رواية خطيئة الماضي الفصل الثاني عشر بقلم جمانه السعيدي
الثاني عشر والاخير ررررر
خطيئة الماضي
جمانه السعيدي
الليل كله رحمه تسولف ويااا نرجس ماتخليه تنام
ونرجس مكيفه بيه
تكول هاي شني من طفله شكد ذكيه وحجيه يخبل
اخذت وياها صوره حتى تبقى ذكرى
ثاني يوم من طلعنا رحمه اتكله تعاي ويااا ماما من تجي
اخذت اكل السهاد لان محد يجيبله اكل
وصلنا وانطيته الاكل
رونق اذا تحتاجين شي اني موجوده اني راح اعاملك
بأخلاقي مو اخلاقكم صحيح انتم تخليتو عني واني بأمس الحاجه الكم
بس اني تعلمت الي يساعد الناس الله يساعده
سهاد انت رب العالمين يحبج والدليل وكف وياج
وصرتي احسن من عدنا كلنا
رونق الحمد لله والشكر
جمانه السعيدي
كنت اطمن عليهن كل يوم كلما يموت واحد لو حده
خواتي يخافن يخافن لا يموت ابوي لو امي ويبقن وحيدات
بعد اسبوعين من دخول ابوي للمستشفى مات
لان هو كان عنده ضغط وسكر وماكدر يتحمل مضاعفات المرض
البنات يبجن علي بس اني ماكدرت ابجي ابد
مااحسه ابوي ولا عندي اي مشاعر اتجاهه
والنوب وين راح يندفن محد يعرف
إدارة المستشفى اخذته منهن بقت امي
البنات ماوصلن اله خبر وفاة بابا يخافن عليه
شويه شوبه تحسنت حالة امي واليوم الي رادة تطلع بي من المستشفى البنات بلغهن بخبر وفاة بابا
كامت تعيط وملخت نفسه تملخ
بس شلفايده الميت بعد مايرجع
اجن البنات ودعني وطلعن
وهاي كانت آخر مره شفتهن وعرفت أخبارهم بيه
بعد ماشفتهن ابد
اجا الصيف وبدت حالات كورونا تخف والناس تعودت على الوضع وكامت تتعامل ويااا المرض
وكانما فلونزا عاديه
جمانه السعيدي
رحمه صار عمره ٣ ونص وصارت كلش حلوه والسانه
يخبل وكلشي تحجي
مرات نحجي بالالغاز اني وام سرى راسا تفتهم
وتكول انتن على هاي الشغله تحجن كلش ذكيه اني متعجبه بيه
من اشوف سوالفه اكول الحمد لله تمسكت بيه ومانزلته
قررت اخذه واروح الابوها بلكت اذا شافه يحن كلبه
عليه ويسجله باسمه
لبسته فستان احمر يخبل وسويتله ستوتات وكذله
وعطرته واخذته ورحت المكان عمل ابوها
وصلنا بس نزلت من السياره دخلت كبل للمكتب كل الي
تشوفه تكله هلووو عمووو
الكل تجمع عليه ويبوسون بيه
اني بقيت برا واراقبه
ابو سامر شنو هذا التجمع شكو
ابتعدو عنه وهي راحت علي شلونك عمو
ابو سامر هلو عموووو شلونج
رحمه زبنه
...انتي شسمج اني رحمه
...الله اسمج حلو وانتي حلوه انتي ويامن جايه
...ويه ماما
...وينه امج
...امي واكفه برا تعال شوفه
سحبته من ايده وطلعته برا
اني بس شفته نزلت الكمامه وكتله شلونك ابو سامر
فتح عيونه حيل واستغرب ورجع باوع على رحمه
جمانه السعيدي
ابو سامر هاي وأشر على صدره يعني بنتي
....اني هزيت راسي بمعنى اي
سكت وماحجه ابد
رحمه ماما انتي تعرفين عموووو
رونق هذا بابا مو عموووو
رحمه لا مو بابا بابا علي تقصد ابو سرى
ابو سامر انتي ازوجتي
رونق لا ماازوجت هذا جيرانه يحبه ويشتريله وماتاكل اله تكعد بحضنه وتصيحله بابا مع ان ابوها موجود
وعايش بس مايريدها
ابو سامر انتي هسه شتريدين
رونق بنتك جاي تكبر واريد اله جنسيه من حقه تدخل المدرسه حاله حال باقي البنات
ابو سامر يعني شنوووو
رونق اريدك تعترف بيه وتعب نفسك وتسويله جنسيه
اتخليت عنه قبل وعفته من أبسط حقوقه يكون عدها
جنسيه
ابو سامر انتي مخبله ترديني بعد هذا الوقت كله اكشف نفسي علمود جنسيه البنتج
رونق لا تصير ضالم هاي بنتك ورب العالمين راح يحاسبك عليه
ابو سامر اني ماعندي بنت ابد
رونق اني راح ارفع عليك قضيه ولو تبقى بالمحاكم العمر كله مااتخلى عن حقوق بنتي انت ضالم مثل اهلي
اني اهلي ضلام وتخلو عني وانت نفس عينتهم
جاي تتخلى عن بنتك بسهوله
ابو سامر شتريدين تسوين سوي عبالج المحاكم لعبه
تريد كومه فلوس وركض صحيح انتي منيبن عايشه رجعتي الاهلج
رونق وينك وين اخبارك قديمه درست وتخرجت وتعينت
انشاء الله تجي للمكان الي تعينت بي وتشوفني
...وين تعينتي
..بلمستشفى الله يجيبك يمي وتشوفني زين
...تعينتي عاملة نضافه
...لا تعينت بلتحليلات لان انت بس عفتني درست وتخرجت الله لا يعوزني الك متوقع انام بلشارع ويكتلني الجوع بعدك ربك موجود والحياة والموت بايده
جمانه السعيدي
رجعت للبيت واني مقهوره معقوله هاي الطفله ماكسرت خاطره ابد
بعت غرفة النوم وانطيته مقدمه للمحامي حتى يرفع علي قضيه لان راتبي مايكفي
ادفع إيجار وامبيرات وملابس واكل
وفعلا استدعوه للمحكمه ونكر هو مزوجني
بس اني عندي نسخه من عقد الشيخ
قررو يستدعون الشهود الي شهدو على عقد زواجنا
صديقه واخووو همه الي شهدو على العقد
الشاهد من يشهد يسجلون رقم هويته ويه الشهاده
حتى يتأكدون منه
بلبدايه نكرو بس المحامي شاطر طلع أرقام الهوايه
وجبرهم يعترفون
بعد اتلث اشهر من المحاكم وصرف الفلوس يله كدرت اطلع جنسيه البنتي
زوجت ابو سامر عرفت وكبت المشاكل بينهم
وزعلت علي وكان شرطه يكتب وصيه باملاكه ويطلع رحمه من كلشي يعني اذا مات رحمه ماتورث اي شي من املاكه
كتب وصيته وطلع رحمه منه
ابد ماتهمني الفلوس ولا الورث اهم شي بنتي صارت عدها جنسيه واكدر ادخله مدرسه
وتعيش حاله حال الناس العاديه
جمانه السعيدي
ثاني يوم وزعت جكليت بلمستشفى بسبب هاي الفرحه
استاذ عدي ممكن احجي وياج بموضوع مهم
...تفضل
...مو هنا من يخلص الدوام
...ليش مو هنا
...لان موضوع خاص
كملنا الدوام وطلعنا كعدنا بلمطعم وتصلت بام سرى كتله اني اتأخر شويه
عدي اني مو رومانسي ولا دبلوماسي ومااعرف الف وادووور انتي عاجبتني واريد اتقدملج
رونق فاجئتني
عدي اي اني مااعرف اعبر عن حبي اللج اني باختصار منفصل صار خمس سنوات وماعندي اطفال
عندي بيت ملك وسياره وراتبي لا ادخن ولا عندي علاقات وانتي شفتي سلوكي بلمستشفى هااا شكلتي
رونق لازم تعرف ضروفي قبل لان هاي شراكة عمر لا يوم ولا يومين
عدي اي اسمعج
رونق اني ازوجت بعمر ١٧ كنت زغيره واهلي جبروني على الزواج لان الانسان الي تفدملي مابي اي عيب
موضف وعنده سياره وشقه
كنت خايفه من الزواج ورفضت اسلمه نفسي
ومن عجز يتقربلي طلكني
اهلي ماسكتو حاسبوني لان اني السبب بهذا الطلاق
بعد ست اشهر اتقدملي رجال جبير بس متمكن
كان شرطه الزواج يكون بلسر
لان مايريد زوجته تعرف ابد
اهلي وافقو وزوجوني اله رغم اني كنت رافضه هذا الزواج
بشده بس ماسمعوني ابد
قررت هلمره أواجه مصيري وماارجع الاهلي ابد
ازوجت وعشت اسوء ايام عمري كلش اكره ومااطيقه ابد
بس المفاجئه طلعت حامل
ومن سمع خيرني ببن بنتي وبين زواجنا
واني اختاربت بنتي ولهذا السبب طلكني
قررت ماارجع البيت اهلي ابد رجعت ادرس والفضل كله
الجارتي ام سرى هي الي شجعتني على الدراسه
عدي هي الي تبقى بنتج عدهم
رونق اي كلش يحبونه هاي قصتي اني منفصله مرتين
بس الزواجتين ماكان باختياري انجبرت عليهن ثنيبنهن
هاي حياتي باختصار وانت حر توافق لو لا
عدي لان انتي صريحه اني موافق ومستعد الكل شروطج
رونق ممكن ناخذ وقت اني وياك ونفكر اكثر لان هذا زواج مو لعبه واني ماناويه اطلك للمره الثالثه
عدي لا انشاء الله زواجت الدهر كله
جمانه السعيدي
بقه عدي يلح عليه هااا ماوافقتي يمته ترجعين خبر الموافقه
اخذته وعرفته على ام سرى وزوجه وكتله ذوله اهلي وتكدر تخطبني منهم
ازوجنا وسوينا حفله بسيطه كلش ونتقلنا نعيش ويااا بيته
صحيح هو شويه عصبي بس حنيين ويحب رحمه كلش
مو رومانسي بس احسه يحبني
أفعاله تثبت حبه اليه يخاف عليه كلش
هلمره صدك حسيت بلامان واستقرت حياتي
من ازوجت استقرت حالتي الماديه
بديت اساعد ام سرى لان سرى دخلت كليه اهليه
ومصاريفه هواي عليهم خصصتله قسم من راتبي
لو شسوي مااجازيهم ابد
صار سنه ونص من ازوجت وماكو حمل منتضرين رحمة الله
خلصت قصتي اتمنى استمتعتو بيه
وستفاديتو من تجاربي بهاي الدنيا
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
