رواية معالج الروح الفصل الثالث عشر بقلم جمانه السعيدي
معين...ثاني يوم رحت الساعه تسعه الصبح دخلت سلمت على ام ساره وصعدت المروه
دخلت لكيته كاعده لابسه تراك ابيض واسود ورافعه شعرها
وخاله مكياج هادء وعطر بلغرفه كلش طيب
معين...صباح الخير
مروه...صباح الخير شوف النشاط اليوم كعدت من وكت وأخذت حمام دافي ومنتضرتك
معين... عفيه اريدج هيج دووم
مروه...بس انت ابقى يمي واني اصير أنشط وحده بلعالم
معين..... بس اني زعلان منج
مروه...يااا ليش زعلان
معين...يعني اني ابذل كل هذا المجهود واتعب وانطي دروس وشاغل نفسي
وانت تجين بكل بساطه تردين تنهين كلشي
مروه...لحظة ضعف اني بهاي الدنيا ماعندي شي اعيش علموده
من انت دخلت حياتي وبهذا الاصرار بدا شي يتغير بنفسي
لان كل الي قبلك اول يوم وينهزمون
بس اصرارك اني اتعالج وتتحسن صحتي رغم انت ماتعرفين ولا اقاربي ولا صديقي
مجرد انسان تعاطف وياا حالتي ويريد يساعدني
اكو شي تغير بنفسي على الاقل رضيت اتعالج حتى ابقه اشوفك واحجي وياااك
انت اكثر واحد فاهمني
امي الي هي امي مافاهمه مشاعري ولا مهتمه بيه
اهم شي عدها مااغلط خاف صورته تنهز كدام الناس
بس ماتحاول تقرب مني وتصادقني
لكيت نفسي متعلقه بيك وانتضرك كل يوم
الف مره لمحتلك بس انت مطنشني ردت اعرف مشاعرك
اتجاهي شنو
لمن انت صدمتني وكلت اني مجرد معالج
حسيت بخيبة امل
بعد المن عايشه اني محد يحبني ويهتم بيه
قررت انهي كلشي واخلص جمانه السعيدي
اذا تبقى ماتريدني وامي تعاملني هاي المعالمه مااكدر اتحمل
اني من داخلي كلش ضعيفه
معين...تفكير كله غلط تعلمي تعيشين النفسج
حبي نفسج انت تستاهلين تنحبين ماناقصج شي
بعدين هاي الحاله موقته يعني انتي مانولتي ماتمشين
حتى تكولين ماكو امل
مجرد حادث لازم تتعلمين تحبين نفسج وطوريه
فهمتي لو لا
اني صممت استمر وياج لان حالتج كانت نفس حالتي
اني حاس بمشاعرج
أصعب شي بهاي الدنيا امك وابوك موجودين وانت عايش يتيم
عايش حرمان عاطفي صممت اساعدج
لان انتي مالج ذنب بكلشي صار وياج
فهمتي لو لا
مروه...فهمت
معين...يله نبدي
مروه...يله نبدي
معين اشتغلنا هلمره بذمه وضمير تدريبات مكثفه
حتى اذا اني مااروح هي تصور لي فديوات وهي تسوي التماربن
خلال سنه وحده من العلاج تحسنت حالته بشكل جبير
كامت تمشي على العكاز خطوات بطيئه
اذا استمرت اكثر ممكن تستغني عن العكاز
معين...كل جلسه بلمستشفى تتصل على ابوها ويجي يحضر الجلسه
وجود ابوها قريب عليه حيل حيل فرق على نفسيته
يبقى كاعد يسولف عليه منا لمن تخلص الجلسه
وجيبله هدايه وحلويات
مهتم بيه عبالك طفله زغيره
يمكن يريد يعوض الوقت الي انحرم بي منه
بيوم كانت اكو جلسه بلمستشفى بعد ماكملت الجلسه
وودعت ابوها
دار بينا هذا الحديث
مروه....ممكن تجي تطلب ايدي من امي
يمكن اني اكثر وحده جريئه
بلدنيا بس اني احبك ومااتخيل حياتي من دونك
معين...اصلا اني الي انتضر هذا اليوم بفارغ الصبر بس
اني ماعندي مكان للزواج
لازم ااجر بيت جبير لان اخذ بيبي تعيش ويانه
اني مراح اعوفه بلبيت واطلع
بيبي تعبت عليه كلش هواي ومراح اكدر اعوفه
اذا انجر بيت جبير راتبي كله مايكفي ايجار
ومااكدر افتح عياده بلوقت الحالي بعدني مامكل المده القانونيه
اذا اتقدملج وامج كالت شتكدر تقدمله شكووول
لازم نكون واقعيين
مروه.. بس خطبه ولمن نشوف حل يله نزوج
معين...اني راح اجي افتح الموضوع وياا امج حتى لا تكولين انت تتهرب مني
واشوف شنو ردت فعله
مروه...خل احجي وياها اني بلاول واخذ الاوكي وبعدين
الله كريم
معين...تمام اذا وافقت اجي اتقدملج
مروه رجعت للبيت
وبقيت انتضر ماما
شفته اجت من برا ودخلت الغرفة المكتب كبل
كل وقته للشغل واني مرات تنسى تسئلني شلونج
اكو انتخابات جايه والوزير مطمعه تاخذ منصب اكبر
كل وقته شغل واجتماعات
كلش قليل تجي للبيت
مرات يفوت يومين واني ماشايفته
دخلت امي للمكتب واني اجيت امشي على عكازتي
مروه...شلونج ماما
الهام...هلو حبيبي شلون صرتي
مروه...احسن تمام الحمد لله
طبعا تحجي وياي وعندها ملف عينه علي وتنقل ارقام
مروه...اريد احجي وياج بموضوع مهم يخص مستقبلي
الهام...اي احجي اسمعج
مروه...ماما انتبهيلي شويه
الهام...اهووو ماتشوفيني مشغوله احجي وفضيني شتريدين
مروه...انتي كل عمرج مشغوله بعمرج مافرغتي نفسج علمودي
من جنت زغير بابا كان مهتم بيه طول الوقت
وانتي كلما احتاجج ماالكاج
اني بنتج شوفي شمحتاجه
الهام...باعي مروه اني بفتره حرجه ومحتاجه كل ثانيه
تمر عليه لازم اشتغل على نفسي
اني ممكن افوز بلانتخابات
تعرفين شنو افوز يعني ينطوني منصب اكبر
بعدين انتي شنو ناقصج الحمد لله اتحسنت حالتج هواي
واحسن من قبل
ليش ماتساعديني يعني روجي للحمله الانتخابيه
اذا اطلعين للناس هيج كله راح تتعاطف وياي
انتي هلمره ساعديني
مروه...شنو قصدج هيج تردين اجدين أصوات براسي
الهام...وشكو بيه خل الناس تتعاطف وياج
واني افوز
انتي ماناقصج شي الف وحده تتمنى تعيش بمكانج
خدم وحشم وفلوس بعد شتريدين
مروه...انتي بس هذا الي تعرفي عني ماتعرفين اني شمحتاجته
شنو متعبني من شنو اشكي
ماما اني محتاجتج بحياتي
كل مااشوف البنات يطلعن ويحجن ويشارك امهاتهن
كلشي اضوج انت مجاي تهتمين بيه
سدت الملف بعصبيه وزخمت بيه انت ماتفتهمين مو اكلول
مشغوله بمكان ماتستعديني جاي
اذكرين ايام ابوج الفكر
احجي وفضيني شتريدين
مروه....اكو واحد متقدملي واني احبه وعاجبني يريد يزوجني
الهام...شنو شنووو اي زواج هذا لازم تكملين دراستج
وتطلعين للخارج تاخذين ماجستير ودكتورا
بعدين اني ماااريد انطيج الاي احد
لازم واحد ثكيل وعندا منصب يصعدنا ويااا
منو هذا الي ضحك على عقلج
ويريد يزوجج
مروه...يمكن انتي نسيتي اني عاجزه مااكو احد راح يقبل بيه بهذا وضعي
الهام...شبي وضعج تخبلين ماناقصج شي
احس الشباب تتمناج
ومنو هذا الي ضحك عليج ويريد يصعد براسج
مروه...معين اني احبه وهو يحبني
راسا وكفت وعيونه اطير شرار
الهام...شنو شنو ياا معين
هذا الحافي يريد يزوجج انتي
لا انتي تخبلتي
زواج ماكووو ومعين بعد ماتشوفينه بعيونج
واذا عاندتي يامروه
وحق ربج الي خلقج اخليهم يخفونه ورا الشمس
شلون ضحك عليج شلون قشمرج مبين فقير وهو كل البلاوي من ورا راسه
انتبهي النفسج ولا تخلين بالج يم الزواج
عبالي ابن الوزير ابن رئيس الوزاء
جايبتلي معين الحافي تريد تزوجه
بله مااستحه على نفسه شلون يفكر يباوعلج
صدك ناس ماتستحي
بس انتي خوش صيده مال وجمال ومنصب
شلون يفوتج من ايده
احذرج الاخر مره اذا تريدين هذا الولد يعيش وياكل خبز
انهي كلشي وياا
ومن باجر اني راح اتفق وياا بنيه تعالجج
مروه..كمت وعدلت العكاز
كل الامراض الي عندي انتي السبب بيه اني مراح اعوف معين ولا راح استقبل اي معالجه غيره
واذا وكفتي هلمره بطريق سعادتي اكتل نفسي خلاص
الهام...الجهنم الحمره خلصيني شكد غبيه رايحه تحب معين
امداج طالعه فكر على ابوج اني صوجي ماازوجت
وجبت كم طفل بمكان ماباقيه عليج
انتي ماتستاهلبن تضحيتي علمودج
مروه امي تحجي بعصبيه فاتت من يمي ودفعت العكازه برجله ووكعتني بلكاع
ومشت وحتى مالتفتت عليه
كعدت وكمت ابجي معقوله هاي امي تنحسب على الامهات
وين الحنيه ووين التضحيه
مو ام هاي ام اربعه واربعين
قررت اخذ ملابسي واروح اعيش بيت ابوي
ساعته اكدر ازوج معين بكيفي
خل فلوسه والمناصب يفيدنه
بليل اتصل معين يطمن عليه
بس ماجبتله طاري ابد بكلشي الي صار بيني وبين امي
ثاني يوم الصبح جمعت ملابسي وشغلاتي وأخذت السايق وصلني المحل ابوي
بس شافني وكف وكفه وحضني
مروه...اني خلاص اجيت اعيش وياك
بابا...هذا احلى يوم بحياتي تعيشين وياي
هسه اخذج اعرفج على اخوانج يتمنون يشوفونج
كل مره من ارجع من المستشفى
يبقون يسئلوني عليج
اخذني بابا الببته
بيتهم بسيط بس يجنن
عندي اخ اسمه محمد عمرا سبع سنوات
واحد ثاني اسمه علي اربع سنوات
ولوله سنتين
دخل بابا قبلي وكاللهم مفاجئه هاي مروه
اجت زوجت بابا وحضنتني وبقت تبوس بيه وكانما تعرفني
من زمان شكله كلش حلو ملامحه هادئه
كلامه يخبل حسيته صدك فرحانه بيه مو تمثل
واخواني يردون يكودوني حتى ادخل
كل واحد كامش العكاز من جهه ويسحبها
دخلو غراضي اني كنت حاسه بلفرح والأمان واني بنصهم
حارو شلون يعبرون عن فرحتهم بيه
جابولي العابهم اشوفه حتى ملابسهم مشترين ملابس جدد هم جابوهن
كل واحد جابلي من حلوياته
زوجت بابا كل شويه وكالت البيت نور
شتحبين اطبخلج
مروه...شكرا مااريد اتعبكم وياي
...ماكو اي تعب انتي ماتعرفين شكد نحبج قبل لا نشوفج نحبج هلكد ماابوج يحجي عنج
قررت اتصل على معين واحجيله كلشي صار وياي
مروه....هلو معين اني بيت بابا
معين...شعجب
مروه...صارت مشكله وياا امي وطلعت
معين...هااا خير ان شاء الله
مروه...بلكت تحس بيه شويه اني بيوم الجلسه اجي للمستشفى واحجيلك كل التفاصيل مع السلامه
معين...كنت متوقع امه ترفض امه مو سهله ابد
وكلشي بلدنيا بلنسبه اله لازم يكون االه ثمن
حتى سعادت بته لازم تكون بثمن
انسانه متسلطه وماديه
ومستحيل تقبل بواحد فقير مثلي
السايق بعد مارجع للبيت اتصل على الهام
وانطاها خبر مروه راحت الابوها وأخذت ملابسه
وياها
معين...اليوم الي بعدا منتضر مروه يجيبه ابوها للجلسه
تفاجئت ثنين لابسين مدني يسئلون عني بلمستشفى
اجو عليه ..
...انت معين
....اي نعم
...احنا الأمن الوطني عليك بلاغ لازم تجي ويانه حالا
معين...بلاغ من منو
...تفضل وانت تفتهم شنو السالفه
اخذوني واني مااعرف شنو القصه
ونفس الشي وياا ابو مروه
الله يعلم شنو المصيبه الي دبرته النا الهام
