رواية مليكه الفصل الحادي عشر بقلم جمانه السعيدي
مليكه... نمت والموبايل بايدي منتضره سند يتصل او يدز رساله وغفيت
مااعرف شكد نمت بس حسيت واحد خله شي على حلكي
جريت نفس مثل المختنكه وبعد ماادري شصار
مغمضه عيوني عبالك واكعه من جبل
واسمع ثنيين يحجون واحد يحركني ويبزني بعوده
ويكووول عدله لو ميته
والثاني يكووول لا عدله شوف تتنفس
أصواتهم مال جهال مو كبار يعني عشر سنوات او تسعه
هيج واسمع صوت خرفان
اريد افتح عيوني مااكدر احس جفوني ثكيلات
جربت ارفع ايدي وماكدرت ابد
الأول كال...خل نروح نجيب ابوي هو يعرفه اذا عايشه لو ميته
الثاني...انت ابقى يمه خل اجيب ماي واصيح ابوي
مليكه..اسمعهم ومااكدر احجي ابد مر الوقت مااعرف شكد ايجوز ربع ساعه او اكثر
هدوء بس اسمع صوت الخرفان بعدين سمعت صوت رجال يكول وين لكيتوها
الطفل الأول...هنا احنا لكيناها ماحركناها ابد
دنك الرجال يسمع نبض كلبي اي هاي عايشه راسا كال جيبو الماي شال راسي وخلا بحضنه وغسل وجهي
وكام يضربني على خدودي
كدرت افتح عيوني
الرجال...بويه انتي منيين
مليكه...اباوع منطقه فارغه وهذا الرجال والجهال بباوعون بوجهي
الرجال...انتي شلون اجيتي هنا
مليكه...اني وين
الرجال...انتي بأطراف بغداد هاي المنطقه مابيه بشر
نرعى الحلال بيه
مليكه...شلون اجيت هنا
الرجال...اني اسئلج انتي منيبن
مليكه...احس شي ثكيل على كلبي كوه احجي
اريد ماي
الرجال...خله البطل على حلكي وشربت حسيت شي مر دخل بلعومي
راسا عدلت راسي وتقيئت
من تقيئت حسيت نفسي احسن عدلت كعدتي منطقه تايه
مليكه..اني شلون اجيت هنا
الرجال ...احنا نسئلج
مليكه..مااذكر اخر شي نمت بيت ابوي واني انتضر سند يتصل عليه
جمانه السعيدي
الرجال...سند منو
مليكه...كمت على حيلي مشيت شويه حافيه ماكو شي برجلي رجعتلي ذاكرتي اذكرت كلشي بس مااذكر شلون اجيت هنا
اذكرت مكالمة هاجر وعرفت اني المقصوده
التفتت على الرجال عمو عندك موبايل
الرجال...اي بس من هذا العادي
مليكه...اكدر اخابر بي
الرجال...اي بس مابي رصيد هواي
مليكه..اني اشتريلك رصيد اني حافضه رقم جدي
راسا اتصلت رن ومارد عليه رجعت اتصلت مره ثانيه
مليكه...جدووو اتصل على هذا الرقم اني صارت وياي مصيبه خلص الرصيد
راسا رن عليه جدووو
جدووو...هاا مليكه ماسمعت شكووو
مليكه...جدووو الحكلي تعال بسرعه هاجر شمرتني وحتى موبايل ماعندي
جدو...انتي وين هسه
مليكه...هاك هذا عمو يدليك بلمكان الرجال اخذ الموبايل وكعد يوصف الجدي المكان وجدي يوصي يدير باله عليه
منا لمن يوصل
مليكه...جدو بسرعه تعال
جدي..راح اخذ سياره خصوصي واجيج وكل اشويه اتصل عوفي الموبايل عندج
مليكه..بسرعه جدووو
جدي..اي اجيت
الرجال ..عوفي الموبايل عندج واحنا نبقى يمج الشمس حاره احنا بانين صريفه تعاي اكعدي واكليلج خبيزه
مليكه..صح اني مااعرف شنو صريفه بس رحت ويااا
طلعت وصلة قماش ومثبتيه بعمدان مثل الخيمه
أنطوني خبز بس اني ماكدرت اكل ريكي بعدا مر من المخدر الي خلو على خشمي حتى افقد الوعي
ساعتين وربع ووصل جدي طبعا كل نص ساعه يتصل
عليه من شفته كمت ابجي حضنته وابجي بقوه
جدي...الله لايوفقه الضالمه تريد تخلص منج
مليكه...خدرتني وشمرتني هنا
اتشكرنا من الرجال وطلعنا المركز الشرطه قدمنا دعوه عليه
طلعنا احنا وسيارة الشرطه على بيتهم كبل
دكينا الباب محد فتح رجعنا دكينا طلعت هاجر تفرك بعيونه جدي راد يضربه بس الشرطه لزمته
هاجر...مليكه وينج من امس ندور عليج
مليكه.. ادورين عليه لو تخلصتي مني هاي حضرت الضابط
الي شمرتني واني اليه حقوق يمه ولازم اخذه
هاجر...اي حقوق تحجين عنه انتي أمس تنازلتي عن كل حقوقج الاخوانج بالتسجيل العقاري حضرت الضابط
اني عندي شهود والمحامي جان حاضر وعندي نسخه من التنازل ومستعده اجيب الشهود هاي كذابه تتبلى علينا
مليكه..بقيت صافنه راحت جابت تنازل اني موقعه علي
هاجر...تعال حضرت الضابط شوف غرفته من امس كعدنا لكيناها مجمعه ملابسه وعايفه البيت
حتى ما ودعتنا من طلعت وبقينا بقلق عليه
جمانه السعيدي
دخلنا اني وجدي والضابط للغرفه كلشي مابيه لا ملابسي ولا الموبايل ولا اي شي
الضابط...تكدرين تقيمين دعوه على مليكه تتهمينه ازعاج وتعدي
هاجر...لا عليمن الطيب احسن الخاطر ابوها سماح بس مااريد اشوف وجها هنا مره ثانيه ابد
مليكه...ركضت الغرفة نورهان حتى تشهد وياي مالكيته
ومحمد هم ماموجود بغرفته
طلعت من البيت بااسوء حال حافيه وتراك مال النوم
جدي شكد حاول يشتكي عليه بس الضابط كاله بدون شهود ماتمشي القضيه بعدين مليكه موقعه التنازل خلاص
انصحكم ترجعون البيتكم
اجرنا سياره وطلعنا للنعمانيه واني الطريق كله بحظن جدي وابجي وهو هم يبجي على حالي
وصلت للبيت منهاره فد مره ومالي خلك احجي ابد
بقيت بغرفة جدي مااطلع وجدي يوكلني بلكوه ويدعي عليه ليل نهار الله ينتقم منه
قربت المدارس وجدي كال لازم اداومين وتنجحين
وتنسين كلشي مر عليج فهمتي لو لا
ماكو غير المدرسه اطلعج من هذا الوضع صرت غير انسانه
وحده ساكته وحزينه وضايجه طول الوقت
القاهرني ليش سند مايسئل عني امه شكالت عليه وكرهني ومايسئل عني
قررت اخلي جهدي كله على القرايه وانسا كلشي صار وياي
كمت مااطلع لأي مكان من المدرسه للبيت
ومن البيت للمدرسه واقر ليل نهار وجدي شكد يشتريلي حلويات واقلام وملازم كدرت اجاوز كلشي
بس حب سند ماكدرت اجاوزه ابد افكر بي دائما وكلما اباوع بلمرايه الكلاده اذكرني بي
دخلنا سنة ٢٠٢٠ وبدت أزمة كورونا وصار التعليم الكتروني
شديت حيلي على الدراسه
قبل الامتحانات الوزاريه بيومين اندكت الباب سمعت صوت سند يكول هنا جدي الحجي
لازمه الكتاب وكع من ايدي ركضت للباب واني اكوول لا
مو سند اني جاي احلم وكفت كباله اي هذا سند
سند...هلو مليكه اني اسف
مليكه...واكفه كباله ومامصدكه ماحجيت ولا كلمه اجا جدي وكال ادخل
واني ساكته مامصدكه صار عشر اشهر ماشايفته
دخل كعد بلاستقبال وكلهم اجمعو علي
سند...اريد احجي كلشي مر علينا وارجوكم اسمعوني للاخير
اني مااعرف اي شي صار على مليكه رجعت من السفر وكالو مليكه اخذت حقه ورجعت الاهله وجده يكول لحد يتصل علينا مره ثانيه ماصدكت اتصلت على رقمها الف مره
من اربيل ومن رجعت بس ماترد كلت اكيد كلامهم صحيح
اني اخذت البطوله ورا شهرين من رجعت
سافرت للاردن عدنا بطوله دوليه بقيت ست اشهر ورجعت
تعرفون أزمة كورونا والناس كله انحبست بسب هذا المرض
امي صابه المرض وهسه هي بين الحياة والموت
وماكو على السانه غير مليكه
تكول يتيمه وهاي حوبته امس يله حجتلي كلشي سوته بمليكه بمشاركت خالي ضياء خلوها توقع على ورقه
بالتسجيل العقاري وجواها ورقه بيضه كتبو بيه التنازل
وبعدين خدرت مليكه وشمروها
وانتم تعرفون باقي القصه هسه اني جبت حصة مليكه
ميه وخمسه وعشرين مليون جبته وياي بجنطة السياره
طبعا سحبتهن من الفلوس الي حصلوه اخواني ومليكه من ورث جدي والبيت بعدا مامبيوع احنا كاعدين بي
ومااريد شي غير تقبلون اعتذاري كان لازم اسئل واتأكد
من كلامهم قبل لا اصدك بي واكثر وحده تستحق اعتذاري
مليكه
هسه اجيب الفلوس واجي
مليكه..طلع ورجع بيده جنطه متروسه فلوس
سند...مليكه انتي كلبج طيب سامحي امي امي مااعتقد
راح تصير زينه حالته حيل تعبانه
هسه لازم ارجع البغداد لان خواني كلشي مايدبرون بدوني
مليكه...طلع واني بعدني كاعده بمكاني ومااكدر اصدك كلشي سمعته جدي طلع ودعه
بقيت يومين واني مامستوعبه كلشي صار وياي
ومافتحت الجنطه ولا شفته بس جدي فتحه شويه ورجع سده مره ثانيه بدت الامتحانات وامتحنت اخر يوم قبل لا اطلع للامتحان الاخير
بامتحاناتي سمعت هاجر ماتت
رحت امتحنت ورجعت كلت الجدي يله نروح نعزي اخواني وسند رحنا للفاتحه ووكفت وياا نورهان ومحمد وسند
جدي بس خلصت الفاتحه رجع واني بقيت يمهم للاربعين
طلعت النتيجه ناجحه ومعدلي ٩٥ انقبلت قانون بغداد
جدي كال ابقي يم اخوانج كملي دراستج
السنه انخطبنا اني وسند وعقدنا بس اتخرج نتزوج ونعيش بنفس البيت وياا اخواني واخوانه
وحصتي من الفلوس اشتريت بيت بلنعمانيه وواجرته
جدي يستلم الإيجار ويدزه اليه كل شهر
الحق مايضيع ابد واني حقي رجعلي مو بس حقي
سند هم رجعلي وهذا اهم من الفلوس
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
