رواية قصة زهراء الفصل الثالث عشر بقلم زينب نور
زهراء:رجعت ذاكرتي لذاك اليوم
من دخلت للغرفه وشميت ريحه
موو طيبه
بيومها ماعدنه احد يمكن
لالا شلون اجت ام منال بيومها
ايي والله اجت
ضليت صافنه ساعه اكول هيه ساعه استغفرالله لمن راسي كام يوجعني من التفكير
تغدينه وخلصنه وكفت يم البنات اغسل وياهن اماعين مارضن كعدت
خلصن كالتلي اسماء تعال احف وجهج
لحت عليه رحنه بغرفتها
نظفت وجهي وعدلت حواجبي
وستلمتني سميه صبغت شعري نفس الون
كملن دخلت للحمام نظفت جسمي وسبحت
باوعت وجهي بالمرايه تعدل بس الضعف مبين عليه
والدوخه سطرتني الالم يروح ويرجع بس احسن من قبل
.مر يومين اندگ الباب محد من الولد اهنا بس ابوي
انه بالغرفه واجت امي صاحتني
ياسر:رحت لبيت عمي متلهف على شوفتها
حجيت ويه عمي كال انه احاجيها
شويه واجت هيه وامها سلمت من بعيد وكعدت بصف ابوها
بس ضعفانه ووجها اصفر حييل
محمد:بويه ابن عمج جايج يريدج اتردين وياه
زهراء:ماحجيت سكته
محمد:بنيتي لمني غريضاتج وانتكلي على الله وامشي ويه زلمتج
زهراء:كمت ومتردده اروح لو لا
بس اذا اكول لا ياخذني غصبن عليه
لبست العبايه واخذت ملابس اشترتهن امي كالت لا اجيسين ملابسج القديم باجر اوديلج سميه لميهن كلهن وخل اجيبهن وشامبو غسول بالحمام الج وديه هم
سلمت على امي والبنات وحبيت ايد ابوي وطلعنه هوه سكته
دخلنه للبيت دنيه عصر والجو بده يدفه كاعدين كلهم مجمعين بالحديقه سلمت عليهم وعلى جدي
منال باوعت نفس المتفاجئه بجيتي
خليت ودخلت للبيت صعدت للغرفه
الغرفه خنگه فتحت الشباك
فتحت الكنتور كشت روحي ماجست الملابس
كعدت على الجربايه وتذكرت ومن اتقربلي وصرت مرته
صافنه
ياسر:دخلت كاعده على الجربايه وصافنه حاجيتها ماردت كعدت بصفه خليت ايدي على متنها
طفرت بسرعه
زهراء:طفرت طگيت بالكنتور جفلني
اجه وكف كدامي لزم ايدي وكعدني على الجربايه
ياسر:ياله احجي
زهراء:رفعت وجهي عليه مشتاقتله
كتله شحجي.
ياسر:ليش حالج صار هيج شصار بيج كولي ايي شي بس اريد اسمع صوتج
زهراء:اجيت اكله على السالفه مال السحر
انوب كلت خاف مايصدكني
وترجع السالفه عليه
خل اتئكد اول كتله
ماكو شي بس جنت تعبانه شويه
اباوعله ماقتنع
.كام نزع دشداشته تمدد على الجربايه وسحبني اله خله راسي على صدره
احسه متغير
ثنينه ساكتين كال
ياسر:اتكرهيني مووو
زهراء:سكتت مارديت بداخلي
اكره روحي ومااكرهك
حجه تغيرت نبرت صوته
ياسر:جاوبي
زهراء:رفعت راسي صار وجهي بوجها مااحجي بس اباوعله
تقرب وباسني بكصتي
وخر راسه باسني بخدودي
ونزل على شفتي انه جمدت ماتفاعلت وياه كلبي يريد يطلع من مكانه
وخر ورجع راسي على صدره وحضني حييل
دگ تلفونه ذب ثگله عليه وسحبه من الميز
يحجي بالشغل كالهم باجر اجي ويصير خير
سد الخط وكال نمتي كتله لا
وخر راسي عنه وخلاه على المخده لبس دشداشته وطلع
ستغربت من تصرفه.
منال:متت من شفته جابها واجه
كمت افور ركضت صعدت للغرفه
ودگيت على امي
وينه شغلج هل جابها واجه
ابتهال:على كيفج خل افتهم
منال:راح رجعها وهسه همه بالغرفه
ابتهال:عادي
منال:يممه راح اتخبليني شنهوه العادي
ابتهال:يمته يصير براسج خيل هسه حلى اللعب وابدي من جديد
منال:شلون مافهمت
ابتهال:انه افهمج شوفي
هسه لزم تحبلين
منال:اكلها مايباوع بوجهي
وتريدني احبل
ابتهال:بيها نسوان من اول ليله تحبل انتي شمالج مصخمه اجتج الشهريه وره العرس
منال:لا من انه عدكم من اهدها
ابتهال:حلوو يجوز اطلعين حامل
وشوفي خلي عينج عليها
شسوي ماسوي
وانتي شغلي عقلج شويه
منال:صار سديته منها ودخل ياسر
بس لا سمعني لالا ماسامعني يمكن
هاا حبيبي محتاج شي
ياسر:بس اكفيني شرج وكلشي مااحتاج
منال:هاااا بعدها مااجت شيشتك وودتك عليه هل گح......
ياسر:لزمتها من شعرها لج منو الگح.....
هاااا اشرف منج ومن عشيرتج سااامعه
منال:تروحلي فدوه انعالي يشرفها هي واهلها جاي ادافعلها
ماصالها كم يوم من اصيح اكرهك ماريدك ونافره منك الله اليعلم يجوز عدها ااااحد غيرك
ياسر:لج اسكتين لا بالقران اكسر راسج ادبسززز وطاري زهراء لا اجيبينه على السانج بعد
لا ومحمد ادفنج بمكانج ذبيتها بالكاع وطلعت
زهراء:اسمع صياحهم مافتهمت عليمن
دخل اخذ منشفه ودخل للحمام شويه وطلع لفها عليه
سمعها اصيح لبس شنو كدامه وفتح الباب وراحلها
ركضت وراه
ياسر:دفرت الباب ودخلت
انتي اليوووم ماترديني ارحمج موووو
زهراء:باب الغرفه مفتوح ونزل عليها ضرب وهيه ترد عليه ماتسكت
انه من يمي تعورت
ياسر:ولج جايتلي صايره مره براسي
وتلعلعين بصوووتج بنت الكلب
الملابس صالها اسبوع بالحمام ماغاسلتها وهسه تردين بوجهي والسانج شطوله اليوم انهيج بيدي
زهراء:صعدو كلهم يركضون
دفعتني عمتي ودخلت بالف ياعلي سحبوهاا من ايده
طلع انه متصنمه بمكاني طلعتها للحمام عمتي التفتت عليه
ام ياسر:لا بارك الله بيج ماصالج ساعه من اجيتي علگتيها بينهم
زهراء:هاااي شكلها بالله الحمدالله والشكر دخلت للغرفه كاعد على حافت الجربايه
كعدت بصفه ليش تقهر نفسك ويصعد ضغطك
سحب راسي باسني بگصتي
ياسر:لا تهتمين
زهراء:،اخذ السويج وطلع شويه ودخلت فاطمه
كلتلها اكلج هم احد دخل غرفتي من انه عند اهلي
فاطمه:لا ماشفت احد ليش
زهراء:بس هيج ماكو شي
يِّأَّّسر:رجعت ساعه ٩ بالليل خليت السيارة بالكراج
ودخلت شفت عمي محمد وولده عدنه
سلمت وكعدت
محمد:ايي بويه مادامك اجيت عندي حجايه وياك
ياسر:تفضل عمي
محمد:شوف بنتي رجعتلك وصارت احسن
بس ما سئلتو شجان بيها
ياسر:عمي صاير شي
محمد:خل اكمل يابه
البت من الله ثم ابو فاضل طيبوها
راح اكلكم بس الحجي ماريده يوصل للسان النسوان
صالح:كول خويه شسالفتك
محمد:اسمعو كبل اسبوعين اخذناها لسيد وگال مسوالها عمل
الجد:شهل حجي
محمد:بويه بروح العزاز خل اكمل
ياسر:كمل عمي
محمد:ايي تفز باليل تصرخ وكاضه ركبتهاواصيح لا تخنكني
خذناها للسيد كال هج وهج
البت مسوالها اكثر من عمل وبملابسها وليح راسها وجسمها
والمسويتلها مره
الجد:يااساتر منهي
محمد:مره توها مزوجه وگريبه عليها
ماكل اسمها ولا انطانه شكلها
انطانه الها علاج بس مافاده اخذناها للعباس وهناك طاحت
والحمدالله هسه هيه كدام عينكم واحسن
ياسر:عمي هل حجي يهدم بيوت
لزم نتئكد اول
محمد:انه اجيت اكلكم حتى نتئكد منهي هل بت الحرام
ياسر:تعرفون السيد عدكم رقمه
صالح:شسوي بيه
ياسر:اريده هسه تعرفوه
علي:ايي عندي رقمه واندل بيته
ياسر:اخذت الرقم من علي والعنوان
شويه وراحو كمت اتصلت على عماد اخذت اجاده ٣ايام
على مود افتهم شنهي السالفه
وهاي اكلها شبيج ادكلي ماكوو شي
صعدت للغرفه لگيتها نايمه اجيت اكلها ليش ماكلتي
تمددت وسحبتها على ايدي
ضلت السالفه ابالي منهي الها مصلحه اسوي هيج بس توها معرس منو مناااال لزم اتئكد
نمت كعدت ساعه ٧ وهيه بعدها نايمه
زهراء:كعدت راسي على المخده باوعت شفته متمدد ويباوع للسگف
شنو هوه اليوم موو يروح كتله
ماتروح لبغداد
ياسر:صباح الخير
زهراء:فشلني ....صباح النور
ياسر:انزلي سويلي لگمه اريد اطلع
زهراء:لفيت شعري لبست دشداشتي ونزلت كلهم كاعدي
بالصاله صبحت عليهم كلهم ردو.
بس ام ياسر
دخلت للمطبخ سلگتله بيض كملت واخذتله الريوگ للصاله نزل تريك وطلع
ياسر:مريت على علي اخذته ورحنه للسيد بغير منطقه
للساعه ٨ وصلنه دخلنه وگعدنه
السيد:اتفضلو بويه شسالفتكم
ياسر:عمي احنه جاييلك بشغله وماريدك تردنه
السيد:على عيني ابني انشاءالله اكدر
ياسر:تكدر تكدر حجيتله كتله جابولك بنيه بيها هيج وهيج
السيد:ايي عمي وهاذا الزلمه وياهم
علي:اي سيد انه اخوها
ياسر:كلت مسوالها عمل ومره المسويتلها
السيد:ايي صح
ياسر:عمي هاي بيها هجم بيوت وانه اجيتك بنفسي اريد اعرف منهي المسويه
السيد:بويه من اكول يصير خراب بيوت ومشاكل
ياسر:لا تهتم عمي انه اعرف شلون اصرف واطمئن محد يعرف بجيتي
السيد:والله بويه كلتلكم مره ومزوجه توها وكريبله عليها
ياسر:بعد
السيد:المره طويله وضخمه وجها اسمر وعيونها اصغار
وشامه سوده بگصتها
ياسر:احس الدم صعد لراسي
اشركنه منه وطلعت وكلبي يفور انه الج منال ياهو يخلصج من ايدي
وصلنه للبيت علي راح البيتهم صعدت واسمعها اتخابر ادگلها والله على حطت ايدج زاد ماتعدل
دخلت
منال:_ياله يمه سلمي على ابوي والولد
اشوف ياسر ونجي نزوره
ياسر:شبيه ابوج
منال:مريض
ياسر:حضري روحج العصر ناخذ امي ونروح
طلعت دگيت على.زينب اختي
الوو
زينب:هلا خويه هلا بيك
ياسر:اسمعيني زين تعال خلي احد يجيبج اريدج بموضوع بسرعه
زينب:ياا ساتر شصاير
ياسر:تعاي وانه افهمج
سديته منها دخلت شفت زهراء تصلي
زهراء:خلصت شفته كاعد وافكر شعنده ليش ماراح للدوام
ياسر:انزلي واذا اجت زينب صعديها
زهراء:ليش
ياسر:سوي الكلته وبس
زهراء:هاذا شبيه نزلت نص ساعه واجت زينب كعدت شويه واشرتلها
كامت صعدنه
زينب:خويه والله خوفتني شصاير
ياسر:اكعدي بعد اخوج
التفتت لزهراء انتي هم
زهراء سولفي
زهراء:شسولف
ياسر:انتي شنو مادكليلي ماحاسبتني رجال بعينج شلون اضمين عني هج سالفه هااا
زهراء:ياااسالفه
ياسر:لا تغشمين روحج ابوج اجه وكلي كلشي
زهراء:هسه دريت شجاي تعرف مني
ياسر:من سئلتج كلتي مابيه شي
ورايحه لسيد ورايحه لكربلاء
لج شنو تمشين بكيفج
زهراء:انه مارايحه العب لو اتونس
ياسر:وليش ماكلتي
زهراء:شتريدني اكول اكلك مرتك مسويتلي سحرر
اكيد محد بيكم راح يصدك
راح اطيح كلها براسي منو الي يصدك
امك اصدكني واجذب بنت اختها هااا لو انته اصدك
ياسر:لو كايلتلي بساعته عرفت شلون اصرف
زهراء:شتصرف اذا طلعت هيه والله اله اخذ حكي منها
بشنو اذيتها واجت اسوي عليه
جذبت سكتت بس هسه لا والله مااسكتلها
واذا عبالها انه ميته عليك نفسها خل تاخذك مهنايه بيك بس اكفوني شركم وكلشي مااريد
ياسر:احترمي لا ومحمد اكسر راسج
وانتي خويه انه راح اخذها هيه وامي لبيت اهلها اريدج انفشين غرفتها نفش. ومن اتخلصين دگي عليه
زينب:كلشي ماافتهمت ليش شنو سحر منال ساحره زهراء
ياسر:هسه سوي الكلته وبعدين اتفهمين
وانتي كومي خلي ملابس بالحمام
زهراء:،طلعت زينب خليتله ملابس
ياسر:لا تنزلين
زهراء:دخل خليت ونزلت شفتها كاعده يم خالتها عود اسمعني ياسر راح ياخذها
روحه بلا رجعه نشالله
تغدينه وخلصنه للعصر راحو محد بالبيت بس انه وفاطمه صعدت زينب وصاحتني لغرفت منال وبدت ادور
الميز وجوه الجربايه نفشتها نفش انه دورت بالكنتور
اخر شي سحبت ملابسها وطاحت علاگه سوده مشدوده شد
زينب هاي شنو
زينب:لا اجيسينها انتي جيبيها
زهراء:فتهتها وتعجبت ورقه مزرفه مكتوب عليها مدري شنو وبيها مسامير
وبعد جيس صغير فتحته زينب بيه شلون الطحين بس ريحته نفس الشميتها بغرفتي
شدتهن وطلعنه دگت على ياسر كلها نص ساعه وانه يمج
مرت ساعه واجو ضل كاعد شويه وصعد هيه كاعده بالصاله اجت وراه زينب انطتها العلاگه
شافها اخذها من ايدها ونزل يركض نزلنه وراه هسه انه خايفه ليش المفروض هيه تخاف مو انه
شمر العلاگه بحضنها امه وعمتي سعاد كاعدات
منال:شنو هاي
ياسر:افتحيها انه اريدج ادكليلي شنو
زهراء:اباوعلها توها فتحتها وجها كام ينطي الوان
منال:شنوو هااي
ياسر:تعرفينه
منال:ووو ااانه شعرفني
زهراء:بالحضه مانحس بس صار فوگاها ولزمها من شعرها
وعمتي اصيح
ياسر:لج شنو مضحكه عندج انه اضحكين عليه اسوين اسحوره براسي اليوم انهيج والله
زهراء:سحلها من شعرها للدرج وعمتي تركض وراه احنه واكفين وهيه تصرخ اجو الولد وجدي وعمي من الديوان على الصوت صعد احمد يركض
ياسر:ومحمد ايدخل احطه فوكاها
ام ياسر:والك يمه خل نفتهم شصاير
ياسر:شتفتهمين الخاطر الله هاااي بنت اختج سويتيها براسي ملاك
جايه اذب اسحورتها ابيتي
زهراء:سد الباب ومانسمع بس الضرب وهيه السانها شطوله
منال:موو انه هاااي هيه حالتك عليه انه شمدريني
ياسر:لج اجذبين بذني سمعتج
وبملابس لكيناها
منال:هيه خلتهم بس اتريد اسوي مشاكل بينه
ياسر:ومحمد انهيج لج منين اجيتيلي انتي من ياساس حقاره ونذاله هاااا ادبسززز ماخفتي اتمووت يصير بيها شي
انتي من يوم العرس السود انشالله ماطلعتي من البيت يااهووو الجابج على هاذا الدرب احجييي
منال:موووو اااانه
زهراء:كسر احمد الباب ودخل وجها مدمه طلع ياسر دخلت خالتها
وهيه نفس صلافتها ماشايفه انه لو هاذا الضرب كله بيه متت جوه ايده
عاطت عمتي الله لا ينطيج خربتي بيتي
رجعت عليه رجعت للغرفه شفته مدنك يغسل براسه ربع ساعه تقريبا صااح جدي ونزلنه كلنه بالصاله وكلهم صيحو منال
نزلت وعينها وكحه
الجد:احجولي كلشي
زهراء:حجاله ياسر كلشي
هوه يدري بسالفه السحر بس مايدري منو مسويه
الجد:ياسر عندك شاهد على حجيك
ياسر:جدي علي كدامه حجه السيد وهاي العلاگه بغراضها
زهراء:وده جدي على علي شويه واجه
صاح جدي الكل يتوضه وجيبولي القران
جبناه اله اخذه وصاح على منال وعلي وانه وياسر
الجد:اذا انتي مالج ايد بهاي السالفه خلي ايدج على كلام الله واحلفي
منال:مااااحلف موو انه
الجد:مادام موو انتي احلفي
ياسر:جدي وحده كلبه مثل هاي حتى تكدر تحلف على كلام الله جذب
الجد:خلي ايدج وحلفي
زهراء:ضلت تلح مااحلف ومااحلف كاملها ياسر كلها انتي المسويه وبعد ضله عندي ماكوووو
دگ على اخوها كله تعال اخذ اختك
وعمتي ماراضيه على ياسر صافه وياهااا
ياسر:يمممممه دخيل محمد اسكتي
ادافعيلها لئن بنت اختج
ام ياسر:والك مووهيه شعرفها بهل سوالف
اجت هاي ترست راسك وشيشتك عليها كلها من جوه ايدهااا
زينب:يمممه واحد يحجي الحگ لو يسكت
انه بيدي وبعيني شفتها العلاكه من جوه ملابسهااا طاحت
ام ياسر:ايي موو بعيده هيه خلتها
علي:شالقصه عمه لهنا وحدج البت وصلت الموت وانتي جايه اذبيها براسها وتبرين بنت اختج
بعينج اجيتي وشفتيها عباره عن ميته لمن رحنه للسيد واذا تردوون والله اگاوم عشيرتها واجيب السيد واشهده على كلشي
ياسر:انه رجعه الي بعد ماكووو تحلم وورقتها تروح وراهاااا
ام ياسر:ولك يمه اذكرر الله مريتك هسه جنها جاهل وغلطت
ياسر:هههه جاهل شنو جاهل لو وحده من جناينج غيرها هم كلتي جاهل موو جاهل الي اسوي هج وتخرب ابيوت
راح يجي اخوها وتولي وياه وباجر انه عندي غير حجي ويه ابووها
ام ياسر:يمممه لا تكبر السالفه جنها غلطت
ياسر:رحمه لهلج اطلعي منها
زهراء:مافتحت حلگي بكلمه راح علي وياسر صعد اجه اخوها واخذها وعمتي تتحسب وتغلط وتدعي عليه مارديت عليه خليت وصعدت شفته متمدد
ياسر:تعاي
زهراء:رحت بصفه سحبني عليه
حضني كتله طلگها
ياسر:اممم
زهراء:بس اكلك سؤال امك شگلبها عليه
ياسر:لا ادكولين امك كولي عمتي
زهراء:عمتي امك هي واحد
بس من يوم الجبت مرتك انگلبت كلاب
ياسر:سدي الموضوع كافي مالي خلگ
زهراء:وخرت عنه ردت اكوم
ياسر:اررجعي
زهراء:اريد انزززل
ياسر:كلت اررجعي
زهراء:الصبر الهي
ياسر:شگلتي
زهراء:التفتت عليه ماكلت شي
سحبني من ايدي حيييل
ياسر:زهراء جري عدل احسلج
زهراء:تمددت ودرت وجهي عنه
ياسر:دوري وجهج
زهراء:درت عليه قرب راسه يبوسني
كتله لا عبالك نسيت شلون خذتني
ياسر:ايي وهسه شتردين
زهراء:😒
ياسر:لاتباوعين هج عيون تره اعميهن
زهراء:مارديت عليه سحرني على ايده ساعه يرزل وساعه يحضن مابادلته
غفيت فزيت باوعت الساعه ٨ امئذن المغرب هوه ماكو نازل يمكن
نزلت توضيت ودخلت بغرفه بيبي صليت
وطلعت وكفت ويه فاطمه تحضر بالعشه بس اشوفه وجها اصفر
شبيج
فاطمه:لعبانه نفسي
زهراء:خاف حامل
فاطمه:يمكن صالها ٥ ايام من فايتتني
زهراء:كلي ل احمد يجيبلج اختبار وتئكدي
مرر الوكت تعشو وخلصو وكعدو بالصاله يشربون جاي بس ماجابو طاري منال مافتحو السالفه بعد
كال جدي بويه انزعن الاسود مايصلح
ضلو جاي وسوالف للساعه ١١ كمت صعدت تخذتلي ثوب ربع ردان يوصل جوه الركبه ابيض وبيه ورده ناعمه لبستها وكعدت اعدل بشعري
دخل ياسر باوعلي
ودار وجها كمت طفيت الضوه شفته متمدد بلا فانيله
رحت للجها الثانيه تمددت وتغطيت
اجه لزك راسه على مخدتي
كتله شكوو
ياسر:اريد هاذا الحلو مالي
زهراء:وخر عني لا انزل انام على الكاع
ياسر:اهووو انتي زوتيها هواي شو تعاي
زهراء:سحبني صرت جوه لزم ايديني بيد وحده ودفن راسه برگبتي
كمت اضوجه احرك راسي منه ومنه
هههه اضحك عليه بداخلي
ياسر:وووبعدين نضل للصبح هج
زهراء:عوو....قاطعني ابوسه على شفايفي
جمدت بس احس مشتاقتله بادلته وحسيت على روحي وكفت وخر عني ويلهث حيييل
وسحبني لحضنه وعشتنه اجلى ليله وانه بحضنه واحس بحبه ولهفته عليه
ياسر:احبببج
زهراء:شنوو
ياسر:احبببج زهرتي
زهراء:اول مره ينطقها همستلها على كيف
وانه هم
ياسر:انتي شنو
زهراء:احبك وغطيت وجهي بديه
ياسر:هههههه اروح فدوه لهل حلگ الگالها بس طلعي وجهج وباوعيلي وكوليها
زهراء:يااااسررر
ياسر:تره ماعندي شي اضل كاعد للصبح لمن ادكوليها.والله
زهراء:تقربت عليه رفعت وجهي لوجها اححبببك احببببك
ههههههه
ياسر:وانه امووووت على ربج
زهراء:ضميت وجهي لصدره ويهمس كلام غزل وساعه يضحكني وكلساعه يگلي عوديها
للفجر ياله نمنه........
شكرا لزيارتكم عالم روايات سكيرهوم
