رواية نهوة صقر الفصل الحادي عشر بقلم جمانه السعيدي
صكر....بس طلع لؤي زينه دخلت جوا
و امي كامت تضحك بصوت عالي
صكر...شكو ضحكينا وياج
امي...ولك البنيه تخاف منك
صكر....لا ماتخاف مني تحترمني وجاي تسوي اشياء صحيحه
واني راضي عليه قبل جانت طايشه وهسه عقلت
دخلنا لكيت زينه تنضف بلمطبخ
صكر....امي باجر ترحين اجيبين رداء الزينه تطلع بي
امي اي شكد قياس تلبسين
زينه...مااريدا بي شغل هواي ولمع اسود كون نازك قياسي
لارج
امي..انشاء الله
ثاني يوم امي جابتله رداء
صكر..حضري نفسج انروح البيت عمي يحيى وبيت عمي طاهر حتى تغيرين جووو
زينه...انشاء الله
صكر...انت ترحين ويانه امي
امي..لا مااروح عندي واجب العصر اريد اروح
زينه.... بدلت لبست الرداء وطلعنا خل نروح مشي
صكر...خاف تعبين واخاف على رجلج توجعج
زينه...اذا وجعتني اكلك وناجر سياره
صكر...تمام
مشينا شويه تقريبا عشر دقايق
زينه...اي اي رجلي
صكر...شنو توجعج اني شكلت
زينه...لا اتشاقا وياك
صكر...احجي الصدك توجعج
زينه...ولله اتشاقا وياك
صكر...ممنوع هيج شقى لان اخاف عليج
زينه...اوي فدوه الكلبك
#جمانه السعيدي
صكر قررت اختبر مشاعرها واشوفه تحبني مثل مااني احبه
صكر...يمته ازوجج واخلص منج اول واحد يتقدملج اوافق
زينه...لزمته من ايدا وقبل لا احجي طفرن دموعي
صدك تحجي صكر
صكر.اتفاجئت من منضرها والدموع نزلن قبل الكلام
صكر...هاي شبيج
زينه..تحجي صدك لو تشاقا
صكر... ليش اشاقا مراح تزوجين اكيد تزوجين بيوم من الايام بس اني ماااوافق اله يكون انسان يستحقج
زينه...مسحت دموعي خنكتني العبره بلزايد كمت ابجي بلزايد كوه حجيت كتله رجعني للبيت مااروح
صكر...ليش ترجعين وليش تبجين
زينه...طلعت على حقيقتك
صكر...حقيقتي شنو حقيقتي انتي مو بنيه وكل بنيه تزوج بلاخير اذا لكت الإنسان المناسب
زينه...عفته ورجعت
صكر...اوكفي وين رايحه انتي بيج شي
زينه...رجعني انت اليوم موطبيعي اله اكل الجدو وبيبي عليك
صكر...لزمته ووكفته اوكفي فهميني شنو غلطي
زينه...عوفني بعد مااحجي وياك عوفني سحبت ايدي ورجعت امشي بسرعه
صكر....تمشي بسرعه وكل شويه تمسح دموعها
خلاص هاي اول علامات الحب لو ماتحبني مابجت من كلامي
دخلت وطبكت الباب وكبل الغرفته فوك وقفلت الباب عليه
جمانه السعيدي
صكر دخلت للبيت
امي...شبيكم ليش زينه زعلانه تعاركتو
صكر...لا ماتعاركنا تعاي اريدج بشغله كلش مهمه
امي...ياستار شكوووو
صكر....تعاي واني افهمج
زينه.....دخلت للغرفه وطبكت الباب صرت عصبيه وكمت ابجي شلون صكر يكول ازوجج واخلص منج
يعني مايحبني معقوله مايحبني ليش اني احسه يحبني
كل تصرفاته وياي تكول يحبني
اهتمامه بيه وخوفه عليه يأكد هو يحبني
زين ليش يكول اازوجج واخلص منج خاف مل مني
صكرصعدت دكيت الباب
صكر....زينه افتحي الباب
زينه...مارديت علي
صكر...مو احجي وياج ليش ماتردين عليه
زينه...مزاعلتك
صكر...ليش غير اعرف ليش اني حجيت شي غلط
زينه...مليت مني تريد تخلص مني مو تكول احنا اهلج
صكر..افتحي الباب
زينه..ماافتح ويجي جدي واكله عليك
صكر...افهمي مو مليت منج بس كل بنيه نهايته زواج
يعني اني قابل هسه زوجتج قصدي من يجي الإنسان المناسب تزوجين وتستقرين
زينه...اني مااريد ازوج انت طالبني بطلابه
صكر...ماتفتحين الباب خوش بسيطه اني زعلت
نزلت جوووا اجا جدي من برا وكعدنا اني وجدي وبيبي نسولف وامي تحضر بلعشى
شويه ونزلت زينه لابسه تراك ضيك وضافره شعرها كصيبه والعطر يمشي كدامه
بس شافتنا دخلت يمنا بلغرفه شلونك جدو
جدي..هله حبيبت جدو شلونج ولله البيت صار حلو من انتي اجيتي
زينه... اني موزينه تقبل صكر يكول انزوجج ونخلص منج عبالك كاعده على كلبه
جدي....لا مااقبل صكر ليش تحجي على زينه
صكر...اني مزاعله ومااحجي وياها
جدي...ليش ياستار
صكر...مزين اكله اذا يجيج خوش انسان انزوجج ونخلص منج
جدو....لا مامقبوله منك هذا بيته وتكعد بي منا لمن تشبع
وانا تريد تزوج تزوج بلوكت الي يعجبه مو لان نريد نخلص منه يله اعتذر منه
جمانه السعيدي
صكر.....مااعتذر منه لان هي ماانطتني مجال افهمه
جدي..يله تصالحوا الخاطري
صكر...يله صالحته
زينه...لا ولله اعتذر وبعد لا اجيب موضوع الزواج ابد
صكر...اه اعتذر اني
زينه...اي انت تعتذر
صكر...اسف
زينه...وليش تكوله بدون نفس
صكر...يعجبني
امي....انتم حبايب وخوان وماكو زعل بينكم انشاء الله
هسه مادام كلكم اجتمعتو على خير اريد احجي وياكم
جدي...كولي خير انشاء الله
امي..تعرفون اني من زمان ادور بت حلال الصكر
زينه..اني ابتسمت توقعت تقصدني
صكر...اي لكيتي
امي...اي لكيت خوش بنيه وخريجه وجيرانه ونعرفهم من زمان بيت ابو محمود بتهم سجى اني لمحت الامه وموافقه شنو رائيكم
زينه..حسيت كلبي راح يوكف من سمعت الخبر ياا صكر يزوج وحدا غيري اني احبه شلون يزوج وحدا غيري
جدي...اي بيه الخير المهم رائي صكر
صكر...الي تشوفه امي اني موافق علي
زينه...كمت لان الدمعه بطرف عيني خاف توكع وانفضح
طفرت من يمهم صعد على الدرج وهنا دموعي نزلن شلال
عثرت ورجلي انصدمت بلدرج لكيته حجه وكمت ابجي
صكر...سمعته تبجي لان اني بالي يمه رحت وراها لكيته كاعده على الدرج ولازمه رجله وتبجي
صكر...شبيج تعورتي
زينه... بعصبيه وخر عني مالك شغل بيه
صكر...خل اشوف رجلج
زينه...عوفني عوفني
صكر...دنكت حضنته وشلته اعرف تبجي من خبر زواجي مو من رجله ضمت وجها باديه وكامت تبجي حيل
صعدت الغرفته نزلته على الجربايه ودنكت اشوف رجله
صكر..كل هذا البجي من هذا الجرح الزغير
زينه...اي مو انت ماشايف الوجع
صكر...هسه اضمده اللج ترا جرح زغير ردت اكوم راسا لزمتني من ايدي
جمانه السعيدي
زينه بعد مااكدر اسيطر على نفسي واني اشوفه مهتم بيه
ياربي احبه ومااكدر اتخيله يزوج وحدا غيري
راد يكوم لزمته من ابدا التفت عليه
زينه...صدك تزوج اهييي اهييي
صكر..كوه لزمت نفسي اريد اطكه ضحكه رديت عليه
اي ليش ماازوج رجعت كعدت بصفه
زينه....اهيي اهيي واني شلون
صكر...سويت نفسي مستغرب انتي شنو دخلج بموضوع
زواجي
زينه...موو مووو اهييي مو اني احبك
صكرشكد جنت منتضر هاي الكلمه شلعت كلبي زينه رديت عليه
...شنو تحبيني يعيني تحبيني مثل اخوج لو لان ساعدتج
ترا اني جنت ماعاجبك وتقلدين على شكلي
زينه...اني احبك فدوه لاتزوج وتعوفني
صكر..ماكدرت الزم نفسي واني اشوفه صارت حمره من البجي خوب هاي الكلمه الاخيره فدوه لاتزوج وتعوفني
راسا حضنته وكمت ابوس بيه مسحت دموعها انتي تبجين علمودي
زينه...اي ولله احبك اجا كلبي يوكف من سمعت امك تكول اخطبلك
صكر....يمه كلبج يوكف علمودي لج اني احبج واموت على ربج الي خلقج
اني جنت منتضر هاي الكلمه منج من زمان من اول مره شفتج بيه وشكد حاولت ابتعد واطلعج من بالي بس ماكدرت
اذا اخطبج توافقين
زينه...اي اي اوافق
صكر...ترا جهالج يطلعون يشبوهني مو تكولين ورطتني
زينه...موافقه كلهم مثلك كلهم غيره وشهامه وشجاعة مثلك موافقه
صكر...يله تعاي اخطبج من جدي
زينه...استحي
صكر...لا كومي بس ماضمدنا جرح رجلج نسينا
زينه..مايوجعمي عوفه الفرحه نستني الجرح
نزلنا اني وياها واني لازم ايدها
صكر...جدي اني اريد اخطب زينه منك
جدي....صدك تحجي صدك
صكر..اي جدووو اني احبه من زمان واموت عليه
جدي...بيه الخير
ام صكر....كللليلليش صلاوات الف مبروك
زينه...ازوجنا اني وصكر كان زواجنا حلووو بكل تفاصيله
كلشي اختارينا ثنيبنه على ذوقنا حتى فستان العرس
يوم عن يوم احبه اكثر واكثر
كل يوم احبه واتعلق بي اكثر
صكر...طلع تعييني والحمد لله وزينه اخذتله نقل كملت كليته صار عدنا ولد وبنيه الولد نسخه مني
والبنيه تشبه امي حيل
سنة ٢٠٠٨ سوت زينه عملية تجميل الوجه مع اني كنت رافض لان هي بعيني احلى وحدا بلعالم
ومااشوف بيه اي عيب
التزمت زينه بلحجاب والصلا والصوم وماتقبل تلبس ملابس ضيكه تعينت بمدرسه قريبه علينا
سنه ٢٠٠٥ ماتت بيبي الله يرحمه وجدي وراها بسنتين توفا كلش اتاثرت علي لان هو ابوي وصديقي
واخوي وجدي الله يرحمه كان نعم الاب اليه
لا تحكمون على الناس من الشكل
الماس يطلعو من مناجم الفحم
هنا انتهت قصتنا لا مانتهت بدت انشاء الله...
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
