رواية انا والغريب الفصل العاشر بقلم هبه حمزة
ياسر"............. توة ديحجي
وسمعنه صوت ضربه كلش قويه نركع راسي بالجامه ودخت
...............................آخر شي سمعت صوت ياسر يصيح منااااار ...............وفقدت
جزء التاسع من روايه أنا والغريب *********
.....................مناااااااارررر..................*
هذة اخر شي سمعته صوت ياسر وهوة يصيح باسمي وبعدهة فقدت
بعد فترة
...... بديت اكعد باوعت هاي اني وين ردت اكوم ! بس الألم براسي فضيييع من قوته عطت بصوت عالي
شفت إجه ممرض يركض وصاح
......ارجعي كعدي وين كايمه .....
منار".........وين اني ومنو انته
........بالمستشفى. انتي تعرضتو الحادث
منار"....... من كال هيج زاد الألم واني افكر بياسر" شصار بي
عطت اكثر .......رااااااسسسي راح ينفجر اطططينييي شي راح أموت........
شفت اجه دكتور وكام يفصح بعيوني ومن يحط الضوه يزيد الالم واني اعيط أكثر. .
دكتور"......... حمد لله على سلامه مابيج شي بس هذة الألم بسبب الضربه جانت على الراس
منار"......... اطيني شي يوخر الوجع راح اموت
شفته جاب ابرة وضربني بأيدي وبعد فترة غبت عن العالم كله
........... كعدت عله اصوات حجي يمي .
بديت افتح عيوني بس ما اركز
لكيت بيبي وياسر يمي وثنينهم كاعدين كبالي من باوعت عليهم
ثنينهم ركضو عليه ! بس لفت انتباهي ياسر! وجهه صاير خريطه كله لزكات جروح وجسمه هم!
بيبي شبكتني وبجت وضل حاضنتني ،،،، جسمي احسه مكسر!
باوعت عليهم
وكلت ...........منو دعمنه ؟ ومن شوكت اني. هنا ...
ياسر ".....مو مهم عدت سلامات
منار"......كمت من حضن بيبي وكتله منوووو دعمنه دا اكول ؟
ياسر"......كااافي منار .، واحد غبي دعمنه ورجعي نامي بعدج دايخه
منار "........وهسة هوة وين؟
ياسر".....منااااااررر نامي ومو شغلج اني أخذ حقج خوش
منار".....عفته ورحت نمت وبيبي تباوع ضايجه من تصرف ياسر لأن صيح عليه
بيبي".......ياسر لتصيح عله منار وهذة الدعمك لازم يكون بالسجن
ياسر"......الله كريم
وعافنه وطلع بس كوة يمشي ....
..........بيبي ليش هيج متاذي هوة
........بنتي اولا ما جان مفروض تحجين ويا بهاي الطريقه وثانيا الولد نقذج جابج للمستشفى وهوة
مليان جروح من جام مال سيارة مو مدعومه سيارة من جهتين ومن اثر الضربات الصارت الجام متكسر
عليه وسمعت ممرض يكله هسة هية ممتاذي جسمهة بس وجهة وانته العكس كله لأن اني حضنتهة من
ضربتنه سياره ثانيه ومفاقد ضال كاعد وناقلج للمستشفى وانتي بنتي شلون تتعاملين ...ويا بهذة الاسلوب
ميصير حبيبتي.....
منار"..... ركزت بكلام بيبي فعلا خطيه تصرفاته كلهة كامت تبين انو يحبني جان يكدر يخليني ويطلع
من سيارة بعد مفقدت بس هوة ضل وياي وتحمل ...
منار"........صالي شكد هنا بالمستشفى
بيبي ".........يوم ونص تقريبا
اني خابرني ياسر وكلي تعاي لمستشفى. ...* بس مكال شكو بس كال تعالي وهاهية خطيه خاف
عليه مو اكلج بنتي هذة الولد ذهب ميتعوض ابد
منار".........هسة تمدح بي واني افكر صالي تقريبا يومين هنااااا
بقينه يوم كامل هم بالمستشفة فحوصات وعلاجات لكن ياسر مختفي من بارحه مشفنا ابد
بعد مكملنه وردنه نطلع من مستشفى بوكتهة جانت بيبي تحضر الغراض
ندك الباب مال غرفه
بيبي كالت
.....تفضل
.......،سلام عليكم
وانتبهت ياسر فات بس كاشخ رغم الجروح الي عله وجهة
......هلا والله تفضل ياسر اكعد
ياسر".......يزيد فضلج اجيت اطمن عله منار واروح
بيبي".......عادي ابني هسة بحسبت خطيبتك هية
منار... كلت بكلبي يا خطيبته غير عاقدين سيد احنه!
ياسر".....شلونج منار نشالله زينه صرتي
منار"...,حمد لله تمام انته شلون صرت
ياسر ".......
بيبي ",.......من رخصتكم دقيقه وارجع
ياسر "....مرخوصه حجيه
بيبي طلعت شفته كام وتقدم باتجاهي
تقرب وكعد عله سرير وياي !
جر ايدي وباسهة ! نصدمت من ردت فعله ضليت بس اباوعله
ياسر ".........تسألينني شلون صرت بشوفتج صرت احسن بهوواي
منار...........
ياسر ".........يوجعج شي ؟
منار".....لااااا
ياسر"........بارحه سمعتج تشكين من راسج كون بعده ياذيج
منار "....لا لا حمدلله زين كلشي ما بيه
ياسر "......اهااا اكلج غيرت موعد خطوبه
منار".....شوكت صارت
ياسر".... باعي هية خطوبه وراهة زواج يصير يعني ماكو هاي حفلات مال حنه وما اعرف شنو يوم
أفضل برأي والخطبة صارت الثلاثاء
منار".......سكتت بس ا باوع عليه بعدين كلت خل اسئله .......زين ليش ؟
ياسر"......... احسن
عفته مالي خلك اجادل شيسوي خل يسوي تعبت من وراى
رجعنه للبيت وهوة وصلته ومرات ايام واجه يوم ثلاثاء .
بيبي قررت تعزمهة كلهة اقاربهة وصديقاتي حتة مال متوسطة خلتهم يجون والحفله سووهة بقاعه
بوكتهة كعدني من صبح وجان منتضرني انزل بدلت ورحت اله للسيارة
من صعدت كال
ياسر"......هلا والله بخطيبتي
منار".....هلا بخطيبي الغالي |بستهزاء|
ياسر".....شلونهة المعنويات اليوم راح تصيرين مرتي رسمي
منار"...ايي
ياسر"......شو احسج مجبورة اكو أحد جابرج| ويضحك بستهزاء|
منار .... زغرت عيوني وباوعتلةة بشك
ياسر"......اويلييي اخرب عله هل نضرة
منار ... استحيت من حجه هيج وكمت اباوع عله شارع طبعا يعرف شلون يسكتني دائما هيج يسوي
يتغزل بيه قبل لنبدي العركه وراهة افركش العركه .
منار"......وصلت للصالون وحدي بهيج وكت البنيه تحتاج امه اختهة اي اكيد وحته صديقتي لوزة" ما
اجت جان عدهة ضرف ومكدرت وبيبي مشغوله التحضيرات مال خطبه
طبيت وبدت ام صالون بالمكياج وتسريحه .. يمكن أكثر من ساعتين هيه تشتغل
آخر شي سمعت ام صالون كالت البدله وين ... كتلهة دقيقه اخابر دكيت علة ياسر كال ادزهة بيد ولد
و بعدين خابر وكال ولد واكف بالباب خل واحد يستلمهة منه
طلعت بنيه وجابتهة وكعدت تفتح بيهة مبينه جديدة كالت
فتحتهة ونصدمت بجمالهة شكد ما اكول حلوه اعجز فد شي التصميم عبالك بدله عرس مو خطبه بس عله لون ذهبي
لبستهة ودك مبايل جاوبته وطلع ياسر
.....ها كملتي واكف بالباب اني
.....أي دقيقه واطلع
بأوعت بالمرايه نضره اخيره لنفسي ابتسمت سبحان الله ولا عبالك اني هيج مكياج يغير الشكل
طلعت أتمشى وكل الي كاعدين يباوعولي باعجاب
طلعت مبتسمه لاكيت ياسر من شافني نزع نضارته وفتح حلكه وعيونه مصددوم!!!
هذا بالغ هواي بردة فعله
مشيت يمه وكلت
منار".........هااااا ياسر شلوني
ياسر "...... يربي تموتين تكطعين ..، وين جنتي ضامه هل جمال وين متكليلي!
منار"....ابتسمت بخجل وصعدت غير صايره أخجل منه بشكل😅
صعدنه وطريق كله لازم ايدي ويبوسهة توجهنة للقاعة وحضرو للدخوليه مالتنه
شعور كلش حلو جان رغم جبرني اتزوجه بس جان شعور حلو واول مره اجربه ادخل كدام ناس هواايي وكلها تنضرلي باعجاب
...... من كعدنه عله كوشه إجت بيبي شبكتني وتقره ايات وصلي على محمد كل شويه شبكتهة وكتلهة
......،.طالعه تخبلين بيبي
بيبي "........انتي الي طالعه حلوة صدمتيني بجمالج كلت هاي مو حفديتي مبدليهة
منار".......هههههههههه بيبي والنبي اني الي نصدمت ا باوعت بالمرايه اكول هاي منو! تغيرر فضيع صار
بيبي"......تخبلين انتي والله بكل حالتج
شبكتهة وضحكت باوعت عله ياسر يحجي وية ولد ويسلم عليهم ويه نسوان ثنين شفتهم اجو باتجاهي
ياسر"........اعرفج هذة محمد وزوجته وذاك احمد وزوجته ثنينهم إخوان
منار".......سلمت عليهم وكتله اتشرف بيهم بس فكرت امه وابو وين؟؟؟؟؟؟؟
.
سمعت ياسر صاااح بصوت خلانه كلنه نلتفت
..........،اممممممييييرررر...........
شكرا لزيارتكم عالم روايات سكيرهوم
