رواية اخذوني دفع للدار فصليه الفصل الثالث عشر بقلم زينب نور
ودج عليه الريش وجناحك كوه بجبدي كل هذه التعب والطيب ضيعته وصرت ضدي صدك ينسى الفكر والضيم من يستغنى لمجدي بعد وردة شبابي تفوح ما طاحت بمرض معدي بعد حملي عدل ما مال ليش تعوفني لوحدي تدريني خشب وبنار بفركاك رماد وابدي كل جرح يألم يطيب بس جرحك جرح يضل يدي بعد شتريد من عندي شضحيلك بعد شفدي ولو أدري النهاية بهاي ما جنت بهواك أبدي
****************************
نهر : تيهت روحي من طلعت ومادري منين دخلت ولا منين طلعت والتفتت وشفت اي هوه والله هوه صحت عليه وكتله سامر بصوت عالي ورمضان بيج قصص وروايات منقولة عليه وحضنته بنص صحن الامام وكتله
نهر: سامر ابجي ابجي ودعيت من امامي علي اشوفك انت واهلي امي وين سامر امي وين
سامر : يابعد روح اخوج انت كل حياتي مشتاقلج شصاير بيج باعيلي
نهر : باوعتله ورجعت حضنته شوي واسمع صوت امي واخواني ركضت عليهم وحضنتهم كتلهم هسه ردت روحي ماقصر وياي امامي كتله انت ابوي واجيت البيتك احجي وابجي وامي تبجي واخواني جرني ايمن وكلي
ايمن : ولج نهر شصاير بيج كليلي تعاي يبعد اخوج
نهر : حضني وباس راسي وانه ماشبعانه منهم كتلهم وين ابوي بعدهم ماردو ونجريت من ايدي حسيت بيها تريد تنكطع وشفت ليث وكال
ليث : شسوين هنا ومنو هذول وشلون هيج تتصرفين ماتستحين انتي
نهر : راد يضربني وسامر كض ايده وكله
سامر : ايدك لاتمدها عليها احنه اخوتها وهاي امي لو نسيتنه
ليث : وانا ادري بيكم خوانها هه بس هاي مو اختكم بعد هاي فصليتي
نهر : كال هيج وعيني دمعت كلت السامر يلا حبيبي روح الحمدالله شفتكم بخير راح ارجع وي خالتي حضنت امي وحسيته الحضن الاخير بعد ماشوفها باوعتله وكتله بحركه كلب انا ......
..........///
لجين : طلعت من خلصته صلاه دورت على نهر ماكو كتلهم عزا هسه ليث يموتنه طلعت برا وجان اشوف صدمه عمري لكيت سامر شفته اي هوه وحاضن نهر ويبجون شويه واسمعه يكلها ياروح اخوج احس مثل الصاعقه نزلت على راسي اخ يمه اخو نهر يعني الكتل اخوي هوه هذا سامر الي يكولون كتل اخوج بهاللحضه حسيت بيأس وتذكرت من قرا اسمي ونكلب وجهه لو تعامله المفاجأ وياي بس شمسويه انه شمسويه وحبيت كتال اخوي اخ كلبي يوجعني اخ شفت ليث راح عليهم وشويه ويضربهم وحيل تاذيت ع نهر لان هاناها كبال اهلها جت صدف وكفت يمي وكالت
صدف : هسه غير اعرف شبيه حارك دمه ع مود هاي الفصليه
لجين : هاي مو فصليه صدف تدرين باخوي شنو كال وشنو نبهه وهيه مرته شوهاي عاطت بوجهي
صدف : انه خطيبته وانه مرته وبس وكلمه مرته تنكال بس الي فهمتي ست لجين
لجين : كالت هيج وخلت واخذت امها وراحن وغزل ضلت يمي هيه ونور شويه واجت يمنه نهر حيل متاذيه مبينه والدمعه بطرف عينها كتلها حبيبتي الله يفرج همج كالت
نهر : شكرا لجين اريد ارجع للفندق حيل تعبت وراسي يوجعني
لجين : صار هسه نرجع بس انطي خبر الليث رحت عليه وكتله ليث نهر تعبانه شو رئسا كال
ليث : شبيها كوليلي خو مامتاذيه
لجين : لا دتكول تعبانه وراسي يوجعني
ليث : روحن وهسه اجي وراجن
لجين : رحنه للفندق ودخلنه للغرفه اجت نامت ويانه ماقبلت تسكن وي ليث بنفس الغرفه واصلا من دخلنه نزور ابوي وجدي راحو حجزو الفندق نوب خابرو علينه دلونه فدخلنه ونهر كبل نامت بملابسها وماسمع منها شي غير شهكاتها الصراحه كسرت كلبي واذتني فوك ما متاذيه يعني يا نهر يطلع الوحيد الي حبيته اخوج الحمدالله على كل حال خليت ودخلت للحمام وبدلت وجيت نمت وجان اسمع صوت مثل الونين كعدت وجان اشوف نهر تهذي وهيه نايمه رحت عليها ولكيتها مشتعله نار من الصخونه خفت عليها كلش خليت وخابرت ليث ورئسا اجه ركض جاسها خله وشاله واخذها الغرفته كال اسويلها كمادات وماسمع بس صوت هذيانها تكول اريد امي اريد ابوي كتله تريد اجي وياكم رد عليه
ليث : لاخويه ضلي هنا يم نور انشالله مابيها شي
لجين : اخذها وطلع واني رجعت دعيت الله يخلصها من عذابها لان ماجنه شهر ضلت عدنه يكول سنه ع التعب الي جاي تمر بيه خليت ونمت
...........///
ليث : اريد ارد عليه وجان اشوف نهر حاضنه واحد وتبجي واجو بعد ورا ثلاثه وتبجي نوب اجت مره حضنتها فدريت هذول خوانها جنت اكدر اروح بساعتها واسحبها بس من شفت دموعها كلبي نفطر فطر عليها كلت خلي تشوفهم بيج قصص وروايات منقولة ورا شويه رحت بعصبيه جريتها كل قوتها كتلها ماتستحين شسوين انتي ردت اضربها بس كض ايدي اخوها وكال
سامر : بالك تمد ايدك عليها ترا احنه اخوتها وهاي امها
ليث : وهاي مو اختكم هاي فصليتي انه حجيت هيج ورئسا باوعت على نهر وشفت بعيونها كسره جبيره كلت بيني وبين نفسي اخ يالساني ماينكض شويه ردت ارد وكالت
نهر : سامر روح يخوي روح حبيبي وسلمولي ع ابوي انه رايحه يم خالتي
ليث : حضنت امها وضلت تبجي من راحو يا ناس ياعالم احس دموعها جاي تضعفني شنو الي جاي يصير الي فهموني شنو من راحو لتفتت عليه وياريت مالتفتت حجت حجايه خلتني اكره اليوم الي اذيتها بيه خلت ورحت وضليت مشتعل نار وعباس يلح عليه ع ماكتله
ليث : عباس ماطلك نهر وشيلها من بالك ونجوم السما اقربلك منها
عباس : هيج صارت يعني معناها بدت الحرب بينه
ليث : تعجبت من كلمته وكتله احترم نفسك ولاتنسى روحك وي منو جاي تحجي انه الشيخ ليث الفارس شلون تتجرأ ضحك وكال
عباس : ليث الفارس لا اعرفه ولايعرفني بعد وكلشي خلص بينه ومنا وجاي عدوي صار ياذي بنيه مسكينه ويريدها عبده طول عمره اله كله حتى ماياخذها الي يحبها شهالانانيه هاي
ليث : تحبها ؟
عباس : اي من اول يوم شفته دخلت هالكلب وماراح اتنازل عنها
ليث: يحجي وكلبي شبت بيه جمر اذا طلعت نار تحرك الدنيا كلها وكتله معناها اعلنت الحرب ونهر ماتصير الك لوتبقى طول عمرك تنتضرها خليت ورحت ورجعت لغرفتي وكلت اخ يانهر صرت عدو لاقرب شخص الي شويه ورن تلفوني واتصل عليه صديقي عمر
عمر: لك هلا شيخ وينك يمعود جلب العضك كتلنا
ليث : عمر احترم شوي ادبسزز لو العسكريه طيحت حضك
عمر : ضليت اضحك وكتله لك اي هذا ليوثي الاعرفه بس شبيك يخوي احسك ضايج
ليث : اخ ياصديقي مادري شكلك بس سالفه مشربكه (بمعنى مخبوصه ) ومايرادلها تلفون يراد كعده ونسولف
عمر : انشالله يخوي الاثنين جاي واجيك وكلي احجيلي بس شكله الشيخ طايح بحب ثاني ومحتار
ليث : اخ باعمر بس انت التعرف شنو يدور براسي سلم عليه وسده وشويه ودكت لجين وكلتلي ع وضع نهر مادري شنو صار بس الي سويته كبل طفرت من مكاني ورحت عليها جبتها وشلتها لغرفتي وهيه اول ماشلتها جلبت بدشداشتي عبالك وحده طفله وترجع واديها ونفسها حيل حارات اخذتها للغرفه وذبيت عبايتها وحجابه وشفت شعرها السحرني شعرها الي جنه سناسل ذهب وع طولها كمت جبت ماي وضليت اسويلها كمادات حتى تنزل الحراره صارت الساعه 1 الصبح وانه بعدني اخليلها كمادات وهيه تهذي باسم اخوها حسيت بتعب وراها كلت خل انام شويه تمددت بصفها وهيه تهذي جريتها عليها وخليته بحضني وسمعتها تكول .......
..........//////
نهر : باوعتله بنضره حقد وكتله انا اكرهك واتمنى اخلص اليوم قبل باجرمنك مادري شنو اجرئت وكتله هيج بس ضل فاتح عيونه بوجهي مصدوم وساكت خليت ورحت كتلهم اريد اروح للفندق تعبت لجين كالت اي خل اكول ليث ماتتصورون كرهي وحقدي عليه لدرجه تمنيت اموت ويدفنوني هنا ومارجع وياهم بعد شتتحمل ياكلبي عمري 17وشفت الويل كله لوصرت عشرين شيصير بيه اجت ورحنه ماحسيت بشي نمت ع وجهي من التعب وبملابسي كعدت ثاني يوم الصبح شفت روحي موبنفس الغرفه واحس ثكل ع بطني باوعت بصفي لكيت ليث نايم بصفي وايده ع بطني ومبين ستوه نايم شعره منكوش باوعتله بحزن كلت شكد حلو وهوه نايم ليش مايبقى هيج للابد ليش يكرهني بي ودائما يذكرني انه فصليه خسرت اهلي وناسي ودراستي بسبب عادات وتقاليد ترجع البنت الف سنه ورت ردت اكوم ماكدرت كلما اتحرك يزيد بشده عليه لدرجه ختنكت لحد ماعطت ليث ليث ختنكت كوم شو هذا كعدت مصدوم وكلي
ليث : ها نهر شبيج كولي شنو يوجعج بعدج مصخنه
نهر : خله ايده ع خدي وكلي بعدج مصخنه ضليت صافنه كتله شبيه انه رد عليه
ليث : البارحه خابرتني لجين جنتي حيل مصخنه وتهلوسين
نهر : تقرب مني وكال
ليث : نهر انه اسف اوعدج بعد ما تنمد ايدي عليج ولا اسمعج كلمه تاذيج نهر
نهر: راح يلمس خدي بتعدت كتله عيب هالتصرف شيخ انت خاطب وخطوبتك مابقالها شي
ليث : اخ نهر اخ
نهر: كلي اخ نهر اخ وراح للحمام لبست ملابسي وطلعت صارت بوجهي صدف باوعتلي وحجت
صدف : اذا مابتعدتي عن ليث صدكيني اسوي بيح سوايه ماتتسولف وتندمين
نهر: بداخلي خفت وكتله وانه شعليه بالشيخ هذاك يمج شبعي منه ومابقى شي بس نرجع تنخطبون
صدف : انشالله ونطردج باقرب وقت
نهر : خليت ومشيت بسرعه ودخلت للغرفه وراها بدلت وكعدن البنات ردنه ننزل حتى نتريك وجان يصيح علينه .........
شكرا لزيارتكم عالم روايات سكيرهوم
