رواية انتقامي الفصل الثالث عشر بقلم جمانه السعيدي
#انتقامي 💔💔
البارت الثالث عشر والاخير
جمانه السعيدي
شاهين....اني اعترف كان الشيطان غالب على عقلي كنت اريد ارد الصاع صاعين الهذا الحيوان
كنت ناوي اوكع زوجته بعلاقه وياي بلتليفون
وبعدين ادزله كلشي واكله اني اكدر اللعب بعرضك مثل ماانت لعبت بعرضي
كنت ناوي على هذا الشي
لان ولله القهر الي مريت بي موشويه
زوجته كانت بسيطه وطيبه وبسرعه ممكن ادخل وياها بعلاقه لان انسانه محرومه
مو لان هو بلسجن حتى وهو كان موجود هو ملتهي ويا هاي وذيج وعايفه
بلبدايه جبت رقمها ودخلتلها باسم بنيه سويت نفسي مشتبه
بلاسم بعدين بديت احجي وياها
وهي ماصدكت مسكينه عبالك ضايعه
انفتحت بلكلام
شكد مااذيها ومايصرف على جهالها
وأهله بعد اسوء منه
كان سهل عليه اسمعها كم كلمه حلوه واستغل وضعها
وادخل وياها بعلاقه واسجل كل هذا وادزه الزوجها
واخلي يعيش نفس الوضع
وضع واحد مغفل يثق بزوجته وهي تخونه
جمانه السعيدي
من قربت عليها حسيته مسكينه مو مثل منى حياله
مسكينه وبسيطه لاحول عدها ولا قوه
حسيت بتأنيب الضمير اني مااكدر اتصرف مثله اني تربيتي غير
بعد كلام بينا اني وياها لمدت شهر كامل
حجتلي كلشي يخص حياتها من يوم انولدت الهذا اليوم
حتى لمن غرفت اني ولد مو بنيه تمسكت بيه اكثر
خطيه حالتها مااساويه
هي ما متعلمه مخلصه متوسطه وكلشي عدها عجيب
بليل ابوي صعد يمي كال وضعك ماعاجبني احجيلي
اني فعلا كنت محتاج احد احجيله
حجيت الابوي كلشي من اول لحظه منى بدت توصلي حجي
الحد كلامي وياا زوجة صاحبها
هاي المسكينه حتى من عرفت اني ولد بقت متمسكه بيه
لان حست اني راح اعوضها عن كلشي راح
طلبت مني تنفصل عن زوجها وازوجها
بس اني مااكدر اضحك عليها
جمانه السعيدي
ابوي....يعني الفلوس عندك
شاهين...خلبتهن بلمصرف باسم امي
ابوي....لا بويه رجعهن منى وأهلها عرفو الدرس زين
احنا عدنا خير من الله مااريد فلوس حرام تدخل علينا
تعرف احنا ليش رب العالمين نجانا من منى واهلها
وكشفهم النا من اول مكالمه تليفون رغم اني حضرت خمسه مليون مثل ما طلب مني
لان سمعتنا ماتنشرا بالملايين
لان احنا ناس ماناكل الحرام
نمشي عدل اني افتحلك اي مشرع يعجبك وازوجك وحده بت اوادم محترمه
اكو بنات اصيلات مو كل أصابعك سوه
لو خليت قلبيت مثل مايكولون
وهاي المسكينه زوجته ليش تروح بلرجيلين ايجوز اذا يعرف انت تحجي وياها يطلكه ويشمرها بلشارع
وهيج انت تكون شايل ذنبها
لا تعتبر هي ارتاحت وحجت وياك هاي فرصه
وتستغلها لان رب العالمين جاي يشوفك تضحك عليها
يابويه من ضيمها ترا النسوان حجايه تاخذهن وحجايه اجيبهن
شوكع منى وأهلها بهيج مصيبه غير الكلام
منى صدكتك وسلمتك كلشي بسبب كم كلمه ولا وين اكو وحده تاخذ ١٠٠ مليون تنطيهن علمود وعد زواج بدون اي ضمانات
عوف منى وعوف هاي المسكينه زوجته
ترا مالها ذنب ورجع الفلوس باجر
مااريد حرام انت صايم مصلي
ذاني الفلوس مو حقك
باجر اذا اجهولو اهل منى بلشارع تكون انت السبب
شاهين...اني مادزيت منى اجيب فلوس بيتهم
ابوي...بس هي وثقت بيك وصدكتك عوف هاي السوالف
من كان مع الله كان الله معه
شاهين...ثاني يوم رحت الاخوها عنده ورشه تصليح تليفونات يشتغل بيها بعد الدوام
شكد شكله متغير مبين ضايج على اهله وعلى الفلوس الي راحت
شاهين...السلام عليكم
اخوها ...خير شكووو شعندك بعصبيه
شاهين.. خليت الجنطه الي بيها الفلوس كدامه
اخوها.. هذا شنو
شاهين...اختك جانت خاله الفلوس عندي فلوس بيتكم
ذني مناقصات الف
وهاك افتح تليفونك ادزلك صورتها وهي تسلمني الفلوس
وتطلب مني اخذهن
وافتح بيهن مشروع
بقه صافن عليه انصدم من كلامي
شاهين. افتح تليفونك شبيك صفنت مثل ابو صابر
فتح تليفونه دزيتله الرسايل الي تحجي بيهن على الفلوس
والتصوير شلون جابتهن اليه
شاهين. اني انسان محترم مو مثلكم لاذمه ولا ضمير
عفته صافن عبالك بلع انسانه و طلعت من المحل
بعدها سمعت منى داخله مستشفى لان اخوها عادمها العافيه
موتها تموت حتى كاسر ايدها هلكد ماضاربها
وحده من الضربات فاقده بيها السمع بااذن وحده وعينها
مااعرف شصاير بيها
اخوها طردها من البيت رايحه كاعده بيت جدها وحالتها النفسيه مدهوره بلزايد وبس تبجي على بتها
حتى للدوام ماتروح
جمانه السعيدي
اما اني لكيت الحب الحقيقي امي لكتلي عروسه
جمال اخلاق وأدب من نفس عشيرتنا
طالبه جامعيه من رحت اشوفها اول مره ابوها جابها
خلاها كدامي كال احجو براحتكم وتفاهمو
واذا ماعجبتك عوفها وطلع عافنا وحدنا
سئلتها كم سؤال كلش عجبتني ردودها احسها فاهمه وواعيه
اول زواجنا كنت قاسي عليها بسبب كلشي صار وياي
دائما اخذ تليفونها وافتش بي تكوم تضحك
تكول ماعندي شي اخاف منه
مرات انحرج من تصرفاتي وياها
كل يوم اكتشف هي شكد صبوره وشكد عاقله
ثالث يوم عرسنا نزلت جوه وصممت تطبخ الغده
بنتي عد امي وابوي كلش متعلق بيها يكول هاي روحيتي
واخيرا فتحت مشروع خاص بيه وحدي مجمع جبير
مو محل وكمت اشتغل كله بفضل رب العالمين وابوي ومساعته اليه
اما زوجتي نعم الانسانه الطيبه بنت الاصول
حاليا كعدنا بيت وحدنا وصار عدنا ولد
اما بنتي امي ما تقبل تنطينياها وابوي متخبل عليها مدلله دلال ماصاير
كل شهر اخذها الامها تشوفها ساعه وارجعه
منى رجعت ادوام بس مو منى القديمه
وحده ثانيه وحده مدمره
اولا ممنوع نثق بلناس بسرعه
ثانيا الارتباط والزواج اله شروط ولا زم تتحقق لازم نسئل عن الشريك ونعرف سيئاته وحسناته
اكو قاعده تكول كما تدين تدان ورب العالمين يكول
شتقدم للناس راح يرجع عليك
لازم الإنسان يحسب خطواته حتى لا يوكع بشر اعماله
شاهين كان احسن فرصه تقدمت المنى
بس منى ماحافظت على هاي الفرصه وضيتعها منها
وضيعت نفسها
بلنسبه للرجال الي يدور علاقات وهو مزوج
اتأكد راح ترجع عليك ومثل مافرطت بعرض العالم
راح يتفرط بعرضك
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
