رواية انا والغريب الفصل الثالث عشر بقلم هبه حمزة
...بعد مسمعتهم يحجون قررت انو لازم اكعد واحجي ويه
ياسر غامض حيل انسان مليان اسرار ......*
طبيت وسلمت عليهم و عله ياسر وكعدت
.........بيبي استذنت وكالت اروح شويه وارجع .
قبل ليحجي ياسر
.....التفتت عليه وكلت ..... اريد نطلع اليوم عندي موضوع وياك...
.....التفت مستغرب من طريقه كلامي
ياسر "........أي نطلع وتكدرين هسه تحجين الموضوع
منار"..... لا من نطلع احجي...
ياسر ".......خل اكوم استأذن من الحجيه ونطلع .. |دائما ياسر يسمي بيبي الحجيه|...
منار".... أي يله..
رحت صحت بيبي يحجي وياهة
.....بس موافقت
بس هوة كدر يقنعهة بطريقته ...*
مشيت اني ويا وصعدنه بالسيارة وطريقه كله ينافخ يدخن...!
منزعج اكثر مني...
وطرريق كله ساكتين لمن كسر حاجز الصمت وكال.
....وين نروح حته نحجي بموضوعج المهم الي تكدرين تحجي بالسيارة. ..! بس انتي مدري شبيج..؟
منار"......التفت اله وطالعه روحي منه كلت
...........شوكت ناوي تحجي عن اسرارك....!
عقد حواجبه وكال
ياسر"........ يا أسرار. .....؟
منار"......يعني تريد تقنعني ماعدك اي سر ضامه عليه......!
ياسر".......سالفتج يرادلهة كعدة عله شط لو نهر خل نروح لدجله احسن وهناك نسولف....
منار...بعد محجيت ويا ابد فوكاهة ينكر..... لمن وصلنه فعلا واخذني لدجله وكعدنه هناك
باوعلي وزفر نفس وكال
ياسر".........راح احجي كلشي بس باعي كلمه وحدة متطلع منا خووش ،
ولا عبالج احجي خايف منج...
لا ترة بس لأن صرتي زوجتي الج حق تعرفين.. . عن ماضي وحياتي
منار....بس هزيت راسي واباوعله
ياسر".......اني لمن اجيت لهل دنيه نولدت بدون لا ام ولا اب لا عبالج بس انتي ما عدج اهل لا ترة
اني هم لا ام ولا اب بس... تختلفين انتي عندج بيبيتج تسوة حنان الام عله بنتهة تعرفين لو لا..
راح احجيلج معاناتي والشكوى لله بس مو لحد ترة...
لمن نولدت لكيت نفسي بيت خالتي وجان زوجهة يكرهني حيل وجان دائما يضربني حته الي اسمهة
خالتي بالاسم هم نفس الشي من شافت رجلهة شلون يعاملني هم صارت مثله......!
تخيلي أرجع من دوام جنت سادس ابتدائي تستلمني نضف طرمه واغسل واني بعدني بهدوم دوام نوب بعدين يجي رجلهة ياخذني ويا ادك شغل من 3 لل12 بالليل ياله يهددني وفوكاهة فلوس تعبي ياخذهة هوة
ويا ريت يطيني ربع جنت اروح للدوام ويايه جهاله 2 ولد هم يطيهم ومدللهم واني يشوفني اباوع عليه يضربني ويكلي لتخزر ولك....
واني ولا يمهم بس اباوع واتخايله ابويه هم يطيني مثلهم ، اني نحرمت من الام والاب من طفوله
......................علموني القسوة من كد ما ضلموني
اكيد هسة انتي تكولين اهلة وين......!
اهلي اوف يا اهلي الي اسمهة خالتي من كبرت بهذة عمري ياله حجت الي شنو قصتي .....
بيومهة امي جانت حامل بيه بدايه حملهة اكتشفو ابويه بي سرطان وضلو ثنينهم يحاربون بالسرطان وشكد رادو يعالجو ماكو امل تالي
امي من دخلت بشهر التاسع توفة ابويه الله يرحمه ...... بس أمي من صدمه صاير عندهة طلوك
ماخذيهة ويه ما جابتني ماتت بساعتهة جابتني وماتت.......
ومنا بدت معاناتي يمكن حته من جنت طفل يعذبوني بس اني ما أتذكر....!
بيوم من الايام جنه راجعين من دوام لكيت ولدهة لخالتي متعاركين سوة بيناتهم فواحد ضارب ثاني
بس واحد منهم راسه مشكوك اخذتهم للبيت .......
بدل ما سويت خير.... اتلكوني بالضرب
بوكتهة لي هسة اتذكر شكد ضرب بيه رجل خالتي شكد ومن خلص وتعب اجت مرته كملت عليه
وتكلي
.......ليششش ولك فككرر فكرت اهلك وهسه تريد تموت جهالي
وراهة بطلوني من مدرسه وصار عمري 12 سنه واني ادك شغل الهم ما خليت شغله ما اشتغلتهه
ولا مرة اطوني فلوس
تالي مرة كعدو جيران جدد يمنه وجان عدهم ولد تعرفي منوو......! امميررر هوة الولد
وتدرين منو خالتي ....! الي شفتيهة بالبيت من خطفتج هية هاي ام شيله البيضه شفتي وجهة شلون
نوراني الي يشوفهة. مووو يكوول ملاااك هااااي..... وهية هه أكبر ضالمةةةة .......!
من كعد امير يمنه حياتي بدت تتغيرر اشكيله وهوة يصبرني فد يوم طلعنه اني ويا كلت اليوم ما اشتغل عناد بيهم حته بوكتهة اول مرة احس نفسي حررر
طلعنه وتونسنه بس الفرحه الي ما تمت
وية رجعتي لكيت خالي واكف ولازم حديدة واكف بالباب ينتضرني .....
من شفته جلبت بأمير. .... بس امير مرضه افوت للبيت
ورجل خالتي جرني من عده
.....بس بوكتهة ابو الامير جان ضابط وهيبه واله كلمه بالمنطقه صارت ومعروف
ويه ما خالي ضربني عله ضهري بالحديدة شطت بس وياهة طلع أبو امير وشافه
هوة شافه وهوة تخبل بوكتهة صار صياح والمنطقة كلهة التمت
تالي اخذ رجل خالتي بسجن لأن شافو الاثار الي بجسمي ورفعو عليه دعوة
وخالتي بوكتهة بس تتوسل بام امير حتى رجلهة يطلع رجل خالتي الك****
بس هية مرضت وهاي فترة كلهة جنت كاعد يم ام امير وفد اعتنو بيه وكله ملابس واكل وترتيب بحيث جنت اتمنى بس ابقه يمهم
.......بعد فترة شهر يمكن طلع رجل خالتي وتعهد بعد ميضربني
مرت ست اشهر مرتاح ورجعت اداوم بالمدرسه بس جان خبر صادم من قررو اهل امير يشيلون من منطقه
.
.....بوكتهة حته بجي بجيت ورة امير بس ابو كال كل اسبوع نجي نشوفك.....
بس وراهة رجعت معاناتي شغل بشغل وامير نكطعت اخباره كامو ميضربوني بس يشغلون بيه
اهم شي فللووس عدهم اذا ماكو كولي انته بالشارع....
لحد ما كبرت وجان حلمي اصير مثل أبو امير ....
مرت سنين بس راح اختصرهة الج طلعت معدل بالسادس يوديني للكليه عسكريه
ومنا بدت حياة جديدة وعالم جديد بعيدا عن ناس ضلاام
اول سنه بالعسكريه قررت اشيل من عدهم ومحد اعترض ابددد بالعكس كيفو خلصو مني
.......بس قبل لا أطلع شكلت الهم |مسلمكم بيد الله هوة ياخذ حقي منكم وحسبي الله عليكم|
كلمات كلتهة بس احس ادمرت بوكتهة واخيرا خلصت من عذاب سنين وياهم ....
وهاي كلشي بس اني مو شامت بيهم بس الله عاقبهم تدرين شلون
رجلهة صار بي مرض خبيث ومات وشكد طلبني اجو ولده كالو طالبك هوة عله فراش الموت بس اني ابد مرضيت ولا رحت
بعد فتره من تخرجي وترقيت جنت كاعد بالمكتب طبت مريه جبيرة مبين عليهة التعب
باوعت عليهة وركزت............! خالتي هاااي
شفتهة اجت ورادت تبوس ايدي بس دفعتهة ومرضيت
ياسر"......شعدج هنا طللللعييي بررررررة
.........بروح اهلك اسمعني ولدي ذبوني بالشارع الله يخليك ما عدي احد غيرك.....
ياسر".......هسة عرفتيني نسيتي تعذيب والكتل والشغل هسه حبيتيني لو بس وكت المصلحه ....
...........الله يخليك خليني حته لو خدامه يمك
ياسر".......طلعي بررررة هاي اخر مرة اكول
شفتهة كامت وتمشي بانكسار
اجذب اذا اكول نقهرت عليهة بس من رجعت للبيت بالليل ضليت افكر كلت خليهة حتة لو اخليهة تنضف بالبيت يمي
ثاني يوم دزيت جماعه يدورون عليهة وجبتهة للبيت وضلت وحدهة كمت ما اطبله احس اتعب نفسيا من افوتلهة رغم هية معتنيه بي إلى درجه بس كاره البيت والي بي
......قررت اشتري بيت جديد ....
ورحت الهة وكلت البيت صار الج بس ما اريد اشوفج بعد وتركتهة من سنين
بس من اخذتج لبيتي دزيت عليهة تسويلج اكل ولمن شافتج ضلت تسأل بس سكتتهة اني
وحذرتهة ااذا تحجي كلمه زايدة وياج .... لأن البيت مليان كامرات
بس من شفتهة تسولف وياج دكيت عليهة وكتلهة تطلع من بيت بسرعه احسهة مكروهة من حجت وياج لوثتج وانتي انسانه نادرة ما اريدج تحجين وياهة.......... وهاهية هيه هاي الاسرار. ....
منار"......هو يحجي واني دموعي تصب ما ادري نقهرت ما اعرف ..... بس بجيت هواي من شافني هيج
.......راح كعد عله نهر وصافن ويدخن.
مدري شلون اتصرفت هيج.....رحت وحضنته بقوه......
