رواية عوده مستحيله الفصل الحادي عشر بقلم جمانه السعيدي
نسرين...انطيت السحر الام امل ونمت على وجهي من التعب والتوتر والقلق
ماكعدت غير الساعه عشره امل ندهتني
امل...زينب..زينب...
نسرين ...اريد افتح عيوني من النعاس ماكو
امل...الشيخ دز عليج يكول اريد اسمع مشكلته خل تجيني
نسرين ...فتحت عيوني وكلبي احسه كام يدك بلعومي من الخوف
ياربي شلون شراح اكول وشراح احجي
نسرين...اي هسه شويه وجايه
اي نسرين .. صار اسبوعين كاعده تاكلين وتشربين ومحد سئلج هسه اجت اللحظه الحاسمه
يله دبري نفسج شراح تكولين
اي عذر راح تكولينه اكيد راح يلكاله حل ويرجعج الاهلج
اذا رجعتي شلون شراح تسوين
غسلت وجهي ولفيت الشال على راسي ورحت
لكيت ام امل بلمطبخ
قربت عليه وكالت كلشي تمام لاتخافين تخلصنا من السحر
بس اني بالي كله يم الشيخ
اجت ام يوسف وكالت
زينب الشيخ يكول خل تنتضرني بلبيت الجبير
جمانه السعيدي
نسرين.. احس حلكي يبس شربت شويه ماي
احس عقلي مابي اي فكره
وكانما ذاكرتي انمسحت يمكن اذا سئلني حتى حجي مااعرف احجي
رحت للبيت الجبير أقدم رجل واخر رجل
وصلت دخلت جوا
ام عامر كالت اكعدي هنا بلهول علما يجي الشيخ
بقيت افرك باديه
واحس بطني توجعني
اجت ام يوسف...ام عامر اجوج ضيوف بلمضيف مال النسوان
طلعت من البيت وراحت للمضيف
واني كلت ايجوز اليوم اخر يوم اليه بهذا البيت
خل ادور السحر واطلعه اشمره
مااعوفه تستفرد بشاهين ابد
البنات راحن يحضر جاي حتى يقدمن للضيوف
واني دخلت بغرفة ام عامر طلعت المفتاح
وفتحت الكنتور
بس شنو رجليه يرجفن من الخوف وحدا اطك بلثانيه
فتحته وكمت ادور بسرعه
من الخوف مااشوف خاف ترجع وتلزمني
شلت الملابس ماكو
فتحت علبه عدها زغيره لكيت بيه العلاكه الي شفته
فتحته بسرعه
لكيت شلون علبة عطر الورد هاي الزغيره
اصير علبه عاديه بيه دهن ورد
هي نفسه بس بيه مثل الدهن اسود
اخذته وقفلت الكنتور ورجعت المفتاح المكانه
جمانه السعيدي
طلعت من الباب الخلفي اخذته ورحت ركض البيت ام امل
اني شايفه مثله بيه عطر ام امل تخلي منه
دخلت اركض وفحطانه
امل...هااا ياستار شكو
نسرين..اريد علبة العطر مالت امج بسرعه
امل.. ياعطر
نسربن...بسرعه دهن الورد
راحت جابته امل راسا ترسته ماي بس شلون اسوي اسود
رحت للمطبخ
طلعت علبة النومي بصره المطحون
وطلعت
ام امل شبيج شفتي الشيخ
نسرين..هسه ارجع وافهمج
خليت وياها نومي بصره ورجيته حيل ولله صار اسود
بس مو مثل العلبه الي اخذته بيه سحر
مسحت العلبه من فوك لان ادمرت نومي بصره مطحون
ضميته بصدري ودخلت من الباب الخلفي
راسا لاكتني ام عامر
ام عامر...هااا بعدج هنا مااجه الشيخ
كوه رديت عليه لان فحطانه حيل
نسرين...اي بعدني اذا مافارغ الشيخ على باجر
ام عامر....لا انتضري اني اروح اشوفه وارجع
هي طلعت واني دخلت للغرفه طلعت المفتاح فتحت الكنتور
وشمرته شمر داخل الحافضه الي جانت بيه
بس قفلت الكنتور سمعته رجعت
ماكدرت ارجع المفتاح شمرته جوه التعلاكه بلكاع
وطلعت من الغرفه بسرعه شافتني باب الغرفه واكفه
جمانه السعيدي
ام عامر ...الشيخ عندا ضيوف يكول بس يطلعون اشوفه
نسرين...انضف غرفتج علما يخلص الشيخ
ام عامر...اي ولله اريد تغير مو بس نضافه
روحي جيبي فرشه الجربايه الجبيره الحمره تلكينه بلغرفه الفوك اول مادخلين
نسرين...راسا طفرت سويت الدرج خطوتين
واني اكول همزين ماشافتني جان موتتني اليوم
جبت الفرشه ونزلت لكيته منتضرتني بلغرفه
اول مادخلت
نسرين...خل ارتبه اللج على ذوقي
شلت الفرشه طلعته برا
هي رادت تفتح الكنتور رفعت الدشداشه من التعلاكه
ومالكت المفتاح
رفعت الدشادشه الثانيه
نسرين...على شنو ادورين
ام عامر المفتاح مال الكنتور
نسرين سويت نفسي ادور وياها دنكت وكتله خاف هذا
بلكاع دنكت جبته
ام عامر...اي هذا مفتاحي اريد اطلع عطر عندي اجاني من دبي هديه اخلي بلغرفه اليوم الشيخ يجي ينام هنا
من ماتت ام شاهين وهو ماداخل هاي الغرفه ابد
اليوم اريد انسي امه وأبو مو بس ام شاهين
جمانه السعيدي
رتبت الغرفه وهي طلعت العطر وطلعت منشفه جديده
صارت غرفة عرايس
طلعت فلوس انطتني ٢٥ هديه
نسرين....خيركم سابق ولله مااعرف شلون اجازيكم
ام عامر. ..اخذي لاتردين ايدي من يكمل الغدا شوفي شاهين هنا اذا هنا تعاي كليلي اريد اخذله الاكل
بايدي بس ولله اذا اجيتي وراي هلمره اموتج
نسرين...لا مااجي وراج اخذي راحتج عيوني
اخذت الفلوس وطلعت من الباب الخلفي للبيت
كتله اي بعد خلي سحر بكيفج
ايجوز معدته توجعه لان مانضفت علبة العطر زين بس مايموت
رجعت البيت ام امل تمددت الحمد لله كلشي عدا على خير
اذن الضهر صليت ورحت البيت شاهين
لكيته ماكو بعدني ماطالعه اجا
بس شافني ابتسم
شاهين...هاااا شكككو شوشو هنننا
نسرين...خاف محتاج شي
شاهين...شششكككرا
نسرين...اباوع علي واكول ولله لوتعرف اني بهذني اليومين شسويت علمودك
داخله إنذار علمود انقذك
باوعت لعيونه وكلت الله يحفظك من مكر ام عامر
شاهين...ششسكككو ممو طططبيعععيه
نسرين...لا كلش طبيعيه شكرا الملابس كلش حلوات عليه
ذوقك يجنن
ابتسم....ااانتتي حللللوه
نسرين...شكرا اروح احضرلك الغدا بين ماتصلي
رحت حضرت الغدا واخذته الام عامر
نسرين...هذا غدا شاهين
ام عامر..اي عوفي اني هسه اخذه اله اريد اشوفه ياكل بعيني
نسرين...كتله بكلبي تشوفينه بعينج بخشمج بعد شاهين طلع
من سيطرتج
اخذت الاكل واني فضولي خلاني اراقبه
طلعت من بيته وراحت البيته
رحت اتسحب على كيف
خلت الصينيه وبقت تلح علي اكل اكل انت عزيز عليه
اني دخلت المطبخ واسمعه تلح على ياكل
خله اول لكمه بحلكه اسمعه يكووول
شاهين...شششوو طععععمه مااااعرررف شششبي مثثثل
ريححححة العططررر
ام عامر...لا مابي شي اكل اكل
نسرين...كلت يامسكين صاير فار تجارب كل الي يجي يجرب
عليك شي يامسكين الك الله
