رواية فصلية الشيخ اركان الفصل الحادي عشر بقلم رقية
_أركان ... وذا عمتج هناية مريتي وابوسها
_أم أركان ... بلخير عليج بنيتي شايفة كل الخير انشالله
_أرق ... تسلمين ماما الله يخليج وشوفين الجهال
_أركان ... أركان يلة نرجع للبيت
_أرق ... يلة رجعنة للبيت تلكتنة غصون سمعت حامل باركتلي وباركت لأركان رحت للغرفة مددت صارت الساعة 7:00 أجة أركان
_أركان ... شلونهة أم جهالي
_أرق ...😊 تمام يروحي
_أركان ... يمة فدوة لروحج😍 وأجة باسني🥰
فات 5 أشهر على حبالتي صرت بل شهر ال5 فد يوم عدنة عزيمة عمام أركان مسوين ديرة السنة مال عمي صارت غدة سوينة وصبينة تغدو لمينة المواعين غسلناهم أني والبنات حتة شيماء غسلت ويانة وكل شوي تضربني وأسوي نفسها ماتدري خلصنة صعدت فوك أسبح وأرتاح سبحت وكعدت على الجرباية علمود أرتاح أجتني شيمام دكت الباب
_أرق ... تفضل
_شيماء ... عمتي تريدج
_أرق ... يلة بس ألبس شالي وأنزل لبست شالي وطلعت جاي أنزل على الدرج زلكت من الدرج اااااااااااااااااااااخ ماحسيت غير ينزل شي حار مني أجو التمن النسوان علية
_أم أركان ... صخام الصخمني يمة الطفل راح غصون أمشي صيحي أخوج بسرعة
_غصون ... رحت لامضيف صيحت على أركان أجة أركان
_أركان ... هااا خيرر
_غصون ... أركان أأر أرق الدررج 🥺
_أركان ... من سمعت أرق الدرج كبل ركضت لكيت أرق مددة مدماية والنسوان فوكاها ركضت عليها شلتها ورحت للمستشفى أني وأمي وراحت ويانة عمتي أم أذياب أدخلناهة العمليات كاعد علكرسي ومخلي أدي علة وجهي سمعت صوت زلم رفعت راسي عمامي ولدهم
_أبو ذياب ... خير وليدي شكالو على مريتك
_أركان ... عمي مادري بعدة محد طالع من الدكاترة جاي أحجي وطلعت الدكتورة التمينة عليه
_الدكتورة ... للأسف نعتذر خسرنة الطفل
_أركان ... دكتوة وأرق شلونها
_الدكتورة ... من واكعة متئذية لهاذ السبب حالتها شوي خطرة
_أركان ... سمعت هيج أجت الأفكار براسي شنون وكعت عفت الزلم وطلعت رحت للبيت النسوان كاعدات طبيت عليهن وصحت غصووووون
_غصون ... جأي أنضف الأرضية مال الدرج سمعت أركان صاح بعلو صوتة رحت علي ركض
هااا خوية
_أركان ... أررررق شلون وكعت فهميني
_غصون ... والله ياخوية مادري جنت بلمطبخ وصارت السالفة
_أركان ... باوعت على النسوات منو شافتها شنون وكعت منجن
_زينب بت عمي ذياب ... كالت خوية أني شفتهاا
_أركان ...سولفيلي شنون وكعت
_زينب ... جنت رايحة للمطبخ وشفت شيماء خذت بطل الدهن مال الزيت وصعدت علدرج وذبت علة أول باية من فووك ورجعت للمطبخ ودت البطل وراحت فووك سمعتها دكت الباب على أرق وشوي نزلت أرق وزلكت وكعت الله شاهد أقسم بلقران بحرف مامجذبة عليك
_أركان ... باوعت على شيماء وجها مصوفر وتتختل رحت للدرج صعدت وصلت الباية ألخيرة لكيت الدهن نزلت علة شيماء صحت بيها شيماااااء تعالي يمي
_شيماء ... شيخ أني معلي بيش تريدني أحلفلك ماسويت شي
_أركان ... كللللللللت تعااالي يمييييييييييي تقدمت علية ولزمتها من شالها وأخذتها للمخزن سحل دخلت وقفلت الباب أجن عماتي وأمها يدكن بلباب أني فقدت عليها شفت صوندة بلكاع ولزمتها خليتها تووون من الوجع ضربتها دفرة بضهرها وطلعت تلكني ودخلن عليها رحت للمستشفى
_أبو ذياب ... وين رحت وعفتنة
_أركان ... أخذت حق مرتي واجيت
_أبو ذياب ... حق شنو
_أركان ... عمي شيماء الي موكعتها من الدرج مخلية الهة دهن زيت
_أبو ذياب ... مع الاسف والله أني ألها بس خل نرجع
_أركان ... نص ساعة وأرق صحت دخلنة عليها أني وأمي وام ذياب من شافتنة كامت تبجي
راحت أمي باستها
_أم أركان ... العواض من الله بنيتي مامكتوب الج حبيبتي
_أرق ... عمة والله نزلت أمشي على كيف وماحسيت غير وكعت
_أركان ... كمت أبجي علة منضرها تقدمت عليها أرق لاتبجين والله خذت حقج هسة واجيت لا تبجين بعد روحي
_أرق ... أركان شنون ماابجي واني خسرت أبني خسرت فرحتي وفرحتك ليش ياربي شنو سويت وهيج تاخذة مني ليش ياربي شنو السويتة حتة تجازيني هيج ضليت أبجي 😭 وهمة يسكتون بية حاجيت أركان أريد أرجع للبيت
_أركان ... حالتج بعدها صيري زينة يلة نطلع
_أرق ... ماعلية ماريد أضل داكلك أريد اطلع
_أركان ... أرق هاي شبيج جاي أكلج حالتج موزينة بعدها
_أرق ... أوكي لطلعني أني اطلع ملصت المغذي نسحب هوة والكانونة و كمت
_أم أركان ... صملة الزهرة هاي شبيج بنيتي شجاج
_أركان ... أرق بطلي عناد شوفي ايدج تنزف
_أرق ... ماعليك بية أنتة أني مسؤولة علة حالتي لبست عباتي وطلعت لكيت عمامة واكفين برة رحت علة أبو ذياب عمو رجعني للبيت فدووة والله ماتحمل اضل هناية
_أبو ذياب ... شبيج بنيتي وين تروحين وانتي بعدج موزينة شوفي أيدج تنزف
_أرق ... الله يخليك ماريد اضل لتخلوني هناية
_أبو ذياب ... يلة بس خل يضمدون أيدج
_أرق ... ماريد ماريد بس خل أطلع خذاني عمو أبو ذياب وصعدت ويانة عمتي وام ذياب رجعن للبيت تلكني النسوان يحمدللي بلسلامة طلعت كبل لغرفتي قفلتها وكعدت أبجي ياررربي شنو سويت ضلمت أحد سويت شي الأحد ليش هيج ماكملت فرحتي جنت أحلم كدامي يوم يوم اتاني يجي للدنية واشوفة يومية أتخيلة بحضني نايم ليش هيج حرمتني منة قبل لا يجي ليش لييييييش شنوووو سووويت رحت علة الميز ذبيت كل غراضة طشرتها الكزاز وكلشي بلكاع طول طبتي كلها ويدكون بلباب أركان وعمتي وغصون وعمات أركان
_أركان ... أرق فتحي الباب لتخبلين
_أرق ...أركان عووفني
_أركان ... بس فتحيلي الباب خل احجي وياج
_أرق ...أركان رووح مني ما احجي وية أحد عوفني
_أركان ... والله أكسر الباب هسة أفتحي أرق لتعانديني
_أرق ... فتحت الباب صار بوجهي أركان حضني
_أركان ... يعمري كافي شبيج والله علعلتيني كافي لتبجين أخذتلج حقج وداعت هاي الدمووع
📝_الكاتبة رقية ✔
_أرق ... أركان شنو السويتة حتة هيج يصير بية
_أم أركان ... كافي بنيتي الله يعوضج بل أحسن نشالله
_أرق ... عمة والله اتناني يوم يوم أتخيل يصيرلي طفل بحضني ويكلي ماما ليش أني هيجي شنو السويتة وهيج أتجازة
_غصون ... أرق كافي يكلبي والله موزين عليج البجي الحمدالله على كل حال
_أرق ... أريد أروح لهلي
_أركان ... ميخالف أني اخذج بس اسكتي تعالي نامي أمي راحت غصون لمت الكزاز وراحت رحت يمهة اخذتها بحضني نومتها نامت هية وتشهك باوعو عليها أرق وداعت هاي العيون وهاي الدموع والشهكة أخذ حقج من شيماء
_أرق ... مر يومين الصبح الساعة9:00 كعدت أركان نايم بصفي ضليت أباوع علة ملامحة أخذت خصلة من شعري وخيتها يم اذنة رفع أيدة وحك أذنة سويت مرة لخ هم حك اذنة بس شنو اني خربانة من الضحك علي مرة ثالثة أجيت أسوي بعدنة مموصلة أيدي فتح وعيونة صارت بعيوني😳
_أركان ... بت المشتعل تضحكين علي واني نايم
_أرق ... بابا شعلي تغلط علي 😒
_أركان ... لا صدك شعلي أشو تعاي انتي وكمت ادغدغها وهاي خربانة من الضحك أخر شي حجت
_أرق ... هههههه أركان كافي حمووت😅 بعد مني وكال
_أركان ... يفدوة للضحكة التارسة وجهج😍
_أرق ... أركان خل نطلع نغير جوو شوية
_أركان ... وين تريدين
_أرق ... ماعرف انتة بكيفك
_أركان ...أذا بكيفي اعوفج نايمة على كلبي وانسة الدنية🥰
_أرق ... لا وديني لهلي
_أركان ... شكد اضلين
_أرق ... اسبووع
_أركان ... هواي أسبوع ما اتحمل بعيدة علي يومين وأجيج
_أرق ...لا خليها 3 ايام وتعال
_أركان ... هاهية تحضري العصر أروح
_أرق ...أوك يلة كوم نتريك غسلنة ونزلنة دخلنة المطبخ كاعدين عمتي وأمير وغصون صلحنة عليهم
_أمير ... شبيها مرت اخوي اليوم الضحكة تارسة وجها
_أرق ... لأن راح أروح لهلي العصر فرحانة
_أمير ... جاا متاخذيني أشوف الملاك العد أهلج
_أرق ... منو تقصد بكلامك
_أمير ... غير مايا مدري أمج شمتنسية بيها
_أرق ... بكيمر تنست بيها
_أمير ... لا بربج
_أرق ... أي والله هية بكيمر واني بعسل
_أم أركان ... أضنك عاشك ييمة
_أمير ... جااا يمة هسة يلة حسيتي بية وين جنتي قبل
_أم أركان ... تريدها لمايا
_أمير ... لا يمة أريد أبوها جاا غير أريدها هية
_ألكل ... هههههههه
_أم أركام ... عود أرق من تروح ندز خبر لهلها ونشوف أذا قبلو نروح ونخطبها ألك
_أمير ... أي يمة من الأول بردي كلبي والله جان مشتعل شعل
_أركان ... ولك أمير من شوكت صاير هيج ماعرفتك
_أمير ... ياخوي من يوم الشفتها صرت هيج
شلون أنتة من شفت أرق
_أركان ... هههههه والله تضربها بلعدلة
_أرق تريكنة وغسلت مواعين نضفنة البيت صعدت خليت ملابس ألي بلجنطة سبحت نزلت صبينة غدة تغدينة غصون كالت اني اغسل مواعين روحي تحضري انتي رحت تحضرت وحضرت ملابس لأركان لبست فستان طويل لون زيتوني وشال تبني وحذاء وجنطة تبنيات خليت مكياج خفيف جاي أعدل بشالي دخل أركان
_أركان ... هاا كملتي
_أرق ... أي بس أنتة أدخل اسبح وتحضر دخل سبح وطلع لبس ساعتة ومحابسة والسبحة وكال
_أركان ... يلة عندج شي بعد
_أرق ... لا معندي خلصت قبل لا اطلع رحت سلمت على عمتي وحاجتني أكول لهلي على مايا ينطونها ل أمير وسلمت على غصون ووطلعت بلباب تلكاني أمير يغني
_أمير ... ياطير يمسافرلة وصلة هاذا الكلام ميت حبيبك كلة بليل أبد ماينام🥰❤
_أرق ... ههههههه هيج شالعين كلبك
_أمير ... أي والله يخيتي أكلج امي كالتلج تحاجينهم
_أرق ... حاجيتها ومتقبل اكول لهلي تكول مااخذها ألة اخذلة فرح بي عمتة
_أمير ... لاهاهية تاخذلي حمدية أم البن
_أرق ... هههههههه روح شوفها يلة باااي عفتة وطلعت خطية ضاج من كتلة متاخذها تريد فرح صعت أركان يتانيني شغل السيارة ومشة وحاجاني
_أركان ... وين صرتي
_أرق ... غير ودعت عمتي وغصون وأمير تلكاني بلباب هبطتة خطية
_أركان ... ليش سويتي
_أمير ... كتلة امك متريد مايا تكول أخذلة فرح بت عمتة ويكلي تاخذلي حمدية أم البن
_أركان ... وشبيها فرح أشوو أخلاق وجمال وماناقصهة شي
_أرق ... احممم احممم 🤨
_أركان ... اقصدلج على مريتي وأخذت ايدها بستها واني شعندي غيرج لو يجن عشرة مابدلج بيهن 😍
📝_الكاتبة رقية ✔
_أرق ... أحبك يعمري😍
_أركان ... ولج أمووت عليج 😘 أخذنا الطريق كلة نسولف نص الطريق ونامت هية نايمة جنها ملاك 🥰 وصلنة للمنطقة مال اهلهة الساعة 5:00 كعدتها أرق أرق اكعدي يلة وصلنة
_أرق ... أركان كعدني وصلنة المنطقة مال أهلي وصلنة طبك السيارة بلباب نزلنة أخذت جنطتي دكينة الباب طلعت مايا حضنتها وابوس بيها مايا شلونج أخبارج ولج بذاتة ليش صار كم يوم متراسلين
_مايا ... أسفة والله مكاعدة لان بلصيدلية
