رواية فصلية الشيخ اركان الفصل الثالث عشر بقلم رقية
8:00 باوعت علي كام
_أركان ... يلة اني اترخص
_أبو أرق ... هاا بوية وين
_أركان ... اصدقائي خابروني كالو راح نجي يم بيت صديقنة تعال
_أبوأرق ... براحتك بوية خاف ترجع متأخر راح اعوفلك الباب مفتوح
_أركان ... هاهية يلة في امان الله
_أرق ... عرفتة راح يروح الهة لان كاللها الساعة 8:00 اجيج وفعلان راح نفس الساعة ضليت افكر واحرك بنفسي عقلي يكول شكل وكلبي شكل ضليت كاعدة يم اهلي ونسولف صارت الساعة 11:00 بابا وماما راحو نامو ومايا راح الغرفتها واني هم رحت لغرفتي لبست تراك ومددت اتصفح بلجهاز صارت ونص وهوة متكو اني ألك اركان احجي وغصة بكلبي
_أركان ... بعد ماطلعت منهم رحت على بيت أحمد لكيت الشباب كلهم ملتمين ضلينة كاعدين صارت الساعة11:11دقيقة ترخصت منهم وطلعت رجعت للبيت طبكت السيارة فتحت الباب ودخلت تلكاني عمي
_أبو أرق ... تفضل البيت بيتك
_أركان ... زاد فضلك الله يخليك
_أبو أرق ... روح للغرفة كال أرق توهي راحت تلكاها أول متصعد غرفة على اليمين
_أركان ... تسلم يلة تصبح على خير رحت للغرفة دكيت الباب ودخلت لكيت أرق مخلية كاعدة ولازمة الجهاز📱 ومخلية الهتفون باذنها🎧 رحت كعدت يمها أرق طلعيلي ملابسي ابدل
راحت جابتهن الي وماتحجي رجعت كعدت
بدات ورحت مددت يمها حاجيتها ليش الحلو ضايج ماردت احاجي بيها مترد أرق شبيج متردين😠 عفتها ودرت وجهي للصفحة الثانية شوي سمعت صوت بجي درت وجهي واشوف ملاكي مخلية اديها على وجها وتبجي 😭
