رواية معالج الروح الفصل الحادي عشر بقلم جمانه السعيدي
معين هي تشرب نسكافيه ومستمتعه بلاجواء
.معين.....تحتاجين على الاقل جلستين بلمستشفى بلاسبوع
هاي الاجهزه ضروريه حتى تحفز الأعصاب الطرفيه
مروه...ولله مااعرف انت ساحر لو شنوو
معين...ابتسمت عرفت هي شتقصد
ليش تكولين هيج
مروه...جنت مصممه بعمري ماأخذ اي علاج وماعندي اي امل بلدنيا وكل يوم اغمض عيوني واكول كون مايطلع عليه الصبح
مااعرف شلون دخلت حياتي وشلون تحملتني وتحملت
عصبيتي وكلامي عليك وخليتني اتعالج
الي قبلك يوم واحد وبعد مايرجعون
معين...الفرق بيني وبينهم اني احب عملي واريد انجح
هم بلنسبه الهم واجب ولا زم يخلصون منه
مروه...انت كل الي تعالجه تعاملهم هيج
معين...افتهمت قصده بس حبيت اسمع منه شرح
...شنو قصدج هيج يعني التماربن طبعا لا كلمن وحالته
مروه...لا موهيج قصدي
معين ملت براسي صفح وباوعت عليه نضرة حب
...يعني شلون
راسا ماكدرت تخلي عيونه بعيوني دنكت وكالت
اقصد يعني تروحلهم للبيت وتهتم بيهم
( بيني وبينكم اشتغلت الغيره)
معين...مو كل الحالات اروح للبيت الاغلب يجون هنا للمستشفى واذا قصدج بنات اكو معالجات يهتمون بيهم
بس انتي حالتج تختلف
لان كالو ماتقبل تتعالج رافضه كل محاولات العلاج
وحالته صعبه
مروه...اي همزين
معين...شنو قصدج
راسا هنا اجا ابوها هي شافته راسا نشغت وصاحت بصوت عالي بابا
هو بس صارت عينه عليه كام يمشي سريع وفتح ادي قبل لا يوصل اله قرب وحضنه وكام يبجي
يبجي بعبره تكطع الكلب
بقه حاضنه هو يبجي وهي تبجي
واني هم كمت ابجي ماكدرت اتحمل الموقف
موقف صعب
كعد يم رجليه ولزم اديه يبوس ببهن ويبجي
هي صارت قطعه حمره من البجي وماتكدر اسيطر على نفسه
ابو مره....ولله بس سمعت ببج سويتي حادث اجيتج للمستشفى وماقبلو ادخل واشوفج توسلت بيهم
ولج بابا مردتي كلبي
ورجعت رحت للبيت والحرس طردوني كله من امج الله لايوفقه تريد تعاقبني تريد تحرك كلبي
مروه...بابا اشتاقيتلك جمانه السعيدي بقت تبوس باادين ابوها
ابومروه...مو بكدي اريد اموت واشوفج كل لحظه انتي على بالي ومايفوت يوم ماادعيلج تكومين بلسلامه
ولج بابا شلعتي كلبي
مروه....اني هم افكر بيك واتمنى اشوفك
ابو مروه... جنت اروح للمدرسه انتضرج حتى اشوفج
من تنزلين ودخلين للمدرسه
هي دقيقه وحده اشوفج بيه بس غير تردلي روحي
شلون صرتي
مروه....الحمد لله اهيي اهيي من شفتك صرت احسن
ابو مروه...لا تبجين ياروحي انتي
مروه...مسحت دموعي انت شلون عرفت اني هنا
ابو مره...هذا الشاب الطيب اجاني وطمني عليج
وتفقنا يخليني اشوفج
معين رفعت رأسه عليه ودموعه تنزل وكالت شكرا بس صوته كان كلش حزين
معين جبت كرسي وكعدت علي ابو مروه لان خطيه كاعد بلكاع
ورحت جبتله جاي وعفتهم يحجون براحتهم
ورجعت الشغلي مشيت ثنيين مراجعين
بقه واحد طلبت من صديقي يسويله علاج طبيعي
ورجعت لكيتهم بعدهم يسولفون تكول عشاق ومتفاركين
مروه...اني اخذت رقم بابا حتى نبقى متواصلين
ابو مروه ...اني مااعرف شلون اشكرك يعني اني اليوم ردتلي روحي من شفت مروه واطمنت عليه
بارك الله بيك
معين..ماسويت شي اني بلخدمه
مروه...انت احلى معالج واحلى معين
معين...يله ترحين تغسلين لان صرتي باندا من البجي
ابو مروه...اني اترخص واشكرك مره ثانيه
معين...فرصه سعيده
ابو مروه ...اني الاسعد
دفعت الكرسي واخذته للمغاسل
مروه...ليش ماكتلي
معين...شنو
مروه انت رايح البابا ومتفق ويااا
معين...غير اني وعدتج بمفاجئه
مروه....هاي احلى مفاجئه
راسا خلت اديه على وجه وكامت تبجي
معين وكفت وقربت عليه
.....ليش تبجين
مروه....حيل مشتاقتله
معين...اي مو شفتي
مروه...مامصدكه عيوني
معين...يله كافي بجي اوعدج بمته ماتحبين اخذج تشوفينه
مروه....مسحت دموعي وكتله
...انت وين جنت من زمان
معين...ملتهي بمشاكلي احاول احلهن
مروه...شكرا
معين...يله اروح للمغاسل
مروه...اي لان صرت اخزي من البجي
معين...انت حلوه بكل حالاتج
دخلنا للمغاسل غسلت وعدلت شكله وطلعت
معين...ترجعين للبيت لو ترحين وياي تشوفين بيبي
مروه...اي اروح وياك
طلعنا للسايق طلبنا منه يوصلنا للبيت
بس وصلنا البيتنا
معين...روح انت واني ارجعه للبيت
السايق...خاف ست الهام ماتقبل
معين...مالك شغل اني هسه اتصل عليه
نزلت الكرسي من السياره وطلعته كعدته علي وفتحت الباب ودخلت
طبعا اليوم راجع للبيت من وكت لان ضربت الدوام الخاطر مروه الساعه ١٢ ونص
دخلت ...لكيت بيبي توها مخلصه صلا
معين...تقبل الله حجيه
بيبي...منا ومنك صالح الاعمال
معين...جبتلج مفاجئه
بيبي...شنو
طلعت ورجعت ادفع بيه
بيبي...اهلا وسهلا كل الهله
مروه...وبيج حجيه
بيبي تقدمت عليه وباسته زارتنا البركه
معين...شنو طابخه اليوم ريحة الاكل تخبل
بيبي...باميه وتمن
معين....يله اصلي ونحضر السفره
اخذت ملابسي ورحت بدلت بلحمام لبست تراك وتوضيت ورجعت لكيت بيبي تسولف هي ومروه
اخذت السجاده وطلعت صليت بلهول
خلصت صلى ورحت جبت الصينيه والمواعين
خليتهن كدام بيبي جمانه السعيدي
بعدين جبت الجدور خليتهن الخبز والماي
احنا هاي طريقتنا نخلي المواعين ونجيب الجدور وبعدين
نصب الاكل
نزلت مروه كعدت بلكاع وكملنا ناكل
مروه...عاشت ايدج حجيه طبخج يخبل
بيبي...الف عافيه اني مااعرف اسوي هاي الطبخات الجديده بزه وخبز لعجين
معين....بيبي بتزا مو بزا ولحم بعجين شلون خبز بعجين
بيبي...اني مااعرف هاي الاكلات اني اطبخ تمن ومرك سمج دجاج
مروه...عاشت ايدج كلشي اطبخي طيب
كملنا اكل وكعدنا نشرب جاي
مروه...رغم بساطة المكان بس ولله راحه نفسيه
احس نفسي بجزر المالديف على كميه الراحه النفسيه
معين...النوب احجزي يله تجين
بس هلمره بلاش اذا هيج ترتاحين راح نصعد السعر
مروه...كل الفلوس ماتشتري راحة البال
بيبي...معليج بمعين يمته مايعجبج تعاي عين غطه وعين فراش
راسا اتصلت الهام
الهام...وين انتي
مروه...بيت معين
الهام...شسوين بيت معين
مروه...اخذت جلسه بلمستشفى واجيت وياا يعرفني على بيبي وتغدينا
الهام...ارجعي للبيت فورا راح ادز السايق اطلعي من بيتهم
غبيه انتي اي واحد يكول تعاي ترحين
مروه...شببج ماما ليش عصبيه
الهام...اطلعي لا اجي احرك الدنيا
معين كان صوته واضح لان تحجي بعصبيه وصوت عالي
.معين.....اسمعي كلام امج
مروه....اي اجيت
سدت التليفون هاي شبيه ماما
معين...عدها حق لازم ماترحين وياا اي واحد يعرض عليج هيج عرض
مروه...بس انت مو اي واحد
معين...هي ماتعرف هذا الشي من حقه تخاف عليج
مروه...لا ولله اي شي يسعدني تمنعني عنه وكانما مقصده تاذيني
معين...ميخالف لا تضوجين ضلي اذكري اللحظات الحلوه الي عشتيه اليوم
مروه...اليوم احلى يوم بعمري شفت بابا
راسا السايق دك هورن طلعته صعدت بلسياره وصعدت الكرسي وراحت
بيبي...يمه امه وكيحه
معين...شعلينا بيه هنا متعودات وحده على الثانيه
بيبي...اليوم شافت ابوها
معين...اي اني اتصلت علي حتى بجي يشوفه
لو تشوفينه شلون حاضنه ويبجي
بيبي...خطيه مسكينه هلمروه
.ثاني يوم اتصلت عليه مروه الساعه عشره الصبح
معين....هلو صباح الخير
مروه.. صباح النور
معين...شلونج اليوم
مروه...ضايجه.
معين...ليش
مروه...كعدت الساعه بلتسعه وبديت بحمام دافي
وتمارين بسيطه
معين...كلش زين
مروه...ام ساره اتصلو عليه بته مريضه وراحت
وامي الساعه ٣ يله تجي
واني حوعانه
ومااكدر انزل احضر اي اكله
معين...والمطلوب مني شنووو
مروه...اجيبلي اكل وتجي ناكل اني وياك
معين.. بعد مراجعين ثنيين اخلص واروح اجيب اكل واجي
شنو تردين اجيب
مروه...بيبيتك ماتبيع اكل ولله طبخه طيب
معين...خل اتصل اشوفه شطابخه واجيبلج
مروه...يله منتضرتك مو تتأخر عليه
معين...لاباااسرع وقت
اتصلت على بيبي طابخه دجاج وتمن علي حبشكلات
كتله حضري غده اليه اني ومروه وأمر عليج اخذه
كملت ورجعت للبيت
لكيت بيبي محضره الاكل وخاله طرشي وزلاطه وروبه
بيبي...يمه معين دير بالك من امه مبينه مو هينه
معين...اني ماعندي شي وياها على كد العلاج
بيبي...اي انتبه زين
اخذته ورحت عليه
خليت الاكل بلمطبخ وصعدت
معين...هلووو اجيت
مروه...هلووو منتضرتك
معين...شنو اليوم التمارين الي سويتيهن
مروه...مقص كل رجل عشرين مره واني لازمه المحجر
كعدت بحوض الماي الحار ربع ساعه
وبعد احاول احرك رجليه ارفعهن بس مااكدر ارفعهن هواي
معين...ممتاز جوعانه
مروه.. اي جوعانه شجبتلنا
معين...من مطعم بيبي .دجاج وتمن
ننزل جوا ناكل
مروه... يله ننزل
هلمره شلته على ضهري ونزلنا
خليت المواعين على ميز الطعام جمانه السعيدي وبديت اصب اكل
وكعدنا نتغده
مروه....بيبيتك لو تفتح مطعم ماتلحك على الزباين
معين... حتى هذا الطرشي شغل ايده
مروه.. شكد نفسه طيبه
معين. الف عافيه
كملنا اكل ونضفنا المطبخ
معين...نسوي كم تمرين هنا بلمطبخ
مروه...اي يله
انطيني ايدج اوكفي
مروه...خاف اوكع
معين...اني يمج وتوكعين مستحيل
سحبته من اديها وكفت يله حاولي تحركين رجليج وكانما تمشين عليه
مروه...مااكدر
معين...لا تكدربن شويه شويه قدمي رجليج عليه
حركت رجله اليمنى شويه
معين....واو شنو هذا التطور
هسه رجلج الثانيه
حركته كلش شويه يله حاولي تحركين اليمنى مره ثانيه
مشت حوالي نص متر بس بنص ساعه
يعني حركته كلش بطيئه
بس بلنسبه الحالته انجاز اليوم هلكد مشت باجر اكثر
كعدته على الكرسي لان تعبت
جبت نفاخه نفخته
معين...راح اشمره عليج وحاولي اترفعيه برجلج وكانما
جاي تلعبين طوبه
اول اربع مرات ماكدرت ترفع رجله
بعدين رفعت رجله وضربته بس مو هواي رفعت رجله تقريبا اربع اصابع
النوب محاولتين فشلن
والثالثه نجحت
معين...ممتاز ممتاز تطور حلووو
باجر اجيبلج حلويات على هذا التطور
مروه....اني هم فرحت بنفسي
معين....انكمل لو تعبتي
مروه...تعبت بس اربد اكمل لان الدرس حلووو بي متعه
