رواية ضلام الفصل الحادي بقلم جمانه السعيدي
محمد يوميه اتصل بأم حمودي لو متجاوب لو تتهرب مني واني ماعندي غير اهدده
فات اكثر من شهر
على هاي المشكله واني كلما اتصل بيه تأجل الموعد
وبيوم طلعنا اني وصديقي نتونس
صديقي كان يمشي بسرعه جنونيه
مااحس غير السياره طارت ووكعت بلكاع
ماصار كدامي بهاي اللحظه غير هاي البنيه الي اذيته
وحجيت عليه
مااكدر اتحرك احس الناس اجتمعت على السياره
اسمع أصواتهم
بس مااكدر افتح عيوني ولا اكدر احجي ابد
اسمعهم يصيحون خطيه السايق مات
بعد هاي الكلمه اغمى عليه
ماكانت حاسه اغماء كل توقعاتي متت
الناس ناقليني للمستشفى صديقي ميت واني كانت حالتي خطره كلش
راسا مدخليني عمليات
جمانه السعيدي
بطني مفتوحه ووحده من الكليتين ممروده
وراسي مفتوح كانت عمليتي شبه معجزه
الكل متوقع اموت
اتلث ساعات واني بغرفة العمليات الكلى الي نمردت
شالوها وخيطو راسي
طلعت من الحادث باعجوبه
حتى بعد العمليه هم كنت تعبان كلش
بس مااعرف ليش هاي البنيه الي اذيته كانت كدام عيني
وكنما رب العالمين يكلي هاي حوبته
كنت اريد اصير زين بأسرع وقت ممكن
حتى اصحح غلطي
لازم احجي الحقيقه كدام زوجه خاف اكو شك بكلبه عليه
واقسمت كدام رب العالمين بعمري مراح ارجع الهذا الدرب ابد
موت صديقي كان أكبر فاجعه بلنسبه اليه
كلما اذكر اعز صديق عندي مات اتخيل نفسي ميت ومالحكت اكفر عن اخطائي
جمانه السعيدي
جنه دخلت بلشهر الرابع واني بعدني اتقئ وحالتي حاله
وخالتي وعمي محتارين بيه ثنيبنهم
وام حمودي بس وصلله خبر محمد احنا شاكين بيه
بعد ماوصلت بيتنا ابد ولا تتصل
وابوي الي بعمره مافكر يتصل ويطمن عليه
عبالك ماصدك خلص مني
مثل طيبة عيالي ماكوووو شايلين شيل
علاء كل يوم اروح الاهلي بليل اسمع صوته مرات
لو امي تحجي عنه وشلون تعبانه بسبب الوحام
بس مااكدر ارجعه
احس اكو حاجز بينا صعب اتخطى
بس من اروح الاهلي واسمع صوته احس روحي تطمن عليه من اسمعه اكول اي بعدها موجوده
ماملت وعافت البيت
كاعده تنتضر نرجع اني وياها
امي وابوي اكدولي الف مره هي بريئه وماعده خرابيط ابد
إلى ان يوم اجاني اتصال
جمانه السعيدي
علاء الوووو
محمد السلام عليكم
علاء هم انت مو خربت بيتي بعد شتربد مني عفته الك
روح اشبع بيه
محمد دقيقه وحده اسمعني ارجوك زوجتك بريئه
ولله العظيم بريئه بعمري ماشايفه ولا اعرفه
وهسه لو نلتقي اني وياها مستحيل اعرفه
كلشي صار كان مدبر من زوجت ابوها هي الي جابتلي المفتاح وهي الي كانت توصلي كل التفاصيل
حتى احجيه الك مقابل مبلغ مالي
واني طمعت بلفلوس ورحت اتهمت زوجتك بس رب العالمين اخذ حقه مني ثالث ومثلث
اني تعرضت الحادث ووصلت للموت ورجعت باعجوبه
يمكن رب العالمين رجعني الهاي الدنيا
حتى اثبت برائته
لان كلشي سويته بيه كان كدام عيني واني أواجه الموت
ولله العظيم اني لا أعرف زوجتك ولا عمري شايفه
كله بسبب ام حمودي
وعندي كل التسجيلات الي تثبت اتفاقه وياي على هاي الموامره
علاء لا يانذل على هاي الدكه الناقصه
وللك طردته من البيت وتوسلت ببه لمن ملت
اليل كله ماتنام بس تبجي وتدعي عليك
فعلا رب العالمين عادل اخذ حقه منك
محمد فدوه خليه تسامحني
جمانه السعيدي
علاء الله لا يسامحك كون ياناقص ولك حرمتني منه
وحرمتني افرح بابني حرام عليك وين تروح من رب العالمين انت وأم حمودي
ام حمودي ماكفاها الي سوته بيه قبل وهسه جايه تكمل عليه
مااكول غير حسبي الله ونعم الوكيل عليكم ثنيبنكم
ياضلام الله لا يسامحكم ابد
علاء قفلت التليفون وضجت من نفسي حيل واني اذكره شلون تبجي وتتوسل بيه
اني كنت اضن نفسي قوي عليه بس بلحقيفه اني شكد ضعيف
صرت ضالم وماسمعته حالي حال هذا الولد وحال ام حمودي المفروض اسمعه واصدكه
راسا رحت الاهلي بس دخلت صحت وين جنه
اريد جنه
امي هااا خير انشاء الله ولله اذا تقربت عليه اني هلمره
اتعارك وياك البنيه مريضه وتريد تموت من النساوه
عوفه بحاله
علاء اريده اريد احجي وياها هي وين
امي نايمه بلغرفه
علاء اخذيني اله بسرعه
امي تعال دخلت للغرفه وكعدت يم راسه نايمه ومغطايه
علاء جنه جنه حبيبتي تسمعيني
جنه فتح عيني علاء كاعد يم راسي ويكول جنه حبيبتي
ياربي اني بعلم لوحلم
كعدت هااا علاء صاير شي
علاء مديت ايدي اتلمس وجه اسف اني اسف غلطت بحقج وجاي اعتذر
طلع كلامج كله صحيح هاي الخطه مدبره ام حمودي مثل ماكلتي انتي هسه الولد اتصل عليه متعرض الحادث
واتصل بيه حتى يثبت برائتج
جنه من سمعت علاء يحجي وعيونه بيهن دمع اني هم كمت ابجي
علاء مسحت دموعه لاتبجين حبيبتي اسف ولله احبج
ومن كد مااحبج هيج سويت انتي احلى شي صار بحياتي
سامحيني انتي اصيله
رغم كلشي سويته بيج ماعفتيني ابد
قربت عليه وبسته بخده وبعيونه ولله احبج
جنه طفرت علي وحضنته مامصدكه هاي معجزه
رب العالمين جبر خاطري ورجعتي علاء
جمانه السعيدي
علاء كومي كومي نرجع البيتنا كمت وسحبته من ايده
ولله لو اشوف جان شلتج منا البيتنا
بس خاف اوكع اني وياج واخاف على ابني
جنه لازم ايدي وسحبني ورا وهو كله لهفه واني ملهوفه
اكثر منه اشرت الخالتي شكرا
وصلنا ودخلنا ببتنا اني كعدت على الجربايه وهو كعد يم رجليه سامحيني حبيبتي اوعدج هاي اخر مره
يصير بينا خلاف
جنه بعمري مازعلت منك ابد لان اني احبك واموت عليك
علاء اني الي اموت عليج حبيبتي
علاء باجر اروح اشتكي على ام حمودي وهذا الولد لازم اطلع حقج
جنه عوفه الله طلع حقي ولازم رب العالمين يشوفه الي شفته لان رب العالمين عادل
جنه مااسولفلكم يوم الولاده بس كتله عندي وجع
كام يمشي وكل شويه ضارب شي انخبص خبص
حتى اصبع رجله انجرح
وصمم يروح وياي بلولاده واتصل بعمي وعزام كلهم
اجوو بقه واكف برا
عزام مصوره شلون يبجي ويدعي كون اطلع بلسلامه
الحمد لله جبت ولد نسخه من علاء
كانت الفرحه بلبيت ماتنوصف ابد
من صار عمره سنتين ردنا طفل ثاني
رجع علاء يتعالج لان راجع علي الضعف مره ثانيه بعد سنه من العلاج يله حبلت وجبت ولد ثاني
هسه يلحون يردون بنيه لازم علاء يرجع يعالج حتى تصعد النسبه وبعد احنا وحضنا
اهلي ابد ماشايفتهم ولا يجوني ولا اروح عليهم
رب العالمين عوضني باهل يسوون الدنيا ومابيه
قبل ست اشهر سمعت اختي مزوجه لارحت ولا وصلت
مااريد اشوفهم ولا اسمع أخبارهم ابد
بس بعد اربع اشهر من زواجه زوجه كاشفه تخونه وتراسل واحد من ورا
والمشاكل كابه بينه وبينه وواصله للطلاك بينهم
ابد مامشمته بأختي
بس رب العالمين رده الام حمودي ابته رادت تشوه سمعتي
واني بريئه وطلكني
ورب العالمين رده اله بته الي جابتلهم السمعه الموزينه
خليه تشوف شويه من الي اني شفته من مرار والم
من كان مع الله كان الله معه
وكل ساق يسقى بما سقى
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
