رواية الخباز والاميره الفصل الثاني عشر بقلم جمانه السعيدي
اميره بقيت بليلته احضر بغراضي واجمع ملابسي
اتفقت ويااا اياد يجي الصبح ياخذ شغلاتي كله
واني اطلع للصالون والزفه تكون من الصالون البيتهم كبل
فتت من يم غرفة امي وسمعت خالد يقنعه تسويله توكيل
يكول اكو مشروع اريد ادخل بي بي ارباح خياليه
لو تسمعون شلون ناعم ويحجي وياها برموناسيه
وجايبله هديه سوار ذهب حتى تقتنع
خالد هذا مشروع خيالي ومامطروق بلعراق ابد
راح ادخل بي اني وانتي شراكه بلنص
كلشي احصله اللج نص الأرباح تكون باسمج بلمصرف
خلال سنتين راح نصير أصحاب اكبر شركه بلعراق
وراح نكون من اكبر رجال الاعمال بلعالم
جمانه السعيدي
بس اني مااكدر اتحرك براحتي اذا ماكو توكيل باسمي
اذا خليتي ايدي بايدج
راح ننجح ونكبر سوا
امي طبعا اوكف وياك واساعدك واخلي ايدي بايدك
اني منو اليه غيرك حتى البنيه الوحيده اليه
طلعت غبيه وتريد تعوفني وتركض ورا واحد خباز اجرب
اني متوقعته اول اسبوع وراح ترجع اليه
مستحيل تتحمل حياة الفكر
اميره مااتحملت اسمعهم واسكت
راسا فتحت الباب حتى بدون ماادكه عليهم
لكيته لابس ثوب النوم والضوه احمر وكاعده هي ويااا بجو رومانسي
امي هاااي شبيج ليش دخلتي علينا قليله التربيه غير ادكين الباب قبل لا ادخلين
اميره مايهمني شتحجين عليه بس حبيت انهبج اخر مره
خالد يضحك عليج وعنده وحده متفقين ياخذون فلوسج ويشمرونج بلشارع
وهاي حجة المشروع دخل عليج بيه حتى بلتوكيل ياخذ كلشي منج
ديري بالج تسلمينه ركبتج هذا شيطان وانتي بعدج ماشايفه وجه الحقيقي
امي انجبي ولج اطلعي برا اطلعي من بيتي كله انتي مو عقدتي ليش ماتولين البيت زوجج
شعندج باقيه هنا
جمانه السعيدي
اميره اذا كلامه صحيح خل يجيب دراسة المشروع
وتكلفته شكد واني أعرضه على المكاتب الهندسيه واسئل عن المشروع واذا اتاكدنا كلامه صح
ساعته سويله توكيل بنص الأملاك مو كلهن
خالد اما انتي فعلا قليلة التربيه ووبلا اخلاق اني جاي اضحك على امج امج هاي الانسانه الوحيده الي فاهمتني
ومستحيل اتخلى عنه بيوم من الايام
كل مجهودي وتعبي اله
اميره عرفت مراح تصدكيني ابد بس باجر اذكرج بكل هذا الكلام
طلعت من الغرفه واني دمي يفور شكد حقير واستغلالي
جاي يضحك عليه وهي مصدكه
اتصلت باياد وحجيتله كلشي صار وياي
بقه يهدي بيه
إياد انتي الي عليج سويتي عوفيه لا تحركين دمج وياها
ثاني يوم كعدت بلعشره دخلت سبحت وبدلت
واتصلت على اياد يجي يوصلني للصالون ويأخذ ملابسي
البيتهم
اجاني وصلني للصالون واخذ ملابسي وغراضي البيتهم
بلشت ام الصالون حفافه وتعديل وكصت شعري ورتبته ا
طول الفتره الي خلصت مالي واهس اروح للصالون
وحتى اليوم احس فرحتي ماكامله ابد
رغم اياد مامقصر وياي ابد
فستان الزفاف كان حلو بشكل مو معقول مخصر ومن جوه ذيل السمجه الصدر مسدود والضهر مفتوح
تسريحه حلوه نازله على ضهري والبركع يخبل
اجاني إياد لابس قاط صحراوي وقميص وردي فاتح
طالع يخبل
ردت امشي بس الفستان مو مريح بلمشي لان ضيك من يم ركبي
كال لا تعبين نفسج شالني ووصلني للسياره
ماتتخيلون أصدقائه شكد جايبين سيارت ودراجات
اكبر زفه شايفته بحياتي
يمكن بقينا ساعتين نفتر بشوارع بغداد غير تخبل
ووصلنا للبيت
والحفله كانت بعد احلى واحلى
جمانه السعيدي
دخلنا للغرفه نبدل
إياد هذا اليوم احلى يوم بحياتي من اول يوم عرفتج وانتي شي مميز بلنسبه اليه
كنت خايف من اختلاف المستوى المادي لا يفرقنا
بس انشاء الله محد يفرقنا للموت
اوعدج راح ابقه احبج للموت
يأشر على صدره انتي النفس مالتي
اميره الحمد لله لله تمم علينا وارتبطنا انشاء الله زواجت الدهر
كانت احلى ليله مرت عليه
مثل السحر مجرد مااخذني لحضنه نسيت كل همومي
وكل المشاكل الي مرت عليه راحت
قررت اشمر كلشي وراي وابدي صفحه جديده
ثاني يوم العرس رجعتله المهر
إياد هذا شنووو
اميره هاي الفلوس تبدي بيه مشروع
إياد بس ذني فلوسج
اميره ماكو فرق فلوسي وفلوسك واحد ابد ماكو فرق بينا
إياد مراح اخذهن ابد ترا احنا مو فكر الهلدرجه
راتب ابوي ندفع ربعه القسط البيت
واني بوميه بس العصر احصل ٥٠ الف بلمخبز الله ساتره ويانه
امير اي واني اكلك ذني الفوس شغلهم بمشروع
إياد لاتحمليني مسوليه اكبر مني اصلا انتي من تنازلتي عن كل املاكج و طلعتيني هاي اكبر مسؤليه خليتيه بركبتي
اميره انت دخلت السجن بسببي لو مااني داخله حياتك
جان مادخلت للسجن ابد
إياد تحجين صدك حياتي شلون راح تكون بدونج
اصلا اني مااعرف شلون جنت عايش بدونج ابد
اميره الله يحفظك اليه حبيبي
جمانه السعيدي
لو احجيلكم شكد يحبني ويحترمني ويقدرني ماتصدكوون
حتى كدام امه واخواته من يجن
ينسى نفسه ويبقى يسمعني كلام غزل ويحضني
مايطلع من البيت اله يبوسني ويسئلني شنو تردين
ومن يرجع اول مايدخل يدورني ويحضني
بعمره مارفضلي طلب
كل شويه يتصل يطمن عليه
مرات خالتي ام إياد تتعارك وياي حقه جانت الأولى بحياته ومايكله اله حبيبتي
اجيت اني وخربت كلشي
هو هسه هم يحبه ويحترمه بس اني شاغله فكره اكثر
احاول اسعده كد مااكدر لان هو يستاهل
من دخلت بيته واني بعد ماعرفت اخبار امي ولا هي حاولت تطمن عليه
جمانه السعيدي
بعد خمس اشهر انتقلنا للبيت الجديد
الله هذا البيت اليه بي ذكريات حلوه كلش
اول مره تعرفت على اياد هنا
من كد مااشيل وارتب بلغراض صار عندي نزيف
واكفه واحس الدم يجري على رجليه
ووكعت من الخوف اكثر ما من الالم
إياد تخبل نقلني للمستشفى
بعد الفحص طلعت حامل وصايرعندي إسقاط من الشيل
والحط وترتب الغراض والتعب
اياد وخالتي حيل ضاجووو لان كانومنتضرين هذا الطفل
بس اني ماكنت اعرف اني حامل ابد
بيوم الي رجعت من المستشفى للبيت
اندكت الباب اني نايمه بغرفتي لان تعبانه حيل من الإسقاط وضهري حيل يوجعني
اجت خالتي وكالت امج بلباب
بقيت صافنه امي
اميره انتي متأكده امي
. اي امج قابل مااعرفه
...صفنت شنو سمعت بيه سقطت خاف إياد دزله خبر
لان دائما اذكره واكول نستني وماتسئل عليه ابد
كمت للباب لكيته واكفه بلطرمه بس وجه اسود ومبين عليه تعبانه حيل
اميره هااا يمه خيرج شكووو تعاي ادخلي
راسا كامت تبجي
اميره ياستار شكووو شبيج تعاي ادخلي مااكدر اوكف
تقدمت وسحبتها من ايده ودخلته جوووا
خالتي عافتنا وراحت تسوي جاي
جمانه السعيدي
اميره اعذريني تعبانه لان عندي إسقاط
امي سلامتج
اميره ليش هيج شكلج شصار احجيلي قلقتيني عليج
امي كلامج كله طلع صحيح ولا كلمه غلط
اميره يااا كلام تقصدين وانتي ليش هيج صاير شكلج
امي حول كلشي باسمه ومطلكني صار شهرين واني ماادري
هاي الفتره مايجي للبيت يكول مشغول بلمشروع الجديد
صار اسبوعين كطع فد مره واجتني منه ورقة طلاكي
رحت اسئل علي مزوج وحده زغيره وماخذه ومسافر التركيا
واليوم اجوني يردون اخلي البيت
بيتي يردوني اطلع منه بايعه ومستلم فلوسه
وين اروح ووين اكعد
اني بعد العز والخير كله اكعد بلشارع
المشكله محد يعرف وين بتربكا وماله اي رقم تليفون
كل كلامج طلع صحيح
اميره مو حذرتج الف مره وانتي ماصدكتي ابد
ليش ضيعتي تعب بابا
حتى اني ضيعتني ولا فرحت حالي حال البنات
امي اميره وين اروح ووين اسكن
شلون بيه
منيبن اعيش حتى ذهبي أخذه كال أبدله اللج بالماس
واني الغبيه كنت نايمه بلعسل
ومصدكته
اميره الج الله اني مااكدر اسمحلج تبقين هنا اله اسئل إياد هذا بيته ولازم يوافق بلاول
اكعدي بعد الي صار صار ومابيدنا شي ابد
جمانه السعيدي
إياد رجعت للبيت بس دخلت لاكتني اميره شكله ضايج
راسا حضنته
إياد هااا ليش طالعه من الغرفه ليش كمتي من مكانج
اني مو كلت ممنوع التعب
دنكت اريد اشيله راسا باوعت امه كاعده وراها
اميره بس اوكف خل افهمك
إياد شفت امه ونزلته استغربت هاي امج شعجب اليوم عدنا
اهلا وسهلا هله خاله هله بيج نورتينا
اميره امي جايه تبقى عدنا
إياد اهلا وسهلا اذا ماتشيله الكاع اشيله فوك راسي
اميره غير تسئل عن السبب
إياد بدون مااعرف السبب البيت بيته
اميره خالد طلكه واخذ كلشي ونهزم
إياد لا صدك شيطان من يومه وهاي الشغله مو غريبه علي ابد
اميره يعني ماعندك مانع تسكن عدنا لان مابقاله احد غيري
آياد موعيب تسئلين هيج سوال اهلا وسهلا بيه
البيت ببته
ام اميره الله يحفظك ويحميك من كل شر والنعم منك ومن اصلك
جهزنا الغرفه الفوك الامي واياد اشتراله سرير وكنتور وتلفزيون
لان خالد بايع البيت بكل اثاثه
مخليه طالعه وجايب واحد شايف البيت هو ولاثاث وبايعه علي
وماخذ منه مهله شهرين ويطلع منه
يعني امي على الحديده كلشي ماتملك ابد
جمانه السعيدي
إياد بدا مشروع زغير وكام يشتغل وعلى طيبة كلبه الله فتحه علي من أوسع الابواب
بس بعده اسمه بلمنطقه إياد الخباز
اي واحد يسئل وين بيت إياد الخباز كله تعرفنه رغم هو بطل من المخبز
بعد سنه من الإسقاط يله حملت مره ثانيه
وهلمره حرب اني وامي وخالتي واياد عبالك لازك بعلج
لا تتحركين لا تشتغلين
منطقتنا كثرت بيه البيوت مو مثل قبل
وحتى فتح بيه سوبر ماركة
واياد جاب سياره سايبه على كد فلوسه يخلص شغلنا بيه
الحمد لله صار عدنا ولد وهسه اني حامل مره ثانيه
وخالد ماعرفنا اخباره ابد
بس رب العالمين بالمرصاد وين يروح من عدالة رب العالمين
شكرا لزيارتكم عالم روايات سكيرهوم
