه وهم كامن يهلهلن همست لازاد... هااي شنو ليش يهلهلن
ازاد... ماكو شي بس عرفو زواجنه تم
فدك... شنووو شلون
ازاد... لابسين أبيض من هاي يعرفون
فدك... هااا و اني اكول ليش كال لبسي ابيض
ازاد... هه تعالي سلمي ع امي
فدك رحنه صبحنه ع الحجيه
الحجيه... الف مبروك يمه الله يجعلها زواجه الدهر
فدك... مشكوره حجيه
الحجيه... عهيده عهيييده تعالي هنا
عهد... هااا يووم
الحجيه... روحي فتحي الكنتور وطلعي الصندوق اللي بي
عهد.... يي يوم اعرف شنو بي هسه دقايق واجي
فدك ضلينه واكفين شوي ودخل الشيخ ورحنه سلمنه عليه
ازاد... ابشر بويه
موسى... الف مبروك ابني وان شاء الله الذريه الصالحه
ازاد... ان شاء الله
موسى... بيض الله وجهج بنيتي
فدك مارديت عليه خرب صخنت من عدهم انفضحنه اجت عهد وبيدها صندوق خشب لونه جوزي صاحت الحجيه علي
الحجيه... يمه تعالي اخذي هديتج
فدك... لا حجيه وجودج بينه احلا هديه
الحجيه... تعالي بلا هل رسميات
فدك... لا حجيه والله مو رسميات انتي احلا هديه
الحجيه... اذا تعزيني تعالي
ازاد... يلا حبيبي كومي اخذيها
فدك... ماشي رحت عليها انطتني سلسال ذهب طلع ازاد بره واني ضليت يم البنات راحن للمطبخ وكعدن يحضران بالغده اليوم الشيوخ هناا يتغدون رحت يمهن
عهد... هاا وين وين
فدك... شكوو
عهد... عروس داخله للمطبخ وين صايره
فدك... بعد لشوف شنو اذا عروس ما ادخل
أماني... فدك روحي بم امي كعدي
فدك... ماريد اروح اريد اجي يمجن
عهد... ماكو
اميره... اشو انتن محشدات ع مره اخوي تعالي حبيبه دخلي
فدك... اني حموضه ع قلبج ومو بس حنوضه لا حته جالي اصير ضحكنه وضلينه نسولف أميره طلعت تخبز طلعت وياها خبزنه وكعدتي اغني اغنيه نانسي الدنيا حلوه
الدنيا حلوة واحلى سنين
بنعيشها واحنا يا ناس عاشقين
ننسى اللى فاتنا ونعيش حياتنا
ع الحب متواعدين .. انسى
كل الأحبة اتنين اتنين
متجمعين فى الهوا دايبين
على ايه تكشر وليه تفكر
دا العمر كله يومين .. انسى
انسى اللي راح على طول على طول
ماتسبش زعلك مرة يطول
افرح شوية واضحك شوية
كدة خلى روحك عالية وهاي
ويا قلبى غني كمان وكمان
وصل غنايا لكل مكان
وانا لو عليا دلوقتي جاية
علشان اقول يا زعل باي باي
الدنيا حلوة
الحب غير معنى الكون
خلاله شكل وطعم ولون
سكر زياده لا مش بعاده
دا انا حاسة انى هطير
احنا اللي بالحب صالحنا
ايامنا وارتاحت روحنا
فوت وعدي علشان تعدي
وارتاح من التفكير .. انسى
انسى اللي راح على طول على طول
ماتسبش زعلك مرة يطول
افرح شوية واضحك شوية
كدة خلى روحك عالية وهاي
ويا قلبى غني كمان وكمان
وصل غنايا لكل مكان
وانا لو عليا دلوقتي جاية
علشان اقول يا زعل باي باي
الدنيا حلوة
اميره... اليوم مزاجج فول
فدك... فرحانه لان ازاد رجع يمشي ع رجليه
اميره... الحمدلله فدك
فدك... همممم
اميره... انتي تحبين ابو اسد
فدك... اعشقه مو بس احبه
اميره... متاكده
فدك... 100000000000%متاكده
اميره... فدك ابو اسد لا تخسرينه تره هوه يحبج
فدك... بعيوني شلون اخسره
ازاد... ماتخسرين منو
اميره... ماتخسرك خويه
ازاد... هاا يلا كملن بسرعه مابقى وقت ع الاذان بسرعه
اميره... راح نكمل روح ارتاح
فدك... راح ازاد كملنه الخبز دخلنه للبيت
عهد... بنات المعاريس ما تريكو
أماني... شوف شلون نسينه
عهد... هسه وكت غده وانوب هاي تخبز وجهها احمر
فدك... لان تعبت صرت حمره
اميره... سوده علي عروس وبالصباحيه تخبز
فدك... شنو السالفه ليكول طابخه الذبايح شو هوه خبز
عهد... يمه يمه هاي انتي هيج يلا كملن بسرعه
فدك... حاضر شيفه
عهد... هاي علي
فدك... يي عليج اني كلتها وهاي ضلت تركض وراي واني اخذتها ركضه
عهد... وين ترحين اني الج اني شيفه
فدك... يي انتي اكو غيرج
عهد... تعالي اليوم اكفشج من هاي الكشه مالتج
فدك... عااا كلشي ولا شعري حجيه لحكيلي حجيه
عهد... هاا ضليتي تتخامين بامي
فدك... ولج يمه لحكيني راح اموت بيدين هذا البوم
عهد... هاا ولج والله اليوم خشمج اكسره
فدك... ركضت وختلت وره الحجيه
عهد... طلعي جبانه
فدك... ما ادري بيج تكتليني
الحجيه... ولجن شنهي جهال خومو جهال
عهد... يمه جنتج تكول علي بوم و شيفه
فدك... حجيه والله بالشقه شعرفني مااتحمل
الحجيه... يمه تركيها خلطر اليوم عروس باجر تحاسبن
عهد... ماكو اليوم اكتلها ارجعها الزلمتها مزوركه
فدك... اشو تعالي خلي نشوف منو تزورك الثانيه كمت رحت عليها وكتلها... هاي اني كدامج شسوين
عهد حظنتها وكتلها... اشبعك حظن
فدك... وهاي الركضه كلها وتجين تحظنيني مال ثول والله لو بطني طفل جان يوكع ع هذا التكمز المهم اتغدو الزلم ويما يا سالفه إلزلم وطوالتهم ودوختهم وبعدها تعال اوكف ع الجاي للعصر طشت الوادم ع كولت عهد بليل كاعدين ع العشه
موسى... حضرو روحكم الشهر الجاي نطلع للنجف
الحجيه... ان شاء الله زياره ابو الحسنين ماتتعوض
موسى... اني طلبتها منه يرجعلي وليدي سالم واشوف طوله كدامي اخذ رأس وهناك انذبحه
الحجيه.. ان شاء الله مايقصر علي ابو الحسنين
موسى... يي تحضرو مو بعدين السالفه تصير عر وجر نروح انزور ابو الحسنين وبعدها نروح الكربلاء نزور ونام ونرجع بإذن الله
الكل... ان شاء الله
فدك المهم اجه اليوم اللي نروح بي للنجف كعدنه قبل الاذان
فدك... اسد ماما اكعد
اسد... ماما اريد انام
فدك... راح نروح وانته تضل هنا ونروح للمدينه وانته ضل نايم
اسد... لا راح اكعد يمته نروح
فدك... كووم ادخل للحمام غسل وتعال
ازاد... فدك وين الشماغ مالتي وين
فدك... ليش تروح بدشداشه
ازاد... يي ليش
فدك... هاا لا ماكو شي شوفه معلك بالكنتور
ازاد... هاا يي هذا هوه يلا كملي وتعالي جوه
فدك... اوك حبيبي بس اغير ملابس اسد واجي طلع ازاد واني ضليت افكر شيوخ واني هيج امشي وياهم طلع اسد غيرت ملابسه ورحت الغرفه عهد دكيت الباب ودخلت
عهد... هاا صباح الخير
فدك... صباح النور
عهد... محتاجه شي
فدك... يي
عهد... شنو
فدك... شال وعبايه
عهد... شنو شسوين بيهن
فدك... قررت اتحجب
عهد... اوك فتحي الكنتور تلكين شالات وعبايه اخذيهن
فدك... شكرا رحت اخذت شال بلون ملابسي وعبايه اخذتهن ورحت للغرفه طلعت من اليوتيوب لفات شال حصريه سويت الشال بشكل حلو والعبايه خليتها بكيس هناك البسها طلعت من الغرفه ورحت للصاله كلهم كاعدين شافوني
ازاد... شنو هاي تحجبتي
فدك... يي ليش مو حلو
ازاد... لا حلوو تجننين
موسى... عفيه بنيتي التزمي بالحجاب
فدك... ان شاء الله شيخ
موسى... موو شرط العبايه هسه عندج عهد ما تلبسها لان لبسها مستور وانتي هم
فدك... ابتسمت وضليت ننتظر السياره توصل شوي واجت طلعنه الطريق كله نايمين ازاد كاعد يمي واسد يم الحجيه وصلنه طلعنه عبايات ولبسناهن وضلينه نمشي اخذت صوره ورسلتها السمسم ضل يصنف راحت يم العرب ولبست عبايه ماهتميت لان حبيت الحجاب والعبايه شكلي حلو بيهن دخلنه زرنه وصلينه ساعه وطلعنه شفنه الولد واكفين بم الامانات اخذنه اجهزتنه ورحنه ازاد كال اريد اروح للسوك وهمه كل واحد راح المكان كال ساعه والكل يتوجه للسياره احنه طلعنه للسوك اسد كاضب ايدي وايد ازاد اخذنه ملابس ومكياج وعطورات اخذت ملابس العهد واخذت شالات وعبايه كلشي هوه اخذ دشداشه نيليه و شماغ شفت ملابس مال اطفال
فدك... ازاد
ازاد... هممم
فدك... اريد طفل
ازاد... شسوين بي
فدك... اريده من حقي يصير عندي اطفال
ازاد... ان شاء الله حبيبي هذا الشي بيد الله
فدك... الله كريم بس اريد طفل
ازاد... هسه اروح اجيبلج واحد من المستشفى
فدك... لا ولله
ازاد... يي والله انتي تردين كتلج بيد الله مو بيدي
فدك... فهمت المهم مرت الساعه واحنه بالسوق رجعنه للسياره توجهنه للمقبره علمود يزورون قبر ابنهم وبعد ماعرف منو احنه بمجرد ما بانت القبور انخمش قلبي ضليت ارجف عندي فوبيا من الموته والمكان اللي تتواجد بي غمضت عيوني حيل ماريد اشوف بس عيوني تغدرني ينفتحن يردن يشوفن المكان ضليت ابجي بدون صوت اختنكت شهكاتي ارتفعت ازاد حس علي رفع رأسي
ازاد... حبيبي شبيج
فدك... طلعني مناا اختنكت طلعني
ازاد... حبيبي وين اطلعج شبيج
فدك... اخاف ازاد اخاف طلعني مناا
ازاد... لا تخافين ماكو شي اقري المعوذتين وترتاحين
فدك ضليت اقرا ايات وابجي نزلت من ع الكرسي كعدت ع الارضيه مال السياره انتهيت ع ما كملو وطلعنه من المقبره رحنه الكربلاء وصلنه مباشره راحو حجزو فندق رحنه ارتاحنه وبعدها طلعنه زياره ولليل رجعنه للفندق اللي نام واللي عيونه بجهازه والي والي اني نمت كعدت يوم ثاني زرنه وره صلاه الضهر رجعنه للانبار من رجعنه اتغير حالي معدتي تدبس تكلب واستفرغ مر اسبوع واني هذا حالي رحت الدكتوره سويت تحالين حامل جانت فرحه مااكدر اوصفها رجعنه واماني بسرعه طكتها حامل مر 6اشهر واهلي مايعرفون زواجي من ازاد تم فعلياً الشيخ قرر ينتقلون البغداد الكل حضر نفسه واغراضه البيت اللي بغداد جان نفس البيت اللي ساكن بي ازاد و فهد اجت سياره تحمل الاغراض اللي نحتاجهن طلعنه من الأنبار وصلنه البغداد أحلا مكان دخلت واتمنه اشوف امي وصلنه للبيت كبير ومرتب من الخارج دخلنه كراج وحديقه لس صغيره مو مثل اللي بالحديثه أكبر والكراج هم صغير دخلنه البيت مرتب ونضيف واحنه ما اخذنه شي من البيت القديم بس الملابس ومكتبه الشيخ اجه ازاد
ازاد... بنات اليوم راح يجون اصدقائي هنا ع العشه حضرن نفسجن
البنات.. ان شاء الله
ازاد... تعالي ام غياث
فدك... نعم
ازاد... مو تعبين نفسج
فدك... لا حبيبي مااتعب البنات وياي
ازاد... اوك حبيبي اني طالع
فدك... اوك حبيبي انتبه ع نفسك رجعت للمطبخ وكعدنه نحضر بالعشه حلويات والوجبه الرئيسيه كملنه قبل المغرب بشوي واندك الباب طلع ايمن فتحه ودخلو طلعت من باب المطبخ واشوف امي واكفه كدامي ماعرف شنو اسوي سنه بس اتصال بينه شنو اللي ديصير حلم لو حقيقه اهلي واكفين بس ازاد كال اصدقائه مو اهلي ركضت الحظن امي وضليت ابجي بحظنها دخل ازاد واخواني يسولفون
ازاد... ولج انتي شبيج ع كلشي تبجين كومي
فدك... انته حسابك بعدين مو هسه شنو هاي
ازاد... اوك بعدين هيه دخلي امج عيب واكفه بالباب
فدك... حظنتها وهيه هم حاظنتني الدموع بس تحجي دخلتهم للبيت سلمو ع البنات والحجيه امي ضلت تسئلني عن حتلي وشلون عايشه وياهم
فدك... ماما كلهم زينين وياي واهم شي ابو اسد يحبني
ماما... الحمدلله ولج من شوكت حامل
فدك... اعتقد راح ادخل بشهر 6
ماما... وليش ماندري
فدك... ماعرف
ماما... بناتهم شلونهن
فدك... حلوات كلهن يحترمني ويحبني بس
ماما... بس شنو
فدك... ساهر ابن عمه ابو اسد واجه وسوه سالفه طول بعرض كدام ولدهم واكو شيوخ هم موجودين
ماما... انتي هذا بلاء ماتخلصين منه
فدك... وين اخلص بس الحمدلله عندج هذا العقده زين خنسه وبعد ماشفته
ماما... والله همه كلهم يتشابهون
فدك... يي ايمن يشبه ازاد
ماما... يي الشبه كلش هواي
اسد... ماما ماما
فدك.. هاا حبيبي
اسد... بابا يكول تعالي سلمي ع جدو
فدك... ان شاء الله انته ابن الدواوين شلون راح تعيش بغداد
ماما... مثل ما انتي بنت بغداد عشتي ويه اهل الدواوين هوه راح يعيش وياهم
الى هنا وصلنه النهايه القصه قصه قصيره بيها حكمه و عبره الحكمه منها مو الفصليه لا الحكمه ان الله كريم يمهل ولا يهمل ازاد صبر ونال صح مو بالطريقه اللي هوه يريدها بس الله جمعه بيها
اما العبره مو كل اصابعك سوه مو كل بنات بغداد مو شريفات عمره الحجاب ماكان مقياس للشرف الحجاب مجتمعنه فرضه دينه فرض لبس الحجاب اني معا انو بغداد تكثر بي الملاهي والدعاره وغيرها وغيرها بس اذا نريد نجي كل محافظات العراق بيها هسه احنه انكول ع بغداديات مو شريفات والبغداديين هم يكولون ع البصراويات مو شريفيات وغيرها مو كل كتاب باين من عنوانه اكو كتاب عنوانه جميل ويجذب الانتباه بس محتوى مو حلو او بالعكس اما عن ليش كتبتها عن الفصليه وخليتها تصير بفصل السبب لحد الان عدنه اللي ياخذ فصل واللي ياخذ فصليه صح منعوها بس بعد اكو ناس تاخذ اللي مايريد فلوس يريد دم يسدون بحر الدم بضحيه مالها دخل بكل اللي صار تروح يا اما برضاها او غصب عنها ،،،،،،
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
