رواية اوجاع يتيمة الفصل الثالث عشر بقلم جمانه السعيدي
من رجعنا من النجف وراها كم يوم طلعت النتائج ونجحت الحمد لله
وبدا حسام يلح بموضوع زواجنه واني حيل متردده
ما ادري شسوي
خايفه من ردة فعل نجلاء وعمتي وعمي
اتصل عليه حسام
الوووو هلو حبيبتي
...هلووو حسام
اريد اجيب ابويه واجي اخطبج تقبلين
...يا حسام عمي يدري
...وليش ما يدري قابل مسوي جريمه زواج على سنة الله ورسوله
....شلون ونجلاء وعمتي
....هسه مراح يعرفن بلشغله نزوج بلسر مدة وقت وبعدين خليهن يعرفن عادي
لاتخافين حبيبتي
ان شاء الله مراح يصير شي
هسه لاتخربطين افكاري يمته نجي نخطب
هاا ونجيب الشيخ ويانه فد نوب نكطع مهر شكلتي
اطيني مهله كم يوم اجهز نفسي بيهن
خلاص راح ادزلج فلوس تروحين تشترين اي شي تردي
تردين اجي وياج ونختار سويه
...لا خاف يشوفنه احد وتصير مشاكل
اروح اني وعمتي
رحت ثاني يوم اشتريت فستان حلو كريمي وكم ثوب وسيتات نوم ومكياج وعطور
وبعدين رحت للصالون حفيت وصبغت شعري
خابرني حسام هااا كملتي
....وشبيك مستعجل
....يابه كاعد على نار عبالك اول عرس اليه
ولله بعرسي الاول ماجنت متحمس هيج
وفعلا اجه بليل عمي وحسام ولد صديق حسام حتى يشهد على العقد
طلع الشيخ ولولد واجه عمي باركلي وحسام جايب طخم يجنن لبسني
...مبروك حبيبتي واخيرا صرتي حلالي
...الله يبارك بيك
راح عمي وحسام بقه بليلته اتعشى يمنا
وتفقنا نزوج بكربلا
خلال يومين جهزت نفسي وهو دبر عذر انو صديقه مسوي حادث بغداد ويريد يروح يشوفه واحتمال يبقى كم يوم
طبعا عمي يعرف لذالك جان مسيطر على الموضوع
وطلعنا الكربلا وحجزنا بفندق كلش حلو ومرتب
بس دخلنا طلب عشه تعشينا واني دخلت سبحت ولبسة سيت ابيض
حسام هله هله شني هذا الجمال
يابويه الحكلي راح يصير بيه شي من الفرحه
...سلامتك حبيبي الله يحفظك ياسندي وعزوتي
...اسئل الله ان يقدرني واكدر اسعدج طول العمر
ما ادري ليش حسيت ساعتها بخوف
خايفه لايطلع حلم
لان اني مامتعوده على الفرح
نزلن ادموعي ماسيطرت عليهن
....لا لا لا شني هاي الدموع كعدني كدامه على الجربايه ومسح ادموعي بثنيين اديه
ابد ما اريد اشوفج تبجين سمعتي
هزيت راسي اي
تقربلي واخذني بحضنه ونمت للصبح اول مره انام واني هلكد مامنه
كلما افز واشوفه يمي احضنه حيل وانام
خلصنا اربع ايام حيل تونست بيهن ماكو مكان ما رحنا
مدينة الالعاب وحديقة الحيوانات المولات
الحدايق المشاتل
فعلا اسعد ايام حياتي
ورجعنا واني ودي ما افاركه
حسام يجيني يوميه الضهر
بحجت يبقى بلمحل عدهم شغل هواي
وعمي يستر على حتى لا ينكشف
عمتي تتغدا هي وسما بتها الثانيه وتدخل اتنام واني اسبح وابدل واتمكيج وانتضره نتغدا وينام ساعه ويطلع
كال اني راح اجهز النا بيت حتى نسكن وحدنا خو ما نبقى طول العمر ابيت عمتي
...بكيفك حبيبي الي تشوفه ويريح سوي
وفعلا بدا يدور قطعة ارض قريبه وهما اصحاب محل انشائيات ويبني على ذوقه
لكن مامر يوم ماجنت افكر بنجلاء وردت فعلها اذا تعرف ما ادري شراح تسوي بينا
مر على زواجنا اتلث اشهر جنت بيهن بقمة السعاده موعبالك ساعه يكضيها يمي عبالك دهر ابقه اباوع للساعه دقيقه دقيقه لمن يجي انتضره بلباب
اشوف الهفه بعيونه وضحكته الحلوه من يشوفني
يحضني ويبوسني مشتاقلج موت ياروحي
من غير المكالمات اليل كله
عبالك عشاق مو مزوجين
ومرات يدبر حجه يجي بليل شويه ويروح
هلمره تاخرت عليه الشهريه وجنت متامله خير بس ماحجيت لا العمتي ولا الحسام خاف افشل ويطلع ماكو اي شي
طلعت جبت فحص منزلي وفحصت وطلعت حامل ماتدرون اشصار بيه متت متت من الفرحه كوه سيطرت على نفسي
كمت ابجي من رحمة رب العالمين الي ماكسر خاطري وعوضني خير
اجا حسام الضهر ما ردت اكله اله اسوي فحص بلمختبر واتاكد ميه بلميه
ايناس حسام محتاجه كم شغله واريد اروح للسوك
...اي روحي محتاجه فلوس انطيج
...لا شكرا عندي تسلم
كوه مصبره نفسي يمته يجي العصر
ورحنا للسوك اني وعمتي وسويت تحليل وطلعت حامل
ما ادري شصار بيه من الفرحه ما اكدر اوكف
على حيلي
عمتي تضحك ولج شبيج يمعوده لايصير بيج شي
اجرنا سياره ورجعنا
ماكلت الحسام رغم هو خابرني بليل حبيت اسويها اله مفاجئه
رتبت الغرفه وخليت ورد ونفاخ وربطت ثوب طفل بلنفاخات
وبدلة وتمكيجت لبست ثوب قصير وردي والعطر واصل السابع جار
فتحتله الباب هو ضحك شني هذا الجمال يمكن راح اتخبل من وراج
اسم الله عليك حبيبي
حضني وشالني
...يمعود الثوب كصير خاف يطلع شسمه
....ههههههههه
....نزلني عيب
وصلنا للغرفه شاف النفاخ وشاف ثوب الطفل
....شني هاي
...مفاجئه
...انتي حامل
...اي
...تحجين صدك
...اي
...الف الف مبروك حبيبتي
...شكرا الله يبارك بيك ياعمري
...جان احلى يوم مر عليه بحياتي كلها
صار للحمل شهرين ونص وحسام يجيب ويكوم اكل وحلويات خاف تشتهين شي كولي مو يطلع الولد بي نساوه
يوميه الزم بطني واحاجي ابني مدري بنتي
يمته تطلع واكحل عيني بشوفتك ياحبيبي
ورا كم يوم كاعدين والباب تكسر واسمع نجلا تتهدد وتصيح بلشارع
اي عرفت اكيد راح تموتني كلش خفت
اتكسر بلباب كل قوته
وتصيح وينها وينها خطافة الزلم
ولج حقيره مالكيتي غير رجلي تاخذي
بصياحها الجوارين كلها طلعت على الصوت
اني دخلت للغرفه وقفلته عليه
ماخفت على نفسي خفت على ابني لاتضربني ويصير بي شي
عمتي فتحتلها الباب وكامت تحجي عليها
عمتي نجاة عيب عليج لميتي علينا الناس
...عيب انتم تعرفون العيب وينها اليوم موتها على أيدي
الحيه الناعمه اتسوي روحه حبابه وفقيره
وهي ترسم على رجلي اليوم اموتها خلاص
ا
اني سحبت التليفون وخابرت حسام كتله الحك فدوه
خاف تسوي بيه شي
حسام صعد سيارته واجه طاير
وهي تكسر اباب الغرفه يمه من العصبيه توقعتها راح تفلشه وتدخل تموتني
شويه واجا حسام وسحبها وطلعها
وصلت البيت عمي واخذت جهالها وراحت زعلانه عد اهلها
عمي راح وراها ماقبلت ترجع
حسام كال كم يوم تهدء واروح ارجعها للبيت
بقت اسبوع وراح عمي وراها وماقبلت ترجع
عدها شروط للرجعه
راح الها حسام شنو شروطج كولي
اولا اطلك ايناس ثانيا اريد بيت باسمي خوما ابقه خدامه الاهلك طول عمري
حسام ايناس ما اطلكه لو تبقين العمر كله بيت اهلج
واذا على البيت بسيطه
فكري ورجعيلي خبر
حسام من رجعت للبيت وحجيت شروطه الابوي
كال لاتخرب بيتك وجهالك شنو ذنبهم
اني اروح واقنعها واذا على البيت بسيطه
راح ابو حسام وقنعها ترجع ويصير عدها بيت وحدها
من اجا حسام بليل وحجالي الي صار اقترحت علي اقتراح
ايناس حسام القطعه الي اشتريتها اليه ابنيها وخليها باسم نجلاء
جهالك شنو ذنبهم يتبهذلون
لان عدهم محل انشائيات بنو البيت وخلو باسم نجلاء
وما قبلت ترجع اله كمل البيت
وتاثث يله رجعت
حماتي الزغيره ازوجت
بقو عمي وعمتي وحدهم بلبيت
اني طلبت من حسام ارجع وياهم واخدمهم لان خطيه
كبرو والبيت فرغ عليهم
حسام لا انتي مو بشر شني هاي النفسيه الي عليج
رغم كل الي شفتي وياهم
ما تقبلين تعوفيهم
ايناس ذوله اهلي مالي غيرهم
رجعت وياهم بلبيت
لان حامل اخذت الغرفه الجوووه لان ما اكدر اصعد فوك
عمتي اتغيرت هواي مالها شغل بكلشي
وعايفتني بكيفي
احسها بعد موت عامر انكسرت وصارت ذليله
دائما تكول سامحيني اني ضلمتج انتي اصيله شكد
اذيتج وما عفتيني
وبت اختي شكد داريتها وتستنكف تجي تخدمنا
وصل الولاده وبطني الخشمي الدكتور ه قررت عمليه
لان الطفله جايه عرض
جبت بنيه وكمت بلسلامه والحمد لله
بعد سنه من رجعتي ويه ببت عمي تحسنت علاقتي بنجلاء
اني حسنت العلاقه بينا
دائما اشتري ملابس الجهالها وألعاب
وششتري النفسي اشتريتها وياي
حتى مرات اطبخ واذزلهم
هي ساعاتها مو سوه وياي دائما تسمعني كلام
بس اني عاذرتها لان حقها اني اخذت زوجها منها
وحسام زين وياها ووي جهالها
صار ست سنوات زواج وصار عندي بنيه وثنيين ولد
اول خمس سنوات جانن اتسع سنوات عمري
واذني السنوات الي بعدهن احلى سنوات عمري ويه حسام
الصراحه احس حسام يحبني اكثر من نفسه ومن جهاله
وبعمره ما زعلني واي شي اطلبه
يجيبه بدون تردد
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
