رواية أزمة ثقه الفصل الحادي عشر بقلم جمانه السعيدي
عشتار... أولادي كبرو
طلعنا من البستان بعد ما بعنا حصتنا على حماي
واشترينا بيت جبير
اركان صار عنده شركه خاصه بي شركه هندسيه ناجحه
ادم تخرج من كلية الهندسه مثل ابو وجاي يشتغل وياا ابو
بلشركه
خطبنا بت عمه ازوج وعايش بيت وحده عنده طفل صار منها
اما يوسف جاي يدرس محامى
عاجبته بنيه وياا منتضرته يخلص واخطبها اله
حبيبي الحد الان وهو لازك بيه ما ياكل اله من ايدي
يتخبل عليه اذا اتمرضت
لو شاف ابو صار عصبي عليه يكوم يحجي علي
اركان دائما يكول انتي خوش محامي عندج وهو فعلا محامي
يكول اني ازوج هنا ويااج لان مااكدر افاركج ابد
اني اتقاعدت واشتريت سياره اطلع افتر بيها من اضوج
واخلص بيها شغلي
وضعنا المادي اكثر من ممتاز
دائما اكول الحمد لله الي خلصني من جواد حتلو ما أخذ فلوسي ولا ازوج عليه هو الحياة كانت ويااا
متعبه كلشي بحساب وكتاب حياة جافه مابيها عاطفه
اني عايشه ومرتاحه وياا عائلتي الحلوه
جمانه السعيدي
اما جواد هسه راح نعرف شنو صار ويااااا
من بعد ما طردني اجر البيت حتى يضمن الايجار ينزل بجيبه وطلكني خاف احصل منه شي
طلكني وحتى المؤخر مادزه اليه
الحمد لله
لله لا يعوزني اله واحد بخيل ناكر العشره
سكن وياا زوجته بيتها كان طمعان بيها مثل ماطمع بيه
حملت زوجته وجابتله بنيه
ثنيبنهم كانو طايرين بهاي البنيه
زوجته سبق الها ازوجت وماصار عدها اطفال
وهو هم ماعنده اطفال خبلوها بلدلال منا لمن صار عمرها عشر سنوات
ازهار طلعت عدها مرض خبيث كان منتشر بجسمها وماتعرف عنه شي اله متاخر
ماتت وعافت جواد وبتها وحدهم
جواد زاد عليها الدلال لان يتيمه لمن تخبلت فد مره وكامت ماتسمع كلام احد
من تغير وضع العراق وبدا يدخل الاثاث المستورد
جواد غير عمله بدا يشتغل بلاثاث المستورد
عاف البيع والشرا بلاشياء القديمه
جواد كان خايف على فلوسه مااايامن يخليهن بلمصرف
حافر الحايط وخال بي خزنه
جبيره يضم بيها فلوسه
خصوصا بعد ٢٠١٨ لمن كالو العراق راح يدخل ازمه ماليه
خاف يضم فلوسه بلمصرف لا يرحن علي
جاب هاي الخزنه للبيت ونصبها وكام يضم بيها فلوسه
الحد ماالبنيه صار عمرها ١٨ سنه
طاحت بواحد نذل اكثر من ابوها
واحد.ساقط صاحب علاقات رسم عليها الحب بسبب فلوس ابوها
البنيه صدكت بي ومشت ورا
مثل مااني صدكت جواد وجبت الفلوس وخليته بااايده
ياسبحان الله نفس المعادله
كما تدين تدان
طالبته يجي يتقدملها الولد ماكان عنده اي مشكله
اجا اتقدملها
من شافه جواد تخبل جواد وين يحسبه بلورقه والقلم
يريد واحد شبعان يجي يتقدم البته
هذا ووين يصرفله والولد سمعته سابقته
نصاب يضحك على البنات
جواد كان رده عليه بلرفض
الولد حاول اكثر من مره بدون فايده كلما يرفضه جواد البنيه تتمسك بي اكثر جمانه السعيدي
الحد مااتفق وياها ينهزمون ويروحون بدون علم ابوها
الولد...شنو رائيج ننهزم ونزوج
البنيه...اي ننهزم لان ابوي قافل مايقبل
الولد...ماعندي فلوس لازم يكون عدنا فلوس نبدي حياتنا
فلوس هواي
البنيه....ابوي عنده كومه فلوس بلخزنه
الولد...تكدرين اجيبهن حتى نبدي حياتنا اني وياج
هنا اول وتالي اللج ابوج ماعنده غيرج يعني ذني فلوسج
جيبيهن خل نعيش حياتنا بمكان ما قافل عليهن
نطلع الاربيل ومناك التركيا نطلع للخارج نعيش حياتنا اني وياج
البنيه...اي تمام
الولد...كلهن لا تعوفين منهن ولا الف دينار
البنيه كانت تعرف ابوها وين يخلي المفتاح
بليل من نام ابوها فتحت الخزنه وخلت الفلوس بجنط
ورنت على حبيبها اجا بسياره اخذو الفلوس ونهزمو هو وياها
على اساس يرحون الاربيل ومناك يطلعون التركيا
الولد بلطريق محضر قطعة قماش وبيها مخدر
خلاها على وجها وشمرها واخذ الفلوس وطلع
جواد من كعد ولكا فلوسه ماكو ضربته جلطه
الفلوس هواي مو مبلغ قليل يعتبر شغل عمره كله
من شاف الخزنه فارغه والبنيه ماكوووو
كام يعيط بصوت عالي من الهبطه وكع من طوله
نقلو للمستشفى وهو بااسوء حاله
والبنيه كعدت لكت نفسها مشموره بلشارع وماعدها فلوس
بقت من مكان المكان ماتكدر ترجع الابوها تخاف منه
ولا عدها مكان تعيش بي
كامت تستغل بلملاهي حتى تعيش
اما جواد الجلطه أثرت علي لا يحجي ولا يكدر يتحرك
اسبوع واحد ومات
مات وحده ماكو وياا احد بس اخته وولده
الفلوس الي باكهن قبل من عشتار رب العالمين سلط علي الي اخذهن منه بدون وجع كلب
مات مريض وحزين ووحيد
حتى حلمه يصير عنده اطفال هذا الحلم دمره
البنيه الي باع عشتار علمودها
باكت فلوسه وانهزمت وكامت تشتغل بلملاهي
الي يرحون الهيج أماكن شايفين بته هناك ولان يعرفوها ووصلولها
خبر وفاة ابوها
بس مااهتمت ولا رجعت ولا سئلت عن شي
سبحان الله الي بدل حياة عشتار الأحسن حياة
زوج وأولاد وحياة سعيده
وغير حياة جواد الأسوء حياة خسر فلوسه وسمعته
البنيه الوحيده الي تعب عليها ضيعته
ضاع كلشي منه
الفلوس الي اخذها من عشتار بلحيله والحرام
انوخذت منه بلحيله والحرام
رب العالمين راد يغير حياة عشتار الأحسن حياة
وينقلها العالم ثاني لان هي طيبه انسانه تخاف ربها
ومااذت احد رب العالمين جازها خير بلاخير
لان ماكدرت تاخذ حقها منه
رب العالمين أخذ حقها واكثر جمانه السعيدي
تقريبا عشرين سنه يله بينت حوبة عشتار بجواد
لان هو بقا على غلطه
لمن صارت عنده فلوس ماحاول يرجع فلوس عشتار
ويعتذر منها للشي الي سوا بيها
بلعكس اتمادى بلغلط اكثر وكثر
احتمال بعد عنده أخطاء بلبيع والشرا احنا ما نعرفها
ايجوز كان يغش او يضحك على الناس
ومن يعمل منكم مثقال ذرة خير يره
هاي الاخبار علي وصلها العشتار حتى يطمنه حقها ماضاع
رب العالمين أخذ حقها من جواد
الحمد لله والشكر لا اضوجون على شي راح منكم
اكيد رب العالمين ضاملكم شي احلى منه
دمتم سالمين
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
