رواية اصفاد الود الفصل الثاني عشر بقلم زهرة الرمان
جواد :غالب يشتغل صحيح بس عكله موش ثابت موش لماح اجاني اليوم براي
غالب :جواد انه اريد افتح بيت الي ع الشط اليم بيت سهيل
. جواد :هو بيتك بس ماجرينه وفلوسه الك اخير
غالب :انه الصدك لكيت بت حلال واريد اتزوج
جواد :ابركها من ساعه
صارلها سنه تلح عليك قند تاخذ مره ومرتك موجوده بس ليش تطلع ببيت بيت ابوك جبير
غالب :لا انه لاكيلي مره
جواد منهي
غالب :بت طالب
جواد :هاا نرد للبيت ونشوف نسولف
وبكلبي اعرف قند راح تعترض لان طالب من عمامه وهي تكره عمامها هو عرف
غالب :شنهي رايح ترد وتأخذ الأمر من قند موش
جواد :شلك بهالجلمه هاي ربتك وانه حاسبك اخو لا تخليني احجي حجي يغثك امش
غالب :هذا الكاضينه عليه ربيناك اطيناك احجي بصوت ناصي
جواد :دخلنه ذبيت الشماغ من راسي واجن البنات بحضني سماره سماهر ونجيبه واكفه بصوت كلهن كالن كواك الله بويه
بوست البنات وعيني ع قند جابت الجدر للمكعاد وراها سنيه بجدر ثاني وصاحت
قند :نجيبه امشي جيبي الطبك يلا لا تفهين
شمالك غالب واكف ما تروح تسمي اديك
غالب :هسه هسه
جواد كعدت قند وبيدها جفجير صبت غدا اليه انه وغالب وصبت للبنات كعدنه نتغدى
تحمدت الله وعاينت الماعون غالب مامخلص
شلت شوفي اكلج خرزه الگلب
قند :يسباح گلبي بعد اصب
جواد :لا يبعد شوفي شبعت اكلج غالب نوه ياخد مره موش تلحين تردين تعرسيله
قند :ابركها من ساعه كول وطول من هلدرب هلدرب امشيلك ع اي وحده تريدها
غالب شلت أيدي من الزاد انه ماريد من هلدرب ولاذاك انه اريد بت طالب
قند :يا طالب
غالب :طالب ابن عمج وابن عمي
قند :طويلب حواف الدواب ولك
غالب شنو حواف الدواب شبيج انتي گبل بأيام الجهل سواها شني لزكت بيه
قند :كالو للطبع امشي من البدن
كال امشي ويه البدن لللحد مامش احد يغير طبعه شلون ولك بت طويلب وين شفتها
جواد :غير عواش اخو طالب أخذوا مغازه بيت هداي ودومهم يمشون من درب غالب ويمشي ع دربهم
قند :خافن انت جنت جاهل وما تدري عمامك كلهن خوانين وابوي ماجان يطيهم نسوان ماكلولك من كل دكه دكوها ببابوي ولا الثانيه تريد تأمن بيهم هذا حفظ ايوي الك
غالب :اذا ما أخذ بت طالب ماضل هنا افتح بيتي واكعد هناك واضل بلا مره
جواد :تصيح وراه ضل وولي وين ماتريد
اهدي اهدي تغدن بناتي شبيج قند الولد منتهي راسه محشين راسه ولد عمه ويريد مره منهم مو حبا بيه ينطونه تره طمع اول رد
. قند :هذا المخوفني هو هذا الأخ الطلعت منه بالدنيا
جواد :انه اكول نلمه لحذانه لا تخسرينه كلش ماطول بعده يهابج ويهابني خلنه نخليه تحت كترنه اخير ياخذونه ويكشرونه
قند :وانت عدالك ما يكشرونه هسه
جواد :جوه ادينه اخير من يرد كليله بكيفك وخليه ياخذها
قند :جواد يخرب عليه اخوي شتحجي
جواد :نضل وياه وياه جا مابليد حيله موش جاهل مثل كبل ونمنعه
وخطبناله ومعروف وجهم اليه حاقدين وطامعين واصلا متفق ع كلشي غالب بس اخواته ثلاثتهن ميتات قهر مايكدرن يحجن وردن حتى بجي بجت قند البنات فرحانات وياسه وقند مكلوبه ووجهن ا
ماضل اسبوعين بس عدلنه اله البيت وهاي العجله عرفناها من طالب بس ما كدرنه ترده
بهاي المده بدت المدارس وما فلحن لا نجيبه ولا سميه وانه جنت أتمنى يتعلمن ويتنورن بس مامش بس سماره وسماهر كلت لابد اخليهن يم سنيه المعلمه تجي لقند دوم وكلتلهن اذا تصيرن شاطرات اجيبلجن من اروح لل..... هدوم حلوه
ملات مدرسه
.........
سماهر :اني البنيه اعتبر روحي مدلله ابوي لان حيل يحبني امي عصبيه بس حنينه يعني ما اطكني ابد بس شني تخزرني انه اخاف
سميه اختي امي كايلتلها تنسل (تمشط) روسنه وتغسلنه هي عليها
اختي نجيبه الجييره جانت تضحك وتتشاقه هواي بس شني بسرعه تختاظ واذا اختاضت ابوي يكلها اجتج طنكوره ابو العبد اضل تون تبوك من ابوي تتن وتختل بالحمام البره وتشرب هي وبت خالتي شكريه من تجي انه شفتهن
جايه تنسل بيه سنيه
اكللج شي
سنيه خير
سماهر :تدرين نجيبه بالحمام هي وربيحه شيسون
سنيه :شيسون
سماهر :يشرب تتن
سنيه يمه يمه
سماهر :خاببه شمالج ترجفين امي كالت سنيه هي صاحت سنيه كامت شفتها بايله ع روحها امداج شمالج بلتي
من تخاف تبول ع روحها الغمه
ما منها فود رايحه اكول لامي طلعت للمكعاد لكيت امي وتجيبه وسنيه يتبسبسن سكتن من شافني
. قند :انه كتلج نجيبه ابن خالتج شكريه صحيح ابن اختي بس ما ادخل بذمتي واطيج خالتج خوش خاله وتسلكج ودير بالها عليج بس اشوف مجبل مطكطك عيونه مالحه
نجيبه :انه بكيفج يمه وبكلبي اكول وين الله يرضون عاشكته بس لا هو يدري ولا احد من هلي كلت لسنيه الخوافه مره ظلت تلطم همزين ماشهرتني
ضليت خانسه يجي ابوي اليوم ويشوف هو يطيني لولا
اجه خالي غالب جانو هو ومرته موش هنا
بس امي مختنكه من مرت خالي كلش تعاينلها من حدر ليحدر
نشد خالي غالب صدك ابن شكريه يريد نجيبه
قند :اي وما رديت ع نجيبه كلتلها ابوها يجي ويصير خير
جواد :رديت للولايه وحاجاني رماح ع شكريه وماكدرت ارده لان رماح زين وشكريه زينه ولو ابنهم مو ذاك اليعتمد عليه بس كلت وأدم تتعاتب كلت انشد ابوي رحت بوشي رحت لأبوي كتله
ابو جواد :انه ما عارضك بس الولد شنهي شغلته عملته
جواد :يشتغل وي گصاب
ابو جواد :اووو شو هاي الشغله ماحبها
جواد :لا رماح ينرد ولا شكريه
ابو جواد :بكيفك بويه
جواد رديت كلت لقند ننطيها لان هاي اختج
وصارت خطبتها وأخذت بس بعيد عنه وضلت قند تون شهر عليها لمن شكريه جابتها بيده وخلتها يمنه اسبوع زينه وفرحانه مبينه من نشدت قند كالت رماح وشكريه طايرين بيها طير
سماهر :من نريد ننام انه وسماره نحط خيط نشده من اصبعها لصبعي لان سماره توكع من. التخت الخشب سواه ابوي النه كال ومن تصيرن بالمدرسه اجيبلجن بعد سكمليات نجاره
أليوم اريد افتح عيوني ما أكدر ثكال عليه
اسمع سماره تنابيني (يعني تصحيني او تناديني)
ضليت هواي اسمع امي وسميه وهوسه بس ما افرز الصوت بس كلت ابوي وين سمعت سميه كالت طرش (يعني سافر)
ضليت اون ماعرف نهار لو ليل بس اسمع صوت سماره تحجي وياي بس اليوم سماره هم انطرحت يمي انه شويه اهود اليوم عاينت يمي سماره ممدوده
ضلينه يومين هيج بس اشتدت على سماره وانه عيوني ما أكدر افتحهن اليوم
سماهر. الحصبه مخليه عيوني ثگيله واحس ونين سماره سكت ايدها إلى جانت لازمه ايدي ماكو
هوسه وصريخ امي مثل المجنونه تبجي بس اني الحراره مخليتني ما اكدر اتحرك أو اسأل الكل ركضوا وامي وياهم طلعوا واني امشي واوكع من المرض اريد اعرف شبيها امي وخالي إلى وياها
ابوي مسافر ما موجود
وصلت للشط مالحكت بيهم بقيت ع الجرف متكأه ع حايط بيت حمدان الشاكول بيت جبير مكابل الشط ساعه افز وساعه ياخذني مثل حلم اني وسماره نلعب وافز مالكاها ابد ما متفاركات كلشي سويه اني وياها وكالنه ابوي السنه التجي يوصينه ع هدوم مدرسه نسجل سوه مارضيت أسجل لأن ما سجلو سماره الا سويه اني اكبر منهه بس أريدها وياي انتظرها
وهسه اني منتظره ع الجرف سمعتهم كالو نأمنها يم سيد علي
هناك وسمعت امي تصرخ
قند... ولك خويه غالب خويه دفنت سماره وهاي ع الجرف ماتت
ما حسيت بعد برجليه صارت خيوط خفت ع سماهر ثنينهن وكعن الحصبه ماتت سماره وسماهر لكيتها ع الجرف يابسه
سماهر
حسيت شالني خالي غالب وهناك شفت امي صحت
يمه وين اختي يمه وين سماره
ما ترد عليه وتبجي حيل
خلوني بفراشي ما اطاني گلبي رحت لأمي إلى البيت مليان نسوان تخطيتهن وكابلتهه يمه سماره وين اريد اختي يمه أريدها تنام يمي يمه
قند
يمه سميهره راحت اختج بعيد أخذها الكريم
سماهر كالت أخذها الكريم وبقت تلطم ع وجهه واخذتني اختي سميه
التفت عليها
وين هذا الكريم اريد اروحلها
سميه
اسم الله اسم الله
ولج اختنه ماتت واليموت ما يرجع دفنوها يم سيد علي
سماهر صرخت يمهههه ليش دفنتوها هسه تردون تجيبون اختي
فلتت ايد سميه وطلعت برا ووكعت ماحسيت
جواد :ضليت اسبوعين ورديت من وصلت عدي حموله اوصي العمال يم المغازه
من وصلت لكيت المغازه معزله كلت غالب عزل وما اله لازم بعدني اول ما نزلت وشفت طالب ابن عم قند
طالب :جبر الله مصابك خويه
جواد :اهيس انكطع نفسي بيمن يجبر مصابي طالب
طالب :انه اخوك شنهي ما رادس اهلك (رادس يعني ما مار)
جواد :احج شنهي الجاري ع اهلي
طالب :موو بتك ماتت
جواد :ماعرفت شلون وصلت لبيتي ماعرفت منهي ماتت دشيت اكلب بعيون النسوان ببيتي هوسه
اريدن اشوف وحده من بناتي صحت حيل من شفت امي يمه بناتي وييين بس انه عيوني مغوشات
ماحسيت الا كفخه ماي امي بوشي وصاحت اسم الله عليك يمه
قند. جووواد سميره دفنتها واجيت موتت بتي انه تعافيت عليهن يمه يمه تلكي بتي اجتج يمه
سماهر :اني بحضن سميه واعاين ع خواتي شذره وزهره بيد خالتي ياسه لان امي بس تبجي وتلوم بروحها
ابوي وراها بجم يوم اخذني للطبيب بغير ولايه هواي مشت بينه السياره مجان بعيد بس حلو كعدني من النوم ع حضنه افز وانام وراسي يوجعني لمن كال امشينه تكدرين تمشين وصلنه اول ما دشينه لمستشفى جبيره وحلوه عاينت شفت بنات حلوات لابسات بالطو ابيض ويفترن ياخذوني ويشوفون وشي وعيوني ويفحصون بيه َانه اعاين بس ادوخ واتوجع بس اريد اعاين لكلشي
اطوني دوه وطلعنه
جواد :شنهي تردين اشتريلج
سماهر :بعد ماريد كلشي
جواد :ليش بويه
سماهر :بعد سماره راحت يم الكريم وهدتني كلشي بعد ما اسوي
جواد :لأبويه جبتلج هدوم وتصيرين جبيره
وماتهدين المدرسه تصيرين اخير من نجيبه ولا سميه
صارلها ١٠ ايام من ماتت اختي
شاف ابوي امي كلش موش زينه ع فرد كعده ماتنام وانه هم ما انام تعلمت ع اختي
بس هذا التعب مال امي ضلت نكعد وتنوح على سماره
جواد رديت اليوم بعد صار شهر لموتته سماره لكيت ياسه عدنه ولازمه قند متخربطه
قند :انه بيا حال يا جواد وطلعت حبله
جواد تبجي لان حامل سكتت وانه كلش مغضب ومختنك خنست حتى غده ماتغديت طلعت همت بارض الله مو معترض ع حمل قند بس بعدني موجوع ع بتي الراحت تحمدت الله
سماهر :ضلت امي تنيمني ع رجلها وتلعب بشعري وتهدي بيه تسولفلي سوالف حلوه
مشت الايام بساع لحد ما اجت اليوم عدنه نجيبه وحبلت بس شويه كبل امي خلتها يمنه علمود تجيب امي كالت تجيب نجيبه وانوب انه وراها
جواد :اجاني غالب براي غريب
غالب :انه اريد حصتي من كل الحلال
جواد :كلشي موجود بس شسوي بيهن
غالب ما اسوي شي اريده يعني اعرف اللي ولخواتي واللك
جواد :من زمان انه كتلك الك نص بالمغازه السفينه الك ربع المخازن الك هم نص وبيتك الكاعد بيه الك وكاع الي ولايه.....
غالب :من كون الي نص انه اريد كل اللي لو انه ابيعهن الكم وآخذ حلالي لو تبيعونهن الي
جواد :غالب هاي بالمغازه ورث ابوك لازم تحافظ ع اسمه ويضل لولد الولد
غالب :اي وانه أكلك اطونياها
جواد :وفلوس صحصص اخواتك
غالب :ابيع الكاع واطيهن كل وحده شكد اطيحلي واراضيها
جواد :شنو اطيحلك شنو تراضيهن المغازه مصدر معاش الهن بوصيه ابوك
غالب :انه وخواتي انت انحمكت ليش
جواد :صح حكك يصير خير
رديت للدار عدنه نجيبه وتستحي تواري وجها الي لان بطنها طالعه صارلها شهور من موتته اختها ماتوارت تستحي من كبرت بطنها تجي واشوفها صحت عليها شردت
اجت قند وانه اشوفها تعبانه من الحمل بس لابد اكللها رغم اخاف عليها
قند :هذا الاخو الاكول لومالت الدنيا اميل عليه بويه سعدون اكعدلي َشوف اخوي شسوا بيه
جواد :شبيج قند اخذ حصصجن واسوي مغازه وباسم سعدون بعد
قند يامغازه يافلوس جواد هذا اخوو يدور غلب ويانه علموه ولد عمي علينه واخذووو مني الربيته بيدي
جواد لليل نايمه ع أيدي وصاحت اخخخ جواد طك راس الهادي (ماي الولاده)
لمن اجت الجده ورادت تجيبها انه طلعت برا ويمها البنات
نجيبه من امي تطلك بقيت اعاينلها بس بدت تلويني بطني حيل اروح وارد والوجع يزيد لمن ضليت اصرخ
سماهر :اجت سميه كالت روحي سماهر للجده كليلها امي تريد تجيب تعالي بسرعه ركضت اجت وياي
نجيبه الجده تجيب امي وانه اجتني الجده كالت عدها ولاده واصله
جابت امي صرخت خاله امي شجابت كالت بنيه وي كلمه بنيه راح مني الوجع بردت انهبطت
سميه من جابت امي بنيه الجده الجوا نجيبه وكفت كالت هاي بردت ماكو توسع ضلن يحجن امي ضلت بمدتدتها لمن وحده جاره امي صاحت صيحي اختج سماهر
سماهر :أجيت يمهن اعاين اربد اشوف الجاهل ماخلني اجت مره جيرانه كالت روحي بهاي الرازونه وصيحي هاا يلتطلكين اجيب انه لو تجيبين
بقيت أصبح ع نجيبه وترد نجيبه انه انه اجيب لمن ضلت تصرخ لحد ما سمعت صرخه جاهل
جابت نجيبه هم بنيه
شكرا لزيارتكم عالم روايات سكيرهوم
