رواية اخذوني دفع للدار فصليه الفصل الحادي عشر بقلم زينب نور
مدري شبيه شو #مهموووم ؟؟
هوسه ابالي #ماتصفه ...
ومدري شلون #راح_الحيل
#انفخ_شمعه_ماتطفه
*************************************
لجين : رجعت للقسم وانه ضايجه ليش حاجاني هيج ليش يتصرف وياي هيج ورجعت بالذاكره لورا جنت كاعده بالقاعه ثاني يوم من اخذت ملزمته بس هالمرا كعده اول ستيج بصف بنيه اسمه لبان ودخل الاستاذ الجميل الي حبه كلبي من اول دعمه وجان يكول
سامر : لجين طلعي برا
لجين : ليش استاذ ماسويت شي
سامر : لا مسويه مخالفه بالزي
لجين : بدون كلام طلعت برا وحيل نقهرت حتى بجيت لان ادري بروحي مامخالفه بالزي بس ليش هيج سوه تعدت الايام وضليت اكعد بالاخير وبيوم كاعده واجه وكف فوك راسي وكلي
سامر : لجين كوميً شرحي شنو جنت اكول
لجين : نعم استاذ مادري اسفه مامنتبهه
سامر : مرا ثانيه من تحضرين ركزي ولاتصفنين على الشباك
لجين : باوعت بقهر واخذت سجلي وطلعت برا بدون اي كلام واخذت الطريق كله ابجي ابجي ونتضرته ينزل ورحتله وكتله استاذ
سامر : تفضلي لجين محتاجه شي
لجين : استاذ ليش هيج تعاملني قللت من احترامك بدون قصد
سامر : لا مامقلله بس مرا ثانيه نتبهي ولا تتحسسين انتي طالبه مثل كل الطلبات لاتنطين روحج اهميه زايد عن اللزم
لجين : اسمع الكلامه وانه عيوني حيل توجعني واتوسل بيها ما طيح دمع خليت وصعدت بالسياره ورحت لبيت خالي ودخلت للغرفه ورجعو لواقعي وضليت ابجي اخ ليش هيج اول بدايه جان يباوع عليه وحتى حسيته معجب بيه ليش تغير عليه شمسويه انه شمسويه فزيت ع صوت التلفون ورفعت خط شفتها امي
قسمه : هلا بنيتي شلونج شخبارج
لجين : هلا يمه زينه وانتم شلونكم
قسمه : الحمدالله يمه شنو رجعتي بعدج
لجين : اي يمه رجعت
قسمه : ولج هاي نور موتتني تريد تحاجيج
لجين : هلا نواره
نور : هلو بيج لجونه يمته تجين الاربعين بعد يومين
لجين : انشالله باجر ورا الدوام اجي وي بيت خالي
نور : زين جيبي وياج ملابس سود ماعندي وهاي نهر تسلم عليج هواي
لجين : الله يسلمها مر اليوم عادي وثاني يوم الصبح جاي امشي للقسم وجان .......
........./////
عباس : حيل ضايج وتعبان وضجت من تصرف ليث وياي يعني كلي ماريدها وخدامه وهسه يكول احترم نفسك هاي مرتي اخ يا وجع كلبي اخ رجعو لبيتنه وسالفه تاخذني وسالفه جيبني وانه اموت من القهر بس مجرد افكر خاف تحبه ليث
وجان تدخل عليه صدف
صدف : حبيبي اخوي شبيك كاعد ويلا تعال اكل
عباس : ماريد صدف ماريد
صدف : يلا عباس كوم ابوي وامي وغزل هم كوم
عباس : غزل اجت يمته
صدف : من الصبح
عباس : اجت تطلع وصحتلها صدف ردت عليه
صدف : عيون صدف
عباس : طبعا صدف كلبها كلش طيب وحبابه وبيوم الدرت خطبها ليث طارت من الفرح جنت اشوف بعيوها الحب بس ماواجهتها ولا مرا صدف اريد اكلج شي بس ماتحجين
صدف : كول خويه
عباس : انه احبها صدف
صدف : ضليت صافنه بوجهه وكتله تحب منو خويه
عباس : نهر صدف نهر
صدف : نصدمت من كلامه وكتله يا عباس هاي الفصليه
عباس: عصبت وكتلها موفصليه هاي بنت كلبي صدف اموت اذا ماتصير الي
صدف : يخوي انت الف وحده تتمناك بعدين امي ماراح تاخذها لان تكرهه
عباس : ومنو كلج انه اخذ راي احد اخذها واطلع وحدي بيت مامحتاج
صدف : يعني انت كضيت عمرك تدور مواصفات تاخذ نهر
عياس : ليش شبيها نهر شنو ناقصها جميله ومودبه وبنت ناس وياصدف خلي روحج بمكانها لوانتي بمكانه شسوين ولج هيه مالها ذنب بشي
صدف : حجيت بداخلي وكلي انه اكرهه لان احس ليث يميل الها وكلت لا موبمكانه انه بنت شيوخ ياعباس ويا خويه ادري مالها ذنب بس شلون تقنع امي
عباس : اول شي هيه هم بنت شويخ وسالت عليها وعلى اهلها بس الصار قسمه ونصيب واذا ع امي تقتنع انه وحيدها وماتكدر ع فراكي
صدف : انشالله تصير الك ياخويه بس ليث اقصد شيخ اله علم
عباس : كتله وكال خل تخلص السنه واشمرها عند اهلها واخذها
صدف : هسه رتاحيت من سمعته يكول هيج وكتله ماشي يخوي الله يقدم بيه الخير يلا كوم اكل
عباس : كمت اكل وكعدت اسولف واضحك ومرت الايام وانه ماشايفها ولا شايف طولها جنت زعلان من كلام ليث واجت يوم الاربعين وجهزو اهلي كلشي وطلعنه وانه بداخلي امل اشوفها وصلنه هناك واهلي دخلو وحنه رحنه للديوان وشويه وجدي كال كوم جوه شيل الجدور وي مرت عمك حيل فرحت وطرت من الفرح بس مابينت كلت اخيرا راح اشوفها السبت حالي ردت اكوم وكال ليث
ليث : لاياجدي انه وغضب نروح وخليه كاعد
جدي : بكيفك جدي بس كتله لان زلم بالديوان
ليث : لا جدي مانطًول وهم اغير لبسي
عباس : راح دخل جوه وراها بنص ساعه سمعنه صرخه هزت البيت وصلت عدنا للديوان وكلنه دخلنه جوه وجان نشوف نهر طايحه من الدرج وملابسها كلها دم وجان اركض عليها وووو.......
............../////
ليث : بعد ماصعدت انتضرها فوك ندك الباب ايتسمت كلت اي واخيرا اجت كتلها فوت ونفتح الباب وجان تختفي ايتسامتي من شفت صدف واكفه مبتسمه كتلها تفضلي بنت عمي هلا بيج بس ليش صاعده صاير شي
صدف : لا حبيت اشوفك
ليث : بدت تتقرب عليه وتكول حبيت اشوفك عن قرب يا حبيب طفولتي ردت ادفعها وجان تحضني كل قوتها وانه هنا جمدت بمكاني وكتلها صدف وخريً عني السويه عيبه بحقي انه شيخ مو طفل جاهل
صدف : شيخ احبك فدوه لاتكسر كلبي شيخ
ليث : وخري صدف مابقى شي ونخطب عيب هالسوالف انه احجي وبالي يم نهر خاف تجي وشوفني بهيج حاله وشويه وجان توكف ع اطراف اصابعها وتبوسني بشفتي من غبائي بادلتها هالشي ونفتح الباب وشافتني بهالمنضر وجان تتغير نضرتها الي وباوعتلي بكسر وكالت
نهر : ااااا اسفه شيخ ماجنت ادري احد يمك انت كتلي اريدج بموضوع عن اذنك
ليث : دفعت صدف وردت اطلع فتحت الباب وسمعت صرخه شلعت كلبي شلع شفتها طايحه ودم متروس الكاع وفجئه .......
............./////
نهر : صعدت وجان اوصل للباب وفتحته وياريت مافتحته شفت موقف حيل مؤذي وحيل تاذيت بداخلي بس سويت روحي مامهتمه وكلت اسفه شيخ عبالي وحدك انت الي كتلي تعاي سديت الباب وتنهدت وكلت بداخلي لاتعيشين الدور نهر شفتي بعينه عطف وشفقه كم يوم بس تبقى خطيبته وبحياته مايفكر يعوفها لازم اخلي حد جاي انزل من الدرج وجان طرف ثوبي يجلب بحديده طالعه من الدرج واطيح من عاشربايه للكاع ماحسيت بشي وراها غير كعدت بعيني ضوه قوي حيل وشفت عمتي وعمي وجدي عكاب بس هوه ماكوً نهضمت بداخلي كلت ليش مااجه شويه ونفتح الباب وشفته عباس كال بخوف
عباس : حمدالله ع سلامتج نهري
نهر : الله يسلمك خويه
عباس : كومي مابيج شي واصلا الدكتوره كتبت خروج الج
نهر: كلها تحمدتلي السلامه وجان يطلعوني وصلت للبيت وماشفته ردنه ندخل للبيت ولكينا واكف بالحديقه اول مادخلنه اجه هجم ع عباس
وكله
ليث : انت باي حق تاخذها باي حق شيلها باي حق تلمسهاً
عباس : شيل ايدك البنيه رادت تموت ليث والدم بالكاع
ليث : اذا وصلت عتبتها بعد اكسر رجليك
نهر : اسمع كلامه ولا هزني لان هسه حن عليه وسوه روحه يغار اجه غضب كوه فاككهم هوه وعمي فهد وانه حيل دخت ودارت بيه الكاع وجان يجيني ليث ويشيلني ويفوتني بس مااخذني لغرفتي صعدني لغرفته وحجيت وكلت مالي خلك اجادله خلاني ع الحربايه وكال
ليث : شلونج هسه
نهر : مارديت سويت روحي نايمه ورجع كلي
ليث : باجر الصبح طالعين للنجف وحاسب حسابج ويانه
نهر: سمعته هيج كال وطرت من الفرح كلت واخيرا راح ازورك يابو الحسنين بكلبي هواي هم
نمت وماحسيت بشي وراها غير صوته الي قريب يم اذني يكلي
ليث : نهر نهري نهوره كومي يلا ساعه 5الصبح شويه ونطلع
نهر :اسمعه وبدي مافتح عيوني حيل حبيت قربه رغم اذيته الي شويه وفزيت سويت روحي مادري بنفسي كتله وين انه شلون اجيت هنا
ليث : عوفي هالسوالف وروحي بدلي ورانه طريق
نهر : نزلت وانه احس روحي احسن من امس بهواي غسلت وبدلت واخذت وياي ملابس احتياط وطلعه متوجهين للنجف لتمو الناس والكرسي البصفي جان فارغ ماشوف الا
شكرا لزيارتكم عالم روايات سكيرهوم
