رواية جحيم ابن عمى الفصل الثاني عشر
عند زياد قاطعه صوت طرقت الباب اذن للطارق بالدخول
الخادمة......:زياد بيه فى اتنين تحت عايزين حضرتك
زياد.....:مقالوش مين
الخادمة.....:لا قالولى انهم عايزين حضرتك
زياد......:ماشي روحى قوليلهم نازل
غادرت الخادمة بينما قال زياد.....:هيكون مين اللى عايزنى
ثم غادر الى اسفل
زياد بصدمة......:مروان وكريم اتفضلوا اقعدوا
"استوب✋مروان وكريم اخوات فرح"
مروان.....:ازيك يازياد عامل ايه
زياد.....:الحمدلله وانتو
مروان وكريم.....:الحمدلله
نظر كلا من مروان وكريم الى بعض ثم قال
كريم....:معلش جينا من غير ميعاد بس كنا عايزين نقولك حاجة
زياد.....:قولوا فى ايه قلقتونى
كريم.....:احنا جايين النهارده علشان ناخد مى وحمزة معانا علشان يعيشوا معانا
زياد....:ودا لية انشاءالله
مروان....:مى وحمزة لسة صغيرين ومحتاجين ام علشان كدة هنخدهم معانا مراتى ومرات كريم يهتموا بيهم ويخلوا بالهم منهم
زياد......:والله ابوهم عايش مامتتش علشان تقولوا كدة وبعدين بصفة ايه تاخدوهم
كريم....:انت ناسي ان احنا اخوات امهم يعنى انا ومروان بنكون خالهم وهنخدهم معانا
نزل احمد ومحمد وسهام على صوتهم
احمد.....:فى ايه يا كريم بتزعق لية كدة
كريم.....:بقوله جايين علشان ناخد مى وحمزة معانا....
قاطعه محمد....:ودا لية انشاءالله مش ابوهم عايش
مروان....:بس هما صغيرين ومحتاجين ام فهنخدهم ومراتى ومرات كريم هيربوهم
سهام بخبث.....:ازاى محتاجين ام وندى موجوده
كريم.....:ندى مين واي علاقتها بيهم اصلا
سهام بخبث.....:اصل ندى بتكون مرات زياد
اعتلت الصدمة وجهم واولهم زياد نظر لها بغضب وابتسم احمد ابتسامة جانبية بينما نورا ومحمد مازالت الصدمة تعتلى وجههم
كريم.....:دا امتى دا وازاى دا يحصل وبعدين محدش قالنا يعني ماترد يا زياد الكلام دا بجد
نظرت سهام لزياد بمعنى ان يتحدث زفر بضيق وقال زياد......:اه بجد ومجتش فرصة مناسبة وبعدين محدش عرف غيركم
مروان.....: ماشي يا زياد احنا هنمشي وهنيجى وقت تاني علشان نطمن على مى وحمزة وبتمنى تحافظ على مى وحمزة يلا يا كريم
كريم.....:يلا
غادروا كلاً من كريم ومروان بينما قال زياد بعصبية اجتمع عليه كل القصر....: بردو عملتى اللى فى دماغك وقولتى ان ندى مراتى لييييية عملتى كدة لييييه مش هتجوز انا بعد فرح محدش راضي يفهمنى لية مش هتجوز انا ندى....ندى بالنسبالي بنت عمي وبس ومحدش يقدر يجبرنى على كدة
لم يلقى شئ سوء صفعة من والده.... شهق الجميع واشار احمد بسبابته وقال بحدة.....:لما تكون بتتكلم مع امك تتكلم كويس وهتتجوز ندى ورجلك فوق رقبتك احنا صبرنا عليك كتير وقولنا موت فرح مأثر فيك بس دلوقتي لا فوق يا زياد فوق بقا..... ثم التفت الى محمد وقال.....:محمد انا طالب ايد ندى لزياد
جاء محمد ليتحدث قاطعته ندى ...:وانا مش موافقة
محمد بحدة....:ندددى اطلعى فوق
ندى.....:لا مش هطلع ومش هتجوز زياد حتى لو اخر راجل فى الدنيا مش هتجوزه علشان مش هعيش مع واحد مبحبهوش زياد ابن عمى وزى اخويا وبس ولو على قعادى هنا هيسبب مشاكل انا مستعده ارجع لندن تانى ولا انى اتجوز واحد مبحبهوش
محمد بحدة.....:اخرسي واطلعى فوق
ندى.....:مش طالعة يا بابا انا مسافرة لندن بكرة
جاءت لتغادر وجدت ماجد يدلف الى القصر ركضت اليه وقالت ببكاء.....:ماجد رجعنى لندن تانى مش عايزة اقعد هنا
ماجد بقلق ظاهر.....:مالك ياندي ايه اللى حصل
اخذها من يدها ودلف الى الداخل وقال....:هى ندى مالها يا طنط
نورا.....:مش عايزة تتجوز زياد وبتقول عايزة ترجع لندن تانى
جاء ليتحدث ماجد قاطعه محمد بعصبية.....:مش هترجعى لندن تانى هتقعدى هنا وهتتجوزى زياد بموافقتك او غصب عنك فاهمة انا دلعتك كتير والظاهر انك نسيتى التعامل مع ابوكى وامك بس بردو يا ندى هتتجوزى زياد.... ثم التفت الى احمد وقال......:انا موافق يا احمد
احمد بتردد....:بس ندى مش موافقه يا محمد وبعدين متغصبهاش على حاجه هى مش عايزاها
محمد.....:لا انا ابوها وعارف مصلحتها اكتر منها والا ايه يا ندى
صمتت ندى عدة ثوانى وقالت بتعب....:اه يا بابا بعد اذنكم
صعدت ندى وخلفها ليان
نورا....:انا طالعة اطمن عليها بعداذنكم
ماجد بكسرة....:طنط ممكن اجى معاكى علشان عايز اتكلم معاها
نظرت نورا الى محمد بمعنى نعم حرك رأسه بإيجاب وقالت نورا.....:اتفضل يا ماجد
صعد ماجد ونورا الى ندى
بينما فى الاسفل
تقدمت سهام من زياد وقالت...:زياد انا....
لم يستمع اليها بل غادر من القصر وقا سيارته
سهام ببكاء....:احمد الحقوه ليعمل حاجه فى نفسه
احمد.....:لا سبيه يمكن يفوق لنفسه ويعرف مصلحته فين ثم التفت لمحمد وقال.....:محمد انت موافق بجد والا بتقول كدة
محمد....:ايوة يا احمد انا مش هلاقى حد يخاف على ندى اكتر من زياد
احمد....:ماشي يا محمد ايه رايك نكتب الكتاب الاسبوع الجاي
محمد....:ماشي يا احمد انا موافق
احمد....:على خيره الله تعالى نروح المكتب نكمل شغل
ثم غادروا الى المكتب
ظلت سهام لوحدها تحدث نفسها.....:انا اسفه يا زياد بس كان دا المفروض اللى يتعمل بكرة تشكرونى علشان جمعتكم مع بعض...يارب يرحمك يا فرح حتى وانتى مش معانا عايزة تجمعيهم
ثم صعدت الى ندى
__________________
قاد زياد سيارته بسرعة جنونية كان يفكر كيف
يتجوزها وهى جرحته وكسرت قلبه هو لم يعد
يتحمل كل هذا توفت زوجته وتركته وحيد والان
والده يجبره على الزواج من اخرى لا يستطيع
التحمل بعد ذلك.....قال زياد محدثاً نفسه.....:هو
انا ايه اللى بيحصلى دا انا اتخنقت اوى مش هقدر على كدة يارب ساعدنى
ظل يفكر كثيراً الى ان صدح صوت هاتفه وجده مراد
مراد.....:الو ازيك يا زياد
زياد.....:مش كويس خالص يا مراد عايز اتكلم معاك
مراد....:طب قولى انت فين وانا هجيلك
زياد.....:بتمشي بالعربية شوية
مراد.....:خلاص استنانى فى مطعم****
زياد.....:تمام يا مراد باي
مراد....:باي
اغلق معه وذهب الى المطعم ينتظره لكى يحكى له مشاكله نعم مراد اكثر من صديق بالنسبة لزياد وهو بئر اسراره
________________
عند إياد دلف الى القصر وهو يفكر فى هذه الفتاه
التى امتلكت قلبه وعقله من اول نظره ظل يفكر
فيها ......جاء ليصعد صدم عندما وجدها امامه
ظل ينظر اليها كثيراً خجلت ليان بشدة
وقالت بخجل.......:احم بعد اذنك ممكن اعدى
إياد.....:ماتعدى
ليان بخجل.....:اعدى ازاى وحضرتك واقف مش مخليتى اعرف اتحرك
مراد بإحراج......:احم انا اسف اتفضلى
خطت ليان بعد الخطوات وتوقف عندما قال......:انتى مين وبتعملى ايه هنا
ليان.....:انا اسمى ليان صديقة ندى كنت معاها فى لندن
إياد......:انا اياد اخو ندى
ليان.....:اتشرفت بمعرفتك
إياد......:الشرف ليا انا
ليان.....:طيب انا همشي بقا بعداذنك
إياد.....:اتفضلى
غادرت ليان وتطلع اليها الى ان اختفت تماماً وقال.....:ليان حتى اسمك عسل زيك يخربيت جمالك هو فى كدة
ثم صعد الى ندى ليستفسر اكثر عن ليا "لئيم😂"
__________________
عند نورا جالسة بجانب ندى لتهدئتها
نورا.....:خلاص بقا ياندى متزعليش
ندى ببكاء.....:انا مش عايزة اتجوزه يا ماما انا مش بحبه انا عايزة ارجع لندن تانى
نورا.....:ياحبيبتي انا لما صدقت انك رجعتى مصر علشان تفضلى فى حضنى دايماً عايزة تسبينى تانى يا ندى
ندى......:عايزانى اقعد فى مصر خلى بابا يتراجع عن قراره بجوازى من زياد
جاءت نورا لتتحدث قاطعها صوت طرقات الباب اذنت له بالدخول وكان إياد
دلف إياد الى غرفة ندى جلس وقال
بإستغراب...:ندى انتى بتعيطى لية
نورا.....:إياد خليك مع اختك هروح اوضتى وجاية تانى
إياد...:اوك
غادرت نورا بينما قال إياد.....:هااا مش هتحكى لإيدو حبيبك بتعيطى ليه
ندى.....:بابا عايزنى اتجوز زياد غصب عنى
إياد بصدمة....:ايه دا ازاى دا يعني
ندى.....:هحكيلك
قصت عليه ماحدث صدم إياد من فعل فرح ثم قال......:بصي بقا محدش يقدر يجبرك على حاجه انتى مش عايزاها طول مانا عايش فاهمانى
ندى بفرح.....:بجد يا إياد
اياد.....:بجد يا قلب إياد
من شدة فرحتها احتضنته وابتعدت عنه
إياد......:عايز اقولك حاجه
ندى بإستغراب......:حاجه ايه
إياد......:ليان صحبتك
ندى بخبث.....:اااه وانا بقول إياد هيساعدنى كدة ببلاش ارغى عايز ايه
إياد.....:ماشي يا لمضة...بصي عايزك تحكيلى عنها كل حاجه
ندى.....:ااه يبقى قاعدتنا للصبح
إياد.....:اه مستعد اقعد العمر كله احكى يلا بقا
ابتسمت ندى وجلست تقص عليه كل شي خاص بليان
_________________
ذهب ماجد الى قصره وجلس يشرب كثيراً ويحدث نفسه......:ضيعتك يا ندى ليان كان عندها حق لما قالتلى اروح اصرحك بمشاعرى بس انا كنت مغفل وغبي بس بردو مش هسيبك يا ندى انتى بتعتى انا ملكى انا وهتجوزك برضاكى او غصب عنك ولو حد قربلك همحى مش على الدنيا علشان محدش بياخد حاجة بتاعت ماجد المنشاوى
ظل يشرب و غطى بنوم عميق
_________________
دلف مراد الى المطعم وجد زياد ينتظره
مراد.....:هااا يلا احكى فى ايه وايه اللى حصل
قص عليه مع حدث وقرر والده فى هذا الموضوع
مراد بصدمة.....:هى فرح ايه اللى عرفها
زياد......:مش عارف انا هتجنن
مراد.....:طب اهدي وقولى ناوى تعمل ايه
زياد بخبث.......:مش هما موافقين على الجواز دا ومصممين خلاص ماشي
مراد.....:ناوى على ايه مش مستريحلك يا زياد
زياد ببراءة......:مفيش هوافق علشان ابويا وامى
مراد.....:مش عارف مش مصدقك لية
زياد.......:بطل رخامه ويلا اطلب لينا حاجه نشربها
مراد.....:اوك
زياد محدثاً نفسه.....:هوافق على الجواز دا علشان ابويا وامى بس وعد منى انى هعيشك فى جحيم يا ندى وهوريكى ازاى تعملى فيا كدة
